•·.·°¯`·.·• هيئة الأمر بالمعروف والنهي عن المنكر •·.·°¯`·.·•

[أنــفــاسـ]

يسلط الأضواء عليهم بطريقة جميلة

مو يطلعون الفضايح

من ستر مسلما في الدنيا ستره الله يوم القيامة

والله ما ذبح مجتمعنا إلا هالكلام ... ياخي الستر يكون على شخص مسكين او حرمه
اما نستر على جهاز كامل يعتبر من ظمن الحكومه .. فمصيبه هذي .!
...

تدري يالطيب انه فئه كبيره من رجال الحسبه كانو صيع او خريجين سجون بعدين التزمو
يعني اغلبهم يفتقر للادب والمعامله الحسنه والتخاطب مع الناس
وانا ماني ضد وجود الهيئه بس مو اي شخص يدخل الهيئه المفروض فيه دورات ومقابلات شخصيه
عشان يتأكدون انه قد المسئوليه ... لانه يعتبر واجهة الدين خصوصا للاجانب اللي يجون السعوديه
يا اخوان ترا الدين المعامله

وطيب قولي عن قصة او قضية او فضيحة للهيئة
وجبلي دليل انها حقيقية!

بقولك سالفه بسيطه صارت لي مع الهيئه
كنت قبل مده طويله اشتغل في شركه كبيره في الرياض ومعروفه ويجونها زباين من كل الفئات
وكان وقتها شعري شوي طويل ( بس ما كان قزع )
المهم
مسكني رجل الهيئه.!
قالي عطني جوالك ..!! ( قسم بالله سخافه يلمس جوالي .. والحمدلله جوالي ما استخدم فيه اشياء وسخه )
طبعا اعطيته الجوال .. لاني لو قلت لا ..اوهايطت تعرفون وش بيصير وفي الاخير اطلع انا الغلطان .!
بس ما عرفت يستخدم جهازي لانه نوعية ( I-mate ) .. فرجه لي اول ما شافه ... وادري ما رجعه لله
بس لانه شافه وعرف انه ما راح يعرف له ..
المهم قالي جمله ... بلمت زي كذا
وما عرفت وش اقول والله وقتها
قال ( لازم تحلق شعرك .... انت كذا فتنه على النساء )
انا ما زلت كذا
عاد والله وانتم ما حلفتوني ... انا وين والغزل وين
الغزل في الشرق وانا في الغرب
يعني مانيب حق هالحركات

قلت بس اليوم رحنا فيها صفر

المهم قال بكره اشوفك محلق
وبعدها ما شافني لان ما صرت احتك في نفس المكان اللي يجونه وشغلي ما كان مع العملاء

يعني والله سخافيه يجي واحد ياخذ جوالك وانت واقف ويقعد يفتش فيه ... وربي قمة سخافه
او يقعد يقولك لازم تحلق ... او ليش طويل شعرك ( انا معكم اذا كانت القصات غريبه .. بس عاديه لا )
اعرف شباب مسكوهم الهيئه وختهم يحلقون صفر ! .. سلاامااات وينا فيه .!

ياخي رح كلم الحريم اللي كاشفات وجيهم .... ياخي رح كلم اللي مسبلين ثيابهم

اصلن المفروض هالاشياء مالهم دخل فيها .. واذا بينصحون ينصحون وبأسلوب وبس


طبعا هذا موقف بسيط صار لي معهم وحبيت اقوله


طبعا ما راح انسخ والصق المواضيع اللي في رجال الحسبه لانكم اخبر فيها


وزي ما قلت قبل انا ماني ضد رجال الحسبه بلعكس الله يجزاهم خير
ياما مسكوا مصانع خمور وبيوت دعاره
بس المفروض اي شخص يدخل الهيئه ما يتم قبوله إلا بعد دورات وتدريبات والتأكد من اسلوبه للامر بالمعروف والنهي عن المنكر


طبعا ما صوت لاني ماني ضد الهيئه وكمان ماني ضد التغاضي عن اخطائهم واعتبارهم ملائكه ولا يستحقون العقاب او التدريب للارتقاء باسلوبهم


بالتوفيق


تحيااااااااااااتي

[brinsees]

يا اخي العزيز انفاسـ ..

هم لا يأخذون بالنص على الاقدام بالمعروف والنهي عن المنكر .. المسألة عندهم عناد .. يا تسوي اللي نقولك عليه يا مايصير فيك طيب ..

واتحمل مايجيك .. تنضرب تلّعن تتجرجر قدام الله وخلقه مافي مشكلة .. المهم انك كيف كسرت كلمتهم ؟

يازين الواحد لا جاني مبتسم وبالنصيحة .. اقسم بلله اقبّل رأسه واشد على ازره بالحفاظ على هذه المعاملة الحسنة

افعالهم غليظة تجعل من عامة الناس النفور منهم .

[O.Almazroo3y]

سعود الحارثي– الطائف
اتهم المواطن محمد الحارثي عضوين من هيئة الامر بالمعروف والنهي عن المنكر بالطائف بصدم سيارته عمدا في احد شوارع الطائف واتهامه بتهم غير لائقة وتعطيله عن حضور مناسبة اجتماعية كان يود الذهاب اليها في مكة المكرمة , وقال الحارثي ان رجلي الهيئة صدما سيارته عمدا ثم فتشاه وزميله بالقوه بعدها حضر احد رجال المرور الذين كانوا قريبين من موقع الحادث وقرر خطا سيارة الهيئة بنسبة 100% وحضر ضابط خفر الميدان وقرر ايضا خطأ سيارة الهيئة 100% وعندما ذهبنا الى مركز المرور لاعداد التقرير ( رفض العضوان الذهاب معنا واكتفيا بتسليم اثباتهما لضابط الميدان واستمررنا في انتظارهما حتى ساعات متأخرة من الليل ولم يحضرا ) فطلبت تحويل القضية للشرطة بتهمة الاعتداء وساطالب بتحويلها الى الشرع لاخذ حقي . وعلمت "عكاظ" ان سيارة الهيئة كانت متسببه في الحادث بنسبة 100% وان العضوين رفضا الحضور لمقر الهيئة بعد طلبهما والاتصال عليهما من ضابط خفر المرور.

لو سمحت اخوي ممكن تعطينا المصدر؟

والله ما ذبح مجتمعنا إلا هالكلام ... ياخي الستر يكون على شخص مسكين او حرمه
اما نستر على جهاز كامل يعتبر من ظمن الحكومه .. فمصيبه هذي .!

طيب نبي تحسن وضع الجهاز في طريقة تحسين اخرى من تقعد تشهر فيهم في كل مكان

انتقد لكن في حدود الأدب الصحافة المحلية اذا شافوا خبر اعن الهيئة كبروه بشكل غير طبيعي

صحيح ان الهيئة فيهم شدة شوي لكن شوف انا اتكلم على مدينة الدمام

مدينة الدمام بدأ الوضع يتحسن بشكل كبير

اما المدن الآخرى لا اعلم

لكن بإذن الله الوضع في تحسن...

وكان وقتها شعري شوي طويل ( بس ما كان قزع )
المهم
مسكني رجل الهيئه.!
قالي عطني جوالك ..!! ( قسم بالله سخافه يلمس جوالي .. والحمدلله جوالي ما استخدم فيه اشياء وسخه )
طبعا اعطيته الجوال .. لاني لو قلت لا ..اوهايطت تعرفون وش بيصير وفي الاخير اطلع انا الغلطان .!
بس ما عرفت يستخدم جهازي لانه نوعية ( I-mate ) .. فرجه لي اول ما شافه ... وادري ما رجعه لله
بس لانه شافه وعرف انه ما راح يعرف له ..
المهم قالي جمله ... بلمت زي كذا
وما عرفت وش اقول والله وقتها
قال ( لازم تحلق شعرك .... انت كذا فتنه على النساء )
انا ما زلت كذا
عاد والله وانتم ما حلفتوني ... انا وين والغزل وين
الغزل في الشرق وانا في الغرب
يعني مانيب حق هالحركات

قلت بس اليوم رحنا فيها صفر

المهم قال بكره اشوفك محلق

طيب شعرك طويل صح ؟ انت قلتها بنفسك!

يمكن انت في نظرك عادي

بس في نظر غيرك لا

[| XBOX |]

صراحة ياليت ما نزلت الموضوع و لا التصويت...!


كلنا نعرف أن هيئة الأمر بالنعروف و النهي عن المنكر صادقة خالصة في عملها فلماذا التشكيك في طرح

موضوع و تصويت تشكر على المجهود اللي بذلته و إن شاء الله يمتلئ ميزان حسناتك بما فعلت...

[O.Almazroo3y]

الا الآن ولا زال في ناس مو مقتنعين بالهيئة

يحمد ربه انها تحمي اعراضهم

[مظلووووم]

مشكور موضوع رائع بس ان هيئة الانر بلمعروف ونهي عن المنكر عندهم ايجابيات وسلبيات
وسلبيات اذكرها:
1-قص الشعر لماذا
2- جيب جوالك افتشه بشوف وش الي داخله هاذي لقافه لو فيه صور اهلي ماذا يكون لا حول
3الضرب على الوجه ورسول حرم الضرب على الوجه
وغيرها.............................................
وشكرااااا
هل ؟تتؤيدوني

[brinsees]

الا الآن ولا زال في ناس مو مقتنعين بالهيئة

يحمد ربه انها تحمي اعراضهم

للمرة الثانية قلتلك ما ادري ماهي مصلحتي واستفادتي حتى اكذب عليك ..

وهذا المصدر http://www.okaz.com.sa/okaz/osf/2008...0726212399.htm


وامر آخر .. انا لا اعارض الهيئة ابداً .. بل اعتبره جهاز واجب على كل بلاد مسلمة .. لكن اتحدث عن سلبياتها وهمجيتها وكأنهم يرون صاحب المنكر اشرك بلله

تعال شوفهم في مكة وجدة وتبوك والطائف والرياض ... اما باقي المدن الله يعلم .. لكن اظن كلهم سواسية نظراً لهمجيتها بهذه المدن

اصبح الامر فظيع يا اخي .. تخيل معي سائح يأتينا من بلاد شقيقة مع اهله يريد ان يتنزه ويتنفس ونرى اهله كاشفين الوجه ومكياج .. نظراً لانهم متعودين على بلادهم المنتمين اليها

وجات الهيئة فاردة عضلاتها عليه وتجمهر عامة الناس عليه ويأمره بستر اهله والا يصبح الامر مالا يحمد عقباه

تتوقع السائح هذا بيجيك مرة ثانية للسعودية ؟ .. هذا اذا مالعنها ولعن اهلها ( استغفر الله العظيم )

يا اخي اسلوبهم عناد .. تهديد .. القوة .. المشادات .. لا يريدون كسر كلمتهم

قلتلك سابقاً .. لو انهم استخدموا اللين واليسر والنصيحة .. والله تجد الجميع يكن لهم الاحترام والتقدير ويفرضون اوامر الهيئة على اهله

وانا اكلمك من واقع الآن .. والله الى الآن لم ارى في حياتي افراد هيئة يأتون صاحب المنكر باللين واليسر او ان تجد شخصاً يتقبلهم .. اصبحت اشك بأنهم صحيح خريجي سجون .. وان كل واحد حاصل على مالايقل ( الابتدائية )

تفتيش جوالات رغم انه مُنِع هذا الامر ( لاحظ ممنوع التفتيش ومع هذا يفتشون ) .. الاعتراض على الاهل واثبات ما اذا كان هؤلاء اهلي .. المطاردة .. دخول الاسواق ولاحظ دخلتهم وكأنهم هم المسلمون فقط فاردين عضلاتهم يلتفتون يمنى ويسرى لعلهم يجدون ضالتهم ويفضح صاحب المنكر وتجمهر عامة الناس من حوله .. كله ترويع ورهبة

انا اعطيك قصة حدثت لولد عمي راح هو وحرمته للتنزه في منطقة بجدة اسمها ( خليج سلمان ) وهم قاعدين والا يجيهم جيب الهيئة .. سألوا ولد العم .. ( هذي حرمتك ؟ ) .. قالهم ايوا خير .. ( قالوله نبي نتأكد طيب ) .. قالهم كيف تتأكدون زوجتي هذي على ايش أأكدلك .. قالوله ( نبي ناخذك على جنب ونسألك وناخذها على جنب ونسألها ) .. قالهم والله اللي يقرب منها لا اجبّر يده ثاني يوم .. والا شوي طلعلهم بطاقة العمل وانه عسكري ومالها داعي مثل هذي التصرفات .. والله قالي انهم اخذوا بعضهم ومشيو

يعني عندك ( فيتامين واو ) تمشي حتى لو ماكانوا اهلك .

[Anisovic]

جميلة فيتامين واو هذه...
ههههه....

انا متابعكم من الاول لكن لم ارد التدخل لاني لا املك اي فكرة عن الهيئة عندكم
لكن اعتقد خلاصة القول
"أُدعو الى سبيل ربك بالحكمة و الموعظة الحسنة و جادلهم بالتي هي احسن"
المسالة كلها في اسلوبهم و فرضهم لاراءهم الخاصة باسلوب جاف لكن عموما ما كتب ولا واحد انه معارض لها من الاصل..
بالاضافه الى قلة التاهيل و التدريب على حسن معاملة الناس...
يعني كان لازم يكونوا هم افضل الناس اخلاقا و يكونوا هم القدوة....

انفاس.....خسارة لم تقابل ذلك الرجل ثانية...كانت الحكاية تكون نهايتها اجمل....
اتصورك اقرع....



UZUMAKI JAK اتمنى انك توصل النقاش هذا.... لما يتم.... لابيك بما انه في الهيئة كما تقول...حتى لا يكون نقاش لا جدوى منه...

[أنــفــاسـ]

طيب نبي تحسن وضع الجهاز في طريقة تحسين اخرى من تقعد تشهر فيهم في كل مكان

شوف المواطن ما بيده شيء إلا يقول وش اللي صار له
والصحافه ما بيدها شيء إلا اقلامهم
كذا تنتقل اصوات الشعب
لان احنا ما نقدر نحسن شيء لان كل شيء راجع للحكومه لانها هي من تقوم بالتحسين

بس بما انك تشوف انه خطأ الناس تتكلم في اخطأ الهيئه او الجرائد تكتب عن اخطأ الهيئه

ابي تذكرلي وش الاخرى هذي اللي تشوفها (

طريقة تحسين اخرى

)

انتقد لكن في حدود الأدب الصحافة المحلية اذا شافوا خبر اعن الهيئة كبروه بشكل غير طبيعي

انا ما شفت احد لعنهم او خرج عن حدود الادب .. الجرايد تنقل الخبر .. والخبر موثق عندهم
اما حدود الادب من جهه اخرى
هل تشوف ان شخص يقوم بأخذ جوالك وتفتيشه والتشكيك فيك من حدود الادب
انا يوم صار لي هالشيء ضايقني كثير ... بس ما راح اقدر اسوي شي

صحيح ان الهيئة فيهم شدة شوي لكن شوف انا اتكلم على مدينة الدمام
مدينة الدمام بدأ الوضع يتحسن بشكل كبير
اما المدن الآخرى لا اعلم

هذا انت تقول ان فيهم شده شوي ..مع انها موب شوي
وعلى فكره كم مره رحت الشرقيه ما لاحظت وجود هيئه
بس صدقني الرياض بالهبل الهيئه
بس هالفتره ما عاد صرت الاحظهم كثير زي قبل

لكن بإذن الله الوضع في تحسن...

يعني الوضع اللي قبل مو عاجبك
وان شاء الله زي ما تقول

طيب شعرك طويل صح ؟ انت قلتها بنفسك!

ايه صح وادري اني قلتها ... وقلت انه مو قزع .!

يمكن انت في نظرك عادي
بس في نظر غيرك لا

ويالطيب احنا ما نتكلم عن نظري ونظرك ..
احنا نتكلم عن دين

.....

واصلا بأي حق يقول حلق شعرك .!
قسم بالله سخافه
الحين تلقى واحد ثوبه يسحب ( مسبل ) .. ولا احد كلمه
و تلقى واحد حالق لحيته ولا يكلمه
بس لما يكون شعره طويل يمسكونه .!!

يعني شخص مسبل وحالق لحيته يمسكونه بس عشان شعره طويل .!




طبعا هذا الموضوع اللي اتكلم فيه بسيط جدا



بالتوفيق


تحيااااااااااتي

[O.Almazroo3y]

كتبت رد وانحذف للأسف

المهم

أنفاسـ

فهمت وجه نظرك

انه لازم الهيئة تحسن اسلوبها...

والحين الهيئة بدوا يعطونهم دورات في التعامل مع اللآخرين

وان شالله تثمر الدورات

والأسباب الي تحسن الوضع:

انك تتجاوب مع الهيئة لانك لو رفضت بيعتقدون انك شبهه

هذا الي عندي

واشكر الأعضاء على مشاركتنا في النقاش

وان شالله الرد ما يروووح ><

[أنــفــاسـ]

كتبت رد وانحذف للأسف

افضل لك واريح .. انك تنسخ ردك قبل تضيفه

والحين الهيئة بدوا يعطونهم دورات في التعامل مع اللآخرين
وان شالله تثمر الدورات

جديده علي ذي ... فيه مصدر لكلامك ؟

انك تتجاوب مع الهيئة لانك لو رفضت بيعتقدون انك شبهه

ما اشوفه حل او تحسين للوضع .. لان الاغلبه تتجاوب عشان ما يقعون في مشاكل مع الهيئه
وغصب تتجاوب معهم لان معروف وش بيصير مع اللي ما يتجاوب
بس صدقني هذا مو حل او تحسين للوضع .. لان التحسين المفروض يكون داخل الهيئه
وتعرف بأسلبوها وتعاملها كيف تتعامل مع الشعب


بالتوفيق


تحياااااااااتي

[O.Almazroo3y]

جديده علي ذي ... فيه مصدر لكلامك ؟

على كلام الوالد انهم عطوهم دورات وشفت بنفسي الـكتاب او المذكرة الي يسمونها

حقت الدورة

[Mr.alOne]

جزاكَ اللهُ خيراً ، ونفعَ بك ،

[k115]

جزآك ألله خير أخوي جآك قريت موضوع والردود
لكن عندنا يكبرون ويتصيدون اخطاء رجال الهيئه ولا يفعلون نفس الامر مع باقي اجهزة الدوله


بآرك آللــه فيـك,,

[HUMAED]

http://youtube.com/watch?v=E-byW_aMvQw
...