المواضيع المنقوله .. الرجاء الدخول للأهمية

[HArb200]

أذكر أني رديت !

[MoaeD]

الرسالة الأصلية كتبت بواسطة HArb200
فعلا .. مافهمنا

الحين انت تقول المواضيع المنقوله هنا .. طيب وش الغلط بحركة النص كم اللي سواها سنيفر "سكرتي البنك" ؟


من ناحية القراااار .. فأنا معارض .. ونطالب بالدي قم راطيه <<ترا جد مااستهبل .

يعني فعلا لو خذيناها بعين الواقع (تراي جاااد) بتلقى هالموضوع محد يدخله .. والأيام كفيله بإثبات ذلك .

يعني على الأقل خلوها تجربه لمدة اسبوع أو اثنين .. واذا لاحظتوا النجاح فطبقوها .. أما اذا صقطت فأرجح عدم تطبيق القرار .

ولكم كامل الصلاحية في الطرد والحذف من ردي هذا .. وشكرا لحسن تعاونكم .

بالنسبه لسنيفر انا دامج موضوعه هنا وهو كاتبه برى هالموضوع !


وبالنسبه للديموقراطيه حنا ما سوينا هذا الا من مصلحة المنتدى



وبعدين الشكاوي كثرت ان المنتدى ممل وكله مواضيع سخيفه !


والسخف كله بالنقل اللي ماله داعي


يعني لو نقلوا مواضيع جديده وزي الناس كان ما حطينا موضوع زي كذا


بعدين بالنسبه انه محد داخل الموضوع


فهذا احسن وارحم من انتشار المواضيع المنقوله وتنزل المواضيع الزينه !


وهذا يخلي كل واحد يجتهد ويكتب موضوع من نفسه !


وبالنسبه للتجريب هو تجريب لكن مرسم حتى اشعار اخر !

[باباسنفور]

عزيزي ماهو تكبر ولا عناد

بس فيه مواضيع منقوله وجيدة وحلووة وربما بإضافات تعطي جو وتخرج موضوع متميز ..

وكثير حصل هالشىء..

غير كذا

صعب جداً تحصر المواضيع فى موضوع عدم وجودها افضل او حذفهاا

لأنها لن تقرأ

بالعربي القرار يضيف شىء جيد للمنتدى ويعزل أشياء كثيرة للمنتدى

خصوصا بعد رحيل عمالقة المنتدى امثال داج وناف وارفين وغيرهم الكثير

وبالتالي غياب الأفكار والإبداع الذاتي

وجهة نظر شخصية

تحياتي

[MoaeD]

الرسالة الأصلية كتبت بواسطة باباسنفور
عزيزي ماهو تكبر ولا عناد

بس فيه مواضيع منقوله وجيدة وحلووة وربما بإضافات تعطي جو وتخرج موضوع متميز ..

وكثير حصل هالشىء..

غير كذا

صعب جداً تحصر المواضيع فى موضوع عدم وجودها افضل او حذفهاا

لأنها لن تقرأ

بالعربي القرار يضيف شىء جيد للمنتدى ويعزل أشياء كثيرة للمنتدى

خصوصا بعد رحيل عمالقة المنتدى امثال داج وناف وارفين وغيرهم الكثير

وبالتالي غياب الأفكار والإبداع الذاتي

وجهة نظر شخصية

تحياتي

انا بأغير اسلوبي ما دام تغير الأسلوب !

بما انك تقول فيه مواضيع منقوله جيده (طبعا موضوع الشعر مكرر مرتين هنا)


لكن كم نسبتها للمواضيع القديمه والمكررة واللي مالها معنى ؟!


ما تتجاوز ولا 10% منها ..


وشي اخر منعها مره صعب جدا


خصوصا انه فيه اعضاء النقل حياتهم هنا خلهم يفضون اللي ببالهم !


بالنسبه ليضيف يضيف للمنتدى جو من انه تبقى المواضيع الجيده


والمواضيع اللي تعب عليها الأعضاء..

ووش يعزل ؟!


وعمالقة المنتدى اللي تتكلم عنهم اكثرهم غيابهم بإختيارهم !


(ما عدا naf اللي اعتذر بسبب الإختبارات)


وبعدين الإبداع الفكري لا ينحصر عند هالأعضاء اللي تتكلم عنهم !


كثير من الأعضاء عندهم ابداع فكري !


لكن اكثرهم مشغولين بالنقل للمواضيع بإعتبار انهم يخافون الفشل !


بالعكس هذي الخطوه مشجعه لهم انهم يضهرون ابداعهم


حتى لو ما كان بمستوى هالعمالقه اللي تكلمت عنهم !



ولو تلاحظ وترجع للمواضيع القديمه وتشوف بداية العمالقه هذولا !


ما راح تصدق انهم هم انفسهم هالعمالقه الحاليين


واسف للإطالة !

[aya brea 4000]

هذة نبذة بسيطة عن جامعتنا ( جامعة الكويت ) :


.....و أنت تتجول في أروقة كليات جامعه الكويت المختلفة
ترصد راداراتك ملاحظات مختلفه ..
فترى ما يعجبك و ما لا يعجبك
والأهم هم أنك سترى ما يثير عندك العجب ..
فهيا بنا ننطلق .. .. و لا تنسى .. أنت في جامعه الكويت !!!

كلية الأداب

السواق الهنود عند البوابات مجتمعين .. يا يكتبون مكاتيب حق بعض .. أو يتبادلون صور إيشواريا ( ممثلة هندية) أو سلمان خان ( هم بعد ممثل هندي )
درجة الحرارة صاكه العداد .. يعني 60 .. 70 .. 80 .. من يزيد !؟!
تمشي شوي تشوف شاكيرا توها طالعه من محاظرتها تركض و كل شي يختض فيها من فوووووووووووق لي تحت !!!
و تلتفت الصوب الثاني تلاقي برتني سبيرز و باربي ، مساكين توهم رادين من شارع الخليج و طافتهم محاظرتهم !
...
بعد شوي تمشي خطوتين .. تلقى نفسك محتار .. تشوق كائن غريب جدامك لابس تنورة و حاط له لحية ديرتي ... مسكين إنت تتعقد و تقول خلني أروح مكان ثاني أحسن لي !!!

كلية التربية

كأنك داخل فيلم عربي أبيض و أسود !
تضيع بين الدشاديش والعبي المخصرة
لا تروح بعيد ترى إنت في مكانك و بين ناسك .. حياك الله في ديوانيه شعراء النبط !
حيث لا مكان للدراسة .. يعني اللي ما له خلق يدرس خل يدش كلية التربية ...
الدكاتره ودهم بس يطلعون من لمحاظره أول ما يدشونها ( ما ينلامون )
....

كلية الشريعه

يبنا طاري اسامه بن لادن راح يقصفنا !!
لا تعليق !!!
كلية العلوم الإدارية
تحدثنا مسبقاً عن شاكيرا و برتني سبيرو و باربي ...
و لكن هنا ... نتحدث عن كلوديا شيفر ( النسخة التقليدية ) .. و ناعومي كامبل ( شغل الطقاقة أم عباس ) ..
وفر على نفسك عناء الذهاب لمجمع الصالحية و اذهب لكلية الطالحية !! أي العلوم الإدارية ...
و المشكلة .. تجد الشباب الحلوين ( الله يحفظهم و يخليهم ) يحترون لو شافوا بنت لابسه أكشخ منهم !
الله يستر على مخنا ..

كلية الحقوق

هو في أحد يداوم هناك ؟؟
مساكين الطلبة و الطالبات ... معاناة مع الكتب أم 600 أو 700 صفحة
أخاف بس هالكتب تتبطل .. الداد ... الكتاب يغبر عقب اسبوع من بدء الدراسة ..
من الملل تلقى الطلبة مطيحين بشويخ و الإ كيفان ..,و الحقوق خاوية على عروشها !
كلية العلوم الإجتماعية
ما إهي وين صايره !!!
ضايعه بالطوشة ... ؟؟؟

كلية الطب

كلية البهذلة .. و الظلم .. و الدموع .. و الآهات ...
الطالب بسنة أولى ياخذ دكتوراه بفن التدعي على الدكاتره و الجامعه !
يعني اللي يبي يصير دكتور من أولها خل يدش كلية الطب سنة وحده ...
الطالب يدش الكلية نايم و يقولون له تعال شرح آدمي ..
يفتح الجثة اللي صار لها سبع سنين تحت قيد الإستخدام !!
ما يلقى شي !!! يسكرها و ياخذ صفر !! يعني بالعربي F هههه
الطامه الكبرى حالات الإغماء .. ترى هم أهم مو هيني ..
تلقى الطالبة يروحون عند البنشات اللي عليها بنات ..
عشان لي وحده طاحت غشيانه من لوعه الجبد !! تلقى من يسندها !!!
و الله من وراء القصد ..

كلية الهندسة

حال اللي فيها لا يختلف وايد عن حال اللي قبلها
الاستبداد و القمع ... النحاسه بالدرجات ...
الديره صار فيها جم 100 مهندس استكثروهم و قالوا خل ننحشهم !!
بس تبي تعزم ربعك خوش عزيمك .. عندك الكافتيريا بالهندسة ..
تاكل و تسولف .. كأنك قاعد بمطعم مو خمس نجوم لأ ... 3 نجوم و نص
اللإف إم على محطة الغناء العربي و الزرع يقزز عينك و إنت تاكل
و باب الحمام لي صكيه ما يتبطل وراك !!!
نقمة !!

كلية العلوم

استحقت و بجدارة لقب كلية الهموم
بين كل عشر طلبة تلقى 3 مغسلين ويههم و ممشطين شعرهم !!!
هذا غير اللي لابس الفانيلة مقلوبة !
و الإ البنات ..
ياية بجوتي مقطوع و إلا كعب مكسور ..
يبون يكشخون مثل غيرهم بس مو حاصل لهم فقاره ..
تعرف ضحايا الحرب ؟
هذول ضحايا العلم ..
ما شفت العاهات اللي بمختبر الفيزيا
و إلا المرجوجين اللي مخبير الكيمياء
و إلا اللي يلبسون قاعة بطل بلابات الكمبيوتر
و إلا للي يمشون مسكرين خشومهم و كالعين من مختبرات البيولوجي

و إذا تبي تكلم الدكتور .. لازم تدخل شبكة العنطبوت .. و لا زم تدور ربع ساعه بالمتاهه و لما تلقى مكتبه .. في الغالب ( مو داياً عشان ما نطلع ظلام ) يكون المكتب مقفول و الدكتور طالع !!

لا سلام و لا ختام
لكن تذكر إنت في جامعه الكويت
بااااااااااااي


اتمنى ان تعجكم جامعتنا لانكم راح تشوفون العجايب فيها .
ملاحظة :هذا الموضوع منقول والموضوع هذا من باب المزح


انذار لعدم الإلتزام بقانون المواضيع المنقولة

[aya brea 4000]

sorry
توني أسمع بالقانون
أكرر أسفي

[MoaeD]

الرسالة الأصلية كتبت بواسطة aya brea 4000
sorry
توني أسمع بالقانون
أكرر أسفي

المهم ما تتكرر

[Mahdee87]

:0) :0)

[RPG_master]

يالله سلام وراي مشوار اعاده بناء الفوتوشوب بعد كارثه شوشو

كارثتك:!

[CHALLENGER]

وش هي هذي الكارثة ؟

يالله سلام وراي مشوار اعاده بناء الفوتوشوب بعد كارثه شوشو

[MoaeD]

والله فكره حلوه يا خوباج !


اخيرا جا واحد يعطي حلول بدال ما ينتقد وهو ما عنده بديل

[alex]

الحين عندي سؤال ...


الواحد اذا بيخش منتدى عام

وش يتوقع انه بيقرا ؟؟


اكيد مواضيع عامه ... زي المواضيع الي تجيك على الايميل من اي group ...



اما اذا بتخلي كل المواضيع المنقوله بموضوع ... والخواطر بموضوع ... وش نكتب اجل ؟؟؟ قصص ... ومواضيع تشات ... زي الي حاصل الحين ...



ارجع ايام الصيفيه ... كانت كل المواضيع حلوه ... اغلبها اشياء منقوله ... ولا خواطر .... وناسه ..


ومن ذاك الوقت ... وكل شوي متشددين على قرار ... صار سجن هذا ...


لا تنسى انه اغلب الي يجي هنا ... عمره بين 15 و 21 ... يعني اذا صار منتدى شيبان ونقاشات جاده .. تعال حط قوانين زي هذي ...


لا تخرب المنتدى انت وياه ....




شوشان .... بيحطون اسمك في موسوعة غينيس ... اول رجل في العالم يشتري جهاز ومن بكره خربان ...

انااا..تهىء :" :"