طموحات

[Yamato]

ياماتو أنت وزير الداخلية .. يعجبك كذا ..

رغباتك اوامر يا سعادة الرئيسة... وطموحنا ما بيكون الا بامر منكم..

[asf4ever]

ما عندك خبر عن عصفور.. وينه مختفي هالكم يوم.. لا يكون شغال يصنع رجل ثلج عندكم فوق في الجبال.. (مستويلنا هايدي ويا ويهه... لووول.. حشيت فيه المسكين)

سوحقن لك ياماتو بس لأنك حبي السري تراك مسموح ويا ويهك الحلو
والحين بتعرف وين كنت مختفي يعلني ما رديت من وين ما ييت
كنت مبيت في الشارجة من يوم الجمعة للبارح الأحد قاعدين نلف بمولات الشارجة ودبي
بس تعرف المشكلة إنه حظرتي آدمي من دبا الفجيرة
ولما واحد من دبا يروح دبي حتى لو كان أعمى عيونه تصير كاميرا ديجيتال بزووم 100×
الله يقدرني أخذ لي وحدة منهم بس >>>أول طموحXD
لكن الله ستر وما كان عندي ورقة وقلم ولا بتشوف صورتي في الجريدة.."القبض على (عصفور) يعاكس"
والله ودي أتكلم عن الأماكن إلي سرتها هناك بس كسلااااان>.>
أما عن طموحاتي فكلها متعارضة
فمرة أريد أشتغل وأكون بيت وعيلة وأعيش حياة بسيطة عادية
ومرة أريد أدرس برع وأتميز وأعيش حياة غير
بس يالله تراها النسبة السنة الياية بتحدد كل شي
ومن طموحاتي إني أخذ إلي فبالي>>>بعده ما طلع من البيضة ومسوي حد في باله..
وطموحي أهكر على المنتدى وأخليه ينغلق كمين يوم ويشتاقون له الأعضاء وينشطونه شوي>>أدري فكرة عبقرية
بس المنتدى أحسه صاير كئيييب -__-
وأطمح أربح في مسابقة الأسهم (اليوم بدت) بس للحالة الجوية ومشاكل شبكة الإتصالات وأخبار لندن وحظي النحيس
لما أسجل الدخول تطلعلي صفحة إرور..شو أقول غير سوحقن وتبا لهم لشو أنا الوحيد إلي ما يفتح وياي>_<
وأطمح إني أجرب عيشة مستر أرنب لفترة من حياتي I think it's so cool

أعتقد لي رجعة أخرى في وقت لاحق بإذن الله

[Yamato]

حيالله مطول الغيبات.. هالكم يوم كل واحد مطول الغيبات -__-
نعم نعم.. سوحقن لي لاني تذكرتك T_T
وتراك من كثر ما قلت حبي السري ما عاد سر.. المنتدى بكبره يدري بالموضوع.. وااا فضيحتاه...

بالنسبة لمولات دبي.. حالتي من حالتك.. علشان كذا انا ما اطب دبي الا اذا دعت الحاجة.. >.<

ما شاء الله عندك اللي في بالك.. ترا ما تنلام.. كلنا على ذاك العمر كان عندنا للي بالنا.. -__-

وان شاء الله تربح.. بس انا معاك لاني قاعد ادعليك.. زين..

وويلكم باك يا حلو...

[Rory]

ههههههههههههه .. ضحكتنا
وشهيتنا بــ بفك عمان -___-

وصدق ترا القسم أحسبه يحتضر ..
وأعتقد كل واحد معتمد عالثاني علشان ينشطه ..

اممم .. والله للأسف ماعندي لا طموحات ولا أحلام .. ولا أي شي من ها السوالف

ثانكس عالموضوع وبسير أطلبلي بفك الحين

[MeMoirs]

انا طموحاتي عاليه يمكن تتحقق

اطمح اني اتزوج واحد مايتزوج علي حتى لو مت

اطمح اني اتعلم اللغه اليابانيه

اطمح ان اغير بعض افكار الناس للأفضل (طموح بايخ بس ماعليه )

خخخخ طموحاتي كثيره بس ماقلت الا شوي

ههههههههه .. وين باقي طموحاتك .. ولا تبين أكتبها لك ..

كرامه مثل كرامه احمد مطر
فلسفه كفلسفه عبدالله القصيمي-رحمه الله-
احساس كاحساس بيت هوفن
تقبيل راس فيروز
امتلاك جميع اشرطه عبدالحليم حافظ
مكتبه مليئه بكتب الشعراء والمفكرين والروائيين الذين احبهم

نسيتي تكتبينهم ..

وععععععععع توم كروز

بالله وش لاقيه في هالأنسان اكرهه

عليك ذوق خخخ

الا انتي من تبين براد بيت ولا سلفستر ستالوني ..

رغباتك اوامر يا سعادة الرئيسة... وطموحنا ما بيكون الا بامر منكم..

Good job Mr.Yamato

[leopard_1]

نجديه

وفي نفس الوقت أصير عارضة ازياء

اقطع ايدي لو في بنت خليجيه تصلح عارضة ازياء ... الله يخلي الاكل اللي تاكلونه خخخخ .. بلا عارضة ازياء بلا عارضة مرمى .. ياماما انتي تحلمين <<< تحطيم

أبي أتزوج توم كروز

يؤ يؤ يؤ ... وتقبلين على عمرج انج تنزلين على ضره .. لانه كروز خلاص راح يتزوج هاي اللي مثلت في فيلم باتمان نسيت شو اسمها

وأعدل في المناهج المدرسة ..<<<< متعقدة

والله صدقتي .. هاذي ماخطرت ببالي .. ااااخ بس لو كنا عايشين في امريكا .. شوفو كيف الواحد من نفسه يحب المدرسه مب مغصوب مثلنا

[leopard_1]

ياماتو

بالنسبة لانك من راس الخيمة.. انا قلت كلام متداول حاليا بين الشباب.. انت اللي قلت انك من هناك.. ماليش دعوه..

اهااا يعني انته كنت تتمصخر على مال راس الخيمه .. تعال هناك.. لاقطعنك اربا اربا ولانكلنك تنكيلا

موون جيرل

اطمح اني اتزوج واحد مايتزوج علي حتى لو مت

اشدعوه عاااد ..وانتي بتكونين داريه عنه وانتي في قبرج ووجهج محلط خخخخ

وععععععععع توم كروز

بدا شغل المراهقات

اسف فور ايفر
وينك ياخي ماتنشاف .. من طول الغيبات جاب الغنايم <<< لاتنسى الارقام على الخاص اوكي

روري

اممم .. والله للأسف ماعندي لا طموحات ولا أحلام .. ولا أي شي من ها السوالف

افا ليش ... شكلج مرتاحه في حياتج .. وعايبنج وضعج ...همممم بس دايم الانسان يطمح للافضل

ثانكس عالموضوع وبسير أطلبلي بفك الحين

هههههههه حلوه هاذي .... بس اتحملي ..لانه اكيييد بيكون منتهي الصلاحيه وهنا تكمن حلاوته خخخخ

[ثريول]

طموحي:
كرامه مثل كرامه احمد مطر
فلسفه كفلسفه عبدالله القصيمي-رحمه الله-
احساس كاحساس بيت هوفن
تقبيل راس فيروز
امتلاك جميع اشرطه عبدالحليم حافظ
مكتبه مليئه بكتب الشعراء والمفكرين والروائيين الذين احبهم

صار "الملحد" عبدالله القصيمي فيلسوف يُقتدى به ؟!, مثل صراحتك بالرد في الموضوع, أصارحك أني عرفت أنك "من جنبها" من أول رد لك في المنتدى, وترى بتهوفن تكتب ككلمة واحدة, إلا إذا كنت متعمد الفصل .

[Dark Watch]

ودي اشتري همر h1

واعمل متحف من السيارات الكلاسيكية في بيتي

و يكون عندي 12.000.000 سهم اعمار ^^

[moon girl]

ههههههههه .. وين باقي طموحاتك .. ولا تبين أكتبها لك

اعوذ بالله هذي طموحاتي ههههههههه تقبيل راس فيروز خخخخخ

الا انتي من تبين براد بيت ولا سلفستر ستالوني ..

وعععععع الحمد لله مااحد يعجبني

كل واحد اشين من الثاني

اشدعوه عاااد ..وانتي بتكونين داريه عنه وانتي في قبرج ووجهج محلط خخخخ

حتى لو القضيه قضية وفاء بينا

[Snake Eyes]

طموحاتي اني اصير ممثل
اروح اليابان(قريبا انشاء الله)
اتعلم الفرنسي و الالماني و الايطالي و الاسباني (الانجليزي خلاص مستوى عالي اما الياباني فبديت فيه خلاص(
افتح شركتي اللي من اول متوسط كانت في بالي
رسمي يتحسن واسير رسام منجاوي
احل النزاعات الدولية
اكون تاكتيشان حق الجيش حقي
اقابل اعضاء المنتدى كلهم ^^
اروح الامارات(هناك كل حبايبي)
اقابل اللي مثل صوت اوروتشي مارو واحيه على عمله
واخترع معسل متحرك وما يضر بالصحة
طبعا في المزيد بس بعدين اقلكم
والله زمان عنك يا storm river

[leopard_1]

باااااااااااااااااااااك

هلا والله بولد العام .. هلا برجل راك

واعمل متحف من السيارات الكلاسيكية في بيتي

ههههههه ... حلوه هاذي ... بس صدق بيكون بيتكم معلم سياحي في راس الخيمه
اتذكرني بحد من الربع ... كل سوالفه عن السيايير يقهر ... بس طيب يحليله

و يكون عندي 12.000.000 سهم اعمار ^^

اممم ... انا ما بفتي من عندي .. لكن سمعت انه الاسهم حرام .. هذا اللي سمعته والله اعلم

موون جيرل

كل واحد اشين من الثاني

صدقتي

حتى لو القضيه قضية وفاء بينا

اممم ... مافيها شي ... حتى لو وفاء .. اذا بيتزوج وانتي متوفيه (بعد عمر طويل طبعا) .. مايعتبر خيانه ولا عيب ولا حرام .. خاصه اذا كان بعده شاب
والحي ابقى من الميت

[sweet_merry]

السلام عليكم

ما شاء الله هذه كلها طموحات !!!

طموحي اكون اغنى رجل بالعالم .... مايمنع اكون مثل الوليد والا اقل منه شوي نتفاهم ومانختلف
طموحي ابغي اعلى شهاده والا اقولكم تكفي الدكتوراه بسسسسس على شان نخلي لغيرنا مجال

من طموحي ابغي اتزوج اربع بنات كل وحده تقول للثانيه انا اجمل منج ويعيشوني في قمة السعاده

قصدك يعيشوك في قمة التعاسة !>_>

ابغي كل يوم حفله وكل ليله سهررررررره وابغي اصير مطوع ( ماتجتمع ) بس ودي جذي

ههههههههه -__-"

ابي رصيدي اذا نزل في بنك تخبط اجهزتهم من كثرة الاصفار اللي بعد الرقم طبعا

<_<! طموح خطير

باقي من طموحي كثير يعني كل يوم اطمح خمس طموحات ( هاهاهاهاهاااي حلوه خمس طموحات شكلي خفيف عقل)

اللهم زد وبارك

أغلب طموحاتك تضحك إن شاء الله تتحقق طموحاتك اللي تتمناها^^
----------------
بالنسبة لي Umm أتمنى أعيش في غابة فيها كل أنواع الحيوانات << أصير فتاة ادغال +_+" وتصير كل الحيوانات صديقتي >_>

وأتمنى اشوف كل الأنمي اللي في العالم وأزور اليابان

وكمان تتحق احلامي الخيالية اللي في المنام على أرض الواقع

وبس وطبعاً في طموحات كثيرة لكن مستحيلة ...وفي بعضها ما تعتبر طموحات !_!

وشكراً جزيلاً على الموضوع الخفيف

ملاحظة :

في كثير يكتبوا إنشاء الله ومع إنو تم التنبيه أكثر من مرة على خطأ كتابة إنشاء الله إلا إني ما زلت أشوف البعض يكتبوها ولا مانع من إني اذكركم
إنشاء الله خطأ فادح فكلمة إنشاء تعني ( بناء أو تأسيس ) فلابد من أن تكتب إن شاء الله
وشكراً ودمتم في حفظ الله ورعايته

[Deadly Spot]

my goals are to meet aliens and to live in another planet
plus being the best fighter in the earth
:nutkick:

[The-waiter]

السلام عليكم و الله يا اخواني الله يوفقكم بطموحاتكم و ان كانت بالثروه و البنات و السيارات الغاليه و الزيجاير

و الله انا واحد ما ابي شي غير رضى ربي سبحانه و رضى وامي و ابوي و الصحه و اطمح بوظيفه اقدر


اساعد الناس فيها لا تخافون مو طبيب بعيده عني انا اقصد بوظيفه لها دخل بالقانون علشان انا


ادرس حقوق حاليا و اتزوج بنت صالحه و جميله ذو وجه طفولي و ابي الله يرزقني بعيال صبيان و بنات


شطار بالمدرسه و مأدبين و مزيونين (ما بقى شي ما طمحت فيه) ههههههههههه على العموم


مشكور اخوي على الموضوع الطيب و الله يوفقكم بطموحاتكم بس لا تنسونا اذا صرتوا اغنياء