الحقوا فالف ستقاضي لاعبي سورس النسخة المكسورة

[Atsmknv]

يا شباب موقع مجموعة أمبريو ما يفتح اليوم كله ؟؟؟؟

أيش السالفة ؟؟؟؟؟

[alma7rom]

لا ، >_< لا يجي ubran + terror ويقولون ترى فلان عنده نسخة مكسورة ، >_< يطقون باب البيت ، انت تطلع
أنت : من ؟
هم : حنا فالف
انت : >_< هلا هلا لحظة بس احين بتدخلوا
هم : لامايحتاج حنا بنتكلم على الباب
انت : لا مايصير لحظة ادخلوا
وانت تركض للكمبيوتر وتحذف سورس المكسورة وتشتري أصلية ، وتبي تحملها علشان مايشكوا ، لكن فجأة
هم (بعنف ) : وينك يا (فلان ) :@
انت : لحظة جاي
هم بغضب شديد : حنا مو فاضين لك
انت : ليش يايين عجل ؟
هم : انت تعال اطلع
وانت تخليه يحمل وتروح لهم
انت تبدأ الكلام قبل مايبدأو هم وتقول :
انت : الاخوان صايميين ؟
هم : لاا ، >_<
انت (فرحان ) : لحظة بس بسوي لكم عصير برتقال >_<
تروح للمطبخ ، وهم ينتظرون >_< (برا )
تفتح الثلاجة وتنصدم ، مافيه شي ،
تطلع من الباب الخلفي للبيت وتروح بسرعة للبرادة
تاخذ عصير حاااااااااااااااااااااااااااااااااااااااااااااااار
تروح البيت وتثلجه ،
وانت رايح ، نفذ صبرهم ، >_<
يقتحمون البيت ، وعلى عجلة ^^ فأخذ ubran m4a1
وأخذ terror Ak47
شافوك قاعد تحمل ، وهم شافوك تلعب
يطلعونك برا وانت تقول شصاير
يقولون ادفع 1000$
انت تقول : والعصير؟
هم : انت ادفع بعدين يصير خير
انت : مابدفع
هم : بتدفع والله شلون احين ؟
انت : مستحيل
هم : روح صوب العمود
انت : إن شاء الله بس بجيب العصير
هم : روووووووح صوب العمود :@
انت تروح
تشوفهم يرجعون لمكان البداية
terror ياخذ c4 + awp
ubran توه بياخذ طلع له ان صارت 90 ثانية ، مايصير ياخذ
يجي terror ويزرع القنبلة صوبك ، وانت مربوط في عمود الكهرباء
ويتباعد مسافة 15.0545947 متر

يضربك ضربة بالـawp , انتقلت الى رحمة الله ،
وبعدين يهربوا وتنفجر الc4
بعدين يدخلوا بيتكم
مافيه 1000$
يبيعوا كمبيوترك بـ 500$
باقي 500$ كيف يحصلونها ؟!!
يروحوا يبيعوا كاونتر المكسورة بـ500 $

وبهذا كملوا 1000$ ، يروحو يشوفون من يستخدم النسخة المكسورة ، ويعملوا مثل الي عملوه !

هههههههههههههههههههههه
لا بس احسن طريقه طلع
السكين وعطهم هيدشوت
وروح بيع النسخه
الاصليه عن الخساير
وخبي اسلحتهم لأي طارء
وكمل لعبك بالمكسوره
(سخيف صح)

[Cyber Master]

ايه السرفر رجع بس الظاهر ركبو نسخه اصليه عشان كذا صار البرتكول 6 بس ان شاء ينزل التحديث حق النسخه المكركه وتنحل المشكله
مع اني عندي الأصليه لاكن اتابع اخبار الباتس اول بول لأن السرفر اغلب الوقت مافيه احد والظاهر كل الشباب عندهم النسخه المكسوره
Atsmknv
السالفه ان كل السرفرات صارت بروتكول 6 وكل الي معهم نسخة امبريو مرابطين في الموقع يحترون الباتش الجديد اكيد ماراح يتحمل موقعهم الضغط
بس فيه وسيله ثانيه عشان تعرف اخر التطورات عندهم اول بأول عن طريق غرفته في الـIRC على سرفر irc.efnet.net روم #1.6

[KJF]

عورتوا راسي!!! والله دوختوني كل شوي واحد يطلع ويقول في تحديث 5, وبعدين 6, وبعدين لازم بالترتيب
والموضوع من اصله يتكلم عن الامساك بمستخدمين النسخة المكسورة, بالاصل هي نسخة مسروقة مو مكسورة.. بس...
اقول باختصار:
Steam Powered قصتك رائعة
شركة فالف تقدر تكشف مستخدمين النسخة المسروقة الي فيها اشتراك ستيم, لانه النسخة المسروقة فيها ملفات تخدع اللعبة
وتخليها تقبل الستيم الي عندك, بس شركة فالف ما تنخدع وتقدر تكشف كل المستخدمين على حسب الستيم حقهم والله اعلم..

على فكرة هل من الضروري تحميل التحديثات؟ تراني ما حملت اي تحديث للحين..

[Atsmknv]

ايه السرفر رجع بس الظاهر ركبو نسخه اصليه عشان كذا صار البرتكول 6 بس ان شاء ينزل التحديث حق النسخه المكركه وتنحل المشكله
مع اني عندي الأصليه لاكن اتابع اخبار الباتس اول بول لأن السرفر اغلب الوقت مافيه احد والظاهر كل الشباب عندهم النسخه المكسوره
Atsmknv
السالفه ان كل السرفرات صارت بروتكول 6 وكل الي معهم نسخة امبريو مرابطين في الموقع يحترون الباتش الجديد اكيد ماراح يتحمل موقعهم الضغط
بس فيه وسيله ثانيه عشان تعرف اخر التطورات عندهم اول بأول عن طريق غرفته في الـIRC على سرفر irc.efnet.net روم #1.6

من جد على ما يبدو أن هذا اللي صار بالنسبة لسيرفرات SGN .

وبالنسبة لموقع Emprio الظاهر الزحمة هي اللي خلته يسكر اليوم الباندويد تبعهم الظاهر راح .

عالعموم إذا نزل الأبديت أنا راح أحمله تورنت أحسن وأسرع من الموقع

أخ KJF

أكيد تحتاج الأبديتات وبالنسبة للأبديتات القديمة ما عدلت إلا شغلات بسيطة لكن بالمستقبل راح تنزل أبديتات تغير شغلات كبيرة يعني تابعها من الأن قبل ما تصير أصعب

[كوول علطوول]

يعطيك الف عافية اخوي spidey على الخبر الفررششش

وزي ما قال اخوي JoOoKer

موب جايك الجيزاني ويقول لك " ابك عندك سورس مكشورة "

نظامهم هذا ينفع للدول المتقدمة حنا خلنا على جمب

انت شكلك نسيت العاب البليستيشن مثلا ...

هل في بامريكا زي الهبال اللي عندنا ؟

مافي اللا قوة نسخ

الله يخلي الهنود حقين البطحه

ادري اني طلعت عن الموضوع بس نفس النظام هذا يطبق على جميع العاب الكمبيوتر بشكل عام
ومشكوور حبيبي على الموضوع

[احمـ 9000 ـد]

والله الصراحة احترت اخذ اصلي ولا مكسور
لان الشباب يقولون المكسور عليه اقبال اكثر ويسون عليه سيرفرات اكثر
وسالفة الابديتات ماعرف عنها شئ خير شر

[Steam Powered]

والله الصراحة احترت اخذ اصلي ولا مكسور

لان الشباب يقولون المكسور عليه اقبال اكثر ويسون عليه سيرفرات اكثر

وسالفة الابديتات ماعرف عنها شئ خير شر

المكسورة تلعب بها على سيرفرات ستيم &&

بس لو تاخذ اصلي أفضل ،

لو مكسور امس تلعب اليوم ترجع تبي تلعب اف تحديث جديد ووين التحديث تنتظر سنة

وخصوصاً الـsdk الي بينزل مع هاف لايف 2 ،

علشان تراوينا خرائطك الفظيعة ^^