الموضوع الرسمي Winning Eleven 2007

[kingx11]

حاطه على beginner وغاسل المنتخبات كلها لووول


ماجربت الايف للحين ((ملفات تورنت واجد)) بس بمر عليه ومتأكد مليون فالميه انهم يغسلون شراعي

واللعبه رائعه صراحه الحركات وكل شي ررهيب

وصوت الجماهير واااااااو تحس انك في مباراه صدق

[Dark Watch]

I bought the game , i will play it after i reach 70000

[nashme]

الصراحه على الايف قمه في المتعه .. بس فيه ملاحظه صارتني على الايف .. في اول المباره اول ما استنتر الكوره يحصل عندي لاق بطيء جداً وبعده بثلاث دقائق يختفي الاق ويصير معي تمام .. وبعض الاحيان يكون في لاق بسيط جداً .. هل تعتقدون يا شباب ان هذا شيء طبيعي ولا المشكله عندي .. طبعاً لحد الحين لعبت ثلاث مباريات مع بريطاني و 2 امريكان .. بس لحد الحين ما جربت العب مع اخوان العرب والاحرى اخوانا الخليجين .. وياليت نسوي لنا بطوله علشان يصير تحدي كبير و ممتع .. يا الله شباب وين الحماس .. ترى اندوره من زمان .. ايام البلاي ستيشن 1 .. الله يا زمان كان الواحد يرزه نفسه عنده خويه او نتجمع في مكان واحد وصقع على ودنوه وتكسير روس مع خشوم والحماس ابد ما يوقف و المتعه ضاربه الامبير حده .. بس الحين مع التطور و تقدم .. صار الواحد يلعب مع العالم وهو قاعد في غرفته .. وبدون ازعاج و صداع راس .. عزا الله انهم ما قصروا في ذا الخدمه ..

[t3ban]

وين احصلها في البحرين

[البيكهام هام]

الصراحه على الايف قمه في المتعه .. بس فيه ملاحظه صارتني على الايف .. في اول المباره اول ما استنتر الكوره يحصل عندي لاق بطيء جداً وبعده بثلاث دقائق يختفي الاق ويصير معي تمام .. وبعض الاحيان يكون في لاق بسيط جداً .. هل تعتقدون يا شباب ان هذا شيء طبيعي ولا المشكله عندي .. طبعاً لحد الحين لعبت ثلاث مباريات مع بريطاني و 2 امريكان .. بس لحد الحين ما جربت العب مع اخوان العرب والاحرى اخوانا الخليجين .. وياليت نسوي لنا بطوله علشان يصير تحدي كبير و ممتع .. يا الله شباب وين الحماس .. ترى اندوره من زمان .. ايام البلاي ستيشن 1 .. الله يا زمان كان الواحد يرزه نفسه عنده خويه او نتجمع في مكان واحد وصقع على ودنوه وتكسير روس مع خشوم والحماس ابد ما يوقف و المتعه ضاربه الامبير حده .. بس الحين مع التطور و تقدم .. صار الواحد يلعب مع العالم وهو قاعد في غرفته .. وبدون ازعاج و صداع راس .. عزا الله انهم ما قصروا في ذا الخدمه ..

والله كل شي بقوله انت قلته اي ولله عزاه ايام البلاي ستيشن1 و2 بعد كل يوم بالايام هذه بالدوانيه ولعب وتحدي وصداع وعوار راس وانا بهذه الايام قبل كاس العالم2006 كنا يوميا نتحدى بعض 2ضد2 انا ورفيجي الارسنال ضد 2 ماخذين برشلونه وانا اكره شي اسمه برشلونه الخطه بهذيك الايام لاتهدأ ايام كامبل وتوريه اقوى دفاع ايام لورين واشلي كول ومع جلبرتو محور اللي لالحين موجود وايام ليونبرغ ورييس جناح يمين ويسار وهنري وفان بيرسي
هذيك الايام حدها عجيبه واللي زادها حلاوه انه طلعوا الارسنال يباري برشلونه بالنهائي تمنيت انه ليمان ينطرد بالبلاي ستيشن مو بالنهائي
المهم من اول ماشريت الاكس بوكس عشان الدوري الياباني الاوروبي قبل 4شهور وانا لايومكم هذا قطعت عن الدوانيه وخلاص مالي عوده للدوانيه لانه مع اللايف وجدت نفسي وجدت نوع جديد من التحدي وجدت المتعه اللتي ليس لها نهايه ووجدت كل ماطق بمزاجك تباري واحد تلقاه موجود عكس هذيك الايام اللي تجي بأوقات متحمس وتنطر على مايتجمعون فعلا اللي سوالنا هذه الخدمه اشكره من كل قلبي والباقي على كونامي انه تخلي يصير يلعبون 2ضد2

[Yusuke Urameshi]

شباب على فكره اللعبه مليئة بالاخطاء الفنيه يعني كمثال كنت اللعب مع شخص اجنبي عرقلته خارج المنطقه و فجئه حسبها ضربة جزاء و في مبارة ثانيه مع احد الاخوان من الامارات ركلت الكره و صدها الحارس و خرجت ضربة زاويه و تفاجئت ان حسبها ضربة مرمى !!! هاذي اخطاء من كونامي و يجب التعديل عن طريق تحديث يعني ابسط شي المراوغات صعبه جدأ و شبهه مستحيله يعني فرق عن الاجزاء التي سبقتها

[FAS]

ماجربت الايف للحين ((ملفات تورنت واجد)) بس بمر عليه ومتأكد مليون فالميه انهم يغسلون شراعي

لعبت ع اللايف ومستوى اللاعبين سهل .... طبعا بسبب خبرتنا الطويله في المجالس
يعني خبرة 10 سنين في وننغ اليفن مو ع الفاضي ......
حتى الآن ..... لعبت مع ناس مو خليجيين .... وانتظر متحدي , لان الي لعبت معاهم مو بالمستوى .... مع الأخذ في الاعتبار اني لعبت اونلاين ع طول من غير ما اجرب اللعبه !!!
so be careful
____
بخصوص اللاق ....

انا الاتصال عندي wired فيكون سريع , ويعتمد على المنافس , انتبهوا للاشاره عنده
( الشيء الأخضر كم حبه ؟ )

[D0WN~T0WN]

nashme

ايه حتى انا تصير لي هالمشكلة..واشوف انها ماتخرب على اللعب ابد

[البيكهام هام]

بالنسبه للاق اللي ببداية المباراه هذا شي عادي وتصير مع كل الناس لانه اللي تباريه يكون دولته بعيده وياخذ وقت على ماترد السرعه الطبيعيه اما اذا فيه لاق طول المباراه وحده من الثنتين ياانه هو يحمل او انت تحمل او يمكن المودم مالك يحتاجله تسويله ريستارت والاسباب كثيره والله هاللاق بيطلعلي قرون

وبالنسبه للي يقولون نباري امريكان ولكن دون المستوى انا اقولكم اكيد دون المستوى لانه الامريكان مايحبون الكوره بس شوفوا عندي الاوروبيين والله ذبح مذابح تنافس موطبيعي هم اساس الكوره الاوروبيين وانا مستمتع بكل مباراه اخوضها معاهم متعه عالاخر وانا دايماً انرفزهم لما اتقدم عليهم وهذه احدى تعليقاتي لهم(هوليييه هوليه هوليه هوليه يو لوووس ايام وين)شرايكم

[Intresta]

استغربت مستويات الاوروبيين والامريكان والبرازيلين الموجودة وبصراحة مستوياتهم رديئة !!
والحمدلله دام اني من ال10 الاوائل فهذا يزيد من حماسي

[البيكهام هام]

8
8
بالنسبه لمركزك لاتخاف هي بدايه بس لسببين لانه ماانتشرت اللعبه+الناس ماظهرت مستوياتهم الحقيقيه لالحين بس بقولك شي بعد اسبوعين ابيك تعطيني ترتيبك

[Testment]

و الله حمستوني للعبة و أنا أفكر اشتريها عشان اللايف بس المشكلة اني ما كنت ألعبها من قبل فإذا اشتريتها بتكون من المرة الأولى اني العب اللعبة

[عليك نور]

اللعب مو طبيعي بس اللاق هم مو طبيعي

بعد جبدي الشباب اللي يهايطون يا ليت نكاتكم عشان نستفيد من خبرتكم لووووول

[FAS]

اللعب مو طبيعي بس اللاق هم مو طبيعي

بعد جبدي الشباب اللي يهايطون يا ليت نكاتكم عشان نستفيد من خبرتكم لووووول

هههههههههههه والله مو هياط , بس مستوى الاوروبيين داق ....
هاي نكي faiso ضيفني ...
___

ع فكرة , لعبت مع 2 اماراتيين , بس فازوا علي .... يعني مستوى العرب عالي في اللعبه .... وانتظر منافسين عرب ... حتى لو اخسر ....
وبخصوص اللاق ....
no comment

[boss898]

اللعبه ماعليها كلام قمه بالروعه لكن القهر مسحو 2 ضد 2
وانا اشوف اسلوب اللعبه جديد علينا لانه تغير جذري يعني مع الوقت راح اتعود عليه