لقد كونا اطفالاً مشاكسون...0_o

[Lena]

ثريول
انت أجرم واحد
قطاوة!!!
موجرمين انتم من قلب خنافس سلاحف نمل اي شي يهون الا القطاوة..
بس يالله حركات ولد عمك المشاغب شي شيطاني بقوة
بس اعجبني الذكي الي اخر شي










كلير
جتنا اندومي رقم 2
هييييي :icon11: من جدكم كنتم براءة كذا
الله يفشلنا








مؤيد
وع اكره ماضي التفال الله مير يفشلنا
يا قليبي بنات عمك بريئات مطر اجل هههههههه
مؤيد اقول شكلك اجارمي درجه اولى وش ذا يلا يلا استنى مواقف اخرى وناسه







ZANTETSUKEN
انت مثلي لما كانوا يطقوني اضحك عشان اصير قويه مهما كان
وفعلا كانوا يزيدون العيار مع الضحك قهر
وانت بعد قطاوة
تراهم نقطه ضعفي تهيء يلا استنى قصصك...
والعفو^__^










acer2
واو هذا وانت مرة صغيرmfg: مشالله
مشالله والله انت عصبي بقوة..بصراحه تخوف
اشوى انها راحت قوود صراحه










لينك
نانوي هههههههههههه حلوة مررره
بس والله ما يمزح معك
واما سالفه الحليب تقهرون ليش التبذير

[MoaeD]

مؤيد
وع اكره ماضي التفال الله مير يفشلنا
يا قليبي بنات عمك بريئات مطر اجل هههههههه
مؤيد اقول شكلك اجارمي درجه اولى وش ذا يلا يلا استنى مواقف اخرى وناسه

ايه ماضيي بقوه اجرامي

بعطيك موقف قبل ما انام لأنه مواقفي واجده ما تخلص


اخوي اللي بعدي ذا غيور من كلش مره قلت لأبوي يحطلي السلم عشان اصير ارقا عليه كذا عباطه


صرت ارقى واقول لأخوي انا اطول واحد بالعالم وكان يقول انا بأرقى واعيي عليه


مره رقى وراي ودفيته وطاح وعلم ابوي وجا هزأني ومنعني اني ارقاه


انا حقدت عليه !! جيت وهو راقي وقلت تقدر تمسك ذاك العصفور

قال وين وأدف السلم واروح لأمي ركض اقول يماااه اخوي هز بالسلم بقوه وطاح عليه

(طبعا هو ما تعور واجد بس فلقه من ورى من الأرض ومن قدام من السلم لأنه ما رىقى واجد بس ثالث درفه)


تخيلي شكله عاد وهو جايه تهزئ من ابوي له ما ترقى بالسلم ثابت


عندي مواقف واجد بس بي نوم الحين لا قمت كالعاده بكون فاضي بسردها لكم

[Lena]

يؤ مؤيد
شكلك دايم تسوي اجرام باخوك ثمن توهقه
ياللشرانيه التي كانت تغلي في دمك غليا

ذاكر اني كنت انتقم بس انتقام عبيط
يعني وجها لوجه الي يؤذيني اؤذيه مباشره بعضه ولا معطه شعر

[Moon Boy]

شخبطوا على وجيهه وسكسوكة ولحية.. ولا حسووووا..

نوم اهل الكهف..
ليتك كنت معهم.. كان مالقيناك هنا

وانا ذكرياتي مع الطفولة تجنن.. وتحتاج مجلدات..

باخليها بموضوع لوحده سيكون قريباً..وصريح جداً

[Angel whisper]

ليش انا كنت مؤدبه ورزينه وانا صغيره ؟

[Undine]

انديني
ونااااسه ردك ذكرتيني بالطفولة البريئه
ولاحظي البريئه كل طفولتك كذا مافي اجرام؟
اذكر هالالعاب الحريم وذولي بس ذي ملائكيه موب اجارم
ما عندك اجرام انتي؟ تهيء (مابي تصيرين بريئه وانا لأ )

ههههههه متري يومكن عشان ما كنا نختلط
بالبزران<<جرثومه

بس كنت انا وخواتي الثنتين نلعب او يومكن لاننا هاديات

[Lucky guy]

اوكيه -_____- بس تحملوني يمكن أختلف عنكم ..

هذي مرة يوم كنت بالتمهيدي -____- كنت أحب أمسك البرعصي أو البريعصي وأروع فيه البنات وأرميه عليهم .. الا من البنات أنخشى عليها وبكيت أنا أحسب اني موتها ..وحرمت اسويها مرة ثانيه

ومرة كنت أحب أرقى السطوح وأنزل منه أشياء له تاريخ -_____- واشوفلكم ذيك الخلية الي كنت احسبها حقت نحل والا تطلع عش دبابير عاد أنا استانست وأمسك العش وأرميه عند حوش حق عمال كله زوله ويمنه والا الدبابير تهجم عليهم وهم مقيلين والا اسمع الصراخ وانزل من السطح وعلى غرفتي ...

يعني كنت طقل متوحش من جد -______- ..

[memy]

اما ميمي موجرمة من قلب..

يا سلام

المهم مو اللى سويته المهم النيه .... كانت نيتنا اننا نحاول نطير بس

اما انتوا مع النمل ... فكانت عشان تتمتعون تشفونهم وهم يمتون :eviltongu

يلاع مين الموجرم فينا

و لا تخليني اقول شي ما انقال في هذا الموضوع << يقال لها تهدد

[flarestar]

[font=Tahoma][size=2][/b]

يا سلام

المهم مو اللى سويته المهم النيه .... كانت نيتنا اننا نحاول نطير بس

اما انتوا مع النمل ... فكانت عشان تتمتعون تشفونهم وهم يمتون :eviltongu

يلاع مين الموجرم فينا

و لا تخليني اقول شي ما انقال في هذا الموضوع << يقال لها تهدد

يختي نمل و لا بشر :eviltongu و المشكلة اخوك بعد

انتي الموجرمة بدون نقاش


وش بتقولين هاه

[DiGit4L]

هههههههههه والله من زين الامور

اغلب طفولتي ( PEZARAH AGE )
كانت ببيت جدتي القديم بالشفا

بذكرلكم بعضهن

اخبر مره كنا نلعب ببيضه كوره بالحوش

طبعا مصيرها تنفقش ... ويوم انفقشت اخوي الكبير الله يرحمه شال بقايا البيضه بسرعه كذا ورماها فوق

ماندري الا صبخت بجدار الجيران جنب شباك احد الغرف

المهم قعدنا نتابعها وهي تنزل شوي شوي .. يمين يمين يميين يسااار لا لا المكيف

صبخت المكيف ووقف شكلها .. طلع كنه رسمه رجال على الجدار

عاد ماصدقنا خبر
كلنا طايرين لم الثلاجه
كل واحد معه كم بيضه ... و وززززز طع

ونجلس نتابع شكلها وهي تنزل ... يمكن حول 30 حبه

10 منهن قاعد يرميهم اخوي الصغير .. والمسيكين ولا وحده وصلت للجدار .. يجي مقلع من اول البيت ويجدعها تطب بالسيب عندهم

يمكن قعدنا العصر كله وحنا نرمي هالبيض

وبالاخير بعد مارسمنى رسمات ولا ديفنشي بوقته
رحنا ولا كأن شي صار .. ماندري الا الجرس يرن

الجيران
اخذتنا امي قالت امشوا
رحنا نشوف المنظر من الجهه الثانيه ( سيب بيتهم )

<--- هذولا حنا الثلاثه انا واخوي الكبير والصغير ( عاد مدري منهو المبتسم لاتناظروني )

الارض كلها مليانه قشور .. وفيه كم بيضه كامله ( اخوي الصغير )
شوي همن قالت امي اكنسوهن ..
ردت ام الجيران قالت لا مب لازم بس خليهم يعقلون ولا يعودون لها ولا بنخلي الشرطه تاخذهم ( ايه هذي الام الديمقراطيه )

والى يومكم هذا امر بالشهر مره او بالشهرين اشوف البيت هذاك
ولازال رسمنا وابداعنا موجود على الجدار

هذي وحده

الثانيه ...

كان مره معنا قطعه فلين .. كبر حجم الصحيفه الي بالمدارس

قلت لاخوي الصغير ذا كنه بساط الريح <--- علاء الدين

قلت يالله اركب بنطير
اركبه فوقه همن اجدعه ههههههههههههههه ويجيك مجاوب سعابيل على الجدار

مره مرتين ثلاث .. قفلت معه الاخ .. يقول خلاص مليت ههههههههه

المهم حاولت انا اطير به
اجي طاير واطمر
بس هو يطير لحاله .. كذا مره بعدين طار على الثريا وانكسرت
جت جدتي
شوي وتعلقني بدال الثريا
وطبعا كالعاده اي مشكله .. يحولوني على خالي تسطير شوي يعدل المزاج

والثريا للمعلوميه كل واحد من اخواني كسرها مره يابكوره او فلينه او حبل هههههههههههه


والمواقف كثيره ماتنتهي والوناسه واجده

مره اخذنا فراش وقعدنا نزحلق عليه بالدرج .. عاد البيت دورين مع سطح ونجي من السطح لمين الدور الارضي ... ولازم تكون فيه اصابات ... اقل شي صعروره

هذي الي للحين ما استوعبتها ...
مره كنا قاعدين مدري وش نسوي جنب الضو ( النار ) ايام الشتاء .. مدري من دفن واطيح على الجمر بايديني .. العيال جلسوا يضحكون وانا رافع ايديني واناظرهم مدري اضحك ولا اصيح مره كذا ومره كذا

شوي ويتلن خالي مع فنيلتي ويودين المستوصف ...

هذي اخر وحده بقولها ..
كنت مره عند خالي وهو يشتغل على كمبيوتره
ايام وندوز 3.1 والدوس .. جالس اناظر واسجل بهالمخ ..
المهم مره يوم راح دخلت على جهازه .. وحاولت اشغل لعبه برنس لو تخبرونها
المهم منا مناك .. ماعرفت .. شوي جلست اتفلسف بالدوس
اضفت ملف باسمي .. ونسخت داخله ملفات الالعاب .. بالدوس هالكلام طبعا وانا ما ادري
المهم حست الدعوه بالاخير .. طفيت الجهاز وعطيت .. شوي ويجي خالي يشوف جهازه وينادين

قلت خلاص بس اليوم بالمروحه بتعلق
جلس يسالني انت الي مسوي كذا ..
انا : ايه لا مين وشو لا ايه مب انا ايه انا

كان كذا وصار كذا

ماشالله عليك شاطر
<--- يعني شلون بنجلد ولا لا

ضحك وقام ومن بعدها وهم يسموني المهندس علي <-- انواع الوناسه


بالاخير
مشكوره يالينا على هالموضوع .. (لاسترداد الماضي)

ولا تحرمينا من مواضيعك المنــــتعه

[ثريول]

ثريول
انت أجرم واحد
قطاوة!!!
موجرمين انتم من قلب خنافس سلاحف نمل اي شي يهون الا القطاوة..
بس يالله حركات ولد عمك المشاغب شي شيطاني بقوة
بس اعجبني الذكي الي اخر شي

[[/size]

للعلم.. أمتنعت عن كلام عن القطاوة.. لو حطيته .. بتتعلمين الهكر عشان تدمير كمبيوتري..


ثــريــول

[memy]

يختي نمل و لا بشر :eviltongu و المشكلة اخوك بعد

انتي الموجرمة بدون نقاش


وش بتقولين هاه

ياختي كاني قلت لك اني كنت احسبه راح يطير مو اني قطيته عشان اتمتع اشوفه متكسر..

زيك مع النمل


اللى بقوله انتي عارفته زين

[I`m HeRe]

سعد
هههههههههههههههههههههههه
هههههههههههههههههههههههههههه
وش ذا والله فله ياليتني معكم سطو خرابيط
اعجبني خالك الي حطكم مع البرسيم والله شي هههههههههههه

ههههههههه ياهي أيام

لا وكنا بعد مسمينها شلة التعاون

والمقر الرئيسي للإجتماعات عند الشلال

والمخطط هو الحصول على الحلاو أينما كان أو وجد <<<هذا هو اللي يهمنا

[flarestar]

اللى بقوله انتي عارفته زين

اذا كلمتك اليوم.. لما اقوم من النوم ..قولي لي كيه

[Lena]

مون بوي

ليتك كنت معهم.. كان مالقيناك هنا

من زينك بعدuppy_dog
وبراحتك اذا ما ودك تقول هونيا مشكور اني وي^__^







عندومي

بس كنت انا وخواتي الثنتين نلعب او يومكن لاننا هاديات

ايه حنا كنا هاديات بعد وحريم وخرابيط
بس لازم حركه من ولا منا نشاغب مشالله عليكم












ميمي
u r the top criminal
النمل كائنات غبيه وما ادري ليه ما تكسر خاطري ممكن لانهم بالملاييين ببيتنا












ديجتال بوي
بصراحه من اروع الردود من جد
على كل سالفه كنت اتمتع ^__^
ذكرتني بايام بيت جدتي بالقصيم كنا كذا زيكم نحوس بارض الله ونايتنا التكفيخ من قبل خالي بعد
اما سالفه البيض صراحه حركااااااااات من جد وناسه ههههههههههههههههه
ومدري ليه اتوقع انك انت المشكح ====> ها؟








اذكر كنا نرسم بالفحم على الجدران
وكل بزر له مساحتها الخاصه
وياويل الي يتعدى على منطقه الثاني ينعض
وعاد وكل بزر وشخامطيه..الي منقهر من الثانيويكتب عيارته والي يرسم سله فواكه وكوخ وبيت(ما عندنا غير هالرسمات)
وهلم جرا
حتى يغو الجدار مريسة وملطلط بالسواد
ويجي خالي
يا حمير يا يا
..وسبات تعور القلب
ويصفنا طابور ومعاه العقال
وبالدور الكبير الى الصغير يكفخنا مع مؤخرتنا والله كانت تعور









واذكر ببيت جيرانا نروح مع بنتهم للسطح
عندهم عش حمام
نروح ناخذ بيضهم ونفقشه قدام عيونهم (صدق اجرام )
مدري وش الحكمه حمدلله والشكر