$اشياء نريد ان نراها فيGTA4 $ ( للجميع) XD

[hamad_007]

أهم شي ان يكون عمر اللعبة طويل و أطول من سان أندرياس .
مع ان سان أندرياس أصلا طويلة بس نبا أطول عن جذي .
بصراحة كان في ودي ان GTA4 تبقى حصرية على البلاي3 عشان يستغلون قدرات المعالج و مساحة البلوراي .
لكن الي صار صار
بس مع ذلك أحسن انهم يستغلون مساحة البلوراي عشان يسوون مدن أكبر عن سان أندرياس ب10 مرات .
اما بالنسبة لنسخة الاكس 360 يضغطونها أو يحطونها على اسطوانتين .

[M_JaGuar]

السلام عليكم ..

انا بودي :-

1- ان يكون ممكن ان اخذ رهينه اذا حوصرت من قبل الشرطة

2-ان يكون ممكن ان يقتحم المنازل او المحلات

بالإضافة الا كل ما ذكرة الاخوان

[kabbaz]

اذا كان في شي ابيه اهو السيارات
ابي سيارات جديدة 2007 ((كورفت اهم شي)) والباقي خلهم علا ما هم قبل التسعينات
ابي مو لما اخذ سيارة خاصة لي بس ادش مهمة واطلع ما الاقيها ((ماكو شغل كل دقيقة بايق سيارة))
تشتري بيت وانت تفرشة ولا اقول انت تبنيه من الاساس
شرطة اذكى يعني الطلب عليه وايد بس هذي حقيقة يعني شرطة يسوقون وكانهم (سكاره) شرطة درايفر ما يفارقونك
تضل طريقة السواقة مثل ماهي على الاقل ((لان في فشل بالسياقة بباقي الالعاب المماثلة))
تضل الهليكوبتر الحربية ((احب افتر فيها وافجر العالم))
يسوون الشخصية ببعض الكوميديا ((واحد اهبل ومجرم بنفس الوقت))

[UnForGETablE]

1-أن يشيلون قلة الأدب والقذارة من اللعبة (ماتمنى اشوف اللي شفته في GTA:SA) لانه فيه وايد اشياء مالها داعي
2-يزيدون الاسلحه والسيارات .
3-جرافكس أحسن وأوضح لأن الجرافكس في الأجزاء السابقه اعتبرها ضعيفه
4-مايخربون لنا عدساتنا ومو مثل الاجزاء اللي طافت تروح شوي وترجع تلاقي السيارة مختفيه
5-يحطون الأشياء اللي طلعو الناس اشاعات بانها موجودة في سان اندرياس (أشياء غامضه تطلع نادراً مثل البق فووت والاطباق الطائرة والاشباح وماشابه)
6-يحسنون المؤثرات الصوتية مثل محركات السيارات وطلقات المسدسات
ومادري شنو بعد
مشكور

[cantona222]

4-مايخربون لنا عدساتنا ومو مثل الاجزاء اللي طافت تروح شوي وترجع تلاقي السيارة مختفيه

شقصدك بأنهم ما يخربونلك عدستك؟

[UnForGETablE]

مساحة اللعبة المضغوطه في السيديات الكوبي عوده وتتعب عدسه البلاي ستيشن

[another moon]

5-يحطون الأشياء اللي طلعو الناس اشاعات بانها موجودة في سان اندرياس (أشياء غامضه تطلع نادراً مثل البق فووت والاطباق الطائرة والاشباح وماشابه)

و الله اذا سوو كذا بتروح واقعية اللعبة و بتصير خيال علمي .. مو عصابات

[UnForGETablE]

انا ما قلت انه اللعبة تغير طريقتها !!.. لكن شي عجيب ان يكون في شي ضايع مخيف يعني في الغابات او الجبال او الصحاري مثل الصج
واللعبة اصلا مو كلها عصابات ! اللعبة صايرة حياة صجيه .. لكن اساسها اجرام ,
مادري شلون اوصل فكرتي
بس ان شاء الله تفهمين قصدي