Stalker ..

[NsaN]

بالنسبة لموضوع المجلس..
ما اشوف فيها شي لو رمسنا عن الانمي و الافلام..انت افتح موضوع نقاش..و لو حد تحمس له بيرد..Otherwise موضوعك ما اثار الاهتمام..
و ما يخصه ان الاعضاء الريدي يرمسون عن الانمي او غيره..

الي بيرد عالموضوع بيرد عليه لانه اثار اهتمامه..سواء كان في نقاشات ثانية عن الانمي او لا..

طبعاً كلامي بشكل عام..و مش موجه لشخص معين..

بالنسبة لموضوع ان المجلس مش المكان الصحيح للسوالف عن الانمي..

عفواً..بس على اي اساس؟؟

لو مشينا عالمنطق ها..يعني المجلس المفروض يكون مخصص للمواضيع عن الالعاب بس..
كونه المنتدى العام لموقع "الالعاب" العربي..

و اي موضوع خارج عن الالعاب بيكون في مكانه المخصص له..

الافلام بسينماك...الاخبار بالاخبار...و هكزا..

شخصياً..ما اشوفه منطق صحيح..

بعدين لو بغينا نسوي اللي تقول عليه..و نشارك بالانمي..

مع احترامي لجميع رواد هالمنتدى..بس اغلب اللي يشاركون هناك يهال..و انت ادرى..

ثلاث ارباع مناقشاتهم..ناروتو..بليش..دراغون بول..

و اذا قلتلهم..مثلاً..Ippo او اي انمي قديم ثاني..يقولونلك: هاااااااااااع؟؟

Sorry..Me Not Know This..Me Only Naruto, Bleach Dragon Ball..

و انت ادرى بهالسوالف..و دومكم تتشكون من هالنوع من الاعضاء..

ناهيك عن المجاملات اللي تبط الجبد..و المواضيع الهبلة اللي ما خليتوا واحد منها و ما دخلتوه المميزة..
احم..شكلي دخلت بموضوع ثاني

To Sum It All Up..
مثل ما قالت لينا..

يعني معليه حنا هنا نمون على بعض مراح اروح منتدى الانمي الي ماعرف فيه احد واناقشهم..معليه يعني..وش نسوي هنا متعودين على بعض..زي الربع..نبي نتناقش بإهتماماتنا..

بالنسبة لمسألة الـStalking..
I've Been Stalked

[Angel whisper]

Just what on Earth does my personal life has to do with any of this?
Some people are just plain stupid.

والكلام هني عن المنتدى العام مب عن اي منتدى ثاني .. فبليز .. Just spare me the endless paranoia and whining .. I'm definitely not in the mood for this.

[Lena]

دوبا انجل بتمشينا على مزاجها ToT

وهيه انا ديموقراطية لا أحد يشوه سمعتي ;-; (وشو يعني ديموقراطية؟؟مافهم بس اقولها عبط)

وايه صح وش معنى stalker :$؟ ehm

[Kaze]

الأخ إنسان

مع احترامي لجميع رواد هالمنتدى..بس اغلب اللي يشاركون هناك يهال..و انت ادرى..

مع احترامي للجميع إذا توكي و جولدن سكاي و ميبو ولف و هينقري ولف و TNT و سراب و بوجاسم و شادو مان و اميدامارو و ساتان و احمد كي بي و دارك لورد دراقون و بقية الاعضاء المخضرمين في عينك ياهال ما شاء الله شخليت عيل , سبحان الله واعرف هذولي مشاركين ولكن مشارك الى مشارك آخر تختلف وانا معاك , وليس من يشارك في المواضيع الي انت تبيهم هذولي لما تسوي موضوع انت شخصيا يستميل هذه الفئة او لما تشوف مشاركة واحد من الي ذكرتهم في احد المواضيع فما ترد بسبب شخصي ؟! , والله حالة عندما تقول عن هذولي يهال , وعلى فكرة اذا قلت انت اغلب الي يشاركون يعني انت تشارك بين الحين وآخر يعني نقدر نسميك ريال ؟! وحنا يهال صح ؟ تحليلك سليم اخوي واشكرك على صراحتك لما نكون يهال في عينك وانت الريال بينه

ثلاث ارباع مناقشاتهم..ناروتو..بليش..دراغون بول..

و اذا قلتلهم..مثلاً..Ippo او اي انمي قديم ثاني..يقولونلك: هاااااااااااع؟؟

في مناقشات وايد في مواضيع وايد انا شخصيا راح ادزلها لو تبي ,بس انت تشوف ما كان ظاهراً سابقا ً , تر الناس في تطور مثل ما صار الرياييل فيعنك يهال , تر في مواضيع ونقاشات تحولت من المستوى الي انت ما تحبه الى مستوى الي الكل يحبه وانت من ضمنهم بس انت غافل عنها , يعني تعال اطرح موضوع معين وانت شوف بنفسك , ومع العلم انك ما جربيت الا القليل واطرح شيء ناس يقدرون يشوفونه وشيء متوفر وعلى الجيل الي يقدر يستوعبة اذا قلنا ان انت من الجيل المتفوق

ناهيك عن المجاملات اللي تبط الجبد..و المواضيع الهبلة اللي ما خليتوا واحد منها و ما دخلتوه المميزة..
احم..شكلي دخلت بموضوع ثاني

والله عيزنا وحنا ننادي عليكم بس لا حياة لمن تنادي , والموضوع كان مفتوح لمدة شهر واحد وقلت فيه قولوا الي تبونه بس انت وينك , قول تكلم احد ميودك , ما ني راح اسوي شيء بس العيب لما ما تتكلم في الوقت الي نحتاج فيه كلمتك وتجي تتعذر وتتفلسف بعدها , وكان جاتك فرصة وتضيعها عمدا وتالي تجي وتتحلطم عليها , وبتنعاد الحكاية , وعلى فكرة الردود عبارة عن رأي , اذا شفت موضوع مايستحق عطني سبب مقنع لو واحد يمنعك انك تنزل رد وتقول انه مايستحق , انزين بتقولي اخاف على مشاعر الياهل الي مسوي التقرير على قولتك او الموضوع , انزين راسلني يا اخي , اذا ما تحبني راسل غيري خل يوصلي , تر الساكت على المعصية كالشيطان الاخرس , اي كانك تشوف الغلط وتسكت ليش ؟ عطني سبب مقنع ؟ بتقولي مو متفيج ؟ بقولك الي في قلبه الصلاة ما تفوته والي في قلبه شيء طيب راح يوصله , وتر الاول تحول يا انسان ولا تخلي نظرة الماضي تغيرك و الناس في تطور ومثل ما قلت لما يصير الرياييل في عينك يهال هذا اكبر دليل على التطور والتغير

والله المستعان

[NsaN]

بسم الله الرحمن الرحيم..

مع احترامي للجميع إذا توكي و جولدن سكاي و ميبو ولف و هينقري ولف و TNT و سراب و بوجاسم و شادو مان و اميدامارو و ساتان و احمد كي بي و دارك لورد دراقون و بقية الاعضاء المخضرمين في عينك ياهال ما شاء الله شخليت عيل , سبحان الله

انا قلت الاغلبية..و انت ذكرت 12..برايك..هالـ12 هم اللي يمثلون الاغلبية؟؟

اذا لا..عيل كلامي ما كان يعنيهم..و زجك لهم بالموضوع ماله داعي..
و من هم المعنيون بالبقية؟؟و هل باضافتهم على الـ12 فوق..يمثلون الاغلبية؟

بعدين..معظم (وقبل لا ترد..معظم فحالتنا = اقل شي 6) المذكورين اعلاه..ما شفنالهم مواضيع من فترة طويلة..

و بما انك تحب ذكر الاسماء..ما عندي مانع ترى اذكر الاسماء اللي اطريها..و بنشوف اذا بيطوفون ال12 و لا لا..

واعرف هذولي مشاركين ولكن مشارك الى مشارك آخر تختلف وانا معاك , وليس من يشارك في المواضيع الي انت تبيهم هذولي لما تسوي موضوع انت شخصيا يستميل هذه الفئة او لما تشوف مشاركة واحد من الي ذكرتهم في احد المواضيع فما ترد بسبب شخصي ؟!

عفواً..بس ما فهمت كلامك هني والله..

الله حالة عندما تقول عن هذولي يهال , وعلى فكرة اذا قلت انت اغلب الي يشاركون يعني انت تشارك بين الحين وآخر يعني نقدر نسميك ريال ؟! وحنا يهال صح ؟ تحليلك سليم اخوي واشكرك على صراحتك لما نكون يهال في عينك وانت الريال بينه

نعم...انا اعتبر نفسي "من" اكبر الاعضاء اللي يشاركون هناك..سواء بالعمر او التفكير..
و ما في داعي تشكرني على حقيقة باينة..

يعني من الاسماء "المخضرمة" على قولتك و اللي انت ذكرتها..
توكي و DLD (اذا ما خاب ظني) هم الوحيدين الي كبار بالعمر (سوري توكي ^^() )
و الباقين كلهم اصغر عني..So Basicaly Im Right..

و مب عيب الواحد يكون ياهل..فالنهاية..كلنا بمرحلة معينة كنا يهال..

و بعدين..يا ريت ما تاخذ كل كلمة تنقال بشكل شخصي..و تحاول توسع نظرتك للأمور..

في مناقشات وايد في مواضيع وايد انا شخصيا راح ادزلها لو تبي ,بس انت تشوف ما كان ظاهراً سابقا ً , تر الناس في تطور مثل ما صار الرياييل فيعنك يهال , تر في مواضيع ونقاشات تحولت من المستوى الي انت ما تحبه الى مستوى الي الكل يحبه وانت من ضمنهم بس انت غافل عنها

بانتظار رد يحمل وصلات لهالمواضيع..

ومع العلم انك ما جربيت الا القليل واطرح شيء ناس يقدرون يشوفونه وشيء متوفر وعلى الجيل الي يقدر يستوعبة اذا قلنا ان انت من الجيل المتفوق

انزين و اذا بغيت اناقش بمسلسلات قديمة..وين اروح؟؟ و اتناقش مع من؟؟
برايي..المجلس هني يحل هالمشكلة..
So We're Basicaly Back To The First Point..

والله عيزنا وحنا ننادي عليكم بس لا حياة لمن تنادي , والموضوع كان مفتوح لمدة شهر واحد وقلت فيه قولوا الي تبونه بس انت وينك , قول تكلم احد ميودك , ما ني راح اسوي شيء بس العيب لما ما تتكلم في الوقت الي نحتاج فيه كلمتك وتجي تتعذر وتتفلسف بعدها , وكان جاتك فرصة وتضيعها عمدا وتالي تجي وتتحلطم عليها , وبتنعاد الحكاية , وعلى فكرة الردود عبارة عن رأي , اذا شفت موضوع مايستحق عطني سبب مقنع لو واحد يمنعك انك تنزل رد وتقول انه مايستحق , انزين بتقولي اخاف على مشاعر الياهل الي مسوي التقرير على قولتك او الموضوع , انزين راسلني يا اخي , اذا ما تحبني راسل غيري خل يوصلي , تر الساكت على المعصية كالشيطان الاخرس , اي كانك تشوف الغلط وتسكت ليش ؟ عطني سبب مقنع ؟ بتقولي مو متفيج ؟ بقولك الي في قلبه الصلاة ما تفوته والي في قلبه شيء طيب راح يوصله , وتر الاول تحول يا انسان ولا تخلي نظرة الماضي تغيرك و الناس في تطور ومثل ما قلت لما يصير الرياييل في عينك يهال هذا اكبر دليل على التطور والتغير

اللي فهمته من ردك هذا..ان حضراتكم كنتوا بانتظار ردودنا..
و ان احنا اللي متفلسفين و مو قاعدين نرد..

انزين..

تقريري عن الانمي الرائع One Piece لعضوة d.o.d.y

اعتقد انك و الاخ سراب تذكرون هالموضوع..

بس مع ذلك..بذكرك..

الموضوع هذا..و بشهادة اغلب اللي دخلوه..من اغبى و اسوأ المواضيع اللي انكتبت بالمنتدى..
ترجمة من مواقع اجنبية..باستخدام مواقع ترجمة فورية..معلومات خاطئة..معلومات ناقصة..و اللي كل ما يتمناه قلبك من اخطاء..

اول ما انشر..دخلتوه المميزة..

ردينا انا و كم عضو (A Step Forward و رامزا و بو جاسم على ما اظن)..و عبرنا عن استياءنا..و كيف ان الموضوع فيه مجالمة من الرقابة للعضوة الحبوبة السنيورة..دودي..

شو كان رد حكومتكم العادلة؟؟!

1. حذف كل الردود هاي..
2. تحجج سراب ان الموضوع متعوب عليه و لذلك يستحق المميزة (وين التعب بالترجمة الفورية مادري..و هل يقارن بالتعب الموجود بمواضع الاخت يونا على سبيل المثال؟؟ انت بنفسك فكر فيها..هل يتساوا الموضوعان؟!)
3. ارسال سراب رسالة خاصة للعضوة اعلاه..مصححاً لها الموضوع..و كملها اياه (Special Service ؟؟ )

الحين..بذمتك..بادارة مثل هاي..وين تبانا نثق فيكم..و نيي نكلمكم بهالمواضيع مرة ثانية..
مو على اساس انتوا ما تتقبلون النقد (و انا اذكر ان ردي هاكي اليوم ما كان جارح ابداً..و ما طلع عن نطاق الادب و اتحدى اي شخص يقول عكس هالكلام) فكيف تبونا نعطيكم اراءنا و انتوا ما احترمتوها من الاساس و حذفتوها؟؟

طبعاً هذا موضوع واحد من عدة مواضيع...اخرها موضوع للأخت..Yurilin (القصة هاي لاثبات نقطة المجاملات)

الموضوع اظني كان عن الاسماء و معانيها..هب متذكر..
المهم..بالرغم من ان الموضوع ما استحق المميزة..الا ان محد انكر انه فعلاً..فعلاً..متعوب عليه..
و لو كان متعلق عبارة عن تقرير لمسلسل معين..لكنت اول المؤيدين لدخوله المميزة..

المهم..بعد ما نزل الموضوع بشوي..

واحد من المراقبين (و اتوقع انت..بس ما ابغي اظلمك) حط الموضوع بالمميزة..
قام سراب (هالكلام عقب ما تخلى عن الرقابة) رد..و قال ان الموضوع ما يستحق الرقابة..

خمس دقايق...و الموضوع طالع من المميزة..و رده لا انحذف و لا شي..

شو تسمي هالحركة..و بشو تفسرها غير انها مجاملة من مراقب لعضو اخر..
يعني عضو حاله من حالنا..و رايه من راينا..
لو حد ثاني رد..ما ابغي احلف..بس اتحدى انك (او غيرك) كنت بتسوي نفس الشي..

يعني بذمتك..انت قول شو رايك بالموضوع!!

بعدين

تر الساكت على المعصية كالشيطان الاخرس

سويتها معصية؟!

"الساكت عن الحق شيطان اخرس"

ليش ؟ عطني سبب مقنع ؟

اعتقد ردي فوق وضح اسبابي

بانتظار اسبابك انت

[Mada Mada Dane]

صراحه, اشوف النقاشات هنا عن كل الامور افضل, يعني منتدى الانمي بدون مااقصد ازعل احد صراحه اغلب الي فيه صغار العمر وماعندهم سالفه

اشوف اوحد كاتب موضوع حلو يشكر عليه, ونادر ماتصير, يجي واحد يرد " لا بس نارتو احسن ! " ويجي الثاني يقتبس رده والثالث ويصير الموضوع صفحتين اقتباس على رد " لا بس نارتو احسن "

هذا الكلام مو بس كلامي, كلام مراقبين سابقين عندكم تركوا المنتدى علشان هذي النوعيه, منهم Link.p اعتقد انه معروف بمنتدى الانمي ككونه اول المراقبين والي تعبوا بالمنتدى ببدايته, الاخ متربي معاه ولد خالتي ودايم مع بعض وان واعرفه , لاجلسنا مع بعض ودخلنا المنتدى صراحه نجلس نضحك ونطلع ><

بدون زعل اخوي

وغير كذا عندكم عضو من الاعضاء المعروفين والمرموقين, هو صديق لي, واعرفه, وكنت اقابله تقريبا كل اسبوع بجمعتنا بـ Gaming World Cafe ماكانت ادري انه يشارك, بس انت تعرفه اكيد ><

يسولف انه انقطع عن المنتدى فتره وكان في احتماليه يصير مراقب لو ماانقطع
سلامات مع احترامي خخخ, يعني هذا الاخ صار مراقب وهو يعني ماشاف 10 انميات على بعض, ولما يجي يجلس معنا شوي صعب يندمج معنها لان اغلب الامور الي نتكلم فيها مايدري وشي . . .

رغم ان مواضيعه حلوه, لكن مافي خبره ادخل انقل خبر واطلع ادخل انقل خبر واطلع --_--

يعني باختصار احس ان فئه الاعضاء افضل ( بوجهه نظري ) فقط, ومتعودين عليهم اصلا . . .
والمنتدى منتدى عام اعتقد فيه الحريه للنقاش عن اي شئ ^^

[Snake Eyes]

انا اتفق معاك انسان في كل اللي قلته.....
المجلس مفتوح للنقاشات و اللي ما يبغى يناقش في شي معين يطرح الشي اللي يبغى يتناقش فيه .

سبب عدم زهابنا لقسم الانمي هو انه معظم(مو الكل) اللي يكتبوا فيه صغار في العقول و مو لازم في السن ممكن صغير في السن و يقدر يناقش بعقل واحد كبير فالمشكلة مو في السن المشكلة في العقلية^^

[Kaze]

إنسان

انا قلت الاغلبية..و انت ذكرت 12..برايك..هالـ12 هم اللي يمثلون الاغلبية؟؟

اذا لا..عيل كلامي ما كان يعنيهم..و زجك لهم بالموضوع ماله داعي..

بعدين..معظم (وقبل لا ترد..معظم فحالتنا = اقل شي 6) المذكورين اعلاه..ما شفنالهم مواضيع من فترة طويلة..

و بما انك تحب ذكر الاسماء..ما عندي مانع ترى اذكر الاسماء اللي اطريها..و بنشوف اذا بيطوفون ال12 و لا لا..

ايه صح بس بعد يعتبرون الاغلبية الفعاله اذا استبعنا الاعضاء الطيارين وانت بنفسك تشوفهم , وعلى فكرة مو شرط يكتبوا مواضيع , تر الردود لها تأثير وانت عليك تشوف , وعلى فكرة في ناس انت ما تعرف عنهم غير انهم يهال على قلوتك بس في جعبتهم شيء يرضي النفس , بس يمكن بالغت في قول مخضرمين لان المخضرمين سبق وان قلتهم في تلك الائحة واما البقية فهم أعضاء فعلا يستحقوا الشكر على ماقدموه.

عفواً..بس ما فهمت كلامك هني والله..

تلك الفئة الي انا ذكرتها تشارك وتكتب في مواضيع فليش ما تشاركهم , واذا كنت فعلا تبيهم يشاركون ليش ما تكتب موضوع يستقطب هل الفئة الي انت تبيها ؟

نعم...انا اعتبر نفسي "من" اكبر الاعضاء اللي يشاركون هناك..سواء بالعمر او التفكير..
و ما في داعي تشكرني على حقيقة باينة..

الحمد لله بس لما نشوف عكس الظاهر والأدعاء الباطل , لان في ناس اقل منك عمرا واكبر منك عقلا وهذا شيء لا احد ينكره في حياتنا , بس ليش انت ما تشوفهم بنظرة تستحق التقدير علشان هل الناس يبينوا عدل ويكونوا في مستواك الفكري والعقلي خلاف العمري لان العمر شيء لا يقدر بالعقل في بعض الاحيان

يعني من الاسماء "المخضرمة" على قولتك و اللي انت ذكرتها..
توكي و DLD (اذا ما خاب ظني) هم الوحيدين الي كبار بالعمر (سوري توكي ^^() )
و الباقين كلهم اصغر عني..So Basicaly Im Right..

و مب عيب الواحد يكون ياهل..فالنهاية..كلنا بمرحلة معينة كنا يهال..

و بعدين..يا ريت ما تاخذ كل كلمة تنقال بشكل شخصي..و تحاول توسع نظرتك للأمور

في ناس كبيرة كبيرة بس انت ما ذكرتها يعني الفئة الي تبيها عشان يتحقق معنى كونهم م يهال في التفكير والعقل هم من هم اقل منك عمرا ً ؟ انزين تر في ناس مروا بمراحل عده ومنها اليهاله وهذا شيء معروف بس لما تقول انهم للحين يهال من خلال كلامك المضموني وفعلك الظاهر . وراح تبين ان مهما صار راح نكون يهال في عينك الى ما نصير حنا في مستوى عمرك ! والله العالم اذا قدرنا نسوي شيء في هذه الامور , وعلى فكرة أنا اضرب لك الامثلة عشان ناخذها بشخصية اكثر ونترك العالم الخارجي لان محد بعبر لنا لو انت ملاحظ

بانتظار رد يحمل وصلات لهالمواضيع..

برسلهم لك على الخاص

انزين و اذا بغيت اناقش بمسلسلات قديمة..وين اروح؟؟ و اتناقش مع من؟؟
برايي..المجلس هني يحل هالمشكلة..
So We're Basicaly Back To The First Point..

افتح موضوع , حط نقاط التناقش , اوضع قوانينك محد ميودك , انزين في انميات قديمة مثل سينت سيا وللحين تمشي ولها عشاقها وغير عن ذلك لمتابعي الميكا و السوبر روبتس لها ناسها للحين تتكلم , تر كل شيء على عاتقك واذا تبي محد بقولك لاع دامك صح وعلى القوانين

من (اللي فهمته من ردك هذا..ان ) الى ( حذفتوها؟؟)

الصراحة اخوي حنا مرينه بفتره جديد من عمرنا ولا احد راح يلومنا اذا تعصبنا في هل الامور مثل ذي وخاصة بعد ما تعديتوا على الادارة بكم كلمه ما اذكرها ولا ابي بعدمما زاد راسنا يبسا ً , أي اخوي هي غلطة وما راح تتكرر لانا نعرف اشياء وانتوا بعد تعرفوا اشياء , ولكن اذا ذكرت في السابق ان الاول تحول واترك عنك الماضي في كذا موضوع مضمونه هذا الكلام بس ما يحضرني , واقولك واحترم رايك بس لا تيأس تر حنا ما انودنا كاملين مثل ما تدري , نغلط مره او مرتين ونتعلم بس لما تخلينا على الغلط المستمر هذا غلط انت تتحمله

الموضوع اظني كان عن الاسماء و معانيها..هب متذكر..
المهم..بالرغم من ان الموضوع ما استحق المميزة..الا ان محد انكر انه فعلاً..فعلاً..متعوب عليه..
و لو كان متعلق عبارة عن تقرير لمسلسل معين..لكنت اول المؤيدين لدخوله المميزة..

المهم..بعد ما نزل الموضوع بشوي..

واحد من المراقبين (و اتوقع انت..بس ما ابغي اظلمك) حط الموضوع بالمميزة..
قام سراب (هالكلام عقب ما تخلى عن الرقابة) رد..و قال ان الموضوع ما يستحق الرقابة..

خمس دقايق...و الموضوع طالع من المميزة..و رده لا انحذف و لا شي..

شو تسمي هالحركة..و بشو تفسرها غير انها مجاملة من مراقب لعضو سابق..
يعني عضو حاله من حالنا..و رايه من راينا..
لو حد ثاني رد..ما ابغي احلف..بس اتحدى انك (او غيرك) كنت بتسوي نفس الشي..

يعني بذمتك..انت قول شو رايك بالموضوع!!

أيه انا الي ميزته بالغلط بذلك اليوم لظروف خاصة وهي عدم انتباهي لمضمون الموضوع نفسه و ما يحتويه فقلت اخليه مميز وتالي يصير خير , بس هو كان تسرع مني وسبق اني اعتذرت , اولا رد سراب وغيره من الاعضاء كان عادي وكان قسم منه كلام في الموضوع لا غير وفي جزئية تنوه وليس الرد عبارة عن انتقاد كامل لعدم تميزه , وهذا ما جعلني لا احذفه بالاساس , لان راح نتسفيد منه ومثل ما قلت الاول تحول واترك الماضي وره وخلنا في الحاضر وراقب بنفسك.

سويتها معصية؟!

"الساكت عن الحق شيطان اخرس"

كلام بمضمون وليس بمعنى , اي انك تشوف وتسكت وحنا فاتحين المجال

ومع العلم ان القسم في الآونه الاخيره مر بالكثير من التعديلات والحمد لله بس انت مو ملاحظ , كل ما تشوفه نظره من الماضي فقط وذكريات لا تنسى في حقكم , وانا لا الومك بس حاول تتقاضى وتراجع , تر يمكن في ناس تنظلم

مادا مادا دنوه

اشوف اوحد كاتب موضوع حلو يشكر عليه, ونادر ماتصير, يجي واحد يرد " لا بس نارتو احسن ! " ويجي الثاني يقتبس رده والثالث ويصير الموضوع صفحتين اقتباس على رد " لا بس نارتو احسن "

ابي اشوف هذا الموضوع الحين لو سمحت , اذا كان موجود في هذه الايام قولي

وغير كذا عندكم عضو من الاعضاء المعروفين والمرموقين, هو صديق لي, واعرفه, وكنت اقابله تقريبا كل اسبوع بجمعتنا بـ Gaming World Cafe ماكانت ادري انه يشارك, بس انت تعرفه اكيد ><

ايه اعرفه بس انظلم لأسباب إدارية , خبرك واسطات

ونصيحة اخوي بين الحن والآخر قلب صفحات منتدى الانمي ترا فيه مواضيع غير عن سابقها

عيون الأفعى

سبب عدم زهابنا لقسم الانمي هو انه معظم(مو الكل) اللي يكتبوا فيه صغار في العقول و مو لازم في السن ممكن صغير في السن و يقدر يناقش بعقل واحد كبير فالمشكلة مو في السن المشكلة في العقلية^^

انا معاك في هذه النقطة بس لماذا لا نسعى الى الافضل ؟ يعني انتوا عندكم خبره لا تبخلوها علينا

[BOOOB_2002]

عيب يا اخوان كل واحد جاي ومعاه عصا بيده ونازل صلخ بالثاني ترا الموضوع كله ما يستاهل كل هالتعقيد

وبعدين عيب نقول صغار ويهار وعقول صغيرة مهما كان لا تنظروا للآخرين نظرة فوقية مهما كنت كبير ..

انا بردي ما كنت اقصد انكم توقفون النقاش كليا عن الكرتون والأفلام لكن قلت خففوا منها لأنكم ماشاء الله كثرة والمجلس صار كله عن هالسوالف ودي اخش بنقاش ثاني لكن مين يضمن لي التفاعل اذا جيت وحطيت رد بعيد عن الإنمي جاني واحد وحط رد عن كرتون فلاني وحلقة فلانية وضاع ردي ..

انا مب مهم عندي هالشي لأني اصلا معد اشارك بالمجلس الا وقت الضرورة بس وخذوا راحتكم بس سؤال يسدح نفسه ليش ما تسوون مجلس للإنمي بس ونفتك من هالسيرة

انسان

شكلك تشيل بقلبك كثير وتتذكر سوالف من عصر ابرهة

بس ما تكون شايل علي شي للحين

وترا ما شفت لك مواضيع بالعام هنا اذا ما خاب ظني كلها ردود فقط..


اما كون اللي بمنتدى الإنمي صغار بالسن فشي طبيعي دام الإنمي اصلا حق بزران ولحد يزعل مني

وكل اللي يشوفه بزر وعقله صغير <<<<<<<خربها

امزح مالكم خص باللي قلته فوق ابي اتحرش بس


سلام وياليت تمسحوها بخشتي واتمنى نرجع لصلب الموضوع او يغلق الموضوع <<وده يتسكر موضوع المراقبة

[NsaN]

يه صح بس بعد يعتبرون الاغلبية الفعاله اذا استبعنا الاعضاء الطيارين وانت بنفسك تشوفهم

محد ياب طاري الفعالية..انا قلت "اغلب" الاعضاء هناك يهال..
سواء ردودهم فعالة او لا..

و اعتقد اننا متفقين على ان ال12 شخص اللي ذكرتهم ما يمثلون الاغلبية..

يعني اقين..ردك بخصوصهم ماله داعي..

وعلى فكرة في ناس انت ما تعرف عنهم غير انهم يهال على قلوتك بس في جعبتهم شيء يرضي النفس

وينهم؟؟ ياريت تحددهم بالاسماء..
(ما اعتقد عندك مانع )

الحمد لله بس لما نشوف عكس الظاهر والأدعاء الباطل

عفواً..مرة اخرى لم افهم المقصود..

لان في ناس اقل منك عمرا واكبر منك عقلا وهذا شيء لا احد ينكره في حياتنا

اكيد..و انا ما نكرت هالشي..
بس هل هاييل يمثلون الاغلبية اللي انا طريتها و قلت عنهم يهال؟؟

ياخي رجاءً..فكر بكلامي عدل..و بعدين رد..
لا ترد باشياء ثانية..

في ناس كبيرة كبيرة بس انت ما ذكرتها

من هم؟؟ و هل لا زالوا يشاركون؟
بعدين انت تتكلم و جني قلت اني الاكبر..
انا قلت اني "من" الاكبر..و شي طبيعي ان في ناس اكبر عني..

لما تقول انهم للحين يهال من خلال كلامك المضموني وفعلك الظاهر .

عفواً..بس شو الكلام المضموني و الفعل الظاهر اللي تطريهم؟؟
اتمنى انك ما تستخدم الكلمات فقط للاستخدام..

وراح تبين ان مهما صار راح نكون يهال في عينك الى ما نصير حنا في مستوى عمرك !

مرة اخرى..نقطة مالها داعي..
عزيزي...انا قلت اغلب الاعضاء هناك يهال...
بس لسبب معين انت مو قادر تستوعب ان في اعضاء غير اللي في بالك هم المعنيين بالموضوع..
و الشي هذا واضح من ردودك..

وخاصة بعد ما تعديتوا على الادارة بكم كلمه ما اذكرها

اكرر..ردي لم يكن فيه اي نوع من التعدي..و انا اجزم بهالامر..

أيه انا الي ميزته بالغلط بذلك اليوم لظروف خاصة وهي عدم انتباهي لمضمون الموضوع نفسه و ما يحتويه فقلت اخليه مميز وتالي يصير خير

هههههههههههههههههههههههه..

اوكيه..اللي فهمته من كلامك..
حضرتك..ميزت موضوع بدون ما تتأكد من محتواه؟؟

انزين...

موضوع ون بيس..و تحججت انه جديم و انكم كنتوا ببدايتكم..قلنا مو مشكلة..
الحينه الموضوع هذا متى صار..شهر تقريباً؟؟

I Rest My case

نقطة اخيرة

انا قلت

اغلب اللي يشاركون هناك يهال

ردك علي

مع احترامي للجميع إذا توكي و جولدن سكاي و ميبو ولف و هينقري ولف و TNT و سراب و بوجاسم و شادو مان و اميدامارو و ساتان و احمد كي بي و دارك لورد دراقون و بقية الاعضاء المخضرمين في عينك ياهال ما شاء الله شخليت عيل ,

Snake Eyes

سبب عدم زهابنا لقسم الانمي هو انه معظم(مو الكل) اللي يكتبوا فيه صغار في العقول

ردك عليه

انا معاك في هذه النقطة

ما عرفنا موقفك الحين!!
فياريت تحدده..

مع العلم ان لفظ ياهل يطلق على اصحاب العقول الصغيرة ايضاً..و مو بس الصغار بالعمر..
عسب ما تتحجج بالكلمة..


بوب

هب مسألة شايل و لا هب شايل..
ما احب اشوف شي غلط و اسكت عنه..
و ما اظن حد هني يحب يسوي هالشي..و انت منهم..

الامر و ما فيه..موضوع انطرح..نقاط خاطئة تعرض لها البعض..و احنا نتناقش ابها..
Nothing's Really Serious..

و بعدين شو الغلط بكلمة يهال اللي ماسكينها علي؟؟
مادري عنكم..شخصياً ما اشوف فيها شي..

تتعاملون معاها جنها مسبة..

القصد..معظم اللي هناك يهال (عقولهم صغيرة عسب محد يزعل) و بالتالي مواضيعهم تتناسب و عقلياتهم..
فشي طبيعي انها ما تستقطب الفئة الناضجة (فكرياً و هب شرط عمرياً)

و الفئة الاخيرة متواجدة بشكل اكبر بالعام..و بالتحديد موضوع المجلس..
فشي طبيعي اني افضل المناقشة معاهم هني..بدلاً من هناك..

وترا ما شفت لك مواضيع بالعام هنا اذا ما خاب ظني كلها ردود فقط.

بالرغم من ان المعلومة غلط..
بس ممكن اعرف شو دخلها بالموضوع اللي قاعدين نتكلم فيه؟

[Snake Eyes]

وبعدين عيب نقول صغار ويهار وعقول صغيرة مهما كان لا تنظروا للآخرين نظرة فوقية مهما كنت كبير ..

الكلام دا اللي بتقوله خطير شكلك فهمتني غلط قصدي عقله صغير ما يتقبل النقاش و الكلام دا
مو قصدي اني اتكبر على احد (سبب توضيحي لان معظم اللي اكلمهم لما يعرفوني كويس يقولو كنا نحسبك متكبر)

ودي اخش بنقاش ثاني لكن مين يضمن لي التفاعل اذا جيت وحطيت رد بعيد عن الإنمي جاني واحد وحط رد عن كرتون فلاني وحلقة فلانية وضاع ردي ..

اووووه صارتلي بالهبل في المجلس ياما انصفيت زيي زي الجنط لانه ردودي تكون في اخر الصفحة او لاسباب اخرى واهو ماشي عادي ولا اي مشاكل انت ابدأ وممكن تلاقي تفاعل او خليك زي رد و بعدين رد على نفسك و عيش حياتك ^^

[Kaze]

إنسان

محد ياب طاري الفعالية..انا قلت "اغلب" الاعضاء هناك يهال..
سواء ردودهم فعالة او لا..

و اعتقد اننا متفقين على ان ال12 شخص اللي ذكرتهم ما يمثلون الاغلبية..

يعني اقين..ردك بخصوصهم ماله داعي..

يعني نقدر نستفيد ان في جزء من مجموعة المشاركين هم الي مو عاجبينك بخلاف هذولي الي ذكرتهم صح ؟
اذا نقدر نقول لا تحكم على المنتدى من خلال الاغلبية ولكن من خلال ما هو مجود فعلا , من مشاركات ومواضيع
والاعضاء الي ذكرتهم تشوفهم بشكل فعال بين الحين وآخر اليس هذا كافي ؟

وينهم؟؟ ياريت تحددهم بالاسماء..
(ما اعتقد عندك مانع )

افضل ان احتفظ بالإجابة لنفسي لان معرفتي بهم شخصيا هي الي اثبتت هذا الشيء

عفواً..مرة اخرى لم افهم المقصود..

أي في ناس تكون عكس ما هو موجود , فكلامه ليس صارد منه ولكن من خلال آراء أخرى , ويدعي انه متابع والخ بس ما هو بهذا الشيء

بس هل هاييل يمثلون الاغلبية اللي انا طريتها و قلت عنهم يهال؟؟

ياخي رجاءً..فكر بكلامي عدل..و بعدين رد..
لا ترد باشياء ثانية..

أيه انت ذكرت الاغلبية يعني لو بنقول ان في ناس لها احترامها من هل الاغلبية حتى لو كانوا يهال , وراح نوصل لنقطة آخر ردك , لما تقول ان اليهال مو بالعمر وراح تتبين الامور

من هم؟؟ و هل لا زالوا يشاركون؟
بعدين انت تتكلم و جني قلت اني الاكبر..
انا قلت اني "من" الاكبر..و شي طبيعي ان في ناس اكبر عني..

نعم...انا اعتبر نفسي "من" اكبر الاعضاء اللي يشاركون هناك..سواء بالعمر او التفكير..

لاحظ كلامك وردك يشهد

عفواً..بس شو الكلام المضموني و الفعل الظاهر اللي تطريهم؟؟
اتمنى انك ما تستخدم الكلمات فقط للاستخدام..

يعني تبين لنا ان احنا يهال من خلال كلامك وافعالك , بس لا تقولي وين لاني ما اذكر , وخاصة لما تشوف مواضيع وترد عليها رد جزئي وبطريقة تعتبر شبه استهزائية وهذه نظرتي بس نظرة الغير لا اعلم بها

بس لسبب معين انت مو قادر تستوعب ان في اعضاء غير اللي في بالك هم المعنيين بالموضوع..
و الشي هذا واضح من ردودك..

انزين ليش تخليهم حجه بعدم مشاركتك في منتدى الانمي لما نقولك سبب عدم مشاركتم تقولوا لان الاغلب يهال ؟! وما في مواضيع تشجع والخ

اكرر..ردي لم يكن فيه اي نوع من التعدي..و انا اجزم بهالامر..

مصدقنك بس كل واحد ونظرته

موضوع ون بيس..و تحججت انه جديم و انكم كنتوا ببدايتكم..قلنا مو مشكلة..
الحينه الموضوع هذا متى صار..شهر تقريباً؟؟

I Rest My case

طبعا حنا شلنا التميز في نفس الوقت ومن غير نقاش لان الغلط غلطي مو غلط احد فأنا تحملته يعني انا غلطيت صح ولا غلط ؟ واعترفت بالغلط

ما عرفنا موقفك الحين!!
فياريت تحدده..

مع العلم ان لفظ ياهل يطلق على اصحاب العقول الصغيرة ايضاً..و مو بس الصغار بالعمر..
عسب ما تتحجج بالكلمة..

أي في ناس كبيرة عقل و كبيرة عمر , وهذي النقطة حنا متفقين فيها , بس توضيح اليهال بنظرك اختلفت لما وضحتها بآخر الموضوع فيعني من الملام , فلا تقولي والله انت ما انتبهت ولا شيء , انا بقولك انا منتبه بس لما تقول لفظ يهال على طول بروح حق ماهو معني وهم صغار السن لان هذا الشيء الي حنا نشوفه من زمان بس الحين تغير

[Angel whisper]

Angle~ With all due respect ...
ما فتحت هالموضوع عشان نناقش احوال منتداك ..
الناس مب عايبنهم يشاركون هناك .. ياخي بكيفهم .. لا اتي هني وتغصبهم يشاركون هناك ..
عندك اي issues .. سر حلها هناك مب هني ..
and stop bloody accusing people of being children, that's unbelievabily rude & you should know it
يعني يوم انك تبا الناس ترد تشارك عاملهم عدل مب جذيه .. اسمع ليش مب عايبنهم المنتدى مب تفتح وياهم نقاش ماله معنى..
تعرف ليش انا ما قمت احب اشارك هناك؟
لانه مشاركتي انتو اقرنتوها بمجاملتي لعضو معين او بانه اخويه يشارك بعضويتي ..
Again, with all due respect, paranoia and false accusations aren't going to get you better threads or better members ..

[BOOOB_2002]

الورورد بتوقيعي اهديها لكم كلكم

ولك اخي Angle of devil


ولا تزعل من مصارحة البعض هنا بالنهاية كلنا منتدى واحد وكنا نشارك بقسم الإنمي حتى أنا <<<ايام ما كنت متحمس


لكن لو تبون الصدق كل شي تغير عن اول مب منتدى الإنمي بس الا اغلبية المنتديات يمكن المنتديات بقيت زي ماهي لكن تفكيرنا هو اللي تغير مع الوقت ..



انسان

لا تزعل يا فتى اذا قلت لك انك انسان صريح مثلي بس هدي اللعب شوي وناول بالله <<<رايق عالصبح


سنيك

فهمت أصدك يا جميل






احم نرجع للزبدة

المنتدى العام ميت نريد حلا

[Kaze]

Angle~ With all due respect ...
ما فتحت هالموضوع عشان نناقش احوال منتداك ..
الناس مب عايبنهم يشاركون هناك .. ياخي بكيفهم .. لا اتي هني وتغصبهم يشاركون هناك ..
عندك اي issues .. سر حلها هناك مب هني ..
and stop bloody accusing people of being children, that's unbelievabily rude & you should know it
يعني يوم انك تبا الناس ترد تشارك عاملهم عدل مب جذيه .. اسمع ليش مب عايبنهم المنتدى مب تفتح وياهم نقاش ماله معنى..
تعرف ليش انا ما قمت احب اشارك هناك؟
لانه مشاركتي انتو اقرنتوها بمجاملتي لعضو معين او بانه اخويه يشارك بعضويتي ..
Again, with all due respect, paranoia and false accusations aren't going to get you better threads or better members ..

أختي أعتقد أني سوء الظن كان مني شخصيا وأعتذرت لها من قبل ,وكنت اتغشمر بهذا الظن مع واحد من ربعي بس صديقي هداه الله طلع هذا الكلام , واعتقد انه سوء تفاهم لا غير , وعلى فكرة بوقلج شيء تر ما احب اللف و الدوران اذا ما تبون تشاركون لا تقولون والله المنتدى كله يهال وان المواضيع ما تستاهل وغيرها , قولوا حنا ما نبي نشارك, وعلى فكرة هذا اسلوب عادي لما اتناقش فيه والكل يدري , ولا نغصب احد بس ما نبي اعذار لاتمد بما هو حاصل فعلا ً بالمنتدى الانمي بعنوان , وكنت من قبل فاتح موضوع على بدايات تحسن منتدى الانمي ولا قيت نفس الاجابات وها هي الإجابات تتكرر اختي شنو تفسري هذا الكلام رغم ما مر به المنتدى من تحسن والحمد لله , في النهاية حنا نطمع بكم فقط ونريد ان نستر ما خسره المنتدى من اعضاء من بدايات ظهور نروتو وتخلي بعض المراقبين لمنتدى الانمي , وفي النهاية أعتقد إن كلامي واضح , لان المشكلة مو مشكلة مراقبين او منتدى فالمشكلة مشكلتنا احنا كأعضاء فليش ما نشوف حل مثالي ومنقطي , ليش ما نتعاون بدل الحقد الي اشوفه على منتدى الانمي , تبون شيء صارحونا فيه وحنا اذا بالمقدور راح نلبيه لكم

وهذا ولله الحمد