مسلسل "العطلة"

[jennifer]

هههههههههههههههههههه

حلوه القصه يا كلر
كمل

[Pinkoo]

يلا يلا بسرعة.........^^

[الآنسة نشيطة]

قصة حلوة

اتمنى انك تستمر فيها

[THE KILLER]

هذي الحلقة الرابعة للي ما قراها>>> http://www.montada.com/showpost.php?...3&postcount=26
الحلقة الخامسة



&&ويجيني واحد من المشرفين&&



المشرف: وش فيك أنت و الطلاب؟



أنا: لا ولا شيء بس إني قاعد أنصحهم و أقولهم يا ويل إلي ما يحل الواجب و كذا و قاموا يضحكون



المشرف: طيب أنت وش لقبك<<< ياله طلعت منه لأنه حابس الضحكة



أنا: THE KILLER



المشرف: هاهاهاهاهاها<<< تسدح على ظهره من الضحك



المشرف:هاهاها يا أخوي وش ذا اللقب<<< قدر يمسك نفسه شوي



أنا: طيب أخويائي إلي في العزبة يقولون لي كذا



المشرف: طيب هنا في المركز أنت أبو محمد



أنا: طيب



المشرف: طيب رح لطلابك ألحين



&&& و أرجع للطلاب و ألاقيهم متسدحين من الضحك للحين &&&



أنا: أقول ما ودكم تسكتون و تأكلون(***)<<< مسوي شديد



%% و ما راحت دقيقتين إلا وهم ساكتين %%



@@@ و يجهز المخيم و نروح نكشت@@@



))* وفي الليل *((



أنا: وش ذا الكشتة؟ والله ما تصلح الكشتة مع ذا البزارين الممتلين ياليت لو بس معنا الشلة حقتي لكنهم سافروا الظاهر إني برجع الرياض بس



^^ و أروح للخط عشان أوقف تكسي لكن ما لقيت قمت رجعت للمخيم و سرقت وحدة من الباصات و أرجع للعزبة<<< خبركم كاشتين قريب من الخط عشان معنا بزارين^^



أنا: من قدي صار عندي ثلاث سيارات<<< الهمر و الباص و سيارة العيلة



*** و رحت نمت و في اليوم التالي ***

أنا: وش أسوي هالحين المخيمات ما صلحت معي و الوظايف شروطها تعجيزية و السوق ما أقدر اورح له و الكشتة ما عندي أحد أروح معه و التلفزيون مشوش

======

انتهت الحلقة الخامسة و أتمنى تكون عجبتكم و أتمنى تصوتون لي

=====

[Dark Matey]

انا قايلك يبو الشباب عليك طلعات كذا بس انت ما صدقتني

والله التكملة حلوة بس وش رايك تسلفني الباص شوي ابعدله لك واخليه " عليا دلة "

سلام :icon6:

[Freaky Angel]

الله يا ولد

قصة روعة

والله انك مبدع

تسلم

[THE KILLER]

الحمد لله قدرت أخترق الحظر من أول يوم و أدخل المنتدى
مشكورين على ردودكم الحلوة
و يا معاطي أقولك مشكور لكن بتشوف وش بأسوي بالباص في الحلقة الجاية

[هيتومي سان]

اوهوهوهوهوهو<<<ضحكة ماي شرونوي

المهم ابا اعرف انت تشتغل عند شركة الاتصالات مخسرنا
ايش رايك تسوي مكسيكي
وين نحصل بحر في الرياض انا اعرفها صحراء!!!!!!!!!!
كيف عزابي وساكن في نفس منطقة اهلك
أنا اعرف واحد ساكن في الشبحه <<<قريه في املج تابعه لتبوك
واهلوا في مكه:hitwithro :Thinkingo
اقول انك مدلع
لاحظت الآتي:

• كثرت تواجدك في المنتدى<<راسب من حق وحقيق
• تخريف في الكتابه<<نايم

[demons]

هههههههههههههههههههههههههه

الحلقات مضحك لدرج
يا اخ THE KILLER
بس ما بتنتج حلقات ثانيه
او لا
وشكراً

[M.W.N]

ههههههه
حلوة

في نتظار الحلقات القادمة

[THE KILLER]

هيتومي سان: 1-أنتج مكسيكي مرة وحدة؟ أول خلني أتعلم اللغة

2-إذا مخسركم خل الصفحة تتحمل و افصل

3- و بحر الرياض هذا وائل طلعه لنا

4- أنا أقصد بأنها مب في نفس المنطقة بل كل وحدة في جهة من الرياض و أنا قصدي من ذا الشيء إني أسوي ربط بين قصصي لتبدو كنها قصة حياتي و الكل عارف إن قصصي تخريف إلا وحدة

5-....

6- و التواجد ما يتم إلا بعد الإنتهاء من المذاكرة

7- التخريف أساس الصرقعة

demons: أكيد فيك حلقات بتخليكم تملون من الضحك باذن الله<<< ناوي على شيء

The Formidable: الحلقة بتجيك ألحين

ومشكورين على الردود إلي مثل وجيهكم<<< يعني حلوة لحد يفهمها غلط

[THE KILLER]

هذي الحلقة الخامسة للي ما قراها>>> http://www.montada.com/showpost.php?...8&postcount=34
الحلقة السادسة



أنا: طلعت لي فكرة ورى ما أروح أفحط بالباص؟



^^^ و رحت لأقرب شارع تفحيط لكن الباص إنقلب من أول نطلة لكن أنا ما صار لي شيء و قدرت أنحاش قبل لا يجي المرور***



أنا: زين إني قدرت أناحش لكن ما فيهشيء أسويه ألحين



أنا: تذكرت شيء مفاتيح البيت معي أجل بروح البيت و أقعد أدور يمكن ألاقي لي شيء



** و أروح البيت و أقعد أدور **



أنا: الله وش ذا الفلوس إي صح ذي الفلوس حقت أخوي الصغير مجمعها من العيد لكن أنا محتاجها ألحين أكثر منه بعدين 800 ريال وش بيسوي فيها أخوي الصغير؟ لكن أنا أقدر أروح فيها للدمام و أقعد فيذاك كم يوم



&&* و أروح للدمام و أقعد فيها 4 أيام و تقضى فلوسي كلها و ما عرفت وشلون أرجع للرياض



%% &و أشوف واحد مغبر بس كأني أعرفه و أروح عنده&%%



أنا: هلا يا أخي أنا قد شفتك قبل كذا؟



الغريب: هاه مب أنت ذا كيلر؟



أنا: إيه و أنت من؟



الغريب: أنا وائل



أنا: طيب ورى شكلك كذا؟



وائل: أنا جيت للدمام أنا و بعض الأقارب بس إنهم سحبوا علي و خذوا قطتي و راحوا



أنا: طيب ما تعرف طريقة ترجعنا للرياض؟



وائل: لو إني أعرف طريقة ظنك كنت بأقعد في الدمام كل هالوقت؟



وائل: بس إني أعرف شاليه قريب و كنت منتظر واحد عشان يطمرني من فوق السور الخلفي ثم نكسر باب وحدة من الشاليهات و نقعد فيها



أنا: والله إنك طالع مجرم



*))(( *وأطمر وائل من فوق السور و يروح يجيب لي سلم و أدخل معاه*))((*



وائل: يلا خلنا ندور لنا شاليه ندخل فيه



أنا: إيه بس أنا أبيه يكون قريب من المسبح حق الشاليهات<<<حرامي و يتشرط



وائل: أبشر يلا خلنا نروح ندور

[-رجل المستحيل-]

الحمد لله والشكر



الجنون والصرقعة بدا يطلع من الحلقة السادسة



الله يستر من الحلقة السابعة



ننتظر المزيد يالمجرم

[لعّابه]

ههههههههههههههههههههههههههه تجنن
ونحن نستنا التكملة

بس يابوك منت ناوي تصير دافور وتنجح

ياخوفي ان يجي المرور ويشلون الباص وهل المخيم يرفعون عليك قضيه

وتكتمل لو صادوك في الشاليه >>> لا يكثر شوي وتكملين القصه بداله !!

تسلم ايدك

[وائل]

يؤ يؤ يؤ

اجل انا مغبر في الصحراء التي تفصل بين الرياض والدمام دوت كوم

يا حلااااااااااااوة


صديقي صديقي ابو قاتل كمل المشاهد كلها

وما نبغى مقص الرقيب يتدخل

أكيد المسبح فيه فتيات

نبغى نشوفهم وهم يسبحون وتغرق واحدة ونطب انا وانت

ونطلع ما نعرف نسبح ويمسكونا الحكومة وننقتل بس ما نموت

اوكيه زي كذا يا صديقي كمل

<=== المدرب حق ذا كيلر