تقرير عن Onegai Twins

[kitten]

اقتباس:
يكون ولد غبي ساقط في المدرسه و وقح
احلى المواصفات

لوووووول بالله عليك هذي اهي احلى المواصفات لوووووول

بس بروح اكمل Excel Saga <<<<<<<<<<< ادري صاير قديم هل فتره

معقوله تحب هذا الانمي حده مسخره (مع اني كاتبه عنه تقرير!!!)
انا بس شفت اول 6 حلقات من كثر العبط اللي فيه مليت منه (مع اني بعض المرات افكر اني انزله لكن اختي كيتي تذبحني بس اذا ذكرت الاسم )

لا يكون البطله مالته ؟
الى ما ادري كيف اذاينها ؟
انا مانا مشتهي اشاهد هل انمي وهي احد اسبابه
لان اذاينها ما اتحملهم تجيب ليي القشعريره

حراااام عليك احد يقول عن chi هذا الكلام بالعكس اهي كيووووت حدها

راح اضيفه الى قائمة المنجات اى بقراها

انا اعتمد عليك بالتنزيل اخوي ما اوصيك نزل احلى المانغات و خاصه مالوت yuu watase عشان انزلهم منك بال dc هههههههه
ادري بتذبحني

[Lezard Valeth]

هلا اخوي TNT-BOY بصراحه احب ارد على ردودك لأنها فريده من نوعها و تونس لما اقراها

, فعلا تي ان تي بوي عضو مرح جدا ودمه خفيف وانسان طيب , وردوده عفوية ومميزة , كل ما اقرأ ردوده احس بفصلة نوعية , يا رجل كوول ذا روك

نفس الشعور لاني اعتبرك احد افضل الاعضاء في هل منتدى

, ويس جيرل كافي اسمها بس , لا تعليق , عضوة مميزة الفكر بكل معنى الكلمة

بس الشونن الرومانسي بالعاده ماهو رومانسي بالفعل وكله عن يا ولد كوول " ما يعطي وجه " او غبي همه في هل دنيا البنات

صحيح ^^ , لكن بانميات معينة يكون في رومانسية مقبولة وجميلة على الرغم من حكم هذا الطابع الاساسي , كمثال DNA2 , فهو خليط وليس شونن بحتي

لا يكون البطله مالته ؟
الى ما ادري كيف اذاينها ؟
انا مانا مشتهي اشاهد هل انمي وهي احد اسبابه
لان اذاينها ما اتحملهم تجيب ليي القشعريره

لا تركز عليهم وخلاص , دور اماكن ثانية , خلك شونن ,
بالنسبة لتشو بيتس فهو حلو لكن مو لهذه الدرجة , الي محليه بس انه غريب شوي , وفي تويستات رومانسية حلوة بعد

لا كلامك هدا يمشي على واحد طبيعي
مو صاحبي لان كل شي عنده حلو ويشاهد كل شي و يستمتع به
لا والقهر يجيني في الاخير ويقول ليي ان Cowboy Bebop بايخ و الوانه بايخه

على قولة لا يعجبهم العجب ولا الصيام في رجب , انا ما شفت كاوبوي بيبوب فما عندي فكرة هههه , لكن عجيبة رفيجك شمعنى هذا الي ما عجبه وهو عاجبه كل الي شافه

[weiss_girl]

شكرا جزيلا وانا اقدركم واحترمكم

لا يكون البطله مالته ؟
الى ما ادري كيف اذاينها ؟
انا مانا مشتهي اشاهد هل انمي وهي احد اسبابه
لان اذاينها ما اتحملهم تجيب ليي القشعريره <<<<<<<< من زمان ما استخدمت هل مصطلح

البطله شخصيتها غريبه شوي تحسها تقريبا مثل ري اينامي في ايفانجليون بس هي كيووووووووت على الاقل تبتسم وتضحك وبريييئة حدها بالنسبة للأذن هي لأنها كمبيوتر متنقل فهذي الاذنين يحطون فيها الوصلات لها واذا بعد يبون يشحنون بطاريتها..
بس المسلسل جميل جدا في حلقات لما تخلص ومع الاغنية النهائية ما اقوم الا و ويهي صاير مالح من الدموع .......

والاسؤ منهم كان Happy Lesson الى اعتبره من افشل الامنيات <<<< بس ما يحطم Onegai Twins

يعني اي احسن Happy Lesson او Onegai Twins ؟ لأني شفت شوي من Happy Lesson وحسيت انه ممم عادي مش بطال يعني لا هو زفت زفت ولا هو حلو يعني كويس حق تضييع الوقت ان ماكان عندك شي تشوفه بس استغربت ان له مسلسلات وايد اول شي له 3 حلقات اوفا من 2001 و بعدين مسلسل 13 حلقه من 2002 وعقب مسلسل ثاني Advance من 13 حلقه من 2003 وعقب اوفا ثاني The Final من 3 حلقات في2004 يعني هل هو جميل لهذي الدرجة ؟
=======
صحيح kitten اوف انا اكره fooly cooly + Excel Saga ضحك على الفاضي عبط ماله حدود بس مسلسلين حق المسخرة بس لا قصه ولا يحزنون ما كملت ولا واحد فيهم مثل ما اكره دراجون بول هم نفس الشي.

ويس جيرل كافي اسمها بس , لا تعليق , عضوة مميزة الفكر بكل معنى الكلمة

اريقاتو اوني تشان

[kitten]

صحيح kitten اوف انا اكره fooly cooly + Excel Saga ضحك على الفاضي عبط ماله حدود بس مسلسلين حق المسخرة بس لا قصه ولا يحزنون ما كملت ولا واحد فيهم مثل ما اكره دراجون بول هم نفس الشي

اففففففف انا بعد اكرهه دراجون بول
اما عن flcl انا بس شفت الحلقة الاولى و ما اعجبتني كلشششش خاصه ان صديقه اخوه الكبير غريبه ما ادري اشتبي بالياهل البطل!!! تتلزق فيه >< ويععع !!
و اخر الحلقة صارت كلها مانغا و بس فكرهت الانمي و ما شفته مع ان اهو دائما القاه في المراكز الاولى ما ادري ليش؟؟؟

ويز غيرل شيكي على الخاص

[TNT-BOY]

kitten

لوووووول بالله عليك هذي اهي احلى المواصفات لوووووول

بالنسبه لأنمي كوميدي ايه
يبغا لك تنزلي منجا Shounan Junai Gumi وراح تعرفي ويش اقصد

معقوله تحب هذا الانمي حده مسخره (مع اني كاتبه عنه تقرير!!!)

ما قريت تقريرك الى الحين راح اقراه ادا خلصت منه " على شان اظمن انه ما يصير حراق"
ايه انا اموت بهل اشيا الى كدا <<<<<<<< واولهم الكرتون Beavis And Butthead " ترا سوا عنه تقرير كبير "
هو اكيد نوعيته تروح عن الذاكره بالسرعه احداثه " لكثرتها "
بس على الاقل تخليني اضحك وهدا كل شي اريده من انمي كوميدي

واحلى مافيه المخرج ماله Shinichi Watanabe ماهو طبيعي



والى عجبه Excel Saga اكيد راح يعجبه Puni Puni Poemi لانه يعتبر الـOVA ماله <<<<<<<< سارق هل كلام من واحد على الماسنجر توني

وترا لو اعدد الانميات الى اقتسبسو منها مشاهد و شخصيات ماتخلص بس منهم :
DevilMan
Shounan Junai Gumi
Cowboy Bebop
Kenshin OVA
وفي بعد الحلقه مالت الحيوانات بس طلعو من
شارلك هولمز <<<<<<<<< الانمي القديم الى فيه كلاب تحقق
ذئب الجبل الاعور <<<<<<<<<<< هدا من الانميات الى ما نسيتها من لما كنت صغير

واشيا واجد


يعني هل انمي تصير فيه لقطات المفروض تكون حزينه مثل " القتل و الخيانه " بس تشوف نفسك تضحك عليها
غير ان كل حلقه لازم تكون فيها شي مميز وهدا الشي يحدده الكاتب في بدايت كل حلقه
هدا طبعا كله شي و الكلب مالهم شي ثاني
يعني حرام ما تحبوه ويش الواحد يريد اشيا اكثر من كدا ؟ " بالنسبه لانمي كوميدي"

(مع اني بعض المرات افكر اني انزله لكن اختي كيتي تذبحني بس اذا ذكرت الاسم )

تستاهلي لانكي تمنعيها بعد من تنزيل وان بيس

حراااام عليك احد يقول عن chi هذا الكلام بالعكس اهي كيووووت حدها

انا

انا اعتمد عليك بالتنزيل اخوي ما اوصيك نزل احلى المانغات و خاصه مالوت yuu watase عشان انزلهم منك بال dc هههههههه
ادري بتذبحني

اوكي
وترا عندي منجات حلوين واجد غيرهم
يعني سلي حالك بهم الين ما انزل هل منجا <<<<< عاد ادا بينتي
على فكره انا الامس رحت كلمت وحده على الدي سي اسمها kitten كنت افكرها انتي
بس شفتها ماترد
رحت الى المشاركه مالها والى اشوف مشاركه بـ100 جيجا
قلت هدي اكيد مو انتي
وتأكدت لما نزلت اللسته مالتها وشفت فيها بلاوي زرق وحمر
وهي الى الحين شابكه شوفي

[TNT-BOY]

==============

Densetsuno ken

فعلا تي ان تي بوي عضو مرح جدا ودمه خفيف وانسان طيب , وردوده عفوية ومميزة , كل ما اقرأ ردوده احس بفصلة نوعية , يا رجل كوول ذا روك

يلله عاد لا تخجلني <<<<<<<< يكره هل شعور

وترا ما بمدحك على شان مدحتني <<<<<<<<<< مافي مصلحه

لا لاا امزح
انت غني عن التعريف و اليوم الصبح كنت على ذكرك <<<<<<<<< تطمن بالخير

لا تركز عليهم وخلاص , دور اماكن ثانية , خلك شونن ,

ترا انا اسمي الرسمي على الماسنجر TnT-Shounen يعني ما يحتاج توصي

وفي تويستات رومانسية حلوة بعد

من الحلوه ؟
القصه وله البطله ؟

انا ما شفت كاوبوي بيبوب فما عندي فكرة هههه

اجل راح علك عمرك كله " مو نصه " <<<<<<<<<< نفس حالت مع فوشنق يوقي

لكن عجيبة رفيجك شمعنى هذا الي ما عجبه وهو عاجبه كل الي شافه

لاني مزهقنه به معظم الـ AMV انزلهم ليه
هدا غير عن الصور <<<<<<<<< ترا حتى صورتي الشخصيه في الماسنجر حا طنها سبايك

يعني زي ماتقول معقد بهل انمي انا

الى بقول لك دز ليي ايميلك على الخاص

===================

weiss_girl

بالنسبة للأذن هي لأنها كمبيوتر متنقل فهذي الاذنين يحطون فيها الوصلات لها واذا بعد يبون يشحنون بطاريتها..

تذكرنب بـ Nuku Nuku <<<<<<<<< نسيبت كيتن

ومع الاغنية النهائية

ايه سمعتها على جهاز صاحبي
بس ما ادري النهايه وله البدايه
بس كانت غبيه ومضحكه

ويهي صاير مالح من الدموع

حسب علمي الدموع " حلوه " مو مالحه <<<<<< عنده خبره دايما ينضرب لما كان في الروضه

يعني اي احسن Happy Lesson او Onegai Twins ؟

مع ان كل واحد اخس من الثاني <<<<<<<<<<< على قولت المثل الشعبي عدنا " باب خراب"

بس اتوقع Happy Lesson احلى
مع اني ما شاهدت منه الى 5 حلقات بس ماله قصه مافيه كوميديا ما فيه رومانس
اصلا لو احد يسألني ويش نوعه ما اعرف
لا والى زاد الطين بله ان الى عندي ماهو مرتب عدل
بس الحلقه الاولى مالته سيئه على طول يرمو المشاهد في نص الاحداث بدون مايفهموه القصه
وبعدين يقولو
يمكن لاني شفت الجزء الثاني ماله على طول
يبغا ليي اشيك بنزلالحلقه الاولى وبشوف

انا اكره fooly cooly + Excel Saga

اكسيل ساجا ماعليه كلام رهيب
اما فولي كولي معاكم حق
انا شفت يمكن بس اول حلقتين له كان فيهم نوع من العبط بس القصه مالته ماعجبتني " واحد يطلع من جبهته روبوتات + وحده تحسب روبوت ملاك "
يعني عباطه ماهي حلوه واجد
انا ماشاهدته الى لان موقع انمي اكاديمي عاطينه نسبة 96%

يعني ثاني اعلى نسبه بعد Grave of the Fireflies الى حصل 98%

مسلسلين حق المسخرة بس لا قصه ولا يحزنون

اسمه فيه " كوميدي "
لا وعبيط بعد

مثل ما اكره دراجون بول

اظن الكل متفقين على هل شي <<<<<<<< الله يعيني على محبيه

اريقاتو اوني تشان

ماهو راكب انه اخوكي

[NsaN]

شفته من زمااان و عجبني والله..
عجبني اكثر من Onegai Teacher اللي مدحولي اياه لين ما قالوا بس و يوم شفته طلع ما يسوى..
و يوم خبرت ربيعي ان Twins احلى بغى يذبحني

الانمي خفيف و يسلي الواحد..
يعني اذا الواحد فاضي العصر و ما عنده شي يسويه يسلي عمره بهالانمي..
احلى حلقة فيه يوم البنات يشكون ان اخوهم شاذ..ههههههههه..حلقة عبيطة..

اوه..امس نزلت الاوفا مالته بس للحين ما شفتها..

مشكور TNT و يعطيك العافية..

[kitten]

ما قريت تقريرك الى الحين راح اقراه ادا خلصت منه " على شان اظمن انه ما يصير حراق"

لا مافيه اي حرق و لا شي اصلا انا بس شفت اول 6 حلقات لذلك ما كتبت فيه اشياء تحرق و باقي المعلومات يبتها من مواقع

واحلى مافيه المخرج ماله Shinichi Watanabe ماهو طبيعي

هذا مبدع بعمره و خاصه انه حاط لروحه شخصيه بالمسلسل و مخليه انه فلتة زمانه و كووول

وترا لو اعدد الانميات الى اقتسبسو منها مشاهد و شخصيات ماتخلص بس منهم

اي المشكله يوم شفته ما كنت شايفة وايد انمي لكن الحين يمكن افهم تلميحاتهم

و الكلب مالهم شي ثاني

احلى شي اغنيه النهايه تكسر الخاطر كلششش

تستاهلي لانكي تمنعيها بعد من تنزيل وان بيس

شكو ليش تنزل ون بيس المسلسل حده طوييييييل و تبيني ابدا انزله من الصفر لا يا معود انا مو ناقصه كافيني ناروتو و اينوياشا لي الحين قاعده انزل فيهم بعد تبي اضم واحد للقائمه

على فكره انا الامس رحت كلمت وحده على الدي سي اسمها kitten كنت افكرها انتي

لا انا مادخلت امس اخر مره دخلت فيها اهو هذاك اليوم اللي لقيتك و بتروح حق رفيجك تشوف ناروتو هذا اخر يوم دخلت له

رحت الى المشاركه مالها والى اشوف مشاركه بـ100 جيجا

اففففففف 100 جيجا مره وحده انا كمبيوتري كله 40 جيجا بس يعني اذا بشارك حدي 20 جيجا اكسر الخاطر

وتأكدت لما نزلت اللسته مالتها وشفت فيها بلاوي زرق وحمر

اسم الله علي الحمدلله ما عندي الا انمي و اغاني و مانغا

[*سوزي*]

يعطيك العافيه اخوي على التقريرالحلو
مع انك (طيحت حظ هالانيمي )بالنسبه لي لاني سمعت عنه الكثير وكنت ناويه اشتريه .. والحمدلله اني ما شريته

[TNT-BOY]

Magenta

شفته من زمااان و عجبني والله..
عجبني اكثر من Onegai Teacher اللي مدحولي اياه لين ما قالوا بس و يوم شفته طلع ما يسوى..
و يوم خبرت ربيعي ان Twins احلى بغى يذبحني

غريبه حصلت واحد شاهد هل انمي
بيني وبينك سلسلة Onegai كلها بايخه
ومعاه حق ربيعك

الانمي خفيف و يسلي الواحد..
يعني اذا الواحد فاضي العصر و ما عنده شي يسويه يسلي عمره بهالانمي..
احلى حلقة فيه يوم البنات يشكون ان اخوهم شاذ..ههههههههه..حلقة عبيطة..

شرط اني شاهدته في فتره كنت مخلص من كم انمي حلوين <<<<<<<<< يعني كان عندي نقص بالانميات الحلوين

بس مع ذالك زي ماقلت احسن مافيه انه يضيع وقت بس

اما سالفتهم مع الشذوذ ترا مو بس حلقه وحده
هم طوال الوقت شاكين به والبركه تعود على ابو الاشاعات

وه..امس نزلت الاوفا مالته بس للحين ما شفتها..

ايه بس قاري ان مالها علاقه بالقصه

==============================

kitten

مافيه اي حرق و لا شي اصلا انا بس شفت اول 6 حلقات لذلك ما كتبت فيه اشياء تحرق و باقي المعلومات يبتها من مواقع

هدانا بديت اقراه ووصلت الى قسم الشخصيات
بس كيف تقولي ما تحبيه وانتي مادحتنه بقوه

اي المشكله يوم شفته ما كنت شايفة وايد انمي لكن الحين يمكن افهم تلميحاتهم

ايه وترا فيه اشيا قديمه جدا يعني انتي وخبرتك

احلى شي اغنيه النهايه تكسر الخاطر كلششش

واحلى مقطع لما يقول " ان كنت ستأكلني ......... فأكلني بسرعة "

شكو ليش تنزل ون بيس المسلسل حده طوييييييل و تبيني ابدا انزله من الصفر لا يا معود انا مو ناقصه كافيني ناروتو و اينوياشا لي الحين قاعده انزل فيهم بعد تبي اضم واحد للقائمه

الحمد لله ناروتو وانوياشا عندي الى آخر حلقه
شرط اني ما اتابع الى ناروتو

لا انا مادخلت امس اخر مره دخلت فيها اهو هذاك اليوم اللي لقيتك و بتروح حق رفيجك تشوف ناروتو هذا اخر يوم دخلت له

ذاكره قويه

اففففففف 100 جيجا مره وحده انا كمبيوتري كله 40 جيجا بس يعني اذا بشارك حدي 20 جيجا اكسر الخاطر

انا اشارك بـ25 جيجا بس
ما احب ازيد على شان ما يسحبو مني واجد

اسم الله علي الحمدلله ما عندي الا انمي و اغاني و مانغا

على شان كدا تأكدت زياده انه مو انتي

================
*سوزي*

مع انك (طيحت حظ هالانيمي )بالنسبه لي لاني سمعت عنه الكثير وكنت ناويه اشتريه .. والحمدلله اني ما شريته

ترا الى قلته رأيي الخاص
ولو تشوفي Magenta مدحه وقال انه تسلى به

يعني في احتمال انه يعجبك

------------------------------------------

خخخخخخخخخخخخخخخخخخخخخ

الى يدخل الموضوع يقول داخل حجرة دردشه مو تقرير

يلله من حقنا نفرفش بين فتره وفتره <<<<<<<<<<<< ما كأنك مفرفش على طول

[kitten]

بس كيف تقولي ما تحبيه وانتي مادحتنه بقوه

صج انا مدحته بقوة !!! اتصدق ما اذكر
الظاهر لاني كنت على ايامه حابته بس بعدين قام يصير مليق
على العموم انا احب هذا المسلسل لكن اختي المجرمه مانعتني اني انزله لاني اذا نزلته اهي راح تنزل اشياء انا ما ابيها

الحمد لله ناروتو وانوياشا عندي الى آخر حلقه

انا بعد عندي اياهم الى اخر حلقة بس اينوياشا عندي الى حلقة 153 ما شيكت اذا نزلوا بعد

ذاكره قويه

الصراحه انا ما انسى هذاك اليوم لانك صدمتني فيه عدل
خاصه انك بتروح الفجر عند رفيجك تشوف انمي

شنو هذا يا tnt انا راح اذبحك
قمت الصبح ولقيت انك منزل اشكثر مني و لما بديت انزل من عندج فصلت الخط :vereymad:
انا اوريك راح انزل من لما اقول بس

[TNT-BOY]

من باب التغيير هل مره ردي يروح يكون له علاقه بالتقرير


وهدا موقع صور Gifts ليه


===========================

kitten

الصراحه انا ما انسى هذاك اليوم لانك صدمتني فيه عدل
خاصه انك بتروح الفجر عند رفيجك تشوف انمي

ترا هل شي نقطه في بحر الاشيا الغريبه الى اسويها <<<<<< وفرحان بعد
لان تواقيتي عالميه يعني ماعندي وقت محدد انام فيه

شنو هذا يا tnt انا راح اذبحك
قمت الصبح ولقيت انك منزل اشكثر مني و لما بديت انزل من عندج فصلت الخط
انا اوريك راح انزل من لما اقول بس

اخذي راحتك نزلي الى تريديه <<<<<<< انا امشي على قانون " قبل لاياكلها الدود "

و انا كل الى نزلت منك صور بس
يعني في الحجم انتي منزله اكثر مني
كفايه مدبر لك منجات ماتحصليهم على النت <<<<<<<<<<صار كنز مو منجات

[kitten]

و انا كل الى نزلت منك صور بس
يعني في الحجم انتي منزله اكثر مني
كفايه مدبر لك منجات ماتحصليهم على النت <<<<<<<<<<صار كنز مو منجات

[kitten]

لان طلعنا من موضوع التقرير وايد و مصخناها و خربنا تقرير اخوي
هذي هديه حقك
صور المسلسل (لقطات من المسلسل) :

[weiss_girl]

والى عجبه Excel Saga اكيد راح يعجبه Puni Puni Poemi لانه يعتبر الـOVA ماله

للأسف Puni Puni Poemi في البدايه ماكنت اعرف ان له علاقه بأكسل ساجا حسبته انيم كيوت لما شفت غلافه بس في النسخه الامريكيه حاطين غلاف يفشل فماصدقت وشفت له دعايه وطلع الانيم مثل جولدن بوي يعني للي يكره جولدن بوي عشان الوصاخه اللي فيه لا يشوف هالانيم...

اسمه فيه " كوميدي "
لا وعبيط بعد

انا احب الكوميديا بس مو بهالشكل يعني ان المسلسل كله استعباط في استعباط يعني تبي تعرف القصه الاساسية ............مافي! يعني مثلا مسلسل urusei yatsura الكوميديا فيه تخلي الواحد اللي امه توه ميته يتفقع من الضحك بس فيه قصه واحداث يعني هو مش بس كوميدي وخلاص....

انا ماشاهدته الى لان موقع انمي اكاديمي عاطينه نسبة 96%

يعني ثاني اعلى نسبه بعد Grave of the Fireflies الى حصل 98%

هالامريكان ماينعرف اشلون ذوقهم اي شي غريب وخارج عن الطبيعه البشريه يعجبهم

بس اتوقع Happy Lesson احلى
مع اني ما شاهدت منه الى 5 حلقات بس ماله قصه مافيه كوميديا ما فيه رومانس
اصلا لو احد يسألني ويش نوعه ما اعرف
لا والى زاد الطين بله ان الى عندي ماهو مرتب عدل
بس الحلقه الاولى مالته سيئه على طول يرمو المشاهد في نص الاحداث بدون مايفهموه القصه
وبعدين يقولو
يمكن لاني شفت الجزء الثاني ماله على طول
يبغا ليي اشيك بنزلالحلقه الاولى وبشوف

صحيح الحلقه الاولى على طول نشوفه عايش مع مدرساته بس في الحلقه الثانيه يقعدون ويشرحون القصه وليش هم عايشين معاه...

ايه سمعتها على جهاز صاحبي
بس ما ادري النهايه وله البدايه
بس كانت غبيه ومضحكه

هو له اغنيه بدائيه وحده و3 اغاني نهائيه انا اللي حبيتها الثانيه
المسلسل حلو لا تحسبه انه مجرد حياه يوميه وخلاص فيه احداث مهمه واكشن >> زي GTO+ceres تقريبا.

انا ما شفت كاوبوي بيبوب فما عندي فكرة هههه
اجل راح علك عمرك كله " مو نصه " <<<<<<<<<< نفس حالت مع فوشنق يوقي

انا شفت كاوبوي كله بس مره وحده هو حلو بس مش كل الحلقات حلوه بس تحس ان الاحداث المهمه والقصه الاصليه في اخر المسلسل وباقي الحلقات هي مهمات يروح ويمسك بالمجرم وياخذ المكافأه مقارنه ب اوت لو ستار افضل منه حيث ان المسلسل كله احداثه متتاليه ومترابطه بس طبعا نهاية كاوبوي افضل منه،الفيلم فعلا كان ممتاز...

شفته من زمااان و عجبني والله..
عجبني اكثر من Onegai Teacher اللي مدحولي اياه لين ما قالوا بس و يوم شفته طلع ما يسوى

نفسي انا بعد ما حبيت الجزء الاول وايد يعني بعد كل هذا المديح والشهره ماتوقعته جذي يمكن يعجبني الجزء الثاني بعد الناس اذواق...