نرحب بالمراقب الجديد الذي انضم معنا

[ahmadkb]

ياريال تلقاه ماصدق أخيرا بيرتاح ...أنا متأكد انه أول ماعرف الخبر قعد ينط من الفرحه ....شكله بياخذله إجازه ويروح جزر الهاواي!!

هههههههههههههههههههههه

تصدق وقت تعيين سنيك أنقذني

لأني شهر 7 القادم إجازتي السنويه لمدة شهر كامل فقد أسافر في هذا الشهر وأنقطع من المنتدى

[abdulaziz1]

مبروك .. بالتوفيق إن شاء الله ..

رغم إن لي تحفظ .. (عشان لا تقولوا حاقد .. ترى سنيك شخص عزيز علي وعلاقتنا سمن على عسل )

خلينا نتلكم بواقعية شوي ..

سنيك .. أنا ماشفتك تتكلم إلا عن 4 أو 5 أنميات .. ومانغا واحده تابعه لأنمي من هذول .. طبعاً هذا حسب قرائتي لمشاركاتك .. ورصيدك في الأنمي والله أعلم من أبو زي حالتي .. يعني مو ذاك الشي الكثير ..

وفوق كذا .. مراقب على قسم ثاني ؟!

أنا ما أشكك في قدراتك طبعا .. وأصلا النت كله لي فترة بعيد عنه .. فما أقدر أحكم ..

لكن منتدى كبير مثل منتديات المنتدى وفيه أعضاء تخطوا حاجز الـ 400 ألف على ما أظن .. يراقب عضو على قسمين .. قسم قد يكون فيه أشخاص متعمقين في نفس المجال بشكل أكبر ؟

الرقابه في قسم الأنمي ترتكز تقريبا على ثلاث أو أربع شروط ..

1-الأمور الإدارية والخاصة بالرقابة
2-المشاركة سواء بالمواضيع أو الردود
3-الكم
4-الكيف

أتوقع هذي أهم الشروط اله تأهل العضو ليكون مراقب أنمي .. وكلها متداخلة على بعض ..

1-ممكن يتوفر في سنيك .. لكن أتوقع قسمين بيشتتوا إنتباهه
2-موجودة المشاركة وبكثافة سواء كـ مواضيع أو كـ ردود .. لكن , على مواضيع معيّنة فقط ! وهذا الشي مو عيب أو خطأ .. لكن عدم الإطلاع والمتابعة أو قلتهم بالنسبة للمجال نفسه بشكل عام .. وربما عدم إهتمام الشخص إلا بشي من هذا المجال يخليه كذا .. وزي ماقلت .. هذا شي راجع للشخص واهتمامه .. لكن المنتدى يبغى أحد يستفيد منه .. والرقابه مو تكريم أو تميّز أو غيرهم .. الرقابة تكليف وأمانه يجب دراستهم من قبل الإدارة قبل دراسة العضو نفسه للتكليف .. ويتم توضيح كل شي من كل طرف للآخر ..
3-عدد الأنمي المٌشاهد من قبل العضو .. يعني مو معقول أكلف عضو بمسؤولية رقابه على القسم وهو كل إهتمامه بموضوعين أو ثلاثة !؟
4-الكيف .. كيفية مشاهدة الأنمي .. يعني لو واحد مشاهدته سطحية للأنمي ومافيها تعمق .. ما أتوقع له حق يراقب ويشرف على من يتعمق ويركز في الأنمي .. وعموما سنيك من النوع اله يتعمق .. ويزودها في التعمق .. لكن بطُلت الشروط السابقه ..

مبروك ألف ألف مبروك يا سنيك على الرقابة
والله يعينك عليها " كما أنت تراقب فانت مراقب "

هاااااااااااااااااااااااع .. إنت حي ؟

عاش من شافك والله ..

لك وحشة والله .. سنة أو سنتين ما بينت ~

وآسفين على الكلام الملخبط .. تعرفوا الاختبارات وقروشتها ..

[Snake-87]

^
ها عزوز ^^

سنيك .. أنا ماشفتك تتكلم إلا عن 4 أو 5 أنميات .. ومانغا واحده تابعه لأنمي من هذول .. طبعاً هذا حسب قرائتي لمشاركاتك .. ورصيدك في الأنمي والله أعلم من أبو زي حالتي .. يعني مو ذاك الشي الكثير ..

الأنميات إلي شفتها لحد الآن + نبذة بسيطة علشان ما تقول لي كوبي بيست :
Detective Conan ياباني مو عربي
Full Metal Alchemist مغامرة للحصول على حجر الفلسلفة .. توكا كوكا xD
Get Backers جينجي عنده طاقة كهربائية وميدو بان عنده عين الشيطان يشكلان ثنائي يقدرون يرجعون أي شيئ تبيه
Hajime No ippo الملاكم إلي دخل قلبي T,T إييبو ماكنوتجي الطالب الخجول الذي تحول إلى ملاكم شرس (الانيمي ما اكتمل وتكملته مانجا وما خلص)

Hunter X Hunter ممثلة صوت ناروتو نفسها ممثلة صوت جون ويدور على ابوه طول الطريق والشخصية المفضلة كيلوا و رئيس العنكبوت (الانيمي ما اكتمل وتكملته مانجا وما خلص)

Naruto + 2 لا تعليق xD
One Piece لا تعليق xD
School Rumble 1 + 2 احداث كومديية بحتة عن واحد يحب وحدة والوحدة تحب واحد ثاني والثاني يحب الأكل وتصير مواقف دايما بالصف فيها احراجات ^^ . الجزء الثالث يمكن ينزل الموسم الجاي .

air gear الرولات .. عيبه فيه إيتجي وايد وايد ><" .
air mastar المرأة العملاقة القوية صاحبة الركلات الخيالية .. فيه ايتجي وايد ><"
D.N Angel --> ما كملته
Death Not لا تعليق ^^
kenshin أسطورة الأنيميات البوتوساي والأوفا كان اروع شي لما يشروحن لك شلون صار الأكس إلي بخده بالنهاية T,T

Street Fighter موفيات ^^
Prince Of Tennis --> جاري المشاهدة واصل 15 بكمله هالصيف .

Tenjou Tenge آيا ومايا خوات لبسهم زفت وآيا تحب سويتجيرو -ساما وتبي تتزوجه غصب لي آخر لقطة بالأوفا .

GTO المدرس المينون إلي خرج من العصابات ويبي يصير مدرس دايما .. جعل المدرسة كلها بصفه ودايما يكسر سيارة الوكيل الخبل xD
Gun grave بشوفه هالصيف

Vampire Hunter D الفلم الاسطوري

Elfen Lied الانيمي إلي كله كتشب و لقطات تعصر القلب .. الطفلة ذكرتني بناروتو الكل يقول لها انتي وحش لأنه عندها قرون .

هذا إلي أذكره حاليا من إلي شفتهم ^^"

أنا ماشفتك تتكلم إلا عن 4 أو 5 أنميات

القسم كله هادئ ويتكلم بهالأنيميات وهم الي لي الحين ما خلصو اصلا فاتكلم فيهم طبيعي
ولا يكون تبيني احط لك تقرير عن كل انيمي شفته xD ؟
شوف الفهرس اعتقد كتبت عن ايبو يوم من الأيام xD
بس سببك مضحك صراحة اسمحلي ^^ "

يعني مو ذاك الشي الكثير ..

اللستة إلي فوق ما تكفيك ؟
والمانجا ما اشوف وايد ..

1-الأمور الإدارية والخاصة بالرقابة
2-المشاركة سواء بالمواضيع أو الردود
3-الكم
4-الكيف

1 اوكي
2 مو شرط في نوعين من الرقابة
3 الكم ؟ ايضا مو ظروري
4 لا تعليق

-ممكن يتوفر في سنيك .. لكن أتوقع قسمين بيشتتوا إنتباهه

المنتديات نايمة وين يتشتت انتباهي xD
قسم الميتل موضوع بالسنة حسنة ..

لكن عدم الإطلاع والمتابعة أو قلتهم بالنسبة للمجال نفسه بشكل عام

نشوف المواضيع الأخرى .. مو شرط ارد عليها كمراقب اراقب ومو لازم ارد على كل عضو موجود .

-عدد الأنمي المٌشاهد من قبل العضو .. يعني مو معقول أكلف عضو بمسؤولية رقابه على القسم وهو كل إهتمامه بموضوعين أو ثلاثة !؟

سبق وقلت لك ^^"

على العموم .. انت إيقاف كل اربعا وخميس وجمعة لمدة شهر ---> علشان ما يناقش المانجا xD
لوول اتغشمر اوف كورس

مشكور على اهتمامك بالمنتدى بوعزوز ^^

[DMC]

هههههههههههههههههههههه

تصدق وقت تعيين سنيك أنقذني

لأني شهر 7 القادم إجازتي السنويه لمدة شهر كامل فقد أسافر في هذا الشهر وأنقطع من المنتدى

وأقول ليش تم التعين مراقب جديد

بس أقول أحمد

في أجازتك وين بتسير

ترى أذكرأخر مرة سرت لتايلند أو ماليزيا أذا ماخانتني الذاكرة

وماتنسى يوم ترد تصور النا المواقع الي زرتها

مبارك لك على الرقابه..... لازم تعطي مكافأه لكل من يبارك لك بالرقابه....صراحه أريد X-box 360 + street fighter anniversary eddition for the xbox + custom arcade stick
يعني كله راح يطلع عليك قول 2200 ريال....مشكور مقدما

بلاكي سان

سنيك كويتي

وبعد باين من كلامك أنك xbox fan

وهذا الي صراحة الي ماتوقعته <<<< تحريتك ps fans

[ahmadkb]

وأقول ليش تم التعين مراقب جديد

بس أقول أحمد

في أجازتك وين بتسير

ترى أذكرأخر مرة سرت لتايلند أو ماليزيا أذا ماخانتني الذاكرة

وماتنسى يوم ترد تصور النا المواقع الي زرتها

التعيين من الإداره مش من عندي.

الإجازه السابقه "السنه الماضيه" مارحت مكان لأن كان موجود كاس العالم أيامها.

الإجازه التي تسبقها رحت تايلند وأشتريت "فيجرز" بالهبل ونعول وساعات وأبواك ووو

هذه الإجازه. المرشح الأكبر إني بنلطع في البيت ومابسافر. بس بحاول بشتى الطرق البحث لرفيق يصاحبني للسفر إلى أي مكان. أفكر في دول الشرق ماليزيا وربعها.

[DMC]

الإجازه السابقه "السنه الماضيه" مارحت مكان لأن كان موجود كاس العالم أيامها.

الإجازه التي تسبقها رحت تايلند وأشتريت "فيجرز" بالهبل ونعول وساعات وأبواك ووو

انزين في هاذي لأجازة بعد في مسابقات

مثل كاس أسيا -كوبا أمريكا- كأس أفريقيا وغيره

عيل معناها تم في بيتك هذا الصيف بعد

وتصدق بعدني متذكر الفيجرز الي يبتهم من تايلند

هذه الإجازه. المرشح الأكبر إني بنلطع في البيت ومابسافر.

أحسن علشان ترتاح وتشوف المناظر الطبيعية في لأمارات

بس بحاول بشتى الطرق البحث لرفيق يصاحبني للسفر إلى أي مكان. أفكر في دول الشرق ماليزيا وربعها.

لو تبى رفيق

أحم أحم بكون فاضي

في حال مصاريف الرحلة والتذكرة على حسابك

[ahmadkb]

انزين في هاذي لأجازة بعد في مسابقات

مثل كاس أسيا -كوبا أمريكا- كأس أفريقيا وغيره

عيل معناها تم في بيتك هذا الصيف بعد

ولا وحدة تهمني أنا إيطالي

كأس آسيا: تعتقد إني ما أسفر عشانها. شخصياً لا أعتقد.

كوبا أمريكا: روناردينهو وكاكا ما بيلعبون يعني ماتهمني لأن الأرجنتين ستأخذ البطوله.

كأس أفريقيا: أمممممممم ولا فريق يهمني. يمكن النهائي ولكن أتابع جميع المباريات لا أعتقد.

أحسن علشان ترتاح وتشوف المناظر الطبيعية في لأمارات

أرتاح صحيح. باخذ الإجازه كلها نوم. ولكن أشوف مناظر طبيعيه!! وين الله يخليك. صيف حر مطلق هذا الصيف. "وإجازه سعيده ومفيده للأطفال"<== مهرجان صيف دبي.

لو تبى رفيق

أحم أحم بكون فاضي

في حال مصاريف الرحلة والتذكرة على حسابك

لو جاد نسافر مع بعض ونساعد بعد في كل المصاريق أنا جاهز. جد

يمدحون اليابان

سوري قلبناها شات

[DMC]

ولا وحدة تهمني أنا إيطالي

تحريتك برازيلي

كأس آسيا: تعتقد إني ما أسفر عشانها. شخصياً لا أعتقد.

زين عيل ماوصيك بالصور

كوبا أمريكا: روناردينهو وكاكا ما بيلعبون يعني ماتهمني لأن الأرجنتين ستأخذ البطوله.

صراحة لين الحين ماتحدد لكن أظن راح يشاركون منتخبهم

اشدراك يمكن يستوي

كأس أفريقيا: أمممممممم ولا فريق يهمني. يمكن النهائي ولكن أتابع جميع المباريات لا أعتقد

بالعكس بطولة لأفريقية قوية
بدليل الفرق مثل كادي فوار + غانا + تونس + المغرب + نيجيريا + كاميرون وغيرهم من الفرق الثانية

أرتاح صحيح. باخذ الإجازه كلها نوم. ولكن أشوف مناظر طبيعيه!! وين الله يخليك. صيف حر مطلق هذا الصيف

ههههههههههههههه هيه مناظر في جزيرة داس و مناظر رأس الخيمة وأم القيوان الخلابة

فرصة لا تفوت بنظري <<<< يبى ينكت على مين

"وإجازه سعيده ومفيده للأطفال"<== مهرجان صيف دبي.

ههههههههههههههه لا تعليق

لو جاد نسافر مع بعض ونساعد بعد في كل المصاريق أنا جاهز. جد

أن شاء الله يوم اداوم

يمدحون اليابان

هيه تصدق يوم اخلص دبلوم هني أفكر أكمل دراستي مناك

بس بعدني ماقررت <_<

سوري قلبناها شات

عادي ترى يسمونه حلوان الرقابة

[Black_Berserker]

بلاكي سان

سنيك كويتي

وبعد باين من كلامك أنك xbox fan

وهذا الي صراحة الي ماتوقعته <<<< تحريتك ps fans

مافيها مشكلة نحولها لكويتي

كلها 220 دينار لاغير وسنيك ان شاء الله يطلع كريم

أنا مش اكس بوكس فان....بس اللعبه الي مدمنها ما أقدر ألعبها أونلاين الا في الاكس بوكس

=======================

أحمد ايش رايك وقت اجازتك تقرب عندنا شهر في بني ياس أوريك المعالم السياحيه الي عندنا وبالمره تتدرب معاي على ستريت فايتر وأخليك تنسى الأنمي وون بيس وتدخل عالم ثيرد سترايك....صدقني ماراح تندم !!

[الراعي z]

هاااااااااااااااااااااااع .. إنت حي ؟

عاش من شافك والله ..

لك وحشة والله .. سنة أو سنتين ما بينت ~

أيش نسوي أنشغلنا كثير مع العمل
وأن شاء الله لنا عودة متواصلة في منتدانا

[Kaze]

يا خسكم لما تتكلمون عن الإنجازات و الأِشياء الي شفتوها و سويتها عشان تشفع للكفائة

و طبعا ً مو القصد الطعن في كفائة حمود = سنيك 87 أو إعطائه حق ما يستحقه ... مبروك بالاول P:

يقول المثل اللأنجولي في كتابه الخامس عشر ... " إلي في جدر يطلعه الملاس " ... القصد مو المجبوس P:

فالرجاء عدم الإستعجال بالحكم وستبدي لك الأيام ما كنت به جاهلا ً ... و الخ

المهم شد حيلك و بيض ويهي < < شدخلك

بلاك بيرسيرك ...
الله يسلمك انت في الاجازة مكروف فلا تسوي روحك فله وتعزم الناس على الفاضي

[Black_Berserker]

بلاك بيرسيرك ...
الله يسلمك انت في الاجازة مكروف فلا تسوي روحك فله وتعزم الناس على الفاضي

صدقني لو حصلت واحد يفركن معاي ثيرد سترايك راح أنسحب من الصيفي وما راح أروح رحلة اليابان ....المهم أحصل فريك ثاني


طلعنا كثير عن الموضوع وقلبناها جات في موضوع الجات في المجلس ندردرش هناك أحسن!!

ومره ثانيه مبروك سنيك

[Snake-87]

يا خسكم لما تتكلمون عن الإنجازات و الأِشياء الي شفتوها و سويتها عشان تشفع للكفائة

و طبعا ً مو القصد الطعن في كفائة حمود = سنيك 87 أو إعطائه حق ما يستحق

لا أبد منو يقول ؟ شعقبه ؟

مبروك بالاول P:

اهلا وسهلا -_-"
لما واحد يقول انك مو كفو وما تشوف انيمي .. شتقول له ؟ خصوصا بوعزعز يعني اعرفه عدل

المهم شد حيلك و بيض ويهي < < شدخلك

همم .. لو تغير بس الصورة الرمزية الي عفنت عندك تصير بخير . لا و 150*150 الحين ماكو xD

والله يبارك فيك إلي فوقي ^^

[Angel Tears]

السلام عليكم ورحمه الله وبركاته..

الصراحه ما ادري كيف الواحد يصبح ويمسي في ذي الاختبارات المعفنه

بس توني شفت الخبر وموجود تحت اسمك.. من جد شيء يرفع الراس.. وتستاهل كل خير يا اخوي..

وان شاء الله تكون قد المسؤوليه وزود..وما نشوف منك الا كل خير وتقدم للقسم.. ..

وبمساعدتك لاخونا المحترم احمد-كي بي.. وبصراحه يد وحده ما تصفق.. وان شاء الله بالتعاون من الطرفين .. تكون احسن من الاحسن يلي كانت عليه..

وان شاء الله بشاره خير.. وعلى العموم مبروك على القسم وعلى قسم ميتل جيرل... بمراقبتك..

والف الف مبروك.. وعقبال المنتدى العام والسياسه والالعاب كلها.. ..

وفي الختااااااااام السلاااااااااام

[silver diamond]

السلام عليكم ورحمة الله وبركاته D:

مبروك يا غلام على الاشراف :P


والقدره على الاشراف ليست بالكمية بال بالقدرة والعقل

وكثرة التواجد فالمنتدى

المشرف ليس بالنقاش فالانميات والمانجات, ولكن المشرف بتطبيق القوانين ^_~



فالنهايه سلام ومبروك مره اخرى ^,^