المشاركة الأصلية كتبت بواسطة Predator101
إلى متى راح نعتبر المنتخبات الأوروبية أكبر منا وأقوى بكثير ؟! إذا ما انتقدنا ما راح يتحسن مستوانا أبد وحتى لو كانت البرازيل تلعب ضدنا لايزال المنتخب البرازيلي عريق بإنجازاته بس برضو هم 11 لاعب ضد 11 لاعب في الملعب يعني مو زايدين عنا بشي !!
المنتخبات الأوروبية زايده عنا بأكثر من 100 سنه ......
متى تأسس الأتحاد السعودي ومتى تأسست أكثر الإتحادات الأوروبية
المنتخبات هذي لما كانت القبايل عندنا تغزوا بعضها وطقاق ومشاكل وفزعات كانت المنتخبات الأوروبية تبني وتاسس نفسها ................
صعبها تلغي كل هالسنين وكل هالفروق ............
خلنا نكون واقعيين عشان تختصر المسافة وتطمس هالسنين الشاسعة بيننا تحتاج إلا عقول مثل عقول اليابانيين وتحتاج إلا ناس يهمها تطوير منتخبها ولا تهتم للأنديه وتحتاج إلا جماهير واعيه وصحافه محايده وإعلام عادل ولاعبين محترفين بالعمل وليس مجرد أسم وهذا كله وللأسف لا نمتلكه .........
المسؤولين عندنا يهتمون بالأندية أكثر من أهتمامهم بالمنتخب ........
وبعدين الدعوه مهي عيال حاره عشان تقول مافيه فرق 11 لاعب ضد 11 لاعب
فيه فرق بالمستوى والمهاره والعقلية ...... وفرق بأجادة اللعب من دون كره اللاعب الأوروبي يركض في المباراه خلال 90 دقيقة أكثر من 17كلم أما اللاعب العربي فيركض أكثر من 10 كلم فقط .......... فرق 7 كلم !!!!!!
وفيه فرق بمدة الإحتفاظ بالكره اللاعب العربي والسعودية خاصه يحتفظ بالكره أكثر من اللاعب الأوروبي
هذي نبضه بسيطة عن الفروق ولا هي واجد ........
بكره شف مباراة الهلال والنصر وقارنها بأي مباراة بالدوري الأوروبي ..........
=================================================================
=================================================================
=================================================================
وأنا أعتقد لو أحسن أخونا باكيتا اختيار التشكيلة كان على الأقل طلعنا بالتعادل "ما كان فيه أي تفاهم بين لعيبة المنتخب السعودي"
[COLOR=Blue]هنا زبدة الهرج ليه أكثر تركيز المنتقدين للمنتخب على التشكيلة فقط وأنا ما أقصدك انت فقط !!!!!!!!
مريت على منتديات الأربعه الكبار الهلال والنصر والأهلي والإتحاد
ما لقيت أبداً واحد يقول ليه باكيتا لعب بالبداية بخطة 451 ؟؟؟؟
ليه ما لعب بخطة 442 وهي الي لعب فيها بالشوط الثاني وقدم المنتخب مستوى !!!
ما لقيت أحد يقول ليش ما كان فيه صناعة لعب ؟؟؟؟
مالقيت أحد يقول ليش كان نور والشلهوب ضايعين بالمباراه ؟؟؟ وماهي الأدوار الي كلفها لهم باكيتا؟؟؟؟
ما أحد قال ليش لعب بسامي ونور من البدايه وهم مبتعدين عن المنتخب وغير منسجمين مع بقية اللاعبين ؟؟؟؟
التركيز كله ليش لعب فلان ؟؟؟؟
وليش مالعب فلان ؟؟؟؟
وفلان ليش ماضموه ؟؟؟؟
وفلان ليش ضامينه ؟؟؟؟
كل واحد ينتقد المنتخب بنظاره ملونه بشعار ناديه .......
كل واحد يبغى لاعبي فريقه هم الأكثر بالمنتخب ...... ولاعبين المنافس هم القلة !!!!!!
واذا قلتله هذي وجهت المدرب ولازم نحترمها وهو أبغص قال لا هذي واسطة والمدرب ما له راي !!!!!
على كذا محنا خالصين ..............[/COLOR]=================================================================
=================================================================
=================================================================
كورة يالله نقول انها تمشي تنقطع قبل ما نكمل الكلمة ياخي خلك أنت واقعي !!
طيب يابو شباب تقول تقول 11 لاعب ضد 11 لاعب مافيه فرق........
تمشي وتنقطع عشانه فيه فرق بين وصيف بطل أوروبا ومن المرشحين لبلوغ الأدوار النهائية لكأس العالم وبين فريق خرج من الدور الأول لآخر كأس قاري أسيوي
فيه فرق بين لاعبين يلعبون لأنتر ميلان وبرشلونه ومانشستر ويلعبون بالدوري الأسباني والإنجليزي والإيطالي
وبين لاعبين يلعبون للهلال والإتحاد والنصر والإهلي وغيرهم ويلعبون لدوري السعودي
===============================================================
===============================================================
===============================================================
سامي الجابر صح كبير وعلى عيني وراسي بس تلعبه ضد الوحدة وفي الدوري بس ضد منتخب سريع [
SIZE=5]متكامل كمنتخب البرتغال 
لا والله المجاملات تنتهي هنا ونا خوك
[/QUOTE]
[SIZE=5]أي منتخب يحتاج إلا لاعب خبرة في الفريق بجانب اللاعبين الشباب
شف فيجو في البرتغال
وزيدان في فرنسا
وكافو في البرازيل
وانا ما اقارنه فيهم أنا أقارنه مع لاعبين الخبرة في الدوري السعودي مثل حمزة والمشعل
والموسم الماضي تفوق سامي عليهم بإحرازه للهلال بطولات الموسم كلها
وتفوق عليهم هذا الموسم
حمزه بالإتحاد حاطينه إحتياط لكالون والبرنس
والمشعل ماعافه الطير وهو فيه خير ( بصراحه شديده )[/SIZE][/SIZE]===============================================================
===============================================================
===============================================================
يالله مبروك خساراة منتخب الهلال اوبس قصدي المنتخب السعودي !!
هذي بصراحه أكثر مقوله تعصبية أشوفها حالياً ......... مثل الي يقول المنتخب الكحلي
أو الي يقول في منتدى النصر بموضوع مثبت منتخب سلطان بن فهد
ليه مهو منتخب وطنك ؟؟؟؟؟؟؟؟؟؟؟
مهو منتخب يحمل شعار لا إله إلا الله محمد رسول الله ؟؟؟؟؟؟؟
مهو منتخب يحمل شعار سيفين ونخله ؟؟؟؟؟؟؟؟؟؟
ما أحد قال أيام ما كان الهجوم ماجد عبدالله ومحيسن والوسط يوسف خميس والهريفي وغيرهم ما قال منتخب النصر أو المنتخب النحاسي
أو قال أيام كأس الخليج وكأس أسيا منتخب الأتحاد أو المنتخب الأسود
يعني عشان أكثر لاعبينه من الهلال خلاص كرهتوه
وزالة الوطنية المزعومه
وأنا ما أقصد العضو Predator101 بكلامي أنا أقصد الكلام الي قاعدين نقراه من منتديات الأخرى منتديات النتن والروائح الي قاعده تسب في المنتخب وتتمنى خسارته فقط عشان أكثر لاعبيه من الهلال
==============================================================
==============================================================
==============================================================
ومع ذلك المنتخب ما راح يتطور إلا إذا قابل منتخبات قويه ولعب مباريات مثل هالمباريات
والبرنامج حق المنتخب مشجع جداً راح يقابل بولندا والتشيك وفرنسا وغيرهم
آسف على الإطاله لكن سويت جوله بالمنتديات المشهوره وإنحرقت أعصابي من الكتابات اللاوطنييه
وأنا أعتقد لو أحسن أخونا باكيتا اختيار التشكيلة كان على الأقل طلعنا بالتعادل "ما كان فيه أي تفاهم بين لعيبة المنتخب السعودي"
فهمت قصدي !! لأنك الظاهر تلفقلي كلام أنا ما قلته أبد 
!
!
