هل اسم المرأة .. " عورة " ؟

[فارس المجد]

عادة غير جيدة وهي بشكل عام موجودة في دول الخليج

[DE6M6O6N]

السلام عليكم

ذكر اسماء المحارم ما فيه شي بس الخوف من الغرباء او الخصوم لانهم اذا عرفوا اسم اخت فلان بيستخدمونه بطريقة خاطئة ويدمرون شرف عائلة عشان كذا الواحد خايف على محارمه فمهما وصلنا الى اعلى درجة من الامان بيظل الخوف محتل جزء صغير من قلوبنا و عقولنا ولا ننسى الوسواس

[لؤلؤة الإيمان]

بالعكس أسم الأم أو الأخت يعتبر فخر... والرسول صلى الله عليه وسلم كان يفتخر بزوجاته وبناته
وحتى أيام الجاهلية العقلاء منهم والشعراء... كانوا يفتخرون بما يحبون
فانظر لعنترة ابن شداد كان يفتخر بــ ( عبله ) وينشد في القصائد
وانظر إلى أمرؤ القيس كان يفتخر بــ ( ليلى ) وينشد فيها القصائد

بس تصحيح أخوي إنهم (أهل عبلة وأهل ليلى) ما رضوا تزويج بناتهم لمن يحبونهم ، لأنهم ذكروهم في شعرهم
يعني هي عادة قبلية فعلاً
وهذي قصة حصلت بين أخوي وصديقه بدوي (مو قصدي شي بهالكلمة) الذي حصل:
كانوا قاعدين يتكلموا فدار فيهم الحديث وجابوا سيرة أمهاتهم المهم أخوي قال له عن اسم أمي، بس صديقه مارضي يقول له، بس خبره إن أمه حامل، فقام أخوي قال له: طيب خليها تروح لعند أمي (دكتورة نساء) راح البدوي قال له: أها علشان تعرف اسم أمي مو كذا ؟؟؟
أنا ما أشوف إنه ما في عيب ذكر اسم المرأة وإيش التلفيق يلي رح يصي إذا عرف الاسم؟؟؟

[فارس المجد]

خخخخخخخخخخخخخخخ قصة مضحكة !

[L SCAR]

القصة مو شغلة عورة أو عيب
في ناس تغار على ازواجها وامهاتهم وخواتها
في الرد 33 انا احترمت قرار الشخص الذي ما رضي يذكر اسم امه مع ان صديقه ذكره فهذا يدل على غيرته وشهامة اصله.
ومن غير المعقول الشخص مثلاُ يذكر أسماء بنات اهله من دون حياء في أماكن عامة أو بين الأصدقاء.

[آخـــــرحبيــب]

الســلام عليكم ورحمة اللــه وبركــاته
واللـــه اذا الواحد قال اسم
اخته او امــه
عــــــــــــــــــــــــــــادي جدا
لان ماهي حرام
والرســول ذكر اسامي زوجاته وبناتــه
وهذا قدوتـــنا فماشوف ان فيها عيب
احنا بهالزمن نقول عيب لان خايفين الناس تستهزئ باسامي
اهلنــا هذا التفكيــر تفكيــر واحد مريــض
الواحد منــا يفتخر باهله
وباسمـــاءهم
وهذا راي وشكرا جزيلا

[ahmad86]

يذكرني بحلقة لطاش ما طاش

هههههههههههههههههههه

[Word Life]

صحيح هي مسألة عادات و تقاليد ..

بس الغريب بالأمر انه اغلب اللي تكلموا هنا و عارضوا هالعاده لو سألتهم هالسؤال"وش اسم اختك؟" ما اتوقع يكون فيه إجابه ..


انا عن نفسي ما احب أذكره يمكن منعا للإحراج ..

و فيه منطلق ثاني .. الواحد لو عرف اسم بنت بيزيد تفكيره فيها صح ولا لا ؟..


كمثال يعني ..

واحد < مو انا.. طالع بالسوق و شاف وحده أعجبته و سمع اللي معها ينادونها بإسمها اكيد بيتعلق فيها أكثر من إذا ما سمع الإسم ..

و نفس الشي لو انا قلت لشخص من الأشخاص اسم اختي يمكن لا قدر الله يصير فيه تفكير من تحت لتحت .. صحيح الحين بتقولون هذي وش يبي بس المسأله مسأله خوف من الإحراج بس ..


و بعد عن البنات اللي ردوا قبل شوي تكلموا عن ظلم المرأة و عدم مساواتها مع الرجل بالأسماء


طيب يا أختي بترضين مثلا اني ادخل بالمنتدى و اناديك بإسمك قدام كل الأعضاء لو على كذا الله يقويكم لأني ما قد شفت أحد يسويها و حتى من بنات غير خليجيات على عكس ما يقول اخوي ديك .. و اللي راضية تعطيني خبر عشان اساويها مع الرجال و ما اظلمها .. لأن الظلم ما يصح ولا ؟

هممم و عندي نقطه ابي اضيفها ..

بعض اسامي البنات بتفكير البعض تكون هممم كيف اقولها .. يعني فيه بعض الناس يتصورون شكل البنت من اسمها فلو اسمها حلو اكيد بيروح تفكيره على انها جميله و على العكس .. و هذا خطأ بالطبع بس هذا الشي موجود عند البعض ..

[or3]

حتى الملك عبد العزيز كان يفخر بأخته موضي ولا أذكر يمكن كمان عنده أخت اسمها نورة
لكن أنا لا أقول الاسم أمام السعوديين بس لأنهم رح يجننوني أما غيرهم عادي

صدق والله السعوديين فضيحه


وانا واحد منهم


من يذكر طاش مطاش


ولد نوره


هههههههههههه

[MadlucK]

عاده قبليه ..... ولازم نحترمها .... انا من الناس الي ما اذكر اسم اختي او امي امام الناس واعتقد كل الي تكلم وقال من التفاخر والخ ما يذكر اسمه اهله قدام الناس ....

لوول ذكرتوني كان في مؤتمر في روما قبل 87 سنه اعتقد .. كان المؤتمر عن المراه ( لتحديد هل هي انسان ولا لا ) ... لا تخافون طلعت انسان مثل الرجل

[سامي.خ]

عادة سيئة وهي تدل على التخلف الجاهلي العبيط
الرسول صلى الله عليه وسلم كان يفخر بأسماء بناته وزوجاته
وكمان زي ما قال الأخ ديك المجد أن الملك عبدالعزيزي رحمه الله كان يفخر بإسم أخته
ولو تدققون في هذي العادة تلاقون أنها مأخوذة من الجاهلية، حيث كانوا يحتقرون الأنثى ولا تساوي عندهم شيء إلا للمتعة بس، و بنات الرجل كان عندهم أن الرجل عار يجيب بنات، وأكبر دليل هو أن فيه الجاهلية كان الرجل إذا جاته بنت يدفنها في التراب عشان يخفي فضيحته ،عشان كذا يحتفظ بإسماءهم عشان محد يعرف أن عنده بنات
هذا الشيء محد يدري عنه وكثير يطن أن اسم المرأة عورة للعادات والتقاليد بس، ولا أحد يعرف الحقيقة
الله لا يبتلينا من هذي العادة الجاهلية

[SNIPER007]

يالله ياحلوين

كل واحد يعلمني بأسم اخته

ههههههههههههه

[Word Life]

يالله ياحلوين

كل واحد يعلمني بأسم اخته

ههههههههههههه

..

كلهم كلام خل عنك ..

[سامي.خ]

يالله ياحلوين

كل واحد يعلمني بأسم اخته

ههههههههههههه

..

كلهم كلام خل عنك ..

أنا إذا بقول إسم أختي بقوله لواحد محترم مو أقوله لناس ضعاف النفوس يستغلون هذي العادات والخرافات البدوية الجاهلية

[Word Life]

أنا إذا بقول إسم أختي بقوله لواحد محترم مو أقوله لناس ضعاف النفوس يستغلون هذي العادات والخرافات البدوية الجاهلية

طيب اخوي هل تقصد بردك اني مو محترم ؟

إذا جوابك لا ..

يالله قولي اسم اختك