مجلة المانجا العربية2

[orange road]

احلى..
لان المجلات اليابانية تكون مقسمة..
تلقى منها حق الصغار، وحق الشباب، وحق البنات..
بصراحة آنا احب مجلات البنات اكثر (يسمونها shojo manga) وهذي عشقي..
بس ممكن بعد تكون المجلة جامعة الثنين، يعني حق البنات والاولاد، لان تلقى بنات يحبون قصص الاكشن واولاد يحبون قصص ال shojo.
المهم نحدد الفئة اللي بتججه لها المجلة..
يعني بتكون للأطفال (وذي اللي ما ابيه) او للمراهقين (ممكن نوافق) او للشباب (وهذي اختياري)..

[Ranma Saotome]

كالعاده أفكرك يادختور شاهين حلوه
لكن ماتعتقد أن هاذي يبي له وقت أكثر ودعم مادي أكثر وجهد أكبر
عادة المجلات تصدر أول شي ( ستاندر) وبعدين تتم الإضافات عليها و المجلات الملحقه بها
عندي سؤال?:
شنو الفرق في المواضيع بين المانجا للبنات والمانجا للصبيان؟
المهم مجلة المانجا العربيه تكون شبابيه

[orange road]

كلام رانما صح

[Rewayah]

شاهين, ما فهمت عليك ؟!
تقصد دار النشر تنتج مجلتين في نفس الوقت وتحت نفس الأسم يصدران معاً ؟
واحدة موجهه للبنات وواحدة للأولاد ؟

لماذا ؟ هل في بالك نظرة معينة ؟
أرجوك فسر لنا ؟!

بس أنا أشوف لو يتم إنتاجها في عدد واحد يكون أحلى... ولا مادري...
لأنه في ذلك سيكون في تمايز بين القصص, وبنكسر بذلك روتينية الأفكار !!

[shaheen]

خلاص يا رواية انت جاوبت على سؤالي ههههههههه

انزين..
عندي سؤال ثاني.. واللي ما جاوب على اسئلتي القديمة ممكن يجاوب في اي وقت...

.. سؤالي:

هل ترون ان الرسامين والرسامات (نحن) قادرون على انتاج قصص مانجا ذات مستوى جيد ومن جميع النواحي الفنية من خطوط وألوان وتناسق.. الخ؟

مجرد سؤال

[orange road]

اخ شاهين..
اعتقد ان مب من البداية بتطلع القصص تحف فنية، لان اغلبنا ما عنده خبرة ..
لكن انت مثلا عندك خبرة.. ممكن تفيدنا..
بس البدايات دايما تكون متواضعة وبعدين تكبر..
يعني جفنا قصصك واعتقد ان مستواها زين..
وقصص فطوم وقصصي مستواها بعد اوكي..
بس صراحة ما ادري عن الباقي لان محد شارك بقصص.. فاللي حاط في باله انه يحب يشارك في المجلة ليش ما يحط لنا نماذج من قصصه لو كم من صفحة بس علشان نحكم على مستواه..

[Ranma Saotome]

مع هالفن المتدفق في فنانين المنتدى أعتقد أنه ممكن
لكن تدري مثل ماقالت orange road مب من أول شي بتكون تحفه
تقدر تحط في كلمة البدايه في أول عدد أو كلمه بسيطه كل عدد توضح فيها أن القائمين على المجله مجرد شباب موهوبين محتاجين الدعم

[fatoom]

مو شرط يكونون أعضاء المجله كلهم رسامين بس ...
لأن في مؤلفين ...و أصحاب أفكار جهنميه ...
فهمتو قصدي ...
?:
ولا كلام مبهم ؟

[Rewayah]

نسبياً... نعم شاهين !!
مقارنةً بما هو موجود حالياً بأسواقنا أو الوسط الإعلامي, ما رأيناه بالمنتدى يفوقه بكثير -_^ !!
إبداعات الأعضاء جيدة بل ممتازة !!

[shaheen]

نعم... ما اراه شئ يبشر بكثير من الخير يا رواية
وكما قالت خلود لنرى رسومات بعض في رسم القصص..

واحنا فاهمين عليج يا خلود (لان تفكيرنا متشابه ههههه)

[عنيد]

والله افكاركم حلوه وايد وماعليها قصور ..........

ان عندي فكره بس علشان التنويع وتكون فيه مجلتنا مختلفه عن باقي المجلات وتكون اول مجله عربيه تسلك هذا الخط ......
الفكره :?:


اتكون من ضمن ابواب او من ضمن القصص
اتكون فيه قصه او باب يكون بالغه الانجليزيه بحيث انه يكون هذا الباب او القصه تشابه او انها اتكون مطوره الى طريقة رسوم المانجا اليابانيه وتكون بالابيض والاسود يعني التاثيرات اتكون بزبتون >>>>>مو بلبتون
لاني لاحظة انه الكثير منكم او من محبيا مجلات المانجا يحبونها بالطريقه اليابانيه ههه هههههههههههه ههه
وليش ايكون في باب بالغه الانجليزيه >>>>>علشان نضمن اقبال الشباب العربي الي متعود على المانجا الاجنبي
وهذي فكرتي وابي اشوف التعليق على الباب الي بالغه الانجليزيه

[orange road]

بصراحة ما اشجع الجانب الانجليزي..
لاني اعتز بلغتنا العربية.. وما في داعي نسوي قسم انجليزي حق اللي متعودين على المانجا باللغة الانجليزية، لانهم مثل ما تعودوا عليها بالانجليزي.. بيتعودون عليها بالعربي في المجلة...
وهذي رايي يا عنيد.. وآسفة اذا ما اتفقت معاك

[عنيد]

انا احيا فيكي روح الاعتزاز بالغه العربيه بس اتعرفين انه معضم الشباب قاعدين يتجهون الى المجلات الاجنبيه بانواعها علشان انهم يفكرون انه المجلات الاجنبيه دائما الافضل انا اهني مو القصد انه نتخلا عن لغتنا بس علشان انه اي اجنبي ممكن ايضا يشتري المجله مو بس العرب الي راح يشترون المجله وانا اقصد انه بس اتكون قصه او باب صغير يكون بالغه الانجليزيه مو المجله كلها ...........
والاختلاف في الرأي لايفسد للود قضيه

[orange road]

اعتقد ان قسم صغير من المجلة باللغة الانجليزية ما بيدفع الاجانب انهم يشترون المجلة، لانه قسم صغير مثل ما تقول..
ممكن بعدين لما تكبر المجلة نسوي منها نسخة باللغة الانجليزية..
والاقبال على المجلة من البداية مابيكون كبير.. وهذي شي متوقع.. بس بعدين لما ننعرف بننشهر.. واللي يقرون المجلات الاجنبية بيعرفون ان مستوانا مقارب لهم (انشاءالله)..
ومثل ما قلت يا اخ عنيد..
الاختلاف لا يفسد للود قضية..

[shaheen]

استاذ عنيد...
فكرة لا بأس بها.. لكني اراها خارجة عن الموضع الاساسي قليلا