Hard Attack (Hard Rock Gallery)

[Hard Rock]

وهاذي صورة حق الخطاف بس على طريقة هيكارو نو جو ((حق اللي يعرف هالأنيمي))

[shaheen]

ماشاء الله رسومات رائعة يا هارد
اعجبتني الحركات الجديدة مع الخطاف والمزيف...
خطيرة الرسومات ^^
وخطوطك جديدة ومتطورة.. موووومتاااااز
افكارك مميزة
ان شاء الله نشوف جالاريك ممتلئ فيضان ^_^

[Hard Rock]

وهاذي صورة جماعية حق الاعضاء مال فريجنا

[al-moozaayaaf]

هارد رسمك وايد حلو
ممكن لأن أسلوبك مب مثل أي أسلوب ثاني في المنتدى
و أقرب للأسلوب اليابان من غيرك

و رسمتك معاي أنت ماراويتني أياها من قبل
و عندي سؤال شفيكم قلبتو الموضوع عن الزهيوية
شفيهم الأزهيوية هذيلا مثل الفراشات

و على فكرة هارد الصرصور لازم تسويله مسلسل

نبي قصص جديدة لهارد ترا شخصيته بتحطم الكل أن سويت قصص زيادة

[Hard Rock]

أهلين شاهين
ماشاءالله عليك سريع حتى في الردود
شكراً لك
إن شاءالله تشوف اللي يعجبك;-)
ويصير هالجالاري مليان
سي يو

[Hard Rock]

وهاذي الرد حق المزيف
مشكووووووووووووووووووور
والله زين ان رسوماتي تعجبك


رسمي آنه أقرب لليابان؟؟؟ والله زين

وعن الصراصير: خلّك منهم انت الحين .. وإذا كنت تبي اسوي عليهم
سلسلة قصص مو مشكلة ((لأني فاضي)) بس عطني مهلة علشان
احط افكار ((وعلى الأرجح اني باحطهم في جالاري العصابات حق ديابلوس))

شكراً على ردك
وشكراً على ردودكم جميعاً

[Maytham]

رااائع .. رسوكات جميلة يا هارد عجبتني الوضعيات
و الحين عرفت سبب الشبه الكبير بين رسومك و رسوم الخطاف ..:0)

يا أخي رسومك حلوة و قدراتك رائعة .. مم .. برأيي لو تتعمق شوي في الجسم .. مثلا الرسمة الأولى من الرسمات الجديدة لو تحط الخطين الي تحت الكف و أو بعض البعض الكسرات الصغيرة بالملابس راح تطلع الرسمات مذهلة (إتمنى ما أكون ظيعتك مع رأيي :6 )

إلى الأمام عزيزي و أعلم أنك لازلت تخفي الكثير ;-)

[Hard Rock]

هاي ميثم
والله شيء طيب إن رسمي عجبك
ومعاك حق في اللي قلته ، أنا يبيلي شوي اتعمّق في رسم الاجسام
والاجسام احس انه موضوع طويل وصعب خصوصا إذا كان معضّل .
ونفس الشي مع الكسرات اللي في الملابس ماقدر اركّز عليها ، أنا احط دايما احط خطوط عشوائية في هالمكان بس اعتقد ان مع التدريب (والمنتدى مايقصّر) راح اتقنه إن شاءالله

شكراً جزيلاً على ردّك يا صديقي
(( ردّودكم تشجعني وايد))

[sharp eyes]

ما شاللللللله انا كل يوم اطيح على رسام رهيب :0) الصراحة رسومك عجيبه وافكارك في الكوميكس وايد مبتكرة ز و انا أأيد اللي يقول انه انت تخفي الكثير
انا كنت دايخ من وين ابده خصوصا انه هذي ثاني مشاركة و لقيت اني ابدي بالجاليري مالك ":" لأن فيه رسوم حلوة
وأرجو ان تتقبل انتقاداتي بصدر رحب ( شرايكم فيني لمن اتفلسف ) :6

اول شي احب ابدي في الكومكس : لاحظت انه في لقطات تكون اليد فيها بدون عظم ;-) بس عموما تجربة وايد حلوة

وبالنسبة للرسمات البجية انا عجبتني رسمة الجامعة ، بس الرسمات الثانية تقدر اتطورها اكثر من جذي خصوصا الجسم

مرة ثانية احب اشكرك على مجهودك و اتمنى لك التوفيق من كل قلبي
ونطر الجاليري مالي

[Hard Rock]

هاااي

هاذي شرف لي ان رسمي عجبكم والله

شارب آيز:
شكرا لك يا أخي على ردك الجميل ، وشيء طيب ان رسمي عجبك ^^
وبالنسبة عن ملاحظتك إني اقدر اطور بقية رسمي اكثر من شذي .. معاك حق .. انا حاس شذي بعد ..

على العموم شكرا جزيلا على ردك
وانا انتظر الجالاري مالك^^

[Hard Rock]

هااااااي

شرايكم في هالصورة؟؟؟
وين اللي يحبون الروك؟؟
هاذي الصورة علشانكم

[orange road]

:! عجبتني فكرة الرسمة الاخيرة

تعرف ^^ لو كنت راسم روحك مع جيتار كهربي وتناقز مثلهم احسن

بس خطيرة الرسمة ^^

ما عرفت منهم الا linkin park :6

[orange road]

تعال :غضب:

غيرت رايي.. الرسمة لا حلوة ولا خطيرة ولا شي...

توني اجوف الصرصور اللي حاطه تحت...

ياااااااااااااااااااك

[Sara Sama]

مرحبااااااااااااااااااااااا Hard Rock...:0)
سوري عالرد المتأخر..

ماشالله عليك... رسووومااااااتك رووووووووووووعه و رهيبه ... :0)
عجبني. واااايد......
أحس شخصيتك لهارد مثل نينجا " كبمارو" ... هههه ..

عجبتني الرسمه اللي راسمنها في الجامعه ..
والرسمه اللي تبين فيه ماركت الكاب... .. والله الملامح فيها رهيبه
و النظره خطيره ...

أصلا كله حلووووو ... :" ما شالله عليك ... عيني عليك بارده ..
:0) ...
""" يالمجرم شو سويت في الياهل """" ...


و شو سالفت الصراصير..!!!!......... "" يا الله ودي أعرف شو فايدة
الصرصور في الحياه ... ؟؟؟ ""



يالله ... لا تبخل علينا برسماااتك الحلوه ...
ننتظر المزيد....
;-)

[Rex]

ما شاء الله أخ هارد روك !!

شوهالرسم شوهالزين ^^

أكثر شيء لفت نظري برسوماتك (عدا القصة المضحكة )

هي الوضعيات المتنوعة والمتقنة !!
وتعابير الشخصية ((اللي هي هارد روك !! ))
بكل الرسمات واضحة جدا!!

واحترت اي رسمه عجبتني أكثر !! لكن أظن أن الرسمه اللي تكون فيها الشخصية واقفه تحت الشجرة رهيبه جدا !! مضبطها عدل ;-)


والمزيد من فنّك ^^