اختبار جامعة الخليج السابعة عشر للأنيمي !!!! ^^

[Lezard Valeth]

اقوم بتفريغها فى الدراسة

اليوم الي ييي ابي افرغ شي على الدراسة فيه يكون اليوم الي ذبحت فيه الفراغة اصلا

كلهم قديمين بس صراحة ما أتذكر لعبة كانت عندي اسمها لونار

, من صجج يونا ؟؟ , في احد ما لعب لونار , هذه اللعبة تحفة كلاسيكية , اذا ما لعبتيها ساترن انزين معقولة ما لعبتي الريميكس على البلي ستيشن

أكيد الموضوع له فوائد <_< والدليل :
اقتباس:
اطالب باغلاق الموضوع !!
لسه الموضوع في البداية ^^ اذا كتبت موضوع ثاني بطلب اغلاق الموضوع لأنه مستحيل يتوقف عند ردود محدده

I just want 2 know O_o , why that there isn't anybody here getting my jokes >__<


P.S: I'm going 2 bomb any sort place that contain any sort of bribe

[Yuna]

هذي ثاني مرة أكتب ويحصل خطأ والسبب الأيقونات للمنتدى أعتقد أستعمل الخيار الثاني أفضل ...

claire

لااا حشا ، ما كان قصدي -_- ...

طوبعـــــــاً .. لو كان قصدج أطالب تدفعين رسوم الأعلانات في القصد ذنب ^^

بس يا ربي ما أقدر اشتريهم ، لأن إلي تبينها بالآلاف و هذي رخيصة حيييييييييييل و أنا ما أحب أشتري أقل من المليارات

كلير عندج قلب معاني ولا الخطأ عندي !!!!
-__________- همممممممم أعتقد أنها تحاول الهروب من السالفة لكن لا... احم احم ....ايه طيب حبيبتي مايحتاج تتعبين نفسج عطيني المليار بدل الساعة أقبل مب طماعة لاتخافين >_> ===> أصبحت مافرق بين المليارات والآلاف والسبب عندج


D-ken
أخوي مالعبتها ممكن تعطيني اسمها كامل بالأنجليزي ^^ ....من كلامك لعبة مهمة ! ><

I just want 2 know O_o , why that there isn't anybody here getting my jokes

>< hmmmm! ....that's mistake
you didn't know ...that's hold of talking "even" I can say to you this subject isn't important ^^... to convince just ^^
I think you knew what I meant now ^^
and I decided this subject must be closed from start
but after certificates of course maybe I said this in fore too ^^
-____- you're know.. like this subject always take a lot of replys ^^ but I didn't see much replys like my expectation as yet
^^ and thanks brother D-Ken

I'm going 2 bomb any sort place that contain any sort of bribe

؟ nani
ننطر بقية الأعضاء موضوع ترفيهي و كل سنة ... الردود من المفترض أن تكون أكثر ^^

[aziz=jotaro]

السلام عليكم

الاسم:aziz shinoda(lp)lol
الترتيب الرقمي:يعني شنو....بعطيج رقم جلوسي الي بالثانويه العامه(اشوه افتكينا) 6156

_نبدة رأي عن المقدمة اذكروها ؟ "تعليق صغير يكفي" -- خمس درجات "فقط" *****

شكله سؤال اجباري.......والله مادري انا صراحه تعقدت....اشلون اتزيد العدوانيه بسنبه مادري جم...يعني في جهاز يحطونه على الشخص بعدين يعرفون ولا اشلون هالشغلات اتحسسني اني غبي.
بس صراحه خوش مقدمه وانتي خوش ابلى(قاعد اضبطجlol)
الصراحه قريتها ومافهمت شي...وقاعد اقول متى ادش بالموضوع.

_كم ساعة تجلسون أمام شاشة التلفاز بغض النظر اذا كانت أفلام رسوم متحركة يابانية أو أفلام أمركيية أو مسلسلات مكسيكية !!! ؟ اذكروا نظام متابعة بشكل مختصر .. -- درجتان **

مادري على حسب.....في ايام ماشوف التلفزيون موليه>>>>>>>>وايد
وفي ايام من الزهقه 24 ساعه اطالع التلفزيون>>>>>>>قليلthx to my friends

بس انا اشتري series معين واقعد عليه ليمن اخلصه....باليوم الواحد اشوف اربع حلقات...بس مو يوميا.
بس السوني تو العب فيها ليمن اخلص لعبه معينه.(شخباري السوني)


_ هذا السؤال مشتق من السؤال الثاني ..أذكرو الأوقات المناسبة لمشاهدة أفلامكم المحفوظة اذا كان هناك وقت ؟ -- درجة واحدة *

قبل لا انام....او اذا ربعي كلهم نايمين وكنت بروحي اقزر عالتلفزيون....الظهر مرات....والساعه 11 بليل(احب هالوقت)

_ماهو أفضل نوع لمسلسلات الأنمي ؟ -- درجة واحدة *

كوميدي....واذا في قصه حب...واذا البطل عنيف و outlaw...اكثر شي يعتمد على الشخصيات الي بالانيمي

5_ماهي سلبيات الأفلام التي تقضون عليها جزئاً من وقتكم أو جزء معين كفراغ لاأكثر ؟ -- 3 درجات ***

اذا كان الفلم او الانيمي بايخ
اول شي الوقت الي ضاع عليه.
ثاني شي الفلوس>>>>>>جعص ادري..لوووول...(اشوه van helsing المليق معطينياه هديه)
بعد....ماكو سلبيات صراحه.

6_ماهي ايجابيات الأفلام التي تقضون عليها جزئاً من وقتكم أو جزء معين كفراغ لاأكثر ؟ -- درجتان **
صراحه وايد
-الهروب من الوحده(خخخخخ)
-اتلعم اشياء وانا اشوف
-اضحك
-امرح(اي شي لول)
-يعني اتعرف على تفكير الملحدين واليابانيين.
-احاول افهم شنو رساله الكاتب واكثر شي بالنسبه لليابانيين يركزون على قوه الاراده والجد اما الامريكان الحب.
هذا الي اذكره.

7_كيف تكون حالتكم النفسية عندما تكونوا " مجبورين " على ترك فلم لضرف غير متوقع أبداً ؟ -- درجتان**

اكون ناسي الفلم واذا تذكرته ارجع اطالعه.شهالسؤال؟

بس عالعموم ازهق.


_هل ستأخدون نظام أو اجراء للمحافظة على ترتيب مواعيد للمشاهدة ؟ أم أن النظام هو عشوائي ؟

انا ليمن كنت بالثانويه العامه ماسويت نظام حق الدراسه تبيني اسوي نظام حق الانمي.
لا يا معوده ماكو نظام....عيش حياتك واذا زهقت طالع انمي.

(الحين خلصت ترا استاهل الدرجه الكامله يا ابله)

[RAUL 7]

Sum

RAUL 7


والكبار أيضاً اقرأ الموضوع مرة ثانية أخوي >_>
اشلون ماتكتب الأسم اشلون أعرف هذي ورقة من طيب سيتم نشرها في النهاية لمعرفة الكاتب ....
blackeye: [/COLOR]

ان شاء الله ,,

بس اسمي مكتوب .. أقصد فوق .. و الرقم .. أي رقم ؟ يعني أختار رقم يعجبني؟

طيب 432

ولا تنشرونها .. .. ما نحتاج فضايح

[Lezard Valeth]

أخوي مالعبتها ممكن تعطيني اسمها كامل بالأنجليزي ^^ ....من كلامك لعبة مهمة ! ><

لعبة مهمة وبس , لعبة سوبر مهمة , هذه اللعبة بالنسبة لي وبالنسبة للكثير من الفانز في عالم الآربي جي , تحوي على افضل رومانس وكوميدي داخلة في ال Plot , هذا غير القصة القمرية والسيلستيل في طابعها الاساسي اصلا ^^ والي فيها نوعية من ال Epic , ما ابي اخرب عليج شي ما راح تكلم اكثر , لهذا العبيها بنفسج هذه العطلة , وانصحج ما تطوفينها بجزئينها الاثنين ولا طافج نص عمرج ^^

راح اعطيج اسامي الريميكس طبعا على البلي ستيشن , منو يبي الساترن الحين , والريميكس ابدعوا لقطات انمي وايد

Lunar: Silver Star Story complete




for info : http://www.rpgamer.com/games/lunar/lsss/lsss.html



Lunar 2: Eternal Blue Complete



For info : http://www.rpgamer.com/games/lunar/l2ebc/l2ebc.html

وانصحج تيبيين الليمتد اديشون للجزئين وخصوصا الجزء الثاني , يستاهلون فعلا ^^

>< hmmmm! ....that's mistake
you didn't know ...that's hold of talking "even" I can say to you this subject isn't important ^^... to convince just ^^
I think you knew what I meant now ^^
and I decided this subject must be closed from start
but after certificates of course maybe I said this in fore too ^^
-____- you're know.. like this subject always take a lot of replys ^^ but I didn't see much replys like my expectation as yet
^^ and thanks brother D-Ken

I think i get the hang of it now , although i admit that my jokes suck >_< , because nobody gets them in a general manner

؟ nani
ننطر بقية الأعضاء موضوع ترفيهي و كل سنة ... الردود من المفترض أن تكون أكثر ^^

I can't stand a women crying >_< , So i'll let things go this time , i won't bomb nothin

وشكل الاعضاء من كثر الترفيه في العطل ما صار لهم مكان يترفهون اكثر ويردون

P.S: I'm wating for my mark , or else i think i've started 2 grow a couple of grey hairs

[white dragon]

السلام عليكم من جديد
اختى ffx-yuna احب اقول انا مو عضو جديد انا عضو من مدة طويلة انا حتى اتذكر انك واحدة من الاعضاء يالى ساعدونى كثير فى بداية تسجيلى فى المنتدى- ومساعدتك لن انساها ابدا- ولكن يبدو انك نسيتى
على كل حال ما الومك الاعضاء فى المنتدى يزيدون يوم بعد يوم
باااااااااااااااى

[~Kitty~]

ها اختي يونا شلونج ان شاء الله بخير
مشكورة على الموضوع و الامتحانات لول
_________________________
الاجابة

الأسم :kitty
الترتيب الرقمي : ما ادري شنو قصدج بس يلا اي رقم .... خل نقول 2
_____________________________

1_نبدة رأي عن المقدمة اذكروها ؟ "تعليق صغير يكفي" -- خمس درجات "فقط"

تأتير التلفزيون و المسلسلات واضح على كل مكان بالدنيا من القتل و الارهاب وعصابات وسرقة و طبعا مو كل الناس يتأثرون بهالاشياء لان في ناس عاقلين و يسمعون كلام و نصايح اهلهم فيعرفون الصح من الغلط وخاصة في مرحلة الطفوله و المراهقة يمكن تشوفين طفل يحب المسدسات و السباقات و السيارات ليش ؟ لانه يشوف الافلام ويقلدهم و في ناس وايد يتأثرون بافلام عصابات السرقة و غيرها وتلقينهم عقب جم يوم مسويين عصابة للسرقة فعلشان جذي تلقين واااايد ناس يتأثرون بهالمسلسلات والافلام لذلك لازم يكون هناك توجيه من الام و الاب والاخت والاخ للي اصغر منهم و يقولون لهم ان هذا شيء زين وهذا شيء مو زين علشان يبتعدون عن هالاشياء و يتصفون بصفات حلوة هذا رايي

_____________________________

2_كم ساعة تجلسون أمام شاشة التلفاز بغض النظر اذا كانت أفلام رسوم متحركة يابانية أو أفلام أمركيية أو مسلسلات مكسيكية !!! ؟ اذكروا نظام متابعة بشكل مختصر ..

انا ما اشوف تلفزيون و انمي واااايد الا بالعطلات يعني بايام المدرسة اقطع عن الانمي بس اشوف تلفزيون وافلام قولي بمعدل 3 او 4 ساعات
اما في ايام العطل الصراحة استغفر الله طول اليوم يعني اقوم الصبح ماكو شغل اشوف حلقة انمي و بعد الغداء ( اذا ما بنطلع او ماكو احد بييلنا ) اشوف انمي اي المغرب وبعدين يمكن العب سوني بس اضيع وقتي قولي بمعدل 8 الى 10 ساعات بينهم فواصل للصلاة و غيرها

____________________________

3_ هذا السؤال مشتق من السؤال الثاني ..أذكرو الأوقات المناسبة لمشاهدة أفلامكم المحفوظة اذا كان هناك وقت ؟ -- درجة واحدة

العصر او بالليل على حسب الظروف اذا كان ماكو شغل او مشغوله

____________________________

4_ماهو أفضل نوع لمسلسلات الأنمي ؟ -- درجة واحدة

الصراحة انا احب الاكشن و الكوميدي و الرومانسي واحب الانمي اللي يجمع بين هالثلاث اشياء واذا كان فيه غموض بعد يصير حلو

_____________________________

5_ماهي سلبيات الأفلام التي تقضون عليها جزئاً من وقتكم أو جزء معين كفراغ لاأكثر ؟ -- 3 درجات

انها تضيع الوقت بشكل فظيع
بس بعد شنسوي ماكو شغل اذا قعدت بدون انمي وتلفزيون يصير ملل وتلوع جبدي


______________________________

6_ماهي ايجابيات الأفلام التي تقضون عليها جزئاً من وقتكم أو جزء معين كفراغ لاأكثر ؟-- درجتان

احس اني استفدت من الانمي شوي في انه يقوي الانجليزي عندي اذا كان مترجم او مدبلج

______________________________

8_هل ستأخدون نظام أو اجراء للمحافظة على ترتيب مواعيد للمشاهدة ؟ أم أن النظام هو عشوائي ؟

الصراحة لا انا اشوف انمي وتلفزيون اذا كنت فاضية و ماكوشغل يعني مو باوقات محددة

_____________________________

مشكورة مرة ثانية اختي على الموضوع وسوري على الاطالة :ciao

[Yuna]

jotaro
مشكور أخوي jotaro للمشاركة ^^

(الحين خلصت ترا استاهل الدرجه الكامله يا ابله)

أكيد درجة كاملة ^^


RAUL 7
مشكور على الرقم مجموعهم يساوي 9 ليش ؟ >_>

D-Ken

قرأت عنها هذي اللعبة كثير لكن ناسيتها من فترة ^^
أتمنى أشوفها ...ومشكور أخوي على اللنكات والمعلومات^^..صراحة رسم الأنيمي مميز وواضح فيها ^^
وطريقة اللعب أعتقد أنها لابأس من خلال النظر ^^ تبقى الأغاني والأصوات ويارب تكون ممميزة ...

طبعا على البلي ستيشن , منو يبي الساترن الحين

أكيد ,.....لكن سيجا ساترن تعمل أعتقد لكن اذا شفتها ><

i won't bomb

نايس عمل^^....ثانكس و شوكراً وأريجاتو وميرسي ^^
وانطر النتيجة....ومشكور أخوي دي على المعلومات للعبة مرة ثانية ^^


white dragon

أهلين بالعكس أخوي مانسيت ^^ ...لكن مافهمت قصدي كنت أقصد الأعضاء الجدد المشاركين في الموضوع حالياً ^^
مثل ماقلت :

بالأول نشكر الأعضاء الجدد " المشاركين" ^^

ومرحباً مرة ثانية معنا في المنتدى ^^


kitty
مشكورة اختي كيتي للرد ^^

الصراحة انا احب الاكشن و الكوميدي و الرومانسي واحب الانمي اللي يجمع بين هالثلاث اشياء واذا كان فيه غموض بعد يصير حلو

الصراحة اختي حيرتيني لكن أحلى شىء أعتقد بيعجبج مغامرات أكيد ^^
لأن المغامرات يجمع الكل ^^
فين اختج ماتبي تنجح في المادة ؟ أكيد جالسة تحظر medicines يارب تغير لنا الباندول وتوضع فيه عسل ^^

ومشكورين كلكم للمشاركة ^^

[~Kitty~]

الصراحة اختي حيرتيني لكن أحلى شىء أعتقد بيعجبج مغامرات أكيد ^^
لأن المغامرات يجمع الكل ^^

اي

فين اختج ماتبي تنجح في المادة ؟ أكيد جالسة تحظر medicines يارب تغير لنا الباندول وتوضع فيه عسل ^^

لوووووول هي ما تحب الامتحانات ومجابلة التلفزيون والانمي
لا افة عليج اذا تبينها تغيرلج اياه تغيرلج اياه من باجر .. بس اخاف طعمه يصير م عسل الا ....

يلا مشكورة بباي

[*Ran*]

هذا اول موضوع أرد فيه بعد عودتي للمنتدى ( أقصد موضوع ترفيهي ) ^^
وادري إني متاخره ........ قبل ما أبدأ أبي أشكرج يونا حبيبتي على الموضوع
الممتع وياريت تحطين اسئله ثانيه بعد ..... ^^
ألحين نبدأ باسم الله الرحمن الرحيم .......
============================================
الإجابه ....
الاسم / ران موري
الترتيب الرقمي / أنا بعطيج رقمي في البطاقه المدرسيه وهو 001051( شخباري المدرسه)

1_نبدة رأي عن المقدمة اذكروها ؟ "تعليق صغير يكفي" -- خمس درجات "فقط"
أنا أرى إنه للتلفزيون بشكل عام تأثير على الكل لكن لا يكون التاثير واضح إلا على
الناس الغير عاقلين او بالأصح إلي يكون لديهم انحراف فكري بسبب حياتهم
وبالاخص مرحلة الطفوله ..... اي أن الشخص العاقل الذي تربى على قيم وتم توضيح
الأشياء من حوله من قبل أبويه واهله لن يتاثر بهذه الافلام لأنه يكون واعي ام الشخص
الغير متزن في تفكيره فأنه يتاثر بالأفلام والتلفزيون بنسبه اكبر ...... اتمنى إني قدرت اوضح
رأيي---------------- * لا أعتقد*

2_كم ساعة تجلسون أمام شاشة التلفاز بغض النظر اذا كانت أفلام رسوم متحركة يابانية أو أفلام أمركيية أو مسلسلات مكسيكية !!! ؟ اذكروا نظام متابعة بشكل مختصر ..

أنا هالفتره ما اتابع انيمي وايد يعني بالاسبوع تقريباً 7 ساعات أو أقل ..... لكن التلفزيون
تقريباً بمعدل 3 إلي أربع ساعات باليوم بشكل متقطع ...... وانا من أصبحت
مهتمه بالأنيمي قللت من الأفلام مع إني كنت من عشاق الأفلام الأمريكيه خصوصاً
ومايمر فيلم إلا شايفته ....... والمسلسلات المكسيكيه كانت منذ مده طويله نسبياً
مشهوراه جداً وانا كنت اتابعها مثل كاسندرا و ماريا مرسيدس وغيرهم الكثير ..... لكني نسيت اسماءهم بس ألحين أصبحت مكرره ..... ادري إني
طلعت عن الموضوع بس حبيت اسولف شوي ( ابشري بالصفر )

3_ هذا السؤال مشتق من السؤال الثاني ..أذكرو الأوقات المناسبة لمشاهدة أفلامكم المحفوظة اذا كان هناك وقت ؟ -- درجة واحدة
على حسب المزاج يعني مافي وقت محدد ....... لكن في الأغلب الصبح ^^

4_ماهو أفضل نوع لمسلسلات الأنمي ؟ -- درجة واحدة

مافي نوع معين لكن الاكثر الرومانسي ........ خصوصاً إلي مثل طريقة مارملد بوي...... وبعد
الواقعي العائلي نفس ماروكو و أنا وأخي ....... وبعد احب نوعيةBreather Dear Brother ....
لكن الاكثر الرومانسي .....

5_ماهي سلبيات الأفلام التي تقضون عليها جزئاً من وقتكم أو جزء معين كفراغ لاأكثر ؟ -- 3 درجات
ما أشوف فيه سلبيات بالنسبه لي ...... لكن نقدر نقول يضيع الوقت شوي ويتعب
العين خصوصا إذا حبينه مسلسل نبي نشوفه كله مره وحده ^^ ويخلينه
نضيع فلوسنا ( بخيله )

6_ماهي ايجابيات الأفلام التي تقضون عليها جزئاً من وقتكم أو جزء معين كفراغ لاأكثر ؟-- درجتان

أنا عندي اهم ايجابياته إنه خلاني ادخل هالمنتدى واتعرف على عضوات صاروا مثل الخوات
بالنسبه لي ( هذا شكو بمشاهدة الافلام والانيمي ) .........
وفي انيمات يكون فيها الكثير من الحكم والقيم ....... مثل التفاؤل والمحبه وغيرها
وبعد هذي الافلام تساعدنا على التعرف على تقاليد وعادات شعوب أخرى ..... ^^

8_هل ستأخدون نظام أو اجراء للمحافظة على ترتيب مواعيد للمشاهدة ؟ أم أن النظام هو عشوائي ؟

أنا ماعندي وقت محدد ....... عشوائي حسب المزاج ...

==============================================
مشكوره يونا حبيبتي على الموضوع مره ثانيه ....... ^^



أنا سمعت عن سالفة الساعات ..... أبي أقولج يونا إن كلير بس تتكلم .... لكن انا قول وفعل
انتي بس قولي لي شنو تبين بالضبط وانا اييبلج إياه ...... بس راعيني بالتصحيح ود يري بالج علي ^^

[المدهش]

السلام عليكم ورحمة الله وبركاته

اجوبتي قليلة بعض الشيئ وقصيرة
الأسم : المدهش
الترتيب الرقمي :مادري والله
ج1-الله يعطيش العافية ومشكووورة على الموضوع الرائع بس اشلون عرفتي كل هلشياء؟؟؟
ج2-اممم انا ماقعد عند التلفزون وايد بس عشان اشوف القناص او القصة الي اتابعها او اذا بحطون فلم بس كل اكثر الوقت قاعد مجابل الكميوتر والنت

ج3-اذا شي قديم فنادرا ما اشوفة اما اذا جديد فاشوفة في الحال احسن وقت اشوفة الصبح بعد الفطور
ج4-احسن نوع المغامرات+الاكشن+الكوميدي
ج5-اممم مادري يمكن انه لين اضيع وقت وانزله اخر شي يطلع الي نزلته بايخ يعني ضيعت وقت على الفاضي
ج6-استانس لين اشوف الفلم الي ابيه ساعات اتعلم منه اشياء وايد وجديدة
ج7-انقهر اذا كنا مثلا بنطلع والفلم بيشتغل انقهر واحترق واعصب وزعل وكل شي اتهاوش بعد :vereymad:
ج8-انا ماعندي شي اسمه وقت انا اشوف الي باشوفة اي وقت بس اكثر شي اوقتلي وقتين

وشكرا

[*Ran*]

نسيت أجاوب سؤال فإذا امكن راح أجاوبه ( كنت نايمه بعدين
اتذكرت وقعدت هذول درجتين مو أي شي )

==================================
_كيف تكون حالتكم النفسية عندما تكونوا " مجبورين " على ترك فلم لضرف غير متوقع أبداً ؟ -- درجتان**

عادي ...... بس يمكن أترنفز شوي إذا كنت مندمجه بالفلم ..... لكن في الأغلب عادي اخليه
واكمله في وقت ثاني ..... ^^

[Yuna]

كيتي

بس اخاف طعمه يصير م عسل الا ....

إنفجار


ران

ولكم باك... أخيراً ..><
تبين الصراحة فكرت في أسألة أكثر لكن ماطلعت الا ثمانية -____-

إذا حبينه مسلسل نبي نشوفه كله مره وحده ^^ ويخلينه
نضيع فلوسنا ( بخيله )

فين راح التنزيل؟... BitTorrent سريع 12 سرعة التنزيل -_______-

تصدقين مافكرت!! ...وحدة تطلب من الأمازون DVD وأنا نسخ ولصق ^^
لا ...لا... لا تصدقين أعطيها رسوم كل مرة تطلب -__________-
هي تقول لي مب لازم لكن أعرفها جان تاكلني ..بجرب مرة نغير ونقول على كيفيج >_>

هذول درجتين مو أي شي

صح الإجابة مهمه

انتي بس قولي لي شنو تبين بالضبط وانا اييبلج إياه ...... بس راعيني بالتصحيح ود يري بالج علي ^^

لا... يكفي رجوعج لنا وانطري النتيجة ^^

ومشكورة للمشاركة ويارب ماتقطعينا مرة ثانية...




المدهش

ج1-الله يعطيش العافية ومشكووورة على الموضوع الرائع بس اشلون عرفتي كل هلشياء؟؟؟

شلون تسأل على السؤال أخوي -____-
ومشكور للمشاركة ^^

[3shiro]

متى تعلقون النتايج.

[-=Sum3@h=-]

يونا...اااا اقصد ابلة ...وين درجاتنا ....توزعت الشهادات و درجه هذي الماده مكانها فاضي....نزلت النسبه....كل الفصول استلمو درجاتهم الا احنا..