واخيرا.....الحل العربي الكامل للعبة (فاينل فانتسي7)

[عماد 18]

العفو عفوا مبرحا ...
<== يعلمك انه هو اللي ثبته

[ADWARD]

naf
انا الحين ما اقدر اكتب مواضيع طويلة

لان المدرسة بدت والدراسة بدت وعلى قولتهم ((بدت معاي المدرسة وبدت حياتي معفسة))

هذا الاسبوع ما أقدر اساعدك بالشكل المطلوب اوكى

لاني ابي اثبت وجودي في الصف يعني اشارك و اجاوب وا ذاكر أول بأول.......إلخخخ

بس انا راح احاول اساعدك

[Mahdee87]

شكرا على الموضوع <===== على شو ؟ اصلا ما عندي ف ف 7 بس رفع عتب

[Chandler]

عماد.....مشكور اوي....


ادوارد....يا اخي خليك من الدراسة....ما راح تفيدك بشي ((يبي يخرب الولد)) ....بس اهم شي بعد هالاسبوع تساعدني....OK؟؟


مهدي....ما يحتاج ترفع الموضوع....هو اصلا مثبت

[RPG_master]

هلا نواف انا جيت بس علشان اقولك اني ما اقدر اساعدك لاني كسوول
بالعربي مشوااااااااااااااااااااار الحل والله يعينك

[Uncharted]

هلا اخوي ناف

اولا : الحل الكامل لاي لعبة محله في منتدى الحلول الكامله لانه لو كان اي واحد بيكتبه في العام الافضل ان نلغي منتدى الحلول الكامله؟؟؟

وأنا نقلته مع الحفاظ على التنبيه بوجوده هناك ..

ومثل ماانت عارف كل منتدى وخاصيته؟؟

وعشان خاطرك الموضوع هذاك بثبته هنا في هذا المنتدى لكن .

ياليت تعرفون ان المنتدى ذاك مخصص لمثل هذي الامور .

ونقدر لك تعبك ومجهودك

[Uncharted]

ودمجت لك الموضوعين بعد عشان مايروح تعبك

ونقلتهن هنا وثبتهن بعد اي خدمه ثانيه

[Mahdee87]

كتب العضو (naf)






مهدي....ما يحتاج ترفع الموضوع....هو اصلا مثبت

انا ما اريد ارفعه بس اريد ازيد مشاركاتي كخخخخخخخخخخخخخخخخ

[Chandler]

اهيء اهيء.....


والله انك احسن عضو يا انتشارتد.....اقصد مراقب....

[ADWARD]

كتب العضو (naf)
عماد.....مشكور اوي....


ادوارد....يا اخي خليك من الدراسة....ما راح تفيدك بشي ((يبي يخرب الولد)) ....بس اهم شي بعد هالاسبوع تساعدني....OK؟؟


مهدي....ما يحتاج ترفع الموضوع....هو اصلا مثبت

يا الشراني تبي تخربني ((انا شاطر!))

اذا جاء وقت الدراسة جاء وقت الجد

(كأني مدرس عربي)

[squall 911]

لو سمحمتم يا شباب متى بتكملون الموضوع أنا ماشي معاكم خطوة خطوة
وشكرا

[ADWARD]

والله naf مو موجود
سارله 5 ايام مو موجود بالمنتدى (يمكن يدرس)":"

[Chandler]

ادوراد.....انا موجود طول هالفترة.....بس طنشت الموضوع عشان المح لكم.....يجي احد ويساعدني....بس باكمل

======================
بعد ما تطيحون بالمجاري.....تأكد ان تيفا وآيرس ما فيهم شي.....بعدين جهز فريقك...لأنك بتضارب زعيم قوي.....واسمه (Aps)

----------------------------------------
هذا الزعيم يعتمد بشكل كبير على الضربات المائية.....وخصوصا ضربةSewer Tsunami اللي هي عبارة عن موجة مائية كبيرة....لكن هذي الضربة تأثر عليه هو بعد...وهي ممكن تجي من اتجاهين....

اذا جت من الخلف...يعني بتأثر عليك اكثر....اما اذا جت من الامام...فهي تأثر على Aps اكثر...وفيه عنده ضربة Lick attack اللي تسبب لك Sadness.....

اقوى ضربة تأثر عليه هي....ضربة كلاود الخارقة Cross-slash يعني اذا كنت متعلمها استخدمها بكثرة....لأنها اقوى ضربة ممكن تأثر عليه...((وممكن تخليه يتجمد...يعني ما يتحرك كثير))....

استخدم Hyper كثيييير...لأنه بيملي العداد حق الضربة الخارقة....واضربه بالأقوى الضربات السحرية....حتى يموت...وبيعطيك....[PHOENIX DOWN]
------------------------------------------

بعد ما تهزمه....خذ الPOTION الموجود على اليسار....وروح المكان المفتوح في الزاوية اليمنى البعيدة....وخذ بلورة STEAL MATERIA ((تراها مفيييييدة)).....

بعدين تسلق السلم اللي بيوديك لمقبرة القطارات.....

هناك ادخل اول عربة تشوفها يعني اقرب عربة...واطلع من الجهه الثانية...بتلقى برميل....افحصه....تلقى فيه HI-POTION



بعدين ارجع للبداية وتسلق نفس العربة اللي دخلت منها وخذ HI-POTION من فوقها بعدين كمل طريقك للعربة اللي بعدها وروح يسار....تجاه الرافعة المحطمة....

وافحص البرميل في الزاوية اليسرى اللي فوق....وبتلقى ECHO SCREEN...بعدين روح للفجوة اللي بين عربتين...,ادخل العربة اللي على اليمين بتلقى فيها POTION...بعدين اطلع من اقرب مخرج وتسلق العربة المقابلة لها....واعبرها للعربة اللي بعدها....

=========================

آآآآسف.....بس مضطر اطلع.....المرة الجاية باكمل.....

[squall 911]

شكرا والله يا naf لو أنا ختمته كنت ساعدتك بس للأسف لسا توني شاري

[squall 911]

والله أنا أقدر تعبك ولعبت بنفسي ووصلت مكان بعيد شوي بكمل عنك



بعد ما تحرك العربة ترجع تطلع على السلم اللي على القطار عند البداية بعدين تمشي على العربة وعلى اللي بعدها وبعدين إنزل من السلم واطلع من هذا المكان .
وبعدين تروح وتمشي من عند القطار وتكمل طريقك لين توصل البرج بعدين ينطق (( بيدج )) ويوقع من فوق البرج ويقلك باتير موجود على البرج روح ساعده وبعدين تتركه وتروح تطلع على البرج وفي طريقك تلاقي (( ويدج )) كلمه وكمل طريقك تلاقي (( جيسي )) لين توصل آخر البرج تلاقي ((باتير)) وتساعده وطبعا تكون (( تيفا )) معك تحاربون زعيم بعدين ييجيك واحد وخطف (( أيرس )) ويكون معاه طيارة إنت تركت (( أيرس )) مع (( بيدج )) عشان تساعده وبعد ما يهرب البرج يكون يبي ينهد تهرب إنت و (( باتير )) و (( تيفا )) وتكونوا إنتم الوحيدين اللي ينجو من secret 7 بعد ما ينتهي الكلام رح لبيت أيرس عشان تعرف أشياء مهمة وبعدين رح للوق واشتري بطاريات ( في واحد في المحل اللي يبيع أسلحة يبيع بطاريات ) لإشتر منه البطاريات ب 100 gill وروح على المكان الكبير اللي يكون مكتوب فيه كلام بالدم تلاقي عمود كبير تقدر تتسلقه إطلع عليه وخلك طالع لين تلاقي مكان يحتاج بطاريات حط البطاريات في مكانها وكمل طريقك المهم بالأخير توصل برج كبير مرة فيه 69 طابق تدخل من البوابة الكبيرة و تمشي شوي وتدخل المصعد تطلع للطابق 59 تلاقي حراس إهزمه و خذ منهم ال key card 60 هذي تقدر تخليك تفتح بعض الأبواب وتخليك تقدر تطلع بالمصعد للطابق 60 بس إطلع الطابق 60 وادخل على الغرفة اللي على اليسار في جنود إذا كشفوك يحاربونك بعد ماتصل لنص الطريق ييجي دور (( باتير )) إضغط دائرة لما الحراس يديروا وجوهم وبعدين ييجي دور (( تيفا )) إستخدم معها نفس الشي وبعدين تكمل طريقك بكلاود وبعدين لين توصل وبعدين (( تيفا و باتير )) على فكرة تقدر تقاتل الجنود لين يخلصون بعد ما تخلص توصل الطابق 61 كلم كل الموجودين في واحد يعطيك الكيي كارد 61 اللي تخليك تروح بالمصعد أو إذا تبي بالدرج على الطابق 61 .



والله تعبت بعدين بكمل