أول ما شفت فاينال...

[wescker]

Sneak X..... تسلم يدينك...

[HArb200]

كتب العضو (Tidus)
في يوم من الايام كان في ورع صغير اسمه Tidus ......كان قعد يقرى جريدة

الراي العام يوم الجمعه .....الجريده هذي في كل يوم جمعه تنشر مقال عن

العاب الكمبيوتر .....و مشاري ..قصدي Tidus قرى هالمقال بس في

جملتين شدن انتباهه (Metal gear جعلت البلاي ستيشن في القمه .......

وعشاق العاب الRPG ينتظرون بفارغ الصبر FINAL FANTASY8 بعد النجاح

الذي حققه الجزء السابق ) وفي هاللحظه Tidus انصكم و قال لنفسه :

شنوا يعني العاب الRPG ......مع العلم ان ما كان عنده بلاي ستيشن

وقتها اساسا .....و بنهاية السنه الدراسيه نجح Tidus و طلع الاول على

الصف و راح ابوه شراله البلاي ستيشن مو عشانه نجح لا ....عشان يفتك

من لجته و صجته ....و بعد مده تطور مستوى Tidus بالالعاب و راح يشتري

final fantasyو كان ماخذ معاه دينارين و لما وصل للمحل انصدم ان ff

طلع اربع ديسكات و كان لازم يجيب معاه 4 دنانير ...رضى Tidus بالامر

الواقع و شرى metal gear .... وبعد مده وصى واحد من اخوانه الكبار

انه بطريقه و هو رايح السوق يشتريله ff.....و ما قصر اخوه راح و جابله

الديسك الي يبيه ...و راح Tidus يبي يلعب الديسك و شاف المشهد

الاول و انبهر من قوة المشهد و حلاته .....بس المشكله انه لنا بدى اللعبه

اكتشف انها باللغه اليابانيه ....رضى Tidus بالامر الواقع ووصل بالعبه

و هو ما يدري شالطبخه و في يوم من الايام خربط في قائمة الادوات

و دش ميزة الجنكشن و لعب عليها لعب ......و لما بدت المعركه لاحظ ان

في بعض الخيارات زادة ولما اختار الخيار الزايد ....طلع وحش كبير من

نار و يطير بالسما و يضرب على الوحوش كره ناريه كبيره ............:واو:

وبعد المشهد الي شافه Tidus حلف و قال الا اشتري هالشريط نسخه

انجليزيه ..............................................و انتو تعرفون الباقي ................

توته توته خلصت الحتوته............

تايدوس
يامن شراله من حلاله عله.

[امرؤ القيس]

انا قصتي مع اللغبة قصة.
كنت قاعد اتفرج على المنتدى البلايستيشن وكنت اشوف ثلاث الارباع كلها مواضيع لفاينل فانتسي وكنت اكره العاب الار بي جي كرها باتا . الى ان جا يوم رحت عند ولد خالتي وشفت عندة فاينل فانتسي 8 واستلفته منه ولعبت فيها بس للاسف طلعت يابانية المهم قررت اني اخلصها الى ماجا مكان انحصرت فيه ماعرفت ايش اسوي حاولت اكثر من 5 ساعات بس للل سف ماقدرة طفشت من اللعبة ورميتها على جنب وقعدت العب ديفل ماي كراي الى ماخلصتها بعدين قلت خلنا نشتري فاينل فانتسي 9 انكليزي علشان ما انحكر زي مانحكرت في الثامن المهم جيت اللعب بالعبه طلعت حلوه مره لدرجة اني ماتركتها وكان هذا قبل يومين او ثلاث ايام ففي اليوم الى شريتها قعدت من الساعة 8 مساء الى 4 فجرا وخليت البلايستيشن تستريح ساعتين علشان اكمل ومن هذا اليوم وانا متمسك فيها مره .
هذي هي قصتي مع فاينل فانتسي .

[Tidus]

والله يا جماعه القصه الي كتبتها حقيقيه و مو من عقلي ......................

و في احداث حلوه صارت بس ما حبيت اذكرها عشان ما اطول عليكم .......

[Ibrahim]

أنا شفت فاينل فانتسي 7 عند واحد أعرفه بس كان يلعب في منطقة مملة (أذكر المنطقة عند الجسر) وقاعد يحرب وحوش و من دون فايدة
لما شفت اللعبة كذا و أربع دسكات حقدت علي Squaresoft و قعدت أقول أنها شركة تبغي فلوس بس.
والله أنا كنت أكره فاينل فانتسي كره شدييييييييييييييييييييد.
لدرجة إني كنت أتهاوش مع أي واحد يجيب سيرة هذي اللعبة.
هذا رأيي عن فاينل فانتسي ذيك الأيام.

وفي يوم من الأيام شريت مجلة فيها DEMO حق اللعبة
وصراحة الديمو عجبني
فقلت يله ياولد جرب اللعبة و إذا ما عجبتك أعطيها لواحد يدور عليها .
يوم شفت أن اللعبة قصة ولها معني.
أوووه تغير رأيي كلياً.
جلست علي اللعبة جلسة .والله اللعبة ماكانت تطلع من الجهاز

ليييين ماخلصتها.
وبعد ما خلصتها صرت أدور علي أي فاينل فانتسي موجود في السوق
وشريت كل أجزاء فاينل فانتسي من 5 إلي 9 و العاشر جاي علي الطريق.
و طبعاً صرت معرووف المحامي الشخصي عن فاينل فانتسي
بعد ما كنت أتهاوش مع أي واحد يجيبلي سيرتها

هذي هي قصتي مع فاينل فانتسي.

تحياتي للجميع
و كل عام وأنتم بخير

[ZAYERMA7]

أنا وراش وراش وين ما بتروحي








(ولا تردوا على السفيه فأن السفيه موضع الكلاب)





أتركوه يتكلم لخاله ولكأنه موجود

[wescker]

امرؤ القيس..... 5 ساعااات ؟:واو: ...طيب وشرايك في اللي يقولك قعد 5 أيام في مكان معرف وين يروح..؟ .........ومشكوور

DOOM LORD999...... وأنت بألف خير....ومشكووور على المشاركة

عاد الشباب اللي باقين مدري وش أقولهم..?:

[snorlax]

شكرا لموضوعك الحلو يا وسكر...

انا اول ما سمعت عنها كان في المدرسة اسمع اصدقائي يتكلمو عنها يقولو حلوة...
رحت اشتريها سالت الهندي الي في المحل قلتله حلوة؟؟؟

قال (هازا مغامرة قوية)
قلت طيب ...شريتها...ولمن رجعت البيت عجبني عرض البداية قلت لازم اخلصها
بعدين صدمت باسلوب القتال البااااارد لانها كان اول لعبة اربجي...
وكان يابانية يعني ما كنت فاهم شي....
ولمن نزلت النسخة الانجليزية صديقي غثني فيها وعلمني واخيرا عجبتني...

[wescker]

snorlax...... وهذا ثاني واحد يقول موضوعك حلو..... أنته صديق مرة كويس..