السماح لسيدة سعودية بقيادة سيارتها..

[Electro M]

son of liberty
كنت مسافر الايام الي راحت و ما لي اسبوع راجع
بس ان شاء الله بتشوفني مع اخبار ميتل جير 4 من معرض TGS

[RandOm]

انا اقول شاورو المرأه اذا تبي تسوق والا لا
واكيد الاغلبيه لا
واذا بتقارنون السعوديه مع البلاد لاخرى اللي تسوق فيها المرأه
فأنا اقول بأن المرأه السعوديه ليست بحاجه الى السواقه والا انكان ساقت ومالها شغل باحد مثل حريم الدول الثانيه
والحريم اللي ساقو في السعوديه كانو مضطرين للسواقه وساقو
واذا كان منع السواقه في السعوديه للحريم خوفا عليها من الصياعه والدجه
فا الحرمه اذا تبي تدج بتدل الطريق وماهي موقفه عند قياده السياره
بلاضافه الى ان وسيله المواصلات في السابق كانت الحمير والبعارين صح؟
وكان عادي المرأه تركب عليهن
لاكن مع التطور وقدوم السيارات كانت مخصصه للرجل وكانت جميع الضروف متاحه له
يعني انه هو اللي بيتعلم طريقه التشغيل ثم السواقه ثم التطعيس واللي بيعلمه رجل مثله
وكمان السيارات صعب للمرأه تتحكم فيها كيف راح تركب الكفر وغيره
لذلك خلو لها الحمير اسهل ما لها الا تعلفهن وتمشي الحال
وتطور الحال عليها وصارت السيارات للرجال فحسب
وذكرني الاخ داركنس بحديثه في الاخير عن اوبرا
نحن السعوديين والبلاد الاسلاميه اجمعين
نعيش بسلام وامان وياليت المرأه تدرك ذلك وتستحي على وجهها وتسكت
ولا تركب سياره وتلبس العبايه
لانه هذا المنطق والمطلوب واللي اراده الله لها
وهي ما جابت الفكره من راسها بل الحساد الغربيين اللي حاسدينا على ديننا ويبون يفرقون بيننا
يعني لو المرأه حست بهاذي النعمه ما انكرتها وراحت للغرب وشكت عليهم الحال وعارضت العبايه والتحفظ اللي احنا فيه
ليه الحرمه السعوديه ما تعتز بدينها وبلدها ليه تخلي الغرب يتشمتون فينا
الحرمه السعوديه ليست غطاء اسود انما عبايه ولم تمنع عن المشي انما سمح لها الذهاب للي تبيه وماقيل بمحرم الا عشان مصلحتها
وليست مجبوره انما بملء ارادتها
والسلام خير الكلام
مدري شفيني ها اليومين كثير الكلام

[Mada Mada Dane]

مدري وش فيكم مكبرين السالفه ...

ترا كلها " سواقة " , الي يشوفكم يقول الفتوه هي فتوى تحليل البارات او تحريمه =_=

ياخي الي تبي تسوق تسوق , والي ماتبي مو لازم, بس خخخ وش دخل الصياعه بالسواقه =_=

خخ أصلا الي تبي تصيع بتصيع سواء معها سيارة ولا لأ -_-

خخخ الحرمه الي بتسوق , خلاص مسأله شخصية تعتبر =_= سبب ...
" وسيلة مواصلات لا أكثر ولا أقل " ...

خخخ الكلام هذا زي الي يقول , ليش تطلع الحرمة " جوال " عندها تلفون البيت , اهااا اكيد تبي تكلم رجال اهاا صدتك صدتك وييه كشفناها --- فقط مخاويف وشكوك فاضيه ... =_= خخخ يعني السالفتين متشابهتين , الاولى وسيلة مواصلات والثانية وسيلة اتصالات

يعني ليش مسوين سالفه ؟

خلاص لاسمحوا فيه الي تبي تسوق تسوق والي ما تبي مو لازم ^_^

المسأله كلها مسأله رغبات شخصية لا أكثر ولا أقل @.@

على طاري السواقه , اليوم بتطلع رخصتي باركولي

[Lena]

مادا مادا يحليلك

وجهة نظرك صح

لكن انت فكرت بالكلام الي انا قلته؟

لا انا ما اغالطك بس يهمني رايك وابي اعرفه

انا ماناظرت للقياده كحرام صياعه الخ

ناظر وجهة نظري وقلي

شرايك؟

انت مثل اخوي الكبير لا تهجم علي بس مهتمه برايك

[RandOm]

شوراعنا بعد ما يسوقون الحريم

[SFS]

الله يرجك يا شيخ...
الصورة تفطس من الضحك..

[Lena]

شوراعنا بعد ما يسوقون الحريم

الله يرجكXD!!

اول مرة اشوف كركتير واقعي كذا هههههههه

والله فكرة من جد لو ساقوا الحريم انا ابقترحها عالبلديه

عالاقل لا طاح الفاس بالراس وسقنا مافيه احد بالسيارة الي جنبنا يقز - -

[RandOm]

الله يرجك يا شيخ...
الصورة تفطس من الضحك..

الله يرجكXD!!
اول مرة اشوف كركتير واقعي كذا هههههههه
والله فكرة من جد لو ساقوا الحريم انا ابقترحها عالبلديه
-

خخخخخخخخخ
هذي كانت وجهت نضري من قبل
بس ماقدرت اعبر عنها بالكتابه
فرسمت هذي الصوره<<<< يا نصاب

عالاقل لا طاح الفاس بالراس وسقنا مافيه احد بالسيارة الي جنبنا يقز - -

هذا اللي لازم يصير
ان شاء الله دوم الضحكه

[Mada Mada Dane]

مادا مادا يحليلك

وجهة نظرك صح

لكن انت فكرت بالكلام الي انا قلته؟

لا انا ما اغالطك بس يهمني رايك وابي اعرفه

انا ماناظرت للقياده كحرام صياعه الخ

ناظر وجهة نظري وقلي

شرايك؟

انت مثل اخوي الكبير لا تهجم علي بس مهتمه برايك

مشكوره على الاهتمام برأيي

قريت ردك وضحكت على اخر كلمتين " بييب بييب "


عموما مسؤوليات الرجل , كثيرة , تربية الأولاد يعلمهم المراجل , يصرف عليهم , يعيشهم أحلى عيشه , يدلع زوجته , مايقصر عليها , يعيشهم ببيت كبير ... والخ والخ والخ

بس كون السواقة مسؤوليه =_= , من متى ؟

انا بديت اسوق بـ 3 متوسط , مااتذكر ابوي قال " انتبه ياوليدي ترا السواقه مسؤوليه " =_=

لا من جد , فيها مسؤوليه من ناحيه ان الي يسوق مايسرع ولا يفحط علشان ماياذي خلق الله , بس كونها مسؤوليه للرجل =_= ماخشت مزاجي

يعني هي وسيلة مواصلات تودي وتجيب ... امي تبي تروح بيت أهلي ... هذي صارت مسؤوليه =_= خخخخ

والله الحرمه بتطبخ غدى , ناقصهم بقدونس وثوم

تجي ام خالد تدق على ابوي خالد وهو بالاجتماع , يابو خالد اطلع من الاجتماع وجيب لي ثوم وبقدونس وجيبه البيت لاهنت علشان الغدا =_= خخخخخ ... ما أتخيل

الحرمه تبي تروح بيت أهلها , والرجال بالعمل , المرأه تبي تتسوق , والرجال بالعمل ...

المراه تبي تسوي مفاجأة لزوجها والرجال بالعمل ... عادي =_= تراها مجرد وسيلة مواصلات ماهي مسؤوليه ولا بطيخ =_=

وأصلا انا متأكد , كلكم تركبون ويا سواقيين =_= , وأنا أشوف ان الحرمه تسوق " احسن من انه تركب ويا واحد غريب " ...

خخخخ اهم شئ الرجال يرجع من الشغل , يلقى زوجته موجوده تدلعه وتأكله لين مايروح نام وتقومه لصلاة المغرب مو تكون طالعه تفرتفر XD

واذا ساقت الحرمه مو خلاص معناتها انها ماتطلع مع زوجها لاززم كل واحد بسيارته , لا احسن ان هذا المفهوم الي شايله كثير منكم غلط ^_^ , بل عكس اتوقع لارجع من الشغل بيطلعون كل ليله طلعه رومانسيه بسيارة واحد منهم
اذا هذا الي تبونه , عادي السواقه مو مخربه هذا الشئ عليكم لووووووووووول


ولينا ماعتقد العالم كلهم شالوا المسؤوليه عن الرجل لانهم خلوا الحريم يسوقون تراها وسيلة مواصلات ماتعد مسؤوليه ... المسؤوليات على ظهر الرجل كثيرة ...

واذا المسؤوليات بتنشال عن الرجال فهذا الأمر ممكن يحصل بقليل من العوائل بسبب ضعف شخصيه الرجل و قوة شخصيه المرأة , والسواقة مالها دخل بهذا الموضوع ^^

في الأخير أشوف الأمر كله مسألة رغبات شخصيه لا أكثر ولاأقل


وسانكيووو ومشكوره يا وخيتي لينا على الاهتمام برأيي

سانكيو سانكيو

[SFS]

وأصلا انا متأكد , كلكم تركبون ويا سواقيين =_= , وأنا أشوف ان الحرمه تسوق " احسن من انه تركب ويا واحد غريب " ...

صدقت والله أخوي..
احنا عندنا بالكويت عادي المرأة تسوق..من غير مشاكل ..
حتى ان الحريم المنقبات يسوقون..
لكن تعرف شنو القهر في سواقة الحرمة..بارديين بدرجة مو طبيعية..
احر ما عندك ابرد ما عندهم..:vereymad:
وصدقني راح تنحل وايد مشاكل لو سمحوا للحريم بالسواقة..
لكن المطلوب من المجتمع تغيير نظرته ومعاملته للمرأة..والأهم احترامها..
وكذلك الشباب..مو يشوفون حرمة تسوق ما صدقوا خير..طاروا وراها..
وشكرا على ردودكم وتفاعلكم..

[جـون سينا]

ان شاء الله يسمحون للقيادة للمرأة السعودية بشكل رسمي
لانه راح اتقلل المشاكل العائلية
والظروف للبعض الاخر مثل هذي القصة

طيب سؤال واحد


لو مثلا مثلا يعني اختك ساقة سيارة اوكي او امك

ةقطعة اشاره او صارلها حادث او او



مين بياخذون التوقيف اختك ولى ابوك ؟


يلى يلللللللللى نمشيها ونقول اختك


لو انها مثلا ترضع وشلون.؟؟؟


بعدين ترضى ان الشباب يروحون يطردون ورى اختك بالسياره ؟

[كوول علطوول]

طلعت طارة والله

لا ومسرعة بعد

[Lena]

مادا مادا

مافهمتني يابوك - -

مب مسؤليه لازم يعني الرجال بس يسوق ويؤدي هالوظيفه بالحياه

انا بالنسبه لي عايشه على السواق يعني ماروح واجي الا معاه

انا مب قصدي مسئوليه القياده نفسها

بل مسئوليه ماتؤديه القياده

افهمني يا عزيزي

انا ادري ان المراه اذاهي الي تسوق وناسه اسالني انا اتمنى هالشي اصير اعتمد على نفسي..ياما صحت وقعدت في بيتنا وانلطعت عن مواعيد مهمه ودكاتره ودراسه عشان مافيه احد يوديني

لكن الي قصدته فيه اشياء بالحياه الزوجيه لو المراه ساقت راح تطيح مسئوليتها عن المرأة

خلن اضرب لك مثال بسيط

السوبر ماركت!

راح يتعيجز الرجال عن جيب الخضار واغراض البيت

ويقول لزوجته روجي جيبي انتي ...بسيارتك!

لكن لما يعرف ان مافيه احد غيره ييروح يؤدي هالدور بنفسه وهو دور رجولي في الغالب مب المره هي ال تقضي للبيت الا اشياء خفيفه

لا تقول الي رجال والي شهم يروح يجيب لنفسه يا حليلك انا شايفه نماذج في الحياه الدنيا الحين خربت اكثر الرجال وصار همه يطلع مع ربعه والبلوت ومدري ايش
الرجال الرائعين قلو
لكن لاحظ ماعممت

وانهاء مسئوليه القياده راح يفسح المجال للlazy men

فهمتني؟

لا تقول مستحيل الرجال يقول جيبي الخضرة وسوي مدري وشو وغيرها من مسئوليات الرجال وتستبعد هالشي..فكر فيها الصرف مثلا والنفقه منذ خلقت البشريه مهمه رجوليه لكن مع توافر وظائف للنساء وصار لها دخل خاص بدا الرجل شوي شوي يعيز لها الصرف على نفسها ومن ثم عالاولاد وبتجارب شفتها يعني والحين صار هالشي عاااادي ومش مستنكر والرجال يدورون على الي عندها وظيفه بعد...وبنفس الطريقه راح تصير مشاوير توصيل العيال وجلب الاغراض شوي شوي مهمه نسائيه؟!

فهمت قصدي ان القياده نفسها مب المسؤوليه بل ماتؤدي له القياده؟

بالعكس وناسه ان المره تقضي حاجياتها الشخصيه بنفسها ياليت بس ونفتك من المنه"لان فيه رجال يطلعون الروح لما يودي زوجته لسوق ولا لقضاء حاجيات معينه لها"..ولكن صدقني مع الوقت راح تقضي حاجاتها الشخصيه وحاجات البيت والرجال بعد!ههههههه


المثال الي انت ضربته مثالي مره الله يهديك تحداك يعدي نسبه 10 بالميه من رجالنا ..اقصد هالرجال الي وصفته هالحنون الي يساعد في التربيه الي مدري وشو..يااللهمن فضلك هالرجال وانا واثقه من وجوده ..ولكن.. انا افكر بوضع النساء عموما وانا لبعض لا يرزق برجل مثله

غير ان وضع القياده وامثلتك مرة برضو مثاليه ماحطيت المواقف الشينه


انا تكلم عن نماذج شفتها بعيني

البيت بالنسبه لبعضهم سوالف شوي مع الزوجه واكل ونوم..مالهم خلق البزران ولا خلق شي

اتمنى تكون فهمتني بعمق خلاص تعبت اكثر من كذا ماقول@-@

[Mada Mada Dane]

ليـــنا , فهمتك عدل الحين

لكن ... اشوفهم موضوعين مختلفين جداً

الموضوع هو " سواقة الــمرأة للسيارة " و الموضوع الي تتكلمين عنه " مسؤوليات الرجل " =_=

تراهم شيئين مختلفين , والله لو ساقت المرأة او ماساقت , قضية مسؤولية الرجل بالنقاط الي تكلمتي عنها مو فارقه , الرجال الكسول ... بيظل كسول ... وبتروح الحرمه تتقضى مع السواق ... مافرقت ...

واذا المرأة كسوله بعد , الله بيعيشون على المطاعم واخر الشهر بيفلسون

خخخ موضوع القيادة أشوفه ماله دخل بسالفة " مسؤوليه الرجل " =_= , يعني بتسوق أو ماتسوق الرجال الكسول راح يظل طول عمره كسول

وانتي قلتيها بنفسك , انتي شفتي نماذج منها بعينك , وهذا الأمر " صار " بالـــرغم من أن " المرأة ماتسوق " , يعني مافرقت >_< ...

بتروح بتتقضى مع سواقها , السالفه الي تتكلمين عنها هذي يبي لها موضوع ثاني مختلف عن قضية سواقة المرأة ...

موضوع كبير =_= خخخخ

عموما لازم الحريم يشترطون قبل الزواج من الرجال انه ياخذ 40 لفه حول البيت , علشان يتأكدون من نشاطه


اذا مازلنا نتكلم عن " قيادة المرأة " انا " موافق " , اكيد يحتاجون موافقتي قبل اعتماد قرار مثل هذا =_=

خخخ اما عن مسؤولية الرجل موضوع اخـــــــــــر هذا =_= , ولاتخافين مسألة سواقة المرأة مو زايدة من الحالات الي قلتيها ...

لان الرجال الكسول مثل ماقلت , الي بباله بيسويه وبتروح الحرمه تسوي الشغل عنه سواء ساقت او ماساقت مع الســـــــــواق ... على الاقل سماح السواقة للمرأة يمكن يسهل لها القيام بالمسؤوليه الي تنازل عنها زوجها الكسول =_= ...

وسانكيو ^_^