أنــا كــــافــر ،

[Lena]

في احلامك فقط.. صدقني.. شفت وعايشت امثلة كثيرة.. don't get me started

اول شي صدقيني
ثانيا
صدق انا معك
99 بالميه من الامثله محبطه
بس لسى حاطه امل في 1 بالميه خوباج..
ابحسن الظن بربي
الله عند حسن ظن عبده..

[BOOOB_2002]

الحب نادر هالايام وما يعيشه الا قلة

والحب ممكن يكون ابتلاء وممكن يكون نعمة ...هذا راي الشخصي


في لحظات بالحب تحسسك بالتعاسة بالألم بالحزن ومع الأسف كثيرة


لكن اللحظات الجميلة مع انها يمكن تكون قليلة لكن مافي شي بهالدنيا يمكن يضاهيها في عذوبتها وصدقها

وصعب الشخص ينساها او حتى يتناساها ......وهذا بحد ذاته ألم

[Mada Mada Dane]

في احلامك فقط.. صدقني.. شفت وعايشت امثلة كثيرة.. don't get me started

اوافقك الرأي تمام

في واحد اعرفه كسر خاطري , قلبه طيب وصارت له سالفه يشكي لي والله من جد أثر فيني ...

يعني في زمانا هذا ... صعب الواحد يلقى الي تتكلمون عنه ولو لقاه ... الله يهنيه ويسعده فهو شخص محظوظ جداً


وبخصوص سالفه الرجال الي تكلمت عنه , بعد ماقالي السالفه رجعت البيت وكتبت هذي الكلمات ...

لكل يوم قصه ... ولكل قصه حكاية ... ونهاية ...

لكن من يصدق في هذا الزمان ؟

سؤال ... حير أقلام الكتّابة
وأعجز عقول الأستّاذة
وأبكى أفئدة العشَاقة !


وقتها قررت النظر باحثا ... عن إجابة

فنظرت للسماء شاكيا همي !
ونظرت للأرض باكيا قلبي !
ونظرت للبحر سائلا عقلي ...

فأين الإجابة ؟

حينها

أهدت لي جوارحي بالعلامة

مُمَهِدةَ للعبارة

...
...


استوعبتها ,أدرَكُتها , ثم رَفِضُتها


وحينها صرخت

إنها ليست بالنهاية ! نعم ليست بالنهاية

...
...

فساورتني عيني ... ذارفتاً الندامة

دمعةٌ حزنٍ , قهرٍ إلى من تخاطبها الحكاية

إنسكبت في طريقٍ مُمَهدَةٍ بالحسارة


عندها ... مسحت دمعي ... متسائلاً ... أحقاً هي النهاية ؟

...
...

فسألتُ قلبي ... لِما أطلقت البداية
أولم تفكر بالسلامة !

...

فبكيت راجياً أن لا تكون هذه النهاية

...

فأهدت لي أفئدتي الخلاصة

نعم فهكذا تنتهي الحكاية

.
.
.

[/CENTER]

[ODIN]

.. Mada Mada Dane

روعه كتابتك ..


قولنا قصة صديقك اذا تقدر

[Lena]

اوافقك الرأي تمام

في واحد اعرفه كسر خاطري , قلبه طيب وصارت له سالفه يشكي لي والله من جد أثر فيني ...

يعني في زمانا هذا ... صعب الواحد يلقى الي تتكلمون عنه ولو لقاه ... الله يهنيه ويسعده فهو شخص محظوظ جداً
.

سلام مادا..
انت صادق بذي النقطه..قلتلك هي نسبه ضئيله..
مرة نادرين الي محظوظين بحب صافي .
بالنسبه لكتباتك انشالله يوم الربوع لما اخلص ابقراها مستحيل تعي علي..
بس بليز قلنا وش صار؟؟ عالاقل تلميح
البنت خانته..ولا الظروف العائليه؟..

اف تعور قلبي قصص الحب..يا حرام..

[Lena]

انا بتكلم بعمليه الحين ومنطقيه بدون رومانسيات وفلسفات..

الحب المحظوظ الي قلت عنه يبغاله شروط من

توافق كل من :
الاهل والنسب والافكار
والنفسيات والدين و النيه الصح والتواضع والتفهم
والاخلاص و توسيع الصدر..والتضحية.. و الثقة و التسامح

كل هذي ظروف الحب الصح..بس وين تجتمع؟؟!! نادر...

(حطيتها ملونه عشان اقول ان كل نقطه مهمه
اي واحد ينفقد تنفك الحلقه ويضيع الحب!!)

كل وحده منهم هي عون الثانيه..
اذا زلعك..عندك التفهم تتفهم ليش زعلك..
اذا سوى شي يقهرك..عندك التواضع تسامحه..وعندك سعه الصدر انك ماتغضب عليه
اذا سوى شي من وراك..عندك التسامح تسامحه ثم الثقه فيه..
اذا غضب عليك تقدر توسع صدرك وتتفهمه..
اذانفسه بشي مايعجبك تقدر تضحي عشان ترضيه..
طبعا هذا الشي يتقدم من الطرفين مب واحد يسوي كل شي

اذا جاك الواحد شكشاك ولا غضوب ولا وقح بس يهاوش الثاني ويبي الثاني يصبر هذا مب حب!!
اذا جاكك الثاني اناني ماهمه الا وناسته واذا لقى شي احسن من الي عنده ترك الي عنده هذا مب حب!!

اما الافكار والنفسيات هذا من اهم اسباب الانتعاش اذا كانت متوافقين لانها اذا ماتوافقت تصير شحنات وهوشات..

واما الدين هو عماد كل شي اذا حطو ربهم قدامهم ونيه زواج مب عب انشالله ربي يوفقهم..
اذا جاك لعبا نيته وناسه مؤقته هذا مب حب!!

الواحد يعرف وش يختارويعرف وش يطيح به لازم يختار كل شي ويقدم احسن الي عنده ويختار انسان مثله اذا يبي شي زين..وادري ادري ادريييييييي انه توافيق..بس ولو ناخذ بالاسباب..

ولكن اذا جت عالاهل والنسب..وفيه اهل متعصبين !! هنا المصيبه.. حتى لو كل الي فوق تمام
راح يقفون لان اي شي من غير رضا الاهل مابه توفيق..(مشكله كذا والله)
فمن البدايه احسن يوقفون..

بعضهم يصيرون يحبون بعض وتوقف لهم الظروف..
يعني من جد هالزمن صعب انا معك..
الله يسعد المحظوظين ويكمل عليهم رزقهم يارب ويعطي الحظ للي مانعطى نصيب لسى..


اخيرا وليس اخرا..الحب مب واجب
لما نتكلم عنه هنا مب معناه نغصب اي احد انه يحب..
زي ماقلت وبقولها مرة ثانيه
ناس قليله تتقن الحب..
وتتمناه
هم الي نوجه لهم هالكلام

فيه ملايين يبون طريقه تقليديه للحياه..
عادي بكيفهم وبراحتهم والله العظيم براحتهم هم احرار ومعذروين لانه طريق اسهل..واريح للمخ والبال
وانشالله يلقون احسن الي يتمنونه بالطريق ذا..يارب..

[Tidus]

جاي بأيدج على اللي كتبتيه لينا و اشوفج زدتي ردج و عزلتيهم عن بعض... زاد الوضوح و التفصيل و زاد تأييدي لكلامج بعد!

ولكن اذا جت عالاهل والنسب..وفيه اهل متعصبين !! هنا المصيبه.. حتى لو كل الي فوق تمام
راح يقفون لان اي شي من غير رضا الاهل مابه توفيق..(مشكله كذا والله)
فمن البدايه احسن يوقفون..

بعضهم يصيرون يحبون بعض وتوقف لهم الظروف..
يعني من جد هالزمن صعب انا معك..
الله يسعد المحظوظين ويكمل عليهم رزقهم يارب ويعطي الحظ للي مانعطى نصيب لسى..

طيب و الحب أعمى... شلون الحين ؟ _-----_

من جد أصبتي بكلامج و بجذي ربطتي لسان اللي بيرد, ما اظن فيه زياده للعوامل اللي ذكرتيها... و انقالت, الله يعين و الله يساعد... الدعوه من أساسها توفيق~

[.Atlas.]

انا بتكلم بعمليه الحين ومنطقيه بدون رومانسيات وفلسفات..


.

سلام لينا^__^
بس حبيت اعلق على ردج...ماقدرت اقاوم صراحة

بالنسبة للبداية ....انج تتكلمين عن هالموضوع بعقلانية او منطقية...فمعناها انج قاعدة تتكلمين عن شيء ثاني !!
لانه باختصار لاوجود للمنطق بالحب !!

الحب المحظوظ الي قلت عنه يبغاله شروط من

توافق كل من :
الاهل والنسب والافكار
والنفسيات والدين و النيه الصح والتواضع والتفهم
والاخلاص و توسيع الصدر..والتضحية.. و الثقة و التسامح

لينا الأشياء هذي تكون وليدة للحب....مو هي اللي تولد الحب....
والتوافق دايما مايكون شيء يدل على النجاح......في امثلة حيه على ان اختلاف الشخصيات هو من اكبر الاشياء اللي تجمع اثنين.....وتخلي علاقتهم جدا قوية ...

كل هذي ظروف الحب الصح..بس وين تجتمع؟؟!! نادر...

(حطيتها ملونه عشان اقول ان كل نقطه مهمه
اي واحد ينفقد تنفك الحلقه ويضيع الحب!!)

ظروف وشروط!!
كلمات اعتقد انها غير مناسبة لينا...انت تقولين حب!! ركزي بالكلمة هذي...ورجعي لردج الاول !!
ومنو قال ان اي شيء من هالاشياء اذا فقد او ما وجد....ينفقد الحب!!
وخلينا ناخذ فقرة "الافكار " واللي هي ابسط مثال.....يعني اللحين لازم الشخصين يكونون طبق الاصل في الافكار....ولا مافية حب !!

الواحد يعرف وش يختارويعرف وش يطيح به لازم يختار كل شي ويقدم احسن الي عنده ويختار انسان مثله اذا يبي شي زين..وادري ادري ادريييييييي انه توافيق..بس ولو ناخذ بالاسباب..

تفكير وتخطيط !!
يعني المسألة اختيار ....ماهي مسأله حب.؟!
وشلون انسان مثله ؟!
وفعلا هي المسألة توافيق.......

ولكن اذا جت عالاهل والنسب..وفيه اهل متعصبين !! هنا المصيبه.. حتى لو كل الي فوق تمام
راح يقفون لان اي شي من غير رضا الاهل مابه توفيق..(مشكله كذا والله)
فمن البدايه احسن يوقفون..

ومعاج حق بهالنقطة........
ولو اني استغربت من لفظة "يوقفون"!!
هل تعقدين انه "شغل " او "لعبة "........متى ماعرفت العبها..اكملها...اذا ماعرفت وقفت وتركتها ؟
يمكن اللي تبين تقولينه هو "يبعدون " لكن لاتقولين يوقفون !!

اخيرا وليس اخرا..الحب مب واجب
لما نتكلم عنه هنا مب معناه نغصب اي احد انه يحب..
زي ماقلت وبقولها مرة ثانيه
ناس قليله تتقن الحب..
وتتمناه
هم الي نوجه لهم هالكلام

فعلا ....الحب مو واجب ^_^

لكن الحب احساس عفوي....لا هو عمل او شيء لما نقول نبي نختبره....نختبرة ....ونتقنه !!

فيه ملايين يبون طريقه تقليديه للحياه..
عادي بكيفهم وبراحتهم والله العظيم براحتهم هم احرار ومعذروين لانه طريق اسهل..واريح للمخ والبال
وانشالله يلقون احسن الي يتمنونه بالطريق ذا..يارب..

ان شاء الله ^_^

واوافقج لينا في كثير من النقاط.........لكن فيه بعض النقاط اللي حبيت اوضحها بس.....

[ODIN]

تبون الصراحه ..


اريح شيء الواحد يتزوج .. وبعدين يفكر بأنه (يحب ) الي تزوجها ..



بمجتمعنا هذا الحب فيه مستحيل جدا جدا جدا


ما عمري سمعت هنا عن واحد حب وحده و قدر يتزوجها اخر شي ..

لازم شي يعيق بالاخير ..


وفيه حكمه يرددها شيبانا كثير .

ان طاعك الزمن والا طيعه


طبعا مقتنع فيها هذي انا ..


لكن الا بهذي القضية مو مقتنع فيها ..لابد من طريق اخر ..

[Tidus]

ظروف وشروط!!
كلمات اعتقد انها غير مناسبة لينا...انت تقولين حب!! ركزي بالكلمة هذي...ورجعي لردج الاول !!
ومنو قال ان اي شيء من هالاشياء اذا فقد او ما وجد....ينفقد الحب!!

اللي اشوفه ان لينا ما قالت شروط عدم توافرها يأدي لفقد الحب, لينا قالت يضيع الحب... مو ينفقد, هو بينوجد يعني بس بيضيع من نفسه ما راح تكون له نهايه حميده... يعني كل واحد بيروح بطريق بالأخير. ووصفت الشروط بانه شي مرتبط في بعضه تقدر تقيد حبك و تحافظ عليه فيهم

(حطيتها ملونه عشان اقول ان كل نقطه مهمه
اي واحد ينفقد تنفك الحلقه ويضيع الحب!!)

كل هذي ظروف الحب الصح..بس وين تجتمع؟؟!! نادر...

و انا معاج بانه الحب لو جا محد يقدر يرده و يسيره على حسب مزاجه.

لكن الا بهذي القضية مو مقتنع فيها ..لابد من طريق اخر ..

لابد...

[Lezard Valeth]

لينا قالت يضيع الحب... مو ينفقد, هو بينوجد يعني بس بيضيع من نفسه ما راح تكون له نهايه حميده... يعني كل واحد بيروح بطريق بالأخير. ووصفت الشروط بانه شي مرتبط في بعضه تقدر تقيد حبك و تحافظ عليه فيهم

الحين يضيع الحب او ينفقد كلها تعابير افلام , لمن نيي للواقع , اشوف انه كلام لينا صاير مثل الشروط الي تقول انه الحب لو خرج عن هالنطاق راح يكون له نسبة انه ما ينجح

بالنسبة لي اشوف انه السالفة سالفة قدرية , يعني يا كثر الناس الي يختلفون عن بعض وكا متزوجين ومستانسين مع بعض على آخر شي , اعطيك مثال والدتي ووالدي , اسميهم النقيضين .. الوالد هادي والوالدة عصبية و.. و الليستة ما راح تخلص

شنو الي تعتقد انه مخليهم يحبون بعض ومتوافقين ؟ كل واحد فيهم يشوف ميزة بالثاني هو ما يملكها , وفوق هذا مهما كانت الاختلافات بالطباع يظلون العقلانية والتفاهم موجودين , وبنفس الوقت بعد اقدر اقول انه كلام لينا يصير صح وحتى بعد يصير مع ناس يتشابهون مع بعض بالطبايع , نقدر نقول انه السالفة سالفة حظك ونصيبك

[Kubaj]

اوه.. آسف يا لينا.. كنت احسب يزيد هو اللي كاتب هالكلام ..

لكن على كل حال.. تظل وجهات نظر.. وليست مناظرة تلفزيونية كما يظن البعض..

[Arsene Lupin]

فيه اقتراح للي يبي يعيش يحس بعمق الحب من الطرف الآخر بعد الزواج...

(ابتكلم بصيغة الذكر لكن المقصود به هو كل من الطرفين)...



قال الرسول عليه الصلاة و السلام "خيركم خيركم لأهله".

أول ما تتزوج... لا تتوقع من الزوجه انها تكون ملاك و تعيشك في جنه من أول يوم... لأن كلكم جديدين على الحياة الزوجيه

و صعبه تحبك و تموت فيك من أول يوم... فلا تفترض هالشي منها لأنها بكل بساطة تزوجتك...

هي تزوجتك عشان تبني أسره و تعيش باقي حياتها معك لأنها عرفت فيك الأخلاق و الدين...

لكن توكم بدري عشان... وما بعد تأصل الحب... ولا تعودتوا على بعض...



عشان كذا... أفضل حل هو أنك تعطي... تعطي بدون ما تفكر انها ترد لك المعروف...

اجعل كل تفكيرك انك تسعدها... حاول دايم يكون عطائك أكثر من ما تاخذ منها...

اعذرها لو غلطت... تذكر محاسنها و اصبر عليها...



حتى فيه قصة لعمر بن الخطاب رضي الله عنه في أيام خلافته... جا لمه أحد الصحابه بيشتكي له زوجته الي قامت تصرخ عليه.... و يطلب منه النصيحه كيف يتصرف معها...

يوم وصل عند الباب حرك الباب شوي و قبل ما يطرق الباب سمع صوت أحد زوجات عمر بن الخطاب رضي الله عنه تصارخ عليه...

غير رأيه الرجل و جا يرجع لأن لقا نفس الوضع صاير لعمر بن الخطاب... لكن عمر سمع صوت الباب يتحرك فطلع يشوف من عنده...

شاف الرجل ابعد شوي و ناداه و سأله وش كان يحتاج يوم جا عند الباب...

قال له سالفة زوجته.. و قال يوم جيت عندك لقيت أيضا زوجتك تفعل نفس الشي... كيف تصبر يا أمير المؤمنين؟!

قال له عمر بن الخطاب رضي الله عنه (بما معناه) : "إنها صانعة طعامي، و غاسلة ثيابي، و مربية ولدي، و ضجيعتي في فراشي. أفلا أصبر منها على بعض السوء".



شف كيف كان تعامله رضي الله عنه...



أعتقد هذي تكون مشكلة كثييييير من المتزوجين و يطلقون بدري... لأنهم اثنين يعيشون جدد مع بعض و كل واحد يحس ان الثاني المفروض جا يونسه و يصبر عليه. كل واحد يصير في باله أعماله الي سواها للثاني... فيتوقع ان الثاني المفروض يجازيه على الي سواه له.

عشان كذا أعيدها و أقول... أعط بجنون...وقلل أخذك قدر المستطاع...

و أيضا... لا تجي بعد سنتين و انت على هالنظام و تنفجر عليها و تقول انك جالس تعطيها طوال السنتين و مع ذلك معيشتك في نكد... لأن ما نكون استفدنا شي

خل أعمالك لوجه الله... احتسب الأجر...

(و للذكور: تذكر انك دايم تقدر تطلع لأخد أخوياك أو أي مكان اذا تضايقت منها... لكن هي مالها الا انت)


=========

بالنسبه لموضوع الحب... أكيد موجود حب في هالدنيا... محد ينكر هالشي...

لكن أحيانا يتحول الى كآبه و حزن و مرض حقيقي... مثل أحد الصحابه كان يحملونه شخصين و جابوه لابن العباس يخبرونه بالمرض الي فيه... كان هزيل و نحيف من شدة مرض الحب... فقال عدة أبيات.. أحدها:

و ما عجبي موت المحبين في الهوى ... و لكن بقاء العاشقين عجيب

و بعدها انتفض جسمه و طلعت روحه!!

خاف ابن العباس و جلس يدعو الله عدة أيام انه يحميه من مرض العشق.



الحب ما يكون عذاب الا اذا كان بين اثنين ما يقدرون على الزواج... لأنهم يصلون لمرحلة الجنون و الشغف ببعض... لكن تمنعهم ظروف معينه من انهم يلتقون.

اذا حس الواحد انه بدى يتعذب بسبب الحب... لازم يعرف انه جا الوقت انه يعدل حياته...

ما أقول اترك الحب... لكن عدل حبك عشان يكون حب حنان و شفقه و عطف... اذا تزوجت... ذيك الساعه حب بجنون الين ما تشبع

يمكن صعب.. لكن موب مستحيل...




كثرت من الفلسفه ... الله يوفقنا جميعا...

سلام

[Electro M]

قال له سالفة زوجته.. و قال يوم جيت عندك لقيت أيضا زوجتك تفعل نفس الشي... كيف تصبر يا أمير المؤمنين؟!

قال له عمر بن الخطاب رضي الله عنه (بما معناه) : "إنها صانعة طعامي، و غاسلة ثيابي، و مربية ولدي، و ضجيعتي في فراشي. أفلا أصبر منها على بعض السوء".

صحيح كلامك اخ ارسين و اعجبتني استشهاداتك اللي فعلا مسكتة


لكنها مسكتة للبنات اكثر
لان الافعال اللي قالها عمر بن الخطاب رضي الله عنه كلها تنطبق هالايام على الخدامات الا الاخيرة و اللي احيانا تنضم لهم
لان الواحد اذا يتزوج اول شرط - طبعا المهر و الشقة و العرس و غيره لو لو لو لو لو لو قدرت تدبر عمرك فيهم بتواجه هالشرط بعد الزواج - من زوجته هو انك تجيب لها خدامة
و عذرها انها عايشة مكرمة معززة في بيت اهلها فمو فاضية تتعب نفسها عشان سواد عيونك
و اللي تقول غير كذا اكبر نصابة
و الا خلها تعطينا طريقة طبخ الكبسة على اقل تقدير و وش احسن صابون للغسيل و كم مدة غسيل الثوب الابيض ؟ <== كلهن انا اعرفهن
لذا لو الواحد بيمشي على وصيته رضي الله عنه فالمفروض انه يطول باله على الخدامة و يلعن ابو خامس زوجته
شكرا لاثباتك وجهة نظري بطريقة غير مباشرة

[Arsene Lupin]

صحيح كلامك اخ ارسين و اعجبتني استشهاداتك اللي فعلا مسكتة


لكنها مسكتة للبنات اكثر
لان الافعال اللي قالها عمر بن الخطاب رضي الله عنه كلها تنطبق هالايام على الخدامات الا الاخيرة و اللي احيانا تنضم لهم
لان الواحد اذا يتزوج اول شرط - طبعا المهر و الشقة و العرس و غيره لو لو لو لو لو لو قدرت تدبر عمرك فيهم بتواجه هالشرط بعد الزواج - من زوجته هو انك تجيب لها خدامة
و عذرها انها عايشة مكرمة معززة في بيت اهلها فمو فاضية تتعب نفسها عشان سواد عيونك
و اللي تقول غير كذا اكبر نصابة
و الا خلها تعطينا طريقة طبخ الكبسة على اقل تقدير و وش احسن صابون للغسيل و كم مدة غسيل الثوب الابيض ؟ <== كلهن انا اعرفهن
لذا لو الواحد بيمشي على وصيته رضي الله عنه فالمفروض انه يطول باله على الخدامة و يلعن ابو خامس زوجته
شكرا لاثباتك وجهة نظري بطريقة غير مباشرة

ههههههههههههه والله نقطة حلوه ما انتبهت لها



بالنسبه للخدامه... أرى انه المفروض ما تجي الا اذا زادت الاشغال عن طاقة الزوجه... خاصه اذا كانت تداوم بعد.

لأن أيضا فيه كثير أزواج يضطهدون زوجاتهم كرف العمل في الصبح و أيضا شغل البيت باقي اليوم...



أهم شي التربية ماله داعي تروح للخدامه