الأنثى في السعودية

[صدق الإحساس]

أنا أقول لأختى صدق الإحساس أكبر دور في المجتمع السعودي هو للمرأة

لأنها تخرج أجيال ولو إن المرأة كانت مثل الرجل مين راح يجلس مع الأطفال ويربيهم غير الشغالات فأحمد بن حنبل من الذي أخرجه للأمه الإسلامية وجعل يقوم مقام النبوة في زمانة وحافظ على عقيدة الإسلام من الإنحراف
من الذي خرج لنا الإمام الشافعي إمام قريش وعالمها كل من الإمامان الجليلان كانا يتيمين الأب وأن المرأ جلست في بيتها وربة أولادة أحسن تربية راح يخرج جيل التمكين والنصر للأمة الإسلامية
والسلام عليكم

تحتيتي للأخ r.t.r وأنا معاك انه دور عظيم للمرأة لما تقعد في البيت وتربي أطفالها وتخرّج عظماء مثل اللي ذكرتهم أنت ..

بس ياترى مالها أي حقوق ولا رأي ولا قيمة لمجتمعها وهي جالسة في بيتها ؟؟؟

طبعا لا ...

بس المشكلة أن الرجل(طبعا البعض منهم) يحرمها بأنانيته من المشاركة أو إبداء الرأي أو التفاعل الإيجابي ..

يريدها أن تكون مثل الأثاث في المنزل يروح ويرجع يلقاه زي ماهو..!!!

ما يناقشها ويحاورها ويسمع منها..يعتبر رأيها محصور في البيت والمطبخ ومشاكل العيال بس
والباقي ماتفهم فيه

يتركها في البيت مع عياله ويطلع هو لسهراته وطلعاته واذا بغا يرجع دق يقول وش أجيب معي للمطبخ ؟؟!!

ولو سولفت معه كم سالفة جديدة قال من انتي مكلمة اليوم !!!

أعرف واحد اذا زار اهله ومعه زوجته ما تركها ولا دقيقة لحالها مع أخواته

يخاف تسمع سواليفهم عن حياتهم وبيوتهم تتمرد عليه ..

بعض الرجال للأسف كذا .. يبغى يعزلها عن العالم الخارجي

وما تشوف العالم الا من خلاله وبعيونه بعد!!!

واذا طقططقت لها شوي على هالا نترنت واستشهدت برأي قرته من الانترنت
عصب وقال تهملين بيتك ..ترا كل اللي يكتب مو صحيح لانهم يكتبون باسماء مستعارة

وهو مطيح أربع وعشرين ساعة عليه..

ولو شافها ماسكة سماعة التلفون وهو داخل البيت يجن جنانه ويحقق معها من تكلمين وليش طولتي ..والوحدة ما تحكي باسرار بيتها ومن هالكلام..

هي اصلا وش عندها غير بيتها وعيالها وانت عشان تحكي عنه؟؟

واذا سولفت عن أخواتها وأزواجهم قال هم غير واحنا غير لاتقارنين نفسك باخواتك مع انهم يكونون اقل مستوى لكنه يخشى المقارنة ..

واذا سولفت عن أخواته لانهم قريبين منه ونفس بيئته قال ليتك تصيرين لو ربعهم !!

واذا انعزمت وحبت تختلط مع الناس وتوجبهم قال مانتي ملزومه بهالعلاقات الاجتماعية
خلي امك تروح لحالها او تروح وحدة من اخواتك غيرك انتي خلك عند عيالك مانتي مجبرة بهالالتزامات

وان كانت العزيمة من طرف اهله قال روحي اخاف تزعل امي
اخواتي لاهيات في بيوتهم روحي ووجبيهم تراهم يعزون على الوالده !!!!!

هذا غيض من فيض من تصرفات بعض الرجال مع زوجاتهم إذا كانو غير عاملات

لاحظ اني اقول البعض يمكن فيه عكس هذا النوع من الرجال متفهم متحضر يصرف معظم اهتمامته على بيته واسرته ..
وهذا اللي يستاهل الوحدة تتفرغ عشانه ..
أرجو انكم تفهموني لأني ما أعمم هالكلام بس صدقوني حاصل في مجتمعنا كثير

وسلامتكم

[KING Max]

الأخ العزيز Tasoo بأسألك سوأل ( هل ترضى أن أختك تقود سيارة من دونك أو بالأصح بدون محرم ؟ )

إخواني الملك عبدالله قال( لن أفرض شي لا يرضاه شعبي )

فالمجتمع السعودي مجتمع قبلي لا يقبل هذا الشي الدخيل على المجتمع عموماً هذا يراه الغرب من تشتيت الفكر وإثاره الفتن داخل البيت السعودي وأي واحد يوافقهم الرأي فهو يسعى إلى تدمير المجتمع وتحويل الرجل الغيور إلى رجل ديوث لا حس له في مجتمعه

[Tasoo]

في البدايه أوجه تحياتي الى الأخ king max ..

أول شي أنا بنت مو ولد أوكي تاني شي أنا أبغى أفهمك الموضوع اللي كنت أبغى أوصلكم أياه ..


شوف أنا وأن كنت ولد مارح أرفض انو وحده من أخواتي تسوق من غير ما أشوف غرضها للشي هذا أو حاجتها ..



وبعدين انا بقلك أنو اولاد وبنات الجيل اللي احنا عايشين فيه ماعندهم حياء (طبعا مو كلهم) عشان مااظلم احد لكن نادرا ماتلاقي انسان عايش في الدنيا دي ونيتوا طيبه لكن لو كان في دين واخلاق عند الكل وانا متاكده انو اختي تطلع ومارح تتآذى اوتتعاكس اوكي مافي اي مشاكل في الموضوع لانها محتاجه الشي هذا وانا مقدر اعطلها على شي هيا محتاجاه ..


وابغى اقول آخر كلمتين ياريت يفهمها الكل :

ياريت نشوف غرض الموضوع وسببو قبل ان نرفض ..


اتمنى تكون فهمتني وفهمت اللي كنت ابغاه يوصل لكم ..




اختكم ..

Tasoo