نقاشات قسم الرسم

[@الصقر@]

ممتاز ساندر
بدأت تنشط وانشاء الله ينشط القسم معك
وأنامستعد للتعاون على قدر امكاني
..

قسم خاص للسيناريو و الكومكس.. امم
مابي أزود أقسام و يصير يتشتت الأعضاء..
فينا نضم مواضيع القسم هذا لقسم المانجا.. كذه أفضل

وانا أوويد رأيك
وأنا مستعد اساعد اي واحد يفكر يعمل مانغا

[TheDeath]

....

ما شاء الله عليكم خلصتوا كل الفكار .. مافيه ولا فكره جديدة عندي ><"

المهم فكره روووز الاخيره عجبتني وايد خصوصا في رمضان .. رااح يتحرك الاعضاء كذا ^^

...

بس عندي ملاحظه صغنونه .. طول المسابقات تخلي الاعضاء يحسو بخمول .. ويتملل منها

يعني مثلا ... تبدا مسابقة اليوم ولا تخلص الا اخر الشهر .. انا شخصيا امل منها لان صارت قديمه ... هذي نقطه

ونقطه ثانيه .. تعديل القسم ما يبله تعديلات وايد .. بس الاعضاء يبيلهم يرتبوا مواضعيهم شوي ^^" .. هذي وجهة نظري انا ..

[شعاع السنافي]

كلامك صحيح
بس المشكله كيف بيتقرب الأعضاء
من بعض
هذي في حد ذاتها مشكله كبيره

[Sander]

مزبوط كلامك ذا ديث.. أن شاءالله راح تتصلح مشكلة التنظيم
تصير المسابقات بفترة محددة و بلا مط

مشكور على مشاركتك.

ممتاز ساندر
بدأت تنشط وانشاء الله ينشط القسم معك
وأنامستعد للتعاون على قدر امكاني

أن شاءالله

شعاع السنافي
التقريب بين الأعضاء بيصير بالمشاركة.. اذا بيصير بينا تعامل و بنرد على مواضيع بعض
بنساعد بعض بنتقرب.. بنكون أسرة قسم الرسم..

[شعاع السنافي]

لا تعتبرني كريهه أو اي شيء
لكن بعضهم أظن لو أسوي اللي اسوي بيبقوا
مثل ماهم ..
لكن البعض الآخر طيبين وبسرعه ينحبوا

[Sander]

طيب شي طبيعي و موجود بكل الأقسام.. مو الكل ينسجمون مع بعض
عموما يكفينا نبدأ بعدد قليل .. مع الوقت راح يزداد
هيك رأيي.

[صقر المغرب الأقصى]

الصراحة كل الأفكار المطروحة مفيدة
و أحسن فكرة عجبتني فكرة التنظيم ..... يعني ممكن لكل عضو يحط رسماتو بالجاليري بتاعوا
مو معقول كل رسمة نحطلها موضوع جديد
حتى نتفادى الاكتضاض , ويكون المنتدى منضم
على العموم هدا رأيي
سلام

[Al AnWaR]

أذكر شفت في قسم من الأقسام بهذاالمنتدى ...

يشيل المواضيع المكررة ويحطها في موضوعواحد مثبت ...



هذه الطريقة يمكن تفيدنا في جمعالمواضيع المفتوحة لرسمة وحدة أو اثنين .. وتنحط في موضوع مثبت





وثانيا .. معظم الأفكار هنا مسابقات... الأفضل تكون المسابقات قليلة ... لما تشوف مسابقات كثيرة

ما تعرف تشترك في اي وحدة ... وبيكون فيه اقبال على مسابقة معينة .. ويتركوا بقية المسابقات بدون ما يشتركوا فيها .. وهنا بتصير مشاكل ..

التقريب بين الأعضاء بيصير بالمشاركة.. اذا بيصير بينا تعامل و بنرد على مواضيع بعض
بنساعد بعض بنتقرب.. بنكون أسرة قسم الرسم..

ما نقدر نجبر الأعضاء انهم يردوا على مواضيع الثانين ... بعضهم يمكن يكونوا مشغولين بالذات في أوقات المدارس ... لكن هم حبو يعرضو أعمالهم في المنتدى .. وما عندهم وقت يردوا ...
أو يمكن ما بيكون فيه حافز يدفعه للرد ..
مثلا يكون الموضوع عادي جداً ... والعضو اللي كاتب الموضوع مايعرفه
يقول افضلي ارد على عضو أعرفه من عضوا ما أعرفه

طيب لو كان الموضوع عادي جداً ... ويمكن يكون بايخ
بس انت تعرف صاحب الموضوع .. أكيد بتكتب أكثر من رد واحد

يمكن لو عمل كل خمس اوثلاث أعضاء مجموعة ( شلة ) ويكون لها اسمها الخاص ...
يمكن تنفع ... ويصير في اهتمام أكثر ... شفت هذا في منتدى ثاني ونفعت معهم هذه الفكرة

[@الصقر@]

اهم شيء ناقص في منتدى الرسم
دليل طالب الرسم
موضوع مثبت فيه شيئين مهمين جدا لكل من يريد تعلم او تطوير نفسه في الرسم
الشيء الاول
عناوين وارقام ومعلومات عن معاهد الرسم والكليات الفنية وجمعيات رعاية الشباب والفنون التشكيليه في المدن الاكثر اهميه مثل الرياض والشرقية والغربيه والكويت والامارات وغيرها
علشان يسهل على من اراد الدراسة او التعلم ان يصل الى المعاهد والاستفاده منها واختصار الوقت في البحث بدل التخبط واليأس!!
الشيء الثاني
تجمع كل الدروس الموجوده في المنتدى في هذا الموضوع ويعمل لها فهرسة ويرمم منها ما ضاع او تدمر وقد ترتب على شكل مستويات ومنهج (مبتدي-متوسط-متقدم)
ليسهل على الباحث عن الدروس الوصول الى الدروس بسهولة من خلال موضوع واحد
...
الخيار الاول يعتبر ذو اهمية اعلى من الثاني في البداية
وحاليا انا ابحث عن معهد او مكان يساعدني في تطوير الرسم لكني اتخبط على غير هدى وكم انا ممتن لاي واحد ممكن يرشدني!! (شفتم حجم المشكلة!!)
...
الواضح ان الادارة لاتهتم بالذين يريدون تعلم الرسم
ولكنها تهتم بالذين يعرفون الرسم!!
يعني شيء جاهز من غير تعب!!
أرجوا ان تكون نظرتي خاطئة وتثبت الأدارة عكس ذلك<---- مشاكس دائما للأدارة والمشرفين

[Sander]

Al AnWaR

هذه الطريقة يمكن تفيدنا في جمعالمواضيع المفتوحة لرسمة وحدة أو اثنين .. وتنحط في موضوع مثبت

اي صح ممكن أدمجها بموضوع واحد, بشوف كيف ممكن أجمعها مع بعض..
يعني بحتاج لموضوع مثل جاليري الأعضاء و بدي أنبه الأعضاء لما أدمج مواضيعهم..
خلاص بشوف الفكرة .

وثانيا .. معظم الأفكار هنا مسابقات... الأفضل تكون المسابقات قليلة ... لما تشوف مسابقات كثيرة

ما تعرف تشترك في اي وحدة ... وبيكون فيه اقبال على مسابقة معينة .. ويتركوا بقية المسابقات بدون ما يشتركوا فيها .. وهنا بتصير مشاكل ..

طيب.. مادري مافيني أمنع الأعضاء أنهم يفتحوا مسابقات..
ممكن أحدد عدد المسابقات المطروحة أما أمنع الأعضاء لا مايصير..
بعض المسابقات لعبت دور في تجميع الأعضاء و التقريب بينهم , مافينا نستغني بس نحاول نقلل عددها حتى ما نتشتت,
حل وسط.

ما نقدر نجبر الأعضاء انهم يردوا على مواضيع الثانين ... بعضهم يمكن يكونوا مشغولين بالذات في أوقات المدارس ... لكن هم حبو يعرضو أعمالهم في المنتدى .. وما عندهم وقت يردوا ...
أو يمكن ما بيكون فيه حافز يدفعه للرد ..
مثلا يكون الموضوع عادي جداً ... والعضو اللي كاتب الموضوع مايعرفه
يقول افضلي ارد على عضو أعرفه من عضوا ما أعرفه

طيب لو كان الموضوع عادي جداً ... ويمكن يكون بايخ
بس انت تعرف صاحب الموضوع .. أكيد بتكتب أكثر من رد واحد

يمكن لو عمل كل خمس اوثلاث أعضاء مجموعة ( شلة ) ويكون لها اسمها الخاص ...
يمكن تنفع ... ويصير في اهتمام أكثر ... شفت هذا في منتدى ثاني ونفعت معهم هذه الفكرة

صح ما نقدر نجبر حد, بس اذا كل واحد أقتصر بالرد على معارفه أو على موضوعه فقط بيظل القسم مشتت.
فكرة المجموعات حلوة , فينا نرتبها بحيث تكون مناسبة للقسم
أوكي خلينا ندرس الفكرة, لأن المجموعات لها سلبياتها .

مشكورة على مشاركتك, تسلمين و أن شاءالله ما بيكون مجرد كلام على ورق

========

small_3d

الشيء الاول
عناوين وارقام ومعلومات عن معاهد الرسم والكليات الفنية وجمعيات رعاية الشباب والفنون التشكيليه في المدن الاكثر اهميه مثل الرياض والشرقية والغربيه والكويت والامارات وغيرها
علشان يسهل على من اراد الدراسة او التعلم ان يصل الى المعاهد والاستفاده منها واختصار الوقت في البحث بدل التخبط واليأس!!

طيب فكرة حلوة بس ماعندي خبرة لتنفيذها, و كمان مابعرف اذا بتوافق لسياسة المنتدى أو لا, بدي أتأكد منها.
عموما اذا كل عضو راح يفيدنا ممكن أعمل دليل مثبت لخدمة الجميع,

الشيء الثاني
تجمع كل الدروس الموجوده في المنتدى في هذا الموضوع ويعمل لها فهرسة ويرمم منها ما ضاع او تدمر وقد ترتب على شكل مستويات ومنهج (مبتدي-متوسط-متقدم)
ليسهل على الباحث عن الدروس الوصول الى الدروس بسهولة من خلال موضوع واحد

هذي فكرة ممتازة, عجبتني كثير بصراحة,,
فهرس للدروس بحسب المستوى و المجال, أن شاءالله بنفذها
مشكور أخوي على إقتراحاتك..
الإدارة تهتم بالجميع , بس تعليم الرسم أصعب من تطويره
هيك رأيي

عن نفسي دايما أعتقدت أن الرسم لا يُعلم,, هو موهبة تـُطور,
مجرد إعتقاد قديم.

مشكورين جميعا, أن شاءالله خير .

[88_Shadow]

بالعكس المسابقات انا اشوف اعضاء اول مشاركه لهم تكون في مسابقه شي يفرح "يعني توه مشارك بالمنتدى وعل طول مسابقه "
اتمنى يرجعو لنا "ريشه مبدع"

[@الصقر@]

طيب فكرة حلوة بس ماعندي خبرة لتنفيذها, و كمان مابعرف اذا بتوافق لسياسة المنتدى أو لا, بدي أتأكد منها.

عموما اذا كل عضو راح يفيدنا ممكن أعمل دليل مثبت لخدمة الجميع

,

كذا انت تعجبني
ضع دليل مثبت
والاعضاء والخبرات يضعون فيه معلومات عن المعاهد وغيرها

مشكور أخوي على إقتراحاتك..

تكون شكرتني وزياده اذا طبقتها على افضل وجه

الإدارة تهتم بالجميع , بس تعليم الرسم أصعب من تطويره
هيك رأيي

عن نفسي دايما أعتقدت أن الرسم لا يُعلم,, هو موهبة تـُطور,
مجرد إعتقاد قديم.

كذا ازعل منك
هذا وانت من ادارة منتدى الرسم تقول الاعتقاد البائد ذا ((الرسم موهبه))
هذا الاعتقاد اثبت خطاءة من زمان واصلا الي اطلقه واحد ما يبي الناس ترسم!!
يا صديقي
الرسم مهاره ((وليس موهبه)) يستطيع اي انسان ان يتقنها اذا اعطاها حقها من التعليم والتدريب
مثل قيادة السيارة والطيارة
اي انسان يستطيع ولكن هناك من يخاف أو يقف الوهم الذي يروجه اصحاب الاعتقادات القديمه عائق امامه
...
ارجوا لكم التوفيق والتطور

[::.SnOw.::]

السلام عليكم و رحمة الله و بركاته.

أوكييه

أنا دخلت الموضوع.. من اوله و ما قريت الصفحات الي بعده و الصراحة موضوع في محله

أنا أشارك أخوي ساندر بقية أخواني الأعضاء

انا عندي أقتراحات.... ان شا الله .. تعجبكم و تحوز على رضاكم


اولا.. بالنسبة للدليل...

أنا موافقة عليه .. و لا و بعد عندي اقتراح بخصوص الدليل

وش رايكم بعد لو نسوي دليل... للأعضاء نفسهم

يعني المتميزين و يكون مثبت.. بعد...

ويكون يحكي عند سيرة العضو ..

واقتراح آخر بعد ,,,

بالنسبة للمسابقات...

أنامعاكم ...... بتقصير المسابقات .. يعني مثل ما قال الأخ ذا ديث

المسابقة تبدا من اول الشهر و تنتهي آخر الشهر.. خخخخ

و أنا واول من راح يسوي كذا بمسابقتي..

((يللا شاركوا))

خخخخخخخخخ
(( الأخت تسوي داعية حق مسابقتها))


و اقتراح آخر بعد يا ليت تتقبلونه

و هذا اهم اقتراح احب اقوله الا وهو.. تقسيم منتدى
أنا الاحظ مثلا في قسم

منتدى رسوم المانجا و الأنيمي و الكوميكس.
مدموج.. في قسم واحد ...

لو تخلون لرسوم الأنيمي منتدى و الكوميكس منتدى و المانجا منتدى.. بعد

و تضمون المنتديات الى منتدى.. واحد اسمه مثلا(( منتدى الرسوم المتعلقة بالأنيميشن ))مثلا

[::.SnOw.::]

و احب أضيف بعد

شي آخر




بالنسبة .... للمسابقات.. ليش ما نحط لها منتدى خااص بالمسابقات...راح يكون أحسن


لأن مثلا لو .. يكون عندك اشياء مكركبة .. وش راح تسسون.. اكيد راح تقسمون الاشياء و كل شي تنظمونه على حده

يعني زي المسابقات.. انا ارى لو تخلون منتدى اسمه منتدى مسابقات رسوم الانيمي

وتبدأوون تجمعون المسابقات كلها و تحطونها. بالمنتدى الجديد المتعلق بالرسم


لأني ارى...أن شكل المسابقات مع الرسوم و المعارض.. كلها. لخبطة في لخبطة

[oniAkuma]

السلام عليكم
بس حبيت اضيف شي
ليش مانسوي مجموعات حالنا حال غيرنا من المنتديات
وشكراً