نقاش : البنات والفيديو جيمز !؟

[bader686]

مشكور فارس على الموضوع ..

بالنسبه لبنات العرب فماادري اذا مهتمين بالجيمز او لا .. لكن ببريطانيا مهتمين بشكل كبير البنات هناك .. اذ كنت تستخدم المايك في الالعاب بجوف في وايد بنات يلعبون خصوصا GTA4 مستحيل تدخل روم مافيه بنت ..
- هل لديك احد من خواتك او العائلة تهتم في الفيديو جيمز والى اي مدى ؟

انه عندي اختين اكبر مني ..وحده عندها بي اس بي و الثانيه تحب العاب الرعب و الالغاز مثل ريزدنت ايفل و سايلنت هيل . مدى اهتمامهم متوسط

[Yُazeed]

افظل جهاز لهم wii

- هل لديك احد من خواتك او العائلة تهتم في الفيديو جيمز والى اي مدى ؟
ماعندي خوات<<<مسكين

- هل انت من اللذين يساندون في تشجيع البنت على اللعب او العكس تسخر منهم ؟

شوي كذا وشوي كذا

[حـــلا]

وعليكم السلام والرحمه

موضوع نقاشي هادف .. ويستحق المشاركه

@_@ وليش الكل اقترح الوي بس يعني ما نقدر نلعب سوني 3؟؟

انا بنت و عندي سوني 3 و ووي و دي اس و بي اس بي =)
اكثر شي احبه العاب الاربيجي و الرعب و ميتل جير والي اكرهه gta و fbs بس

وملاحظه أغلبيه البنات الي اعرفهم مدمنين للجيمز بس من ورا الكواليس XD

هلاا يوكي حبيبة قلبي زمااان عنك ^.^
سبحان الله قلتي الكلام اللي كنت بقوله

ليش الكل صوت للوي ؟!
العابها سخيفه لوول .. كلها ماريو ومدري شنو
الحلو فيها زيلدا وفاتال فريم 4 ..بصراحه انصدمة من بعض الاعضاء

نعم ، و بشدة و بكل ما اوتيت من قوة

ههههههه لارا موتيني ضحك
حتى انا بعد .. والحمدلله اخواني ما يعيبون علي لما العب

لا حول ولا قوة الا بالله من بعض الردود !!

بالنسسبه لفاينال فانتاسي بكل انحاء العالم نسبة فانزها من البنات 40 % 100 !!
وهذي احصائيه قرأتها بأحدى المواقع قبل فتره ... لانها مو عنيفه وكلها بنات ^.^

اما بالنسبه لالعاب الفايت او السبورت والكارز ,, انا شخصياً كل اهتماماتي rpg ورعب
بس عادي البنات يلعبون باقي الانواع .. ما دامة لا تحتوي على لقطات مخله او مسيئه ..

بالنسبه لجهاز اللي اصوت له فهو
ps3 , Xbox360 , wii . ds .psp

ما في شي مخصص للاولاد
اذا عجبتني قصة اللعبه راح العبها بغض النظر
عن الجهاز اللي صدرة عليه .. بالنسبه لاسألت صاحب الموضوع

سؤال يطرح نفسه .. ليش البنات ما يهتمون في العاب الفيديو جيمز ؟

انا اهتم خيوو
واختي وبنت خالي وكم وحده بالايميل
اممممم عندي وحده من رفيجاتي عمرها 29
وتلعب من كان عمرها 7 سنين .. تصور انها مااره على كل اجزاء فاينال فانتسي
وتعرف كل الالعاب تقريباً .. مو عيب ان البنت تلعب .. العيب ان الولد يعيب عليها لما تلعب

لو لاحظت في المحلات تلقى بين كل 20 شاب يدخل .. تدخل بنتين تشتري لعبة معينة

هذي مشكله كبيره ومعقده بالنسبه لي @_@
والله استحي ادخل محلات فيديو غيمز وكلها شباب اذا بروح
اروح الصبح يكون فاضي ^_^ .. او اروح مع اخوي الكبير او ابوي ^.^

3- الدموية الزائده هل يعتبر عيب مثلا

يسيس ^^ .. انا ما اطيق الالعاب اللي فيها دم وعنف
فيلم فاينال فانتاسي 7 كومبليت كان عنيف ومقرف بعض الشي وهذا اللي ما عجبني فيه

- سؤال للبنات فقط .. من اي صنف من اللاعبين تندرجي ولماذا اخترتي هذا النوع من الألعاب ؟

ممممم بقولك شنو العب وانت احكم لاي صنف اندرج
الالعاب اللي مستحيل افوتها او افوت اي جزء لها هي :

Final Fantasy
Resident Evil
Fatal Frame
Tenchu
Forbidden Siren
parasite evil
clock tower
kingdoom hearts

هذيل التوب عندي ..وليش التوب ؟! : لانها تعجبني وقصصها حلوه وطريقة لعبها تناسبني
ولسبب ما دائماً العب سايلنت هيل مع انها لعبه مقرفه .. واقرف جزء هو الرابع يكفي الاوبينينغ
اللي فيه الغرفه كلها دم

طبعاً لعب العاب غيرها كثير
بس هذيل المهمين عندي .. ^.^

سوري ع الاطاله بالرد
وشكراً ع الموضوع .. موفق

[PremaFrost]

خوش موضوع بو فرسة اهو عموماً قليل تشوف بنات يلعبون فيديو جيم او يمكن وايد حتي لو لقيت اونلاين ماتتكلم يمكن خجل والخوف من رده فعل الشباب غيرها من الاسباب اليى ترجع للبنت نفسها عموما انا مع البنت بلعب الفيديو جيم لانها مو حكر على الشباب.
بنسبة للاسئلة انا عندي بنات خالتي يلعبون فيديو جيم عندهم جهاز وييييييييي
وانا اعرف وحده تلعب 360 ونلعب اونلاين مع بعض صداقة من ايام معهد انفو سنتر وماكو مشاكل كله على نوعيه البنت وذوقها

[Lara Croft]

رأيي ان البنت تقعد فبيتها وتهتم بنفسها وبدينها وتخلي عنها الالعاب لانها تدمير لتركيبة المخ

syria is the best
الله حاميك يا شام
سوريا الله حاميها
أنا أومن بسوريا

[evil-kusanagi]

ممكن لكن لا يمكن ان اتصور ان تلعب البنات العاب قتالية.
و الله مهزلة لو فازت جولة واحدة.
ان اؤيد الالعاب التي تناسب البنات التي لا تحتوي على مشاهد غير اخلاقية.

[Luna B.Noctis]

^
^
مثلك تماما في الالعاب اللي تناسب البنات التي لاتحتوي على المشاهد الغير اخلاقية

[Meow Amakura]

انا وحدة من محبين الفيديو جيمز ماعتبر نفسي " noob " فيهم ~ ^^
ليش الكل يعتقد ان نسبة البنات قليله مقارنة بالاولاد ؟ يعني لا تحكمون عليهم لو عرفتوا شي واحد من اهتماماتهم! و انا عن نفسي مافضل اي جهاز يكون بس للبنات .. في رايي يقدرون يلعبون بأي جهاز و اي لعبة بعد ~ سواء killzone او اي لعبة من نفس النوع

انا العابي المفضلة من نوع
Horror , RPG , Action , Adventure , Strategy
Strategy = Sims

واحب رزدنت ايفل و سايلنت هيل ~ و مرات العاب الـ First person shooter
Fatal Frame Series
Tenchu : Wrath of Heaven
Siren
Haunting Ground
Xenosaga
DDS = Digital Devil Saga

^^ ~

[KasiH]

فارس I like your thoughts

أسألة نقاشية ..
- هل لديك احد من خواتك او العائلة تهتم في الفيديو جيمز والى اي مدى ؟
- هل انت من اللذين يساندون في تشجيع البنت على اللعب او العكس تسخر منهم ؟
- سؤال للبنات فقط .. من اي صنف من اللاعبين تندرجي ولماذا اخترتي هذا النوع من الألعاب ؟

- اختي كانت مهتمة باللعاب الرعب فاتال فريم وسايلنت هيل وتحب تتفرج على عروض ميتل جير XD
لكن المشكلة لما تلعب رعب وتخاف تبطل تلعب وتوقف عند هذيك المرحلة -__-
من ناحية القرايب لقيتهم مشتريين Wii

- لا انا اشجعهم على اللعب لانهم لما يلعبوا يتعمقوا في اللعب والبنات الجيمرز اكثرهم هاردوكور ..

وعلى فكرة انا صوت للـ PSP و الـ DS لانه البنات يميلون للشيء المحمول والصغير
والاقل تعقيدا ..

[ShRsHr]

انا استغرب من الي يقولون البنات مايحبون الفيديو جيمز لان
الموضوع يرجع لشخص نفسه في شنو يقضي وقت فراغه واذا في بنات مايحبون الفيديو جيمز
هم في شباب مايحبون الفيديو جيمز الموضوع مو موضوع بنات وشباب الموضوع
يرجع لطبيعة الانسان وفي شنو اهتمامه بس يمكن اعداد شباب اكثر من البنات
والسبب ان البنات يحبون شغل الموضه وسوق وشغل الكشخه والميك اب اكثره من غيرها


وانا عن نفسي اشوف بنات شكثر يلعبون جيمز سواء ار بي جي او رعب
او العاب البي اس بي لان هل ايام هابين فيها
بس انا عندي سؤال ليش البنات يفضلون العاب رعب على غيرها من الالعاب شنو سر ؟

وبخصوص الاسأله انا الوحيد بالبيت العب فيديو جيمز
وطبعا اشجعهم ليش لا شدعوه مسويه شي غلط عشان اسخر منهم عادي

[meshale]

لووول ذكرتني ابسالفه مره كنت قاعد العب جيرز 2 public او فجأه كل اللي ذدي كانو بنات او هم فجأه صار غلط بالكونكشن او اطلعو كل اللي معاي او كانو اهم الهوست او كانو كاملين ( او اللي يلعبون جيرز اعرفون ان اذا مو الهوست عندنا راح اصير لاق ) المهم اول ما دخلت جان يطنزون علي او اسبوني لوووول ( بس ما قصرت فيهم لاتخافون ) المهم حطوني او شقوني شق مع اني جاهدت او كانو فشله بس شسوي اللاق ذبحني او الكثره تغلب الشجاعه تخيل او عقبها قلت حق الشباب او اول ما اسمعو بنات امتلا الروم لووول او دزيت لهم انفيت او طنشو

فا لا تظلمنا يا فارس هم اهم عليهم حركات

[Black_Berserker]

ممكن لكن لا يمكن ان اتصور ان تلعب البنات العاب قتالية.
و الله مهزلة لو فازت جولة واحدة.
ان اؤيد الالعاب التي تناسب البنات التي لا تحتوي على مشاهد غير اخلاقية.

لووووووووووووول

المشكلة إنها صارت حتى إنه Harmonaz وهو لاعب أكوما معروف في بريطانيا لما راح اليابان لعب مع صاحبة Myster وعلى ماظن خسر

هذا غير إنهم عاملين من فترة بطولة في ستريت فايتير 4 في أمريكا للبنات

عالعموم الشي الي مستغرب منه إنهم يلعبوا فاتال فريم ....صراحة هاللعبة صج إنها من أحسن الألعاب عندي بس تخلي الواحد ينقز من الخوف

[الفتاة المشاكسة]

السلام عليكم ....

interesting topic ...

بصراحه احس بإحباط لأن اغلب الاعضاء مصوتين للوي ...
المسأله مسألة ذوق قبل كل شي و ما في شي اسمه هذا جهاز بنات و هذا جهاز اولاد .. انا بنت و مع ذلك ما تعجبني العاب الوي ..

ان اؤيد الالعاب التي تناسب البنات التي لا تحتوي على مشاهد غير اخلاقية.

يعني لو ولد اللي يلعب ما في مشكلة ؟!!
اخوي المشاهد الغير اخلاقيه لا اولاد و لا بنات المفروض يشوفونها على كل حال ... هاذي المشاهد اهون بستين مرة من المسلسلات التركية الفاشلة اللي بنات الجامعه هابين فيها

- هل لديك احد من خواتك او العائلة تهتم في الفيديو جيمز والى اي مدى ؟

انا و اختي ..لكن انا اهتم اكثر منها و بعض صديقاتي

- هل انت من اللذين يساندون في تشجيع البنت على اللعب او العكس تسخر منهم ؟

مع ان السؤال مش موجه للبنات لكن للأولاد المزعجين في الاونلاين يا كثرهم انا قبل كان عندي ID و حطيته فتره في المنتدى لكن بسبب بعض الشباب اللي عقولهم اصغر من عقول النمل غيرت الـ ID و اخترت اسم ولد عشان ما حد يزعجني في الاونلاين ...

- سؤال للبنات فقط .. من اي صنف من اللاعبين تندرجي ولماذا اخترتي هذا النوع من الألعاب ؟

بين البين ..لا كاجوال و لا هاردكور
اما انواع الالعاب اللي احبها كثيره ..
و انا صغيره كنت احب العاب البلاتفورم و السيارات
حالياً امووووووووووووووت في شي اسمه stealth action ( ميتل جير , تينشو ,سبلنتر سيل ...... ويمكن ايجنت في المستقبل )
في الدرجه الثانيه احب العاب الـRPG والـ Action بكل أنواعه ..
و على آخر القائمه البلاتفورم و القتال
اما العاب الـFPS و كرة القدم اكره شي على قلبي

ســــــــــــــــــــلام

[Yuji]

ايه و نسيت لا اقول .. ماكو جهاز معين حق البنات اعتقد كل هذا يرجع حقو ذوقها و نوع الالعاب الي تلعبها

[yugi motoo]

الحين بس بعلق على اللي يقولوا إنهم يأيدون البنت تلعب بس مب ألعاب قتالية..
هممم أنا أتذكر أختي كفختني يوم كنت صغير @@".. مافيها شي لو البنت لعبت ألعاب قتالية،

واللي يقولوا البنت ما تلعب ألعاب فيها لقطات مخلة للآداب،
هالشي ينطبق علينا كلنا :@! يعني البنت ما تلعب تروح إنت تلعب يعني؟!
شالدعوة إنت عندك مناعة يعني؟! لا بالعكس الولد يجيه ضرر أكثر من البنت من هالمقاطع،

وبنات شدوا حيلكم أنا وياكم ! << كل عيلته بنات غصبن عنه xD

أنا أختي صراحة ما تحب تلعب ^^".. مع إنها حريفة @@"
يعني تلعب بس ناااادرا وتلعب لعب صح..

كانت تحب فاتال فريم بس كانت تخاف منه @@"
كنت أنا ألعبلها @@".. وكانت هي توقف عند السوني لا جا مقطع يخوف قفلته xD

بس بنت خالتي مدمنة ألعاب حرب ^^"
كمبيوترها كله ألعاب ماشالله وتكفخ بعد @@"