My Blue Hevean Gallery:3rd strike

[MeMe CHaaN]

أخيراً رد واحد

أنا ثاني وحدة ترد.. لووووول
*ما دري ليش.. هل أيام واييد منتشرة هل نوع من الفرحه في المنتدى.. لوول.. لهدرجه ما شي ناس ترد على جاليريات الناس:! :! *

المهم..

ما شاالله ما شاالله... اللهم زد و بارك... كل هل رسمات مرة وحدة.. لوووول..
لا لا بس رسمات عجيييبة الصراحه.. كل و حدة احلى من الثانيه الصراحه..
و التلوين في رسمك عامل عميله.. لووووول...;-)
عجيني الرسمة الرايقة.. لوووول.. و هناباشي بعد واييييد عيبتني...:0)

يالله يالله نبا المزيييد بعد... ;-)
طماعيييين نحنا..... لووول..


و سلامتكم...

[Touya]

انتي اول وحدة ترد

هو اول واحد يرد:0)

مشكورة ميمي جان على التشجيع اللطيف والله محتاجينه.. انا نفسيتي تحطمت من ركود المنتدى الحالي... اليوم لاكوميكس لاحفلات لاشي.. بس ايمنيم يوم يطير ديك منتوف :6

ركووووووود

وصج هالظاهرة منتشرة وايد هاليومين.. يمكن لن كثير من الأعضاء مشغولين ولن الجاليريات تصفحها صعب خصوصاً إذا كانت الصور مي محفوظة بشكل صحيح:":

واللحين وين النقاد.. ودنا نتشرشح <<متأثر بموضوع مالذي تتمناه من العضو

[alucardracula]

هلا بتويا العزيز..
دائماً يسعدني أن أرد و أعلّق على رسومك..
للأسف أنا الحين نعسان و بروح أنام و الا ودّي أعلّق عليهم رسمة رسمة!!
السموحة منّك يا العزيز و بالتوفيق..:-)

[Touya]

ألوكارد عزيزي.. مسموح مسموح

طلة مصاص "دمئنا" العزيز تكفيني

ولإن شاء الله الجايات اكثر...

تصبح على خير...

الله يعيني الليلة لحالي:"

زين سبيس في المسنجر:6

[alucardracula]

و أنت من أهل الخير ..قلت لازم أشوف ردّك قبل لا أنام;-)
سلّم لي على سبيس و قول له وينك يا أخي عنّا في المنتدى اشتقنا لك!!
ان شاء الله نشوفكم على خير..
موفّّقين..

[Neo Cid]

مبروك على الجاليري الثالث تويا ..

رسومك ممتاز .. و حاليا صعب علي التعليق على رسمة رسمة .. لكن كلامي

بيكون بشكل عام عن الرسوم اللي شفتها ..

التلوين بالبداية شفت لك عليه شوية .. لكنك أبدعت بالتلوين في الصفحة

الثانية .. مشاء الله عليك ..

و الرسوم حلوة .. والوضعيات مبتكرة ..

و الاخطاء انت ملاحظها فما لي مجال أتكلم فيها ..

بالتوفيق .

[Touya]

الوكارد... بلغ..

هو مايرد وايد لنه ماجهز جديد ومشغول بشوية اوراق جامعية:6

وأنا إن شاء الله اهرب لكم شي من His secret stash... ابشتغل مخابرات وانقل لكم رسومات سرية:6

Neo Cid
اهلين بك يالله حيهم.. ايش هاطلة الحلوة
الجاليري جالريك نيو سيد.. شرشح على كيفك:6

لو مافيه خطأ اخترعه

اهم شي لا تحرمنا من الطلة
وأنا سعيد انك نبهت على مستوى تطور التلوين.. مشكور:"

[alucardracula]

هلا بالعزيز الغالي تويا
عندك رسومات عندي لهم تعليقات..لنبدأ;-)
الرسمة الأولى في الصفحة الأولى رسمة البنت..رسمك للوضعيّة في هالرسمة قويّة و ملامح البنت مضبوطة و ممتازة الجسم عدل و ما عليه كلام و خطوطك أحسها بسيطة و في مكانها عدل! الملاحظة الوحيدة عليها اليدين طبعاً أنت حاولت تضبط اليدين بشكل متناسب لكونها فتاة و لكن أشوف أن الأصابع دقيقة جداً..يمكن تحتاج تكبير بسيط في اليدين..و الا الرسمة كلها على بعضها حلوة..
الرسمة اللي بعدها "الولد" الرسمة حلوة و استخدامك للخلفيّة أيضاً شدني و عجبني كأنها عاصفة مُمطرة وراه! الولد شكله أوكي الا أن وجهه طويل و هالشي صعّب تناسق الملامح لو تلاحظ..مثلاً لاحظ أن الوجه طويل و احتجت أنك ترسم الأنف طويل و متباعد قدر الإمكان مع الفم..و هالشي خرّب تكوين الملامح شوي..طبعاً الشعر حلو و ما عليه كلام..العينين برايي أن العين اليسرى فيها خلل شوي و الا اليمنى روعة!و لكن بسبب أنها مش متوازية معاها فيس الخطوط و تحديدها..الرقبة أوكيه بس يمكن تحتاج شويّة تقصير!تكملة الجسم ما عليها كلام..
الرسمة اللي بعدها لسبيس كاوبوي الله يذكره بالخير..رسمة لطيفة و عابرة و ألوانها حلوة..ما أقدر أتكلّم عن ملامح و وضعيّة فضائي اعذرني ههههه!
الرسمة اللي تليها رسمة الولد اللي يتزلّج قمّة في الروعة اختيارك لهذي الوضعيّة ممتاز كما أنك ضبطها..القياسات بالكاد فيها عيب الا يمكن رجله اللي في المقدّمة نحيفة شوي و الا الرسمة و قياساتها كلها روعة!الوجه تمام بس العينين متقاربتين و هالصفة تنقص من جمال الوجه في الرسم..التلوين حلو و خفيف ينقصه التفاصيل و على فكرة الألوان اللي تختارها قمّة في الروعة ذوقك حلو ما شاء الله..شي أخير لازم أقوله عن هالرسمة الجوتي روعة!
الرسمة اللي بعدها باد بوي باتسو هنا الوضعيّة ممتازة و ما عليها كلام انما بعض القياسات فيها خلل و أعتقد أنها ترتكز على القسم الأسفل من جسمه و الرجلين بشكل خاص طبعاًَ الرسمة ككُل حلوة القياسات خصوصاً رسمك لليدين و الذراعين ممتاز و الجسم متناسق معهم و الصدر أيضاً(تعجبني الجواتي اللي ترسم يا أخي ) الوجه حلو و ملامحه أوكي ما عدا الفم أحسّه شوي غاضب و لمّا حطّيت صبعي على الشاشة و طلّعت في الوجه قلت كده أفضل!أما العينين هنا ضبطهم و الشعر عندك تمام بعد..الآن التلوين,هالمرّة عجبتني! لأنّك حاولت بل و ضبط أماكن الإضاءة في الرسمة و هذا من أهم عناصر التلوين! أعتقد أن اللي تحتاجه في هالرسمة هو التظليل و أنت في غِنى عن ذكري مراراً أن ألوانك مناسبة و متناسقة و تعجبني جداً!قبل لا أنهي تعليقي على هالرسمة الخفّاش العلامة اللي في صدره ممتازة و أشجّع أن تكون علامات و أمور مشابهة في الشخصيّات عند الرسم هذي من الكماليّات و تعطي نكهة للرسمة أحلى دائماً!
الرسمة اللي بعدها الملوّنة هاي جميلة و ألوانك فيها هم تمام و الوضعيّة ما عليها كلام يمكن الشي الوحيد اللي ينقصها هو التظليل القوي!
الرسمة اللي بعدها البنت بعد التلوين..ألوانها جميلة و هادئة و مناسبة لشخصيّتها و وضعيّتها أيضاً انما الشي اللي متكرّر عليك هو التظليل!!
يا خطير الرسمة اللي بعدها خطيرة! أما أنت في الوضعيّات خطير يا تويا!(تراه يشبه جوي من سكودين!) ;-) الرسمة هذي وضعيّتها و قياساتها ميّة الميّة مضبوطة ما راح أكثّر كلام على الوضعيّة لأنها بيرفيكت! القياسات أيضاً متناسقة الا في أسفل الرجلين في شي من الخلل في الأسفل في طرف القدمين! ما راح أقول لك أن هالرسمة ينقصها شي غير الثنيّات في الملابس و كم من التفاصيل لأن حتى تلوينك لها ما شاء الله! الشيرت رهيب! لكن البنطلون ينقصه تفاصيل و تظليل في التلوين..كالعادة ألوانك رهيبة!
الرسمة اللي بعدها حلوة أحس الوجه أكثر شي ركّزت عليه لأنه ما عليه كلام يمكن الحجّات شوي غريبة لكن ملامح الوجه الأخرى مضبوطة..حركة الشعر رهيبة تابعة للحركات اللي تفاجئني بها!الجسم أحس أنه في غلط سبّب أغلاط أخرى!!تعبير غريب لكن لو تطيعني و تحط فيه كم من التفاصيل راح يغطّي على العيوب تره هذي فكرة مناسبة لما تجي ترسم وضعيّة معقّدة و مقرّبة لنا! اهتم في التفاصيل يا تويا و راح تنذهل من النتيجة!
آه! الرسمة اللي بعدها رهيبة رهيبة! ما عليها أي كلام الوضعية و القياسات ممتازة! أحسنت يا تويا!
رسمة البيبي تفتقد للتناسف في الجسم فقط لو تلاحظ أن القسم العلوي أكبر من السفلي و الا هي مضبوطة!
الرسمة اللي بعدها هاناباشي حلوة ما عليها أي كلام من الملامح للجسم و كل هالأمور ممتازة انما الشي الوحيد اللي تسبّب في خلل في الرسمة هو اصابع اليدين! بس الشعر و الملامح و حتى الملابس لاحظت أنك حاولت تسوّي فيهم ثنيّات ممتاز يا تويا! ألاحظ تطوّر من رسمة لرسمة!
الرسمة اللي بعدها لوّنتها! بصراحة هاي أحلى رسمة ملوّنة لك برايي!بحيث أنّك اهتمّيت في ثنيّات الملابس و تظليل البشرة و التفاوت في التلوين! ممتازة جداً!
الرسمة اللي بعدها رهيبة الحركة و الوضعيّة و لكن تنقصها التفاصيل!
الرسمة اللي بعدها هاناباشي ملّونة..لا بأس حلوة الحركة اللي استخدمتها لعمل لمعة في الشيرت و لكن اللي خرّب عليها هو أنك استخدمتها بشكل كبير! كان ممكن تستخدمها بشكل بسيط في أماكن محدّدة و تطلع بيرفيكت!بس أهنّيك على الفكرة و الحركة أنك حاولت تكتشف حركة لمعة! مع القليل من التدريب راح تضبطها!
المزيد يا تويا و بالتوفيق ان شاء الله..

[Touya]

:!

الوكارد.. مرة وحدة.. صدمتني...:6

اكثر ماصدمني هو الكم مو المكمن

ولا مكمن التشريح لجاليريي افدتني به وعرفت اغلاط وقعت بها سواء في التلوين او الرسم.. (خصوصاً نقطة لمعة قميص هاناباشي.. قهرتني يوم كنت الونها... كنت ناوي امسح بس تكاسلت امسح لايرين:6)

ماشاء الله عليك حبيبي الوكارد.. فصفصة الرسمات رسمة رسمة.. مابقيت لأحد شي.. ماكان ناقص دافينشي وبيكاسو في زمانهم إلا الوكارد... يتحطمون نفسياً:0)

إن شاء الله اعمل بنصائحك وأخليها على البال دائماً

بالنسبة لرسمة البيبي... همم شاقول.. كنت مسوية وانا في راسي مليون شغلة.. اول شي الفكرة.. وبعدين بو لبن كان عندي... وسبيس مو راضي يهدني على المسنجر.. وانا كنت مستعجل تقن ابليس يطردني...

بنهدي شويه شوي المرة الجاية...;-)
فيه كم شي تعلمته من موضوع "مالذي تتمناه من العضو" خصوصاً ملاحظة جيجا بايت... لازم مانرسم للمنتدى لازم نرسم لأنفسنا... لنا بالعادة نستعجل في حاجات وتطلع اغلاط كان باإمكاتن إنا نتفادها...

صراحة والحق ينقال انه صدق... مع كذا مو راضي اركد انا:6

[alucardracula]

هلا بيك يا تويا العزيز..
أفه عليك بس..أنت تأمر أمر و يسعدني أن أقدّم لك أي مساعدة..
و بالنسبة لكلام العزيز جيجا فعلاً أشوف أنه فاهم نفسيّة الفنّان و حنا لا زلنا نفتقد لتعليقاته المفيدة و أتمنى أنه يزورنا باستمرار..
بالتوفيق..

[Bu Laban]

هلا بتويا .. ، أخبار .. علوم ( بالمناسبة .. ) <== شفرة بيني و بين تويا

رسمتك اللي عرضتها توقعت أنك بترسم مسدس .. بس مع النار طلعت أحلى .. أما بالنسبة للنقد فأعتقد ان ألوكارد كففى و وففى

نشوف منك رسمات جديدة

[Shin Kyo]

أخيراً رد واحد

عادي يا أخي رسمك مشألله روعة و يستاهل ..

و نشوف منك أكثر اخي تويــــا..

و بالتوفيق...

و الجايري اللي قبل كان My Blue Heaven:2nd run

ايه امكن:6

بس أنا قولت 2nd Impact عشان هذا اسمه 3rd strike :6 ففكرني بشئ مدري عارفه ولا لا:6

[Shadow Cat]

Greeeeetingz to Touya
واااااااااااو شو هالرسماااااات الحلوة!!!!!!!
والله روعه ماشالله عليك بذات اللي flame of ricca
والتلوين وايد حلووو!!!
and the one whos doin the skate board move ..the coloring was great;-)
doin a great job there ........Keep up the good work..we'd love to see more

Adios

[Touya]

الوكارد.. هلا هلا

تسلم لي يالغالي.. أما جيجابتات فلازم يزود طلاته.. ودنا نتعرف عليه اكثر

بو لبن... "أوج":6 تبى تكلم شفرات؟؟
;-)

شن كيو

هلا والله بعزيزي

مشكور على المديح وبالنسبة كاني أعرف ولا مأعرف... تراني أعرف;-)

بس مو مدمن

وباالمناسبة.. اسم الجاليري الأساسي "My Blue Heaven" مقتبس من لعبة فاينال فانتاسي الثامنة من محل فيه لوحة بهالأسم
وهوي ال Centura Ruins... انا ابقعد الليلة بس عشان ادور صورة لهالمكان.. وهاذي أحب محل إلى قلبس شفته في لعبه.. مع ان بالتأكيد فيه ناس مغتلقين من الtronberries اللي هناك;-) :6

[Touya]

?:

o.o

o_O

O_o

شادو كات انتي رديتي قبلي بشي بسيييييييييييط.. مانتبهت لش و الله... واااااااع:" :"

أقول بسسسسسسس

لحد يدري.. بس عندي اليوم جديد,...

هالرسمة مادري ليه طلع التلوين مو شي.. اعتقد اني اخطيت في البنطلون :" :" :"

حاولت قدر المستطاع ترقيع الرسمة... خصوصاً الألوان:"

عندي رسمه ثانية قاعد ارسمها اللحين بعد 50% done:6