تقرير عن الأنمي الرائع Kimi Ga Nozomu Eien

[3shiro]

مشكور على التقرير الجميل للأنيمي الاجمل (كأن من قبل 2 عملوا تقرير لنفس الانيمي)
المهم انا انزل المسلسل بس بنطره لين انزله كله احسن عشان اتابعه مره وحده ، خاصة ان البتورنت يرفع الضغط وبطيء، انا الحين انزل الحلقه الرابعه ومادري اشفيه معلق مايمشي ، اليوم ابي اكمل تنزيل الحلقه الرابعه وكنت موقفه عند 63% من الظهر لين الحين الساعه 11 وهو بس ما نزل غير 75% !!! مادري اشفيه يقعد شوي يمشي وعقب يوقف مع انه في سيد في الموقع (انزله من anime-keep) ومع ذلك مايمشي كله صفر احاول مره ثانيه اعيد الكمبيوتر يمكن مشير واضغط عليه عشان ينزل يقعد يعد شوي وعقب بس يوقف مادري ليش....خاصه ان احجام الحلقات وايد كبيره 175/174 ميجا بايت يعني بس بيكون لو بخزنه في سيدي بس 4 حلقات يعني بيصير 3 سيديات وحلقتين في سيدي بروحهم مادري لو ضغطتهم بwinzip تعتقد ان حجمهم بيقل ولا مابيفرق شي.....
مشكور مره ثانيه على التقرير

ليش ما نزلتي الحلقات من 1-7 مع بعض؟؟ سريعين.
بس شكل بياخذ دهر على ما يخلصون. احسن من حلقه حلقه و ما فيهم الا جم بير 2-3 و يمكن 1سيد.

[Ramza]

شكرا محمد على الموضوع الجميل والمرتب

انا ماشاهدت الا حلقة واحدة من هذا المسلسل لكن ان شاء الله بكمله عما قريب

وموضوعك هذا كان سبب في تذكري لاكمال هذا المسلسل اللذ كما قلت انت (رائع)

انا تركت السوني بكبره لكن انتظر F F 12 ^^

وصدقني راح تنسى الألعاب مع كثرة الانميشن الرائعة مثل كيميجا

[QataR NighTMarE]

شكرا محمد على الموضوع الجميل والمرتب

انا ماشاهدت الا حلقة واحدة من هذا المسلسل لكن ان شاء الله بكمله عما قريب

وموضوعك هذا كان سبب في تذكري لاكمال هذا المسلسل اللذ كما قلت انت (رائع)



وصدقني راح تنسى الألعاب مع كثرة الانميشن الرائعة مثل كيميجا

العفو وليد
ونصيحه كمله وبتعرف انه بالفعل رائع
ومعاك حق شكلي حتى FF12 بنساها لكن اليابانيه اما الأنجليزيه فمستحيل على الأقل بشتريها وان ماعجبتني مثل X-2 ساعتها بنساها
وبأنتظار رأيك بعد المشاهده

[weiss_girl]

الحين فهمت شغلت البتورنت عدل
امس اني كنت انزل المسلسل وكنت موصله 63% وتميت طول اليوم مازاد إلا بس 75% استغربت ليش بطيء مع انه في 2 سيدر بس وحده قالت لي ان يمكن اللي انزل من عنده عنده نفس الكميه اللي انزل منه فمن جذي مايمشي،المهم عقب تمللت وعقب مره وحده قعد ينزل عاد شفت السيد 3 يمكن هذا عنده التكمله بس تخيل تميت سهرانه امس المهم وقفت ووصل لين 81%،واشتطيت على المسلسل خزنت الحلقه 1-2-3 في سيدي وشفتهم اشتطيت على الباقي ،عاد قلت قبل ما اروح الجامعه بخليه ينزل بس مب ان يكمل الحلقه 4 لأن بس بينزل 20% وبيخلص وبيكون الانترنت شغال على الفاضي فقلت بخليه ينزل الحلقه 5 عشان ينزل كميه وايد وعقب ما ارد البيت بخليه ينزل الحلقه الرابعه وبتخلص بسرعه وعقب ينزل باقي الحلقه الخامسه وبتخلص بسرعه وعقب ابتدي بالسادسه اللي يمكن بطول معاي ومب مكملتها اليوم،عاد لما قعدت اليوم وفتحت الانترنت رحت بسوي خطتي وبخليه ينزل حلقه 5 واروح الجامعه.........بس!!!........في جروب anime-keep شلوا كل الحلقات ومب مخليين إلا الحلقه الاولى و تلودين الحلقه 1-14 مره وحده!!!!! يعني صج احتريت ، بس تدري الحين اكتشفت انه مابيفرق لأني منزله الحلقه 1-2-3 وشوي من 4 فقاعد يكمل عليهم يعني مابيعيد من اول ويديد فمن جذي لما خليته ينزل بسرعه مشى لين 25% ، الحمدلله اني مامسحت الحلقات عقب مانسختهم في سيدي جان الحين بيعيد ينزلهم مره ثانيه فمن جذي قلت خلاص توبه بنزلهم بالمجموعات احسن مع اني اتملل لين انطر لين يخلص خاطري اشوف منه شي .....الحين فهمت طريقة البتورنت....
انطر يخلص التنزيل على احر من الجمر :vereymad: :vereymad:

[QataR NighTMarE]

لووووووول يا ويسس غيرل
عليج حظ مب صاحي
المهم ان شاء الله بتنزلين الحلقات كلهم وبتعطيني رايج عن المسلسل بشكل كامل ^^
لكن من خلال رؤيتج لـ3 حلقات
شنو رايج فيه كمقدمه ؟

[Tokimeki]

TNT هاي ..^^
يعني ليش ما قريت شنو انا كاتبة ^^ الخط شكبرة
[أنا حابة اتناقش عن الانمي ...ف الي ما شافة لا يقراة لو سمحتوا SPOILER!!]
كل هذا و تقول حرقنا المسلسل

ولد البوكواة ...صح كلامك ..أنا اكيد في مشاهد وايد ما كانت تعجبني Hayase Mizuki ..و حتي Narumi Takayuki ببرودتة في تصرفاتة و مشاعرة و الكل يعني ما كو واحد حبيتة 100% !


weiss_Girl اللة يكون بعونج !!حاسة فيج X_X; Gambatte Ne

[QataR NighTMarE]

TNT هاي ..^^
يعني ليش ما قريت شنو انا كاتبة ^^ الخط شكبرة
[أنا حابة اتناقش عن الانمي ...ف الي ما شافة لا يقراة لو سمحتوا SPOILER!!]
كل هذا و تقول حرقنا المسلسل

ولد البوكواة ...صح كلامك ..أنا اكيد في مشاهد وايد ما كانت تعجبني Hayase Mizuki ..و حتي Narumi Takayuki ببرودتة في تصرفاتة و مشاعرة و الكل يعني ما كو واحد حبيتة 100% !


weiss_Girl اللة يكون بعونج !!حاسة فيج X_X; Gambatte Ne

Thanks 4 the replay

[kitten]

اخوي انا نزلت اول 7 حلقات و شفتهم

spoilers \ تخريب :

الصراحه انا شدني المسلسل وايد بس مثل ما قلت فيه لقطات X_X
لكن الصراحة الانمي وايد حلو و خاصة ان القصة حقيقية 100% اقصد انه مافي سحر ولا طاقات و لا شاكارا و لا طق
يعني قصه طبيعية و ممكن تصير
بس الصراحة القصة تقهر واااايد و خاصة ان متسكي قاهرتني اشلون تحب البطل و اهي تدري انه يحب هاروكا الصراحة كرهتها :vereymad:
و هاروكا معقوله ما لاحظت فرق الاشكال و ان شعرها صار طويل (غبيه و لا .. )
و مثل ما قال الاكثريه احلى شخصيه اهي اكاني (احب الشخصيات القويه و اللي ما تخاف تقول اللي بقلبها )
انا الحين قاعده انزل البقيه يمكن تنزل باجر و انشالله تنتهي نهايه حلوة و اتمنى ان هاروكا تحب واحد ثاني غير البطل لانه خانها و اهي تستاهل احسن منه
شفت اشلون انا اندمجت بالانمي واخذته على محمل الجد

مشكووور اخوي

[QataR NighTMarE]

مشكوره على ردج كيتين
ومو بس انتي اللي اندمجتي معاه كلنا اندمجنا
وبخصوص كيف هاروكا مالاحظت شعرها
لاتنسين انها كانت نايمه 3 سنين ويوم قامت كانت ذاكرتها مب ذاك الزود ولكن اول ماتشوفين المسلسل كامل راح تقتنعين بكلامي اللي فوق

[KJF]

هلا اخي ولد البوكواره كيفك؟

مشكور والله على التقرير بشوف هذا الانمي باقرب فرصة يا ولد البوكواره

ترا انا احب الانميهات القصيرة يا ولد البوكواره

وما تسألني عن سبب كتابة اسمك بالاحمر الكبير, تراني ما اعرف الجواب, يا ولد البوكواره

سلام

















يا ولد البوكواره!

[فيقى الكبير]

بببببببببببببببببببببببببببببببببببببببب

[QataR NighTMarE]

مشكورين على الردود والعفو

[TNT-BOY]

بصراحه انا الى الحين شفت ثمان حلقات بس

وبرأيي انه ما يستاهل انه يوصل الى المراكز العشر الاولى

رسمه صار بايخ + كل حلقه زي الى قبلها مافي شي جديد + الشخصيات قليله و ماهي مميزه + فيه اغلاط واجد ما تتمشا من ناحية القصه

والعيوب مستمررررررررررره

يعني ما ادري ليش الكل يقول عنه حلو

احلى مافيه نهايه الحلقه الثانيه + فكرته جديده وبس

يعني انا شايف انميات رومانسيه قليله لاكن شفت كثيره احسن منه بواجد

بس الانميات الجديده معظمهم كدا تشوف الصوره و اول الحلقات وتقول عنه حلو بس بعدين تشوفه يتغير ويصير بايخ وعندك بعد Midori No Hibi Days مانا مشتهي اكمله لاني حسيت انه انمي ضعيف + جبت كم انمي احلى منه ادا خلصتهم بشوفه

بس مع ذالك راح "احاول" اكمله <<<<<<<<<<< يقصد Kimi Ga

لاني ان ماشاهدته بروح الى "مستودع الانمي " الى في حجرتي وبطلع اشيا بايخه "غير DBz " وبظيع وقتي عليها :vereymad:

وهدا كل الى كنت اريد اقوله

و اعذرني يا محمد على الكلام الزايد بس هدي كانت وجهة نظري في الانمي
وسلااااااااام

[QataR NighTMarE]

وجهة نظرك مقبوله اخوي TNT والناس اذواق

[~Kitty~]

مشكووور اخوي ولد البوكواره على الموضوع الرائع

الصراحة الانمي وااايد حلو وايد اندمجت فيه و اتأثرت خاصة الحلقة الثانية بس المسلسل يقهر واااايد :vereymad:
و خاصة متسكي اول ما اشوفها تطلع تلوع جبدي ( منافقة ) والبطل وهاروكا وااااي يكسرون الخاطر
انا شفت اول 7 حلقات وان شاء الله بكمله الحين

يعطيك العافية وبباي