ترا مايصير انك تنتقد جزء صغير جدا من كلامي اوكي حبيبي اجنت ...
اقتباس:
خلاص يصير حق على الدوله تبني لهم كنائس
عجيب ! , حق علينا ان نعينهم على كفرهم >>>انا ذكرت ليش يصير حق على الدوله ... لانه الدوله ملزومه ... خالي لولا اصحاب الكنائس كان انت ما عندك كمبيوتر ... ولازم نعاصر الدنيا نكتسب بخبرتهم ونستفيد منهم ونمشي امورنا ... ولا لولا الي سوو الرؤساء كان الحين فوق التخلف الي احنا نعيشه كان احنا ولا شي ... الاسلام قبل ترا استفاد من علوم الغير وطورها واستفاد منها ... واحنا نبي نسوي جذي ومع هذا نلقى اشخاص ما عندهم شغل بس يدورون سوالف ... ياخي انت خايف على المسلمين لا يغيرون دينهم ... احنا مسلمين ومستحيل مسلم يغير دينه مستحيل احنا نحمد ربنا الله خلقنا بارض الاسلام واهدانا ...
اكيد نستعين باصحاب الكنائس واهم احسن من الي يعبدون النار والبقر والاصنام
كفر احسن من كفر ؟! كيف هذا ؟!>>> ياخوي الاسلام حللك انك تاكل من ايد مسيحي وانه يشاركك باكلك ,الي اهم اصحاب دياناة السماويه ... وحرم انك تاكل من ايدين الي يعبدون الاصنام وغيرهم وانك تشاركهم ... اتمنى انك تستخلص من هذي الجزئيه اشياء كثير اوكي
اقتباس:
يعني الشيخ زايد الله يرحمه شفتوا شلون سنع وطور الامارات بفضله اهو وبفكره وحكمته
الحين انا اقولك قال الله وقال الرسول , وتقولي الشيخ زايد "رحمه الله" سنع و طور ! >>> انت تظن اني افظل الشيخ زايد على الله عز وجل والنبي عليه الصلاة السلام؟؟؟ انت ظنك سيئ ...ولا في احسن من الله ورسوله؟؟؟
في مره سعيد وعيد صعدوا فوق شجره ...نزل سعيد منو ظل ؟؟؟ عيد(الجواب)>>>وراح اظل اعيد ... ياجماعه خلوني اقتنع باقتباسكم... ابي اقتنع ... الاخ اجنت انت البحث الي حاطه مو رد عن هذا الموضوع نفسه انت لازم تقيس الامور من جميع الزوايا ... ومافي حديث عن الرسول صلى الله عليه وسلم عن بناء الكنائس ... احنا في بلدنا الالوف هؤلاء اهم يتاثرون فينا مو احنا نتاثر فيهم ... اهم عندنا واحنا مسؤولين عليهم ... احنا الي جبناهم يا جماعه هم ماجو بروحهم من برا وهم ماجو علشان يحتلون بلدنا ويغيرون دين الاسلام ... اهم اصلا ايمانهم ضعيف
