I'm in love

[Anima]

احب أفلام الكرتون اللي كانت في طفولتي ( وأحاول أحصل عليها ) مثل
الرجل الحديدي
جزيرة الكنز
عُقلة الأصبع
عندنا ولينا
جرندايزر

تكفى لا تذكرني

والله انك جبتها على الجرح

[Lunar Poet]

ولكن الحب الأكبر في المأكولات الخفيفه ... (مرفق)

لوووول أذكر مرّة كنّا مأجرين استراحة و كان فيها برجة .. بعد ما خلّصنا سباحة كنا هلكانين من الجوع و التّعب -___- ..
المهم .. لقيت جيسة بطاطس من هالنّوع .. و جرّبت آكله مع خبز ( من الجوع ) .. بس بصراحة طلع حلو مع الخبز خخخ ..

[Angel whisper]

its just you took me by surprise , and a nice surprise i might add

لأني أنتقلت من شغلة server administrator الى DBA
- - - - - - - - - - - - - - - - - - - - - - - - -
so i eat , drink , breath oracle .. sometimes have nightmarish oracle

its sooooo complicated if not the MOST complicated THING i have ever seen
suuuuure... its easy to install and get a Database up and running but if you go deep you'll be shocked and overwhelmed
especially if they have high expectations on you

i'm still green but trying to read books , blogs , the documentation & taking the OCP courses + VTC courses

we're moving from 9i to 10G R2 on a RAC environment & the DR is at its final stage for deployment

fortunately for me the other DBAs are pros & pack quite a punch so i'll stick with them & all will be fine
who knows maybe one day i'll exceed them ,, yeah wishful thinking
- - - - - - - - - - - - - - - - - - - - - - - - -
فليعذرني الأخوه على عدم الكتابة بالعربي سابقاً - لصعوبة ذلك

في أحد ما يحب المطر .. بس انا شوي أتشقق من الوناسة إذا نزلت مطره

ahahaha I never knew that ..
But I find Oracle fun, maybe because I'm still a newbie and haven't gone really deep in it ..
and oracle nightmares?
*gasps*
I suppose that you are really good at it since they are relying a lot on you .. so keep up the good work!
لا هو عادي الناس تحب المطر
بس ما تلقى وايدين يحبون صوته او ريحته..
اربيجيز ..
WILD ARMS ONE AND LUNAR:SSS!!
فديت كااايل والله ..
ولا شخصية ار بي جي طلعت كان لها نفس الـego
هههههههه عيل تتذكر سموتشي؟ هالشيبه الصايع الضايع ..
بس عليه آيتمز خبال ..

I love fruit salads with vanilla ice cream!
صايبني ادمان عليهم هالكم يوم ..
اشتري كوب بـ15 فيه اغلب انواع الفواكه و scoop ايس كريم فانيلا .. لزييييييييز ..

[Y a z e e d]

Me?.. Love? .. Nooo Way
هههه ، الحبّ زمني عندي

حبيت الملوخية واللحين ما أطيق سنينها
وأدمنت الفيديو جيمز واللحين أرفس الجهاز كل ما شفته
حبيت البلياردو ، و انكسرت أول عصاتين شريتهم
وش بعد ؟ لا "تنكأ" الجروح

،

أحبّ النت ، وأحبّكم يا دوبين، بإدمان رهيب

[Classic Evil]

والله يا أخوي (إي- ماد) أولا اسمك عجيب بخبرك ليش عقب , و بالنسبة للحب موضوعك والله مادري ملابس و لا أكل و لا ألعاب .. وامسات قاري لك رد تقول فيه ما تحب الغزل و الغرام في الشعر اقول الحبيب شفيه قلب بين عشية و ضحاها ..


بس شوف على طاري الأكل في أشيا وايد حلوة وانا اوفقك اذا كنت تقصد البسكوت اللي في بالي ( ياااالله زمان ما اشتريه إلا في العيد , تعرف بريال و نص قيمته وثلاث حبات فيه شوية تخلص بسرعة ) فهذا حلو وبيضة كندر بعد وكنت اكره شي اسمه سنكرز وتويكس كان يمشي الحال , والتوووووووله اذا حد يعرف التوله كان سوقه ماشي بعد , وكنت احب الحب الشمسي و علك بو طقة .... لكن الاهم من هذا كله وعلى قولة القايل مادري منو :
ما الحب إلا للحبيب الأولِ وانا انصحك تجربها تشتري شيبس عمان و تخلطه مع لبن آب وتاكل .. هذي المزة لين اليوم و لييين باجر بتم اسويها.... أو انك تحط الشيبس في روتي ( صمون ) مع دقوس وتشرب عليها لبن وتكون عبارة عن وجبة غذائية مفيدة , خلك من مك-شكن و انسى زنجر سوبريم مرة وحدة عشان خاطري وجرب .



بالنسبة للملابس و الله انت ماعندك سالفة ...لاااا وحط لي تحذير أحمر أتحداك انه في وحدة ما قرته , المهم يمدحون الوزارات انتبه الوزارات مب الدوائر الحكومية لا جمع وزار ..إلبسها , وجربها وبعدين تعال قولي وين تحس أكثر إنك مب لابس شي وقبل ما انسى اشتر نوعية زينة ... فيه عندك ابو مربعات لا تشتريه على الرغم اني سمعت بعض الناس يستفيدون منه اكثر يفرشونه عالارض و يلعبون فيه شطرنج .



و على طاري الألعاب حبيتها كلها و اشتريتها كلها من العاب صخر واتاري إليييين هالحين و الله ما تندمت مع اني كنت كل اجازة اروح للمستشفي لانه تطلع لي حبة عند عيني من كثر اللعب حتى الوالدة كانت تمنعني من اللعب لكن اقولها : هذا لاني كنت اذاكر وايد حق الامتحانات مب من الفملي Family game , وكنت احب كابتن ماجد يطلعونه على قناة بوظبي زماااان و كنت ما اروح اصلي العصر عشان احضره واكون في غاية الغضب لما يحطون سباق الهجن بداله :vereymad: وفيردي وكالميرو ودنفر وجنقر .....الخ




ودي اكتب لك اكثر من الاشيا اللي احبها لكني تعبت من الكتابة .. أصابعي ما فيها لياقة .




وبالنهاية اذكرك بحديث الرسول صلى الله عليه و سلم : قال : أتاني جبريل فقال لي : يا محمد أحبب من شئت فإنك مفارقه , و اعمل ما شئت فإنك مجزي به .

[Master ArNab]

انت ما شاء الله عليك عندك خاصية بحث خاصة فيك و الا شلون؟

أي موضوع تشترك فيه أو أنت راعيه تبي تحصله عندك في قائمة الإشتراكات

[Justine]

مشالله العشاق كثير .. صدق وديع الصافي لمن ناح قائلا : اليل يا ليلى يعاتبني .. و يقول سلم على ليلى ..

المشكلة أغلب المعشوقات المذكورة انا اعشقها عشقا متعشقا يعشق الدتسن من الأول للثاني بدون كلتش <<< فسرها انت و ضميرك

المهم انا مثل ياماتو واقع في حوب لابتوبي الحبيب المحبوب .. كيف لا و هو ونيسي التكنلوجي الوحيد لمن اكون في السكن او لمن اتفرج انمي و افلام و مانغا .. و يلعب معاي بلوت وقت الخرمة و ينضح بأجمل الألحان .. يعني صار بالنسبة لي البلبل .. الخوي في البلوت .. الونيس وقت ما اكون طفشان و طقة السكن نايمة او خارجة مكان ما ابغاه.

بعدين كيندر بوينو .. OH YEAH .. انا ضعيف قدام اي شي بالبندق .. و ألواح جالكسي السادة .. متعة من متع الحياة لمن تسيبها تذوب في فمك على راحتها

أحب Tessa من FMP و Arcueid من Tsukihime و Lacus من GS و nyuo من Elfen Lied .. و غيرهم أكيد ..

كنت من مدمني الباربيكان .. كانت ثلاجتي ما تتقفل من كثره .. حاليا حولت على هولستن لأنه طعم التفاح فيه أقوى

و الاستيك حق فدز و ستيك هاوس .. و السوشي بتاع المطاعم اليابانية .. و البراوني بلاست حق فدز و التشيز كيك حق تشيز فاكتوري ..

Tifa من فاينال فانتسي و Justine من جرانديا .. و غيرهم كثير ..

عندي اشيا ثانية .. لكن المكان و المتسع يضيقوا .. شوريوكين على الموضوع يا راجل.

[ثريول]

بس شوف على طاري الأكل في أشيا وايد حلوة وانا اوفقك اذا كنت تقصد البسكوت اللي في بالي ( ياااالله زمان ما اشتريه إلا في العيد , تعرف بريال و نص قيمته وثلاث حبات فيه شوية تخلص بسرعة ) فهذا حلو وبيضة كندر بعد وكنت اكره شي اسمه سنكرز وتويكس كان يمشي الحال , والتوووووووله اذا حد يعرف التوله كان سوقه ماشي بعد , وكنت احب الحب الشمسي و علك بو طقة .... لكن الاهم من هذا كله وعلى قولة القايل مادري منو :
ما الحب إلا للحبيب الأولِ وانا انصحك تجربها تشتري شيبس عمان و تخلطه مع لبن آب وتاكل .. هذي المزة لين اليوم و لييين باجر بتم اسويها.... أو انك تحط الشيبس في روتي ( صمون ) مع دقوس وتشرب عليها لبن وتكون عبارة عن وجبة غذائية مفيدة , خلك من مك-شكن و انسى زنجر سوبريم مرة وحدة عشان خاطري وجرب .
[/U]

.. شوف المرفقات.

[hussien-11]

أنا لما قرأت اسم الموضوع قلت في شي غلط ، E-Mad in love ؟
مم ، بالنسبة لي أكثر شي أحبه .. هو ..
أصدقائي

[NsaN]

.. شوف المرفقات.

هههههههههههههههههههههههههههههههههههههههههههههههههههههه..
ااااااخ يا بطني..

شو هالموضوع التححححححححححححححححححفة..

لا و قاعد اشرب Fanta و انا اقراه..و الله بغيت اغص..

الصراحة وصفات غير طبيعية..بس ما انكر اني جربت بعضها

[Angel whisper]

.. شوف المرفقات.

ههههههههههههههههههههههههههههههههههاااي
روعه الصراحه هههه
عيل سفن آب و .. هههههه
وناسه ..
صدق طلع هني ان الناس اذواق

[Classic Evil]

ثريول : من وييييين ياخوي جبت هالموضوع لااا و بنسخة المنتدى القديمة ,, آآآآخ خليتني أتذكر و الذكرى مؤرقة لهذا المجد التليد الذي أضعناه .... لوّعت جبود ( حومت تسبودهم ) الله يهديك .. بس والله انت الصراحة جبتها صح ... مجرد اني قلت شبس عمان مع لبن تذكرت !!


NsaN : بغيت تغص و انت تشرب فانتا !! قول بغييت اشْرق اذا سائل غصيت فيه عيل كيف لو كنت تاكل شبتسوي ؟


انجل : عيل الشبس اللي على شكل المربعات الحار و يا الروب !
لايكون تسوينها للحين ..

و الله زمااااان المنتدى سوالف أول غير شكل كانت ..


وسامحنا يا E=mad شوي انحرفنا عن الموضوع .

[^RAZzAN^]

Leik OMG <.<

NaziMod

[BOOOB_2002]

ما شاء الله كلكم حبابين


بس مدري كل الأمور اللي تحبونها دنيوية بحت !!

[الموهوب]

بس مدري كل الأمور اللي تحبونها دنيوية بحت !!

لو تلاحظ طرح الموضوع كان ترفيهي + مونتداوي ..يعني وناسه

لذلك اغلب الأعضاء اخذها بنفس طريقة كاتب الموضوع ... والعناصر المطروحه ^^


نقطه واخذها كل واحد بطريقته . بنفس العناصر المطروحه ..


اعتقد ذلك ,,


حتى ولا واحد قال انا احب امي ولاّ انا احب ابوي


شكراً