الرسالة الأصلية كتبت بواسطة musleem
معلومة اقتصاد دبي اقوى اقتصاد
وانت بس انتظر سنتين على الكويت وتسكر عليهم كلهم وتمسك اقتصاد الشرق الأوسط بيدها
--------------------------------------------------------------------------------
وللعلم من علامات يوم القيامة
ان الجزيرة العربية تصبح جنات تجري من تحتها الانهار وينتشر الفساد
وتخسف
انا اول ماشفت الموضوع تجاهلته والله..لأني أعرف أنه أكثر شعب مرفه بالوطن العربي كله هو الشعب الإماراتي. من بعده الكويتي..مرفه من كل النواحي سواء الاقتصاديه أو الثقافيه أو السياحيه أو التقنيه....مع احترامي للشعوب الاخرى لكن هذي الحقيقه
بس ردك هذا خلاني ارد عليك...الحين اقتصاد الإمارات كلها اقوى اقتصاد في المنطقه العربيه والشرق الأوسط...ياريت الناس والعالم تفهم أنه مدينة دبي جزء من دولة الإمارات..والحكومه وحده...والشعب واحد بعد..
عموما الدوله اللي يكون اقتصادها قوي...لازم تنوع مصادر دخلها...يعني مثلا بلإمارت عندنا وصل اعتمادنا على النفط لنسبة30%أو اقل..بينما الكويت 91% وقطر78% المصدر(كتاب الخليج الإقتصادي السنوي)اللي يصدر كل سنه من جريدة الخليج ويتكلم عن اقتصاد دول الخليج....دش على موقع جريدة الخليج أعتقد بتحصله..
مثلا أحنا اقتصادنا قوي ليش؟؟لأنه عندنا 3 قطاعات ناميه نمو غير طبيعي هالايام..وهي...قطاع السياحه..وقطاع تقنية المعلومات..وقطاع ألإعلام..يعني نحاول أنه ننوع مصادر دخل الدوله..مو بس كله ع البترول والكيماويات.....
أما من ناحية الوظايف فأنا قيت مره من المرات أنه الكويت حققت اقل نسبة بطاله في المنطقة...ولو أنه في الإمارات بالفعل مافي بطاله وماراح يكون في بطاله باذن الله لأنه بين كل يوم والثاني نسمع عن مشروع ضخم في دبي او في بوظبي وطبعا هذي المشاريع محتاجه لأيدي عامله إماراتيه..علشان جذي بإذن الله الأمن الوظيفي مستتب بالامارات....
وعلى فكره...الإمارات هي مركز الإقتصاد(الحر)في الشرق الأوسط كله..لأن دبي أكبر منطقه جذب استثمار أجنبي بالمنطقه..ولو أنه انا ماأشوف اي بادره تدل على أنه الكويت راح تمسك اقتصاد الخليج على الأقل....لأنه بصراحه قطاع السياحه وقطاع الإسثمارات الأجنبيه ماحد أردكها عدل الا دولة الإمارات..علشان جذي الحين اهيthe economical center in the medal east...اي المركز الاقتصادي في الشرق الأوسط....
في نقطه ودي اقولها بس أخاف تسبب حزازيه......أنه انا حاس أنه اٌمارات بنظامها الغربي في العمل راح تستفيد من غلطات السعودية والكويت الاقتصاديه...يعني ماراح تكون فيه نسبة بطاله في العشر سنوات القادمة على الأقل...
أقضي إجازتي في النمسا وبالتحديد(فيننا)....
