يا اخواني عندي فكره لكن احتاج المساعده (فكره روعه)

[daewoo7]

اوكي ما قلتلي ايش رايك في فكرتي الي فوق ولا عندك فكره احسن
و مين راح يعمل الباتش في اي جاهز انتا ممكن تعمله

[راكانو]

اخوي والله بالنسبة لي اذا كان حجمه كبير مرة ما اقدر لان اتصالي اتصل عادي

[daewoo7]

علشان كذا انا اقول نخليه عند ابو جاسم لانه اعتقد اتصاله سريع مو دايل اب حتى انا دايل اب
المهم نشوف و انتو اختارو لانكم انتو الخباراء لكن لزم نبدا في التصميمات للخلفيات و البدايه وينه اخونا تيم هاور
في الانتظار علشان نبدا
ولا ايش رايكم

[Sympathy]

موجود و على اتم استـعداد ..

[daewoo7]

يا هلا والله زين انك موجود

اخوي خلينا نبدا بجد الحين
اخوي تيم هاور ممكن تعمل الخلفيات و صور البدايه و طبعا مثل ما تعرف كلها لدول الخليج
اذا ممكن يعني
و اما الحين نريد نعرف من راح يعمل الباتش يعني راح يكون في جهاز من

من مستعد و طبعا اخواني لا تسنو ما راح يكون تعبنا على الفاضي
لزم نعمل شي في اللعبه يكون مكتوب عليه اسماء الي عملو الباتش و طبعا اسم اخونا الوصلاوي علشان الاطقم لدول الخليج
و الحين ايش رايك في باتش OLé Mix LiTe يعني نركب هاذا الباتش و بعدين نعدل علشان في الانتقالات و الاسماء انجليزي و مطور اللعبه و كذا
وصح يا اخوي تيم هاور نسيت بعد الاعلانات

و في شي اريد اقوله لاني قلت لابو جاسم و قال ما يصير و هو انه نخلي المعلق ينطق اسماء اللعبين
هل ممكن ولا لا

و انا في انتظاركم يا ابو جاسم و ركانو و تيم هاور
وشكرا

[Sympathy]

هـلا اخوي daewoo7

بالنسبة لفكرتك بخصوص دمج باتش OLE MIX LiTe

فأنا صـراحة ما اوافقك الرأي ..

لأن بهالطريقة ... ما راح يكون الباتش من مجهودنا

لأنه اصـلاً من الاساس معدل ..

فأنا اقول لو احنــا نعدل كل شي من اول ..

احسن .. من ان ندمج الباتش ثم نعدل ..

::

و بخصوص صوت المعـلق ..

ما اتوقع راح نقدر نعدل على صوت المـعلق ..

و حتى لو قدرنــا .. يبيلنا وقــت طويل ..

يعني بناخذ أكثر من شـهر على الباتش ..

::

و بخصوص الخلفيات ..

انشالله اسوي خلفيات متنوعـة حق الشريط ،،

::

تحياتي لكم ،،

[daewoo7]

يا هلا تيم هاور
اول بخصوص الباتش خلاص ما لزم بس انا كنت اريده على اساس الانتقالات و الاسماء كلها انجليزي لكن خلاص ما لزم
------------------------------------------------------------------------------------------------------
اما المعلق فانا لا اقصد كله بس المنتخبات الخليجيه
و اذا على طول الوقت خلاص ما لزم الحين احنا نبدا في الباتش و الصوت نخليه في مرحه اخرى في وقت لحق في اجازة نص السنه اوكي
-----------------------------------------------------------------------------------------
اما الخلفيات و الاعلانات لا تنسى للملعب في انتظار ابداعاتك
وشكرا
في انتظار ابو جاسم و ركانو

[راكانو]

بخصوص الأسماء ماعتقد يمكنكم لانه انا حاولت ادخل ملف para.bin أكبر من الحجم الاصلي وفعلا قبل لكن بعد توسعة الفايل داتا
لكن المشكلة انه عندما تريد استخراج الباتش من هذه النسخة والنسخة الاصلية راح يكون حجم الباتش مثل حجم الفايل داتا تقريبا ما ادري ليه يمكن عشان كبرنا الفايل داتا
================
اما بخصوص المعلق فأنا من رأي ان لانعلاب نطقه للأسامي لانه راح يكون فيه لخبطة
مثلا راح يكون اسم اللاعب بصوت والتعليق على المباراة بصوت آخر
================
واماالخلفيات والاعلانتا بيصممها تيم هاورد
والاحذية موجودة حقت yogi 1.6
واللوقوهات برضو موجودة الاصلية
والاطقم مصممها اخوي الوصلاوي
أعتقد ما بقى شي

[daewoo7]

اوكي خلاص بس بقى اللعيبن و المعلومات لكل منتخب مع اللعبين و طاقاتهم و اشكالهم
و في مشكله بخصوص الاسماء ما راح يكون حلو الشريط ياباني ولا رايك ايش

انا التعليق ممكن الحين نخليه لكن انا سامع في طريقه تخلي نفس المعلق ينطق الصوت لكن خليها بعدين
و انا معاكم في النهايه على راحتكم
لكن كل ما نحسن الشريط يكون احسن

و مثل ما قالتلكم انه انا معاكم الي تقولو خلاص ينفذ

[daewoo7]

و صح لزم يكون في الشريط مكان مكتوب اسمانا علشان ما يروح تعبنا ولا رايكم و شي ثاني بعد
نريد نعمل تصميم للغلاف ايش رايكم نوزعه في الاسواق
لكن بعد ما نتاكد انه شريط تمام على الاخر و انا عندي البرامج الي يعمل خلاف لكن ما اعرف اصمم
و ادري اني تعبتك و كلنا تعبناك يا تيم هاور لكن نريد تصميم للغلاف يكون لنسخة الدي في دي من الخارج و الداخل و الحين راح اخليلك وصلة البرنامج للتصاميم للغلاف من داخل و خارج
http://soft.vip600.com/modules.php?n...getit&lid=3979
الوصله الي فوق للبرنامج و هو سهل و جميل

و بعد لزم الحين خلاص الي مشتركين هاذي اساميهم
تيم هاور
راكانو
ابو جاسم
daewoo
ولا نسيت حد بعد

و يا اخواني لين الحين ما عرفنا وين بيكون الباتش في اي جهاز
؟؟
انا ودي لكن انا دايل اب
و في انتظاركم
و اسف على الاطاله و الازعاج لكني متحمس اكثر من اللزوم

[Bo-Ja$$im]

انا جاهز وموجود ومثل ماقلتلك كل شي عن منتخب الكويت جاهز واعذرني ماعرف لللمنتخبات الثانية اللا القليل

فأتمنى انهم يشاركون اكثر من البحرين والامارات وباقي الدول عشان يساعدونا بطاقات اللاعبين واسمائهم واشكالهم

وسرعة الاتصال عندي 128 يعني مو سرعة كبيرة مثل مانتو متصورين والاخ تيم هاورد اعتقد عنده DSL واذا تبون الباتش يكون من جهازي انا حاظر


تحياني

[daewoo7]

اوكي صح كلامك يا ابو جاسم نريد من البحرين و هو موجود و كتب مشاركه اما قطر فموجود ركانو و الكويت انتا و عمان انا و السعوديه من اول موجوده بقى الامارات
و خلاص نخلص
اما الباتش انا افضل يكون عندك و بخصوص الاسماء الانجليزي و اخر الانتقالات اعتقد عندك الحل للفايل اوبشن صح
و خلاص مثل ما قلتلكم في الموضوع السابق انه لزم نعمل داخل اللعبه اسماء الي عملو الباتش
و نريد غلاف من الاخ تيم هاور و انا مخليله البرنامج في الموضوع السابق
و اما الباتش خلاص راح يكون عندك يا اخوي ابو جاسم
و لو تقدر تعمل اخر الانتقالات و الاسماء انجليزي

[daewoo7]

اسف بس انا اقول ايش نسيت
اريد اقولك ياريت لو يكون الشريط اصلي
يعني قصدي الشعارات و الاعلام و الكل شي اصلي و جديد يعني صور الليجا يكون احنا نعدلها و نخليها الاصلي اوكي و اسف على الاطاله
و بسم الله
نبدا
بس ننتظر الاخ تيم هاور للصور علشان يبدا اخوي ابو جاسم

[راكانو]

اما قطر فموجود ركانو

========================
شباب صراحة مو كل شي يكون على تيم هاورد راح يتعب
يعني بس نبيه يصمم الخلفيات والاعلانات
وانا اقول وش فيكم مستعجلين ال الحين برنامج الوي ايديتور مانزل يعني لو نجهز كل شي الحين ماينفع
لانه عل ماينزل البرنامج راح يكون نزلت اشياء جديدة انا اقول ننتظر
وبرضو الباتش هذا ليه ننزله السوق كل اللي راح يعدله منتخبات الخليج يعني فيه احسن منه باتشات
انا اقول يكون على الانترنت احسن

[daewoo7]

خلاص ما مشكله

و يا اخواني عندي موقع راح يساعد
اول شي اسماء اللعبين لكل دول الخليج و ثاني شي مع الارقام و مع التشكيله الاساسيه و مع صور لكل لعب
http://www.asiancup2004.com/ar/tournament/teams.asp

و اما بخصوص الباتش راح في هاذي المميزات

1.دول الخليج طبعا
2.خلفيات خاصه بدول الخليج
3.اعلانات خاصه بدول الخليج
4.احذيه جديده
5.كور جديده
6.و اخر انتقالات اللعبين لعام 2004-2205
7.باتش فرناندو السادس
و سلامتكم

انشاء الله راح يعجبكم