~> اســتــــراحــــة المـنـتـدى <~

[sweet Mio]

مرحبااا ..
مبروووك افتتاح القسم وقص شريط اول موضوع خخ ..

صرااحه كنت ادخل القسم اخااف واطلع >> قلت ياابنت مالج فيهاا اطلعي بس XD

مشكوور ايوب عالمووضوع وان شاء الله نستفيد من هالقسم ونستاانس بعد >> اهم شي XD
موفقين .. ^^

[shjoonal3in]

يا جماعة أحد عنده خبرة بتربية الكناري ...؟؟!!
شارية أمس طيرين .. و يا أنا خااااايفة أفتري فيهم ..
< وش لك فالبحر وأهواله!

..
طق طق ..أول اقتراح افتحوله الباب ... شرايكم نفتح قسم تربية كناري ! < برا خخخ

[layte]

السلام عليكم:

انا كنت مربي طيور من زمان وبكل انواعها كناري طيور الحب...
المهم الحقيقة هي وناسة لكن حذاري تطيريهم لانهم ماحيرجعو تاني ابدا ! مو زي الحمام _ احسن الطيور_

ان كان لديك ابن ماتخفين عليه.... لكن هل هذا الكناري الي عندك متعلم ؟ يعني يغني كثير وصوته جميل ؟

ان لم يكن كذالك لاتضعيه قريبا من الطيور البرية

سلاااااااااااااام

[shjoonal3in]

^

^

قاعدين متصنمين من أمس جابولي الهم أخاف يمرضون و آخذ فيهم إثم ..

وأنا اللي شاريتهم و على بالي بنام على صوتهم وبفتح عيوني على صوتهم .. ما فيه ! شكله مو متعلمين يغنون .. نفسهم قصير ومرة بكل عشر ساعات يطلعون صوت ...

يوم طلع الصبح كل الطيور برا تغرد .. فتحت الدريشة يمكن لا سمعوا الأصوات يتحمسون ..
ما فيه .. ساكتيين

طلعتهم البلكونة ألحين حطيتهم بقفصهم بالبلكونة ... الدنيا كلها تغرد .. و هم ساكتين .. وإذا طلع منهم صوت يطلع شي بسيط نفس وبس ..
كنه يقول وش هالحالة !

...

كسروا خاطري خلاص و كسرت خاطر نفسي وقسم عيني عليهم و أترجا فيهم ..
والله لو مو دافعة مبلغ غالي فيهم كان طيرتهم !


تذكرت المثل المصري .. اللي عندو إرش محيرو يشتري حمام و يطيرو !
عاد انا قرشي مو محيرني صراحة

إن شاء الله تكون مسألة وقت ..

[Iris]

شجون!

بالنسبه للكناري,
هو الذكر صوته حلو و قوي, لكن الانثى غالبا بس صوتها ",,صو ,,, ,, ,تشي,, ,",,, ,, ,
جربي لفتره تحطينهم بقفصين منفصلين, و بمكان هادي , و عند سماء,
و بخصوص الاعتناء, بما ان الشتاء جاي, افضل انك تعطينهم بيض مسلوق,
شويه من البيضه مو كلها, بالاسبوع مره ممكن,
و دايما المكان لازم يكون نظيف لهم,,, ,, , و الماء بعد يتبدل,
الغذاء لهم معروف عند محال الطيور و بالجمعيات, حبوب للكناري,
لاتعطينهم اشياء غريبه من الفواكه و الخضار,
ممكن تفاح خس خيار, يعني تغيير لهم فترات لانهم احس حرام طول الوقت بس حبوب,,, ,, ,,

و سلام عليكم,,, ,, ,

[shjoonal3in]

^

^

هيكاري .. هم اثنين ذكر وأنثى ..
ياحبني لهم والله .. لو أقرب منهم .. الأنثى تخاف وتلصق بالذكر أو تناقز بالقفص ويبلش الذكر .. اللي على طول واقف ما تتحرك فيه شعرة خخخ و ينغزني بعينه كنه يقولي وخري عنها ماني ناقص

..
بالنسبة للأكل ألحين حاطة لهم ماء و حب .. و البيضة بجربها لمن أروح البيت ..
هل يحبون يكونون داخل المنزل أكثر من برا .. ولا يحبون اطلعهم برا -بلكونة مثلاً- يشمون هوا ؟!

أنا لأني مو متعودة عليهم أحس إني مرتبكة معهم ..
وإن شاء الله أسوي اللي قلتيه ..^^

ومشكورة ع المساعدة ..

[ايوب الحسن]

هع .. ييبي عصايه وقوليلهم ان ماصفرتوا عدل ياويلكم ... وعطيهم مجبوس دياي / سمج .. هذيل عرفتي ههههه

وخلال شهر بتلقينه يصبح عليج جذي ... صبحج الله بالخير شجون؟ ههههههههههههههههههههههههههههههه

وفايز انت فايز

[AL ADMIRAL]

شجون يبيلي أسألك اخوي الصغمبوط ( رابع أبتدائي )
مافي كتاب عن الطيور في مكتبة جرير ماأشتراه ×_× عربي أنقليزي كلش يشتري O_o
وأنا كرهت الطيور والحيوانات من كثر مايحكيني عنهم وأشوفه يتفرج قناة animal plant


.

الكناريات شكلها أنتي وحظك , لأني أذكر مره نجيب واحد يغرد ومره يطلعلنا حزين ×_×
<<< بعدين حأسألك أخوي وأتأكد

كان يا ما كان
مره من الأيام أحد الجيران أعطونا عصافيرهم ( مسافرين ) وكان من بينهم كناري
طبعاً كنت صغير وقتها , وكل شويه ألعب في العصافير ^_^ بس لعب زي لعب البنوته الي تقول سمكتيييي ( في نيمو ) ~_^
فربط رجول الكناري بخيط ومسكت طرف الخيط الثاني وقمت أدورو وأدورو
مني متذكر ليه أطريت لهذي العمليه , يمكن كنت اعتقد يبغالو نشاط أكثر أشان يغرد مثلاً
بعد ما وقفت الدوران مسكت الكناري ألفو يمين أشوف راسو يطيح يمين , ألفو يسار أشوف راسو يطيح يسار
قلت شكلو نعس أكثر , فيبغالو دوران اسرع ,, ودورتو بكل ما أوتيت من قوه
وللأسف بعدها مات <<< شكلو كان يبغالي أربطو بمروحه أشان يدور أسرع وأسرع

فنصيحتي نصيحتي , لاتربطي الكناري من رجولو ودوريه (^_^)

[King36o]

هاتي لهم تويتي و سلفستر يونسونهم

[Light.Darkness]

تسلم على الافتتاح

في خطط لوضع الـPSN ID مثل الـGamer Card ?

[KasiH]

في خطط لوضع الـPSN ID مثل الـGamer Card ?

مفروض لكن .. لاحياة لمن تنادي

[Karim Ghazal]

مشكورين يا شباب على حجب " مجلس المراقبين " .. جزاكم الله خيراً -____-

[PrinceOfSorrow]

في خطط لوضع الـPSN ID مثل الـGamer Card ?

اتمنى هذا الشي @@
تراني ps3 fan وجاني احساس انه منتدى المنتدى متحايز مع اكس بوكس بشكل اكثر, ليه ليكون ميكروسوفت
دفعت 2 مليون حق شركة رمال علشان ماتحط PSN XD ? وتخلي الخاصية حصرية فقط حق XID ?
الله يستر خوفي بكرة حتى قسمنا يخلون العاب حصريات على جهازهم في مستقبل البعيد XD.

[SHINOBI-03]

أنا أيضاً مستغرب ليش الإكس بوكس فقط بدون البلي ستيشن 3...!!

[Word Life]

طيب ممكن سؤال شاااااااااطح جدااا ؟؟

وش الفايده من القسم هذا ؟