ماذا كنا نفعل أيام المدرسة؟

[Bu Laban]

و في رمضان عاد .. أجل إسمع هذي .

مرة قال المدرس حقنا جيبوا أي شي و أنا أشرحه .. قلت للمدرس حتى لو كان صرصور ؟ (عاد لا تحقد علي ) .. قال مو مشكلة .. عاد اليوم الثاني جبت له الصرصور بس المسكين مات في الكيسة .. و المدرس قال ما يصلح .. عاد جيت و استهبلت على الطلاب و اوريهم الصرصور .. عاد في اللي طررش و اللي قال الله يقرفك :0)

[Hard Rock]

يا مجرم !!!!

قتلت صرصور!!!! حرام عليك:"

:" :" :" :"

عيل اسمع هالسالفة

مرة أيام الثانوية .. كان عندنا اختبار عملي كيميه (كيمياء) .. والاختبار هو عبارة عن مسحوق تضيف عليه مواد صفرة أو برتقالية أو بنفسجية علشان تعرف شنو هالمسحوق .. الأستاذ قال لنا لاحد يستنشق الغاز اللي بيظهر من التفاعل.. في واحد من الربع طلع له غاز برتقالي .. راح وشم هالغاز و.. بقى لا يغمى عليه .. شرّبناه ماي لين قعد .. يوم قعد قال : بقيت أمووووت!!
ههههههههههههه على باله بيشم ريحه حلوة !!!

[-][HaNa Sun][-]

موضوع رهييب شاهين..

أنا صارت لي مواقف وايد في المدارس بذكر ابرزها..

مره في الاعداديه كنت أحب اشارك بالرسم في المسابقات لين ما طفرت من الرسم و من حشره مدرسه الرسم...طبعا" هي دايما" تي تاخذني من الحصص على كيفها ...في يوم حصه الرياده خذتني المدرسه عشان اتدرب حق المسابقه ..خلتنا و سارت ..إنتهزت الفرصه و شردت للصف ..كانت مربيه صفنا و البنات متيمعات يتناقشون عن أمور الصف ..فييت و قلت حق المدرسه مشكلتي و إنه إذا حد حضر و سأل عني تقولهم محد..ما مرت خمس دقايق إلا و دقت بنت الباب ..و أنا عاد إنخشيت تحت الطاوله..سالت وين هانا سان..قالولها : هانا سان مــحـــد ..مــــاتــت و المدرسه معاهم طبعا"
و سارت بنت ..جان اطلع ..و بعد شوي يت بنت ثانيه جان انخش..و ردوا صرخوا هــــانـــا ســـان مـــحد..و رديت أيلس و نحن نضحك عليهم بعد خمس دقايق ..إندق الباب..و توني يايه بنخش جان اتفاجىء المديره يايه زياره ..على طول وقفت...يلست تكلمنا... وبعدين قالت حد عنده مشكله..على طول رفعت يدي..جان أقولها مس الفن و توني بكمل إنفجروا البنات من الضحك لانهم عارفين المشكله..قلتلها تاخذني من الحصص{ وحده مجتهده} و في نفس اللحظه ..فتحت مدرسه الفن الباب ..يت بنفسها بعد ما يئست من البنات و حطت عينها في عيني و هي معصبه..عاد المديره قالت هاذي حصه نشاط تقدرين تسيرين وياها..قلت في قلبي يا ويلي و مسكتني مدرسه الفن بيدها عشان ما اشرد..و انا ميته من الضحك عليها لاني أول مره اشوفها جيه معصبه...النهايه

طولت واايد...

[Hard Rock]

هههههههههههههههه موقف طريف حقاً يا هانا سان ^^
ضحكني المقطع اللي قلتي فيه إنج تنخشّين عن الطالبات تحت الطاولة
لووووووووووول
مبيّن عليج شاطرة ^^ شي طيّب:6


سي يو :0)

[Sparta Ghost]

بو لبن ..هارد ....ما شاء الله عليكم .....عندكم سوالف وايد ....مره ...وحلوه


عجبتني أكثر شئ .....ريحه الربيع ... ههههههههه

[Bu Laban]

مشكور يا الجني على تعليقك .. أنا برضوا عندي سوالف بس أبي أترك المجال للأعضاء بالمشاركة ... نبي نسمع سوالفكم يا شباب ":"

[-][HaNa Sun][-]

إنسى الموضوع

بقول موقف صار لي في الاول الاعدادي..والله موقف كانه انيمي :0)

مره كنت انا و ربيعتي ياسين نرسم رسمه في حصه العربي الحصه اللي كلنا نكرها و فجاه لمحتنا المس,..و انا عاد عشان ما تشوف الرسمه على طول لفيت الورقه و سويتها طائره ورقيه و فريتها من الدريشه..المشكله في الصف في 3 درايش و نحن قاعدين عند الدريشه الثانيه..في اللحظه اللي فريتها من الدريشه الثانيه..مادري كيف طارت الورقه و دخلت من الدريشه الاولى اللي هيه مجابله المس و على طول يت في ويه المس ..جان تفتحها و هي تضحك و ردت الورقه حقنا .و انا ميته من الضحك مستغربه كيف إستوت هاي الحركه

[sakura_is_cute]

حلوة قصتك يا هانا سن ذكرتني بشي .....

مرة كنا قاعدين بحصة رياضيات كنت بالابتدائي وقتها قالت لنا المعلمة ابنوا مكعب وانا و زميلتي خلصنا بدري قلت للمعلمة ابي ازين المكعب قالت لي طيب بس عندك الزينة قلتلها لا ابنزل حق غرفة الفنية قالتلي طيب بس لا تطولون هناك قلنالها طيب ........... ونزلنا انا و زميلتي و لا عاد رجعنا كنا نلعب بغرفة الفنية و بنفس الوقت نزين المكعب علشان المعلمة ما تكشفنا و يوم جينا نرقى قعدنا نسوي اخر لمسة قطعت زميلتي جلد اصبعي بالغلط ...........الله عاقبني

[أميرة الخيال]

ههههههههههههههههههه ضحكتوني و الله

عليكم سوالف عبيطة ..

بو لبن و هارد روك شنو هالشطانة ههههههههه