هيه نعم انا سعيد النظري ، الله ينعم بحالك
زين الحين حاب اقول شي:
اول شي بخصوص سؤالك عن تثبيت اللعبه:
نعم اخوي الغالي انا مو متصور كيف نظمتوا البطولة و نسيتوا تثبتون اللعبه على ال ps3 اخوي الغالي عدم تثبيت اللعبه يعني تأخر في الاستجابه او ال lag.
على فكرة .. فهمت شو كان يقصد تان عن تثبيت اللعبة .. و بالفعل قمنا بتثبيت اللعبة على جميع الاجهزة الا جهاز واحد الا كان اضافي لإستيعاب المشاركين .. كان جهاز جديد و ووصل بنفس يوم البطولة فنسينا نثبته ..
ثاني شي:
التلفزيونات الى كانت اهناك اذكرها حتى الحين من ماركة eurostar تحت مسمى HDMI و بحجم 42 بوصه و كانت هناك واحده بحجم 62 بوصه كانت مخصصه للنهائيات لاكن لم يتم اللعب عليها الا في نهائيات الكوره فقط.
طبعاً التلفزيونات بكل صراحه بالفعل كانت تسبب ال lag + انه اللعبه غير مثبته (مستحيل ما يكون في lag) بصراحه اخوي انا احترمك و احترم اخوي عمار و كل القائميين على البطولة لاكنكم وفرتوا المكان المناسب و التلفزيونات بالاحجام المناسبه لاكن نسيتوا اهم شي الى هو انسيابية اللعبه يعني انتوا ليش ما جربتوا اللعبه قبل لا تبدئون البطولة؟ لاتقولي جربتوها لانكم كنتوا بتلاحظون التأخر في اللعبه.
اخوي العزيز .. اتدري شو المشكلة ؟ هنالك الكثير يسمع و يقلد .. او يرى و يقول .. انا شخصياً لعبت مع 5 و سألتهم عن التلفزيونات .. قالوا صح انه الماركة تعبانة لكن اللاق مب ملحوظ .. و فرضاً لو كان فيه لاق بسيط .. هل بيأثر على اللاعب من نيل اللقب ؟ اشك في الموضوع ..
بالنسبه للشخص الى اختار كين بعدين سيث نعم اخوي و انا بعد شاهد و اعرفه بالاسم.
هو و ضميره و تقصير من قبلنا بكل تأكيد
و بالنسبه لكلام tan عن الشباب تراهم كانوا يشوشون علينا اللعبه و خاصه مساكين الشباب في التصفيات انزعجوا وايد من الصراخ و التشجيع الى ضدهم ياخوي هذي نفسية الاعب هي سر فوزه.
عزيزي .. اقدر يمكن فيه اشخاص يتوترون او ينزعجون .. لكن كل مشارك في البطولة عليه انه يهيأ نفسه لهالامور و ما يكترث لهالامور .. اعتقد شفت المركز الثالث و الثاني .. كل المشجعين كانوا ضدهم تقريباً لكنهم حصلوا على المركز الثاني و الثالث دون اي اكتراث .. و بصراحة ~ التشجيع زاد من روعة البطولة اضعاف و اضعاف .. فإن كنتم تريدون بطولة بدون تشجيع فأعتذر انا لست الشخص المناسب لتنظيم مثل هذه البطولات
بالنسبه لانه محد قالكم شي لا ياخوي انت غلطان و انا بعد بذكرك:
عن التلفزيونات قلنالكم و قلتوا تلفزيونات سوني غاليه اما الايرو ستار عطونا اياها ببلاش.
اتذكرك عدل عزيزي ، ما اذكر انك قلت اي شيء عن اللاق .. فقط قلت عن التلفزيونات انها من النوع الرخيص و الغير معروف و اذكر كلمتك فوق عند الشاشة اليسرى بالتحديد ^_^
بالنسبه للتشجيع كلمنا الجميع و كنتوا تصرفونا بمعني انكم كنتوا تقولون شو نسوي حاولنا نسكتهم و هذا الى طلع منكم مع كل اسف.
ما اذكر اني كمنظم قلت " حاولنا نسكتهم " لأني ما حاولت بصراحة و بالعكس انا أأيد مثل هذا التشجيع
فالنهايه ياخوي انتوا ما قصرتوا و يمكن الاغلاط كانت من الجهد الى بذلتوه و نسيتوا تراكم بشر فالنهايه و كلنا نغلط و اقول مسموحين ياخوي المهم اننا استانسنا و الحمدلله حتى مع الخساره تابعنا حتى النهايه و تعرفنا ع الشباب و ما ندمنا على البطوله و ناصر الكتبي اخو عزيز و غالي و يستاهل الريال البطولة.
بالتأكيد عزيزي .. لا يتحسبوني الشباب اني قاعد ابرر اخطائي .. اعترف ان هنالك اخطاء كثيرة و انا سعيد لمعرفتها لتجنبها في المرة القادمة ^_~
لا تفهمني غلط انتوا ما قصرتوا و هذا المهم لاكن الحق ينقال و نحن سكتنا لين قمتوا تكتبون اهني و اذا عن كلامك ع tan انه شاف مستوى مختلف انا بس اقولك شي واحد هم اثنيين:
ليش السكوت اخوي الغالي ؟ عادي ما فيه اي اشكالية ^_^، قل ما شأت و كلامك على العين و الراس عزيزي
tan_uae
silent_Z او Sashio
هذيل الى من وجهة نظري و اضن من وجهة نظر الجميع هم افضل لاعبيين متواجديين في الامارات طبعاً ما اقلل من مستوى الشباب طبعاً عندك uae4hamad و boom300 و غيرهم من الشباب بعد مستواهم قوي بس هذيلاك من وجهة نظري فقط.
اسماء كبيرة رفعت من اسم الدولة بهذه اللعبة ^_^
فالنهايه مشكووور ياخوي ما قصرتوا و نتمنى نشوف المزيد من البطولات و تكون تحت تنظيمكم الرائع و انشاءالله تستفيدون في المستقبل و تسون بطولات افضل.
ان شاء الله لنا لقاء ببطولة سوبر ستريت فايتر ^_~
تسلم على مرورك الكريم
بالنسبة للأخ Tan هذا ما تكلمت به عنك ^_^
يا رجل .. لما تتجاهل كل الامور و تسعى للسخرية او التركيز على الخطأ
اراك تتجاهل الرد كله و تعلق على نقطة بسيطة كهذه ..
بالنسبة للتثبيت بالأعلى وضعت ما هي المشكلة
اممم... هني بينت اخوي ماستر شايون... من شوي كنت اتقول انه اختبرتو التلفزيونات قبل البطوله و جربتو الكومبوهات و ضبطت وياكم( على قولتك 6 لاعبين محترفين جربو و ما اشتكو) و آخر شي تسألني عن الانستول!؟ ابا اعرف اي تنظيم هذا اللي ما يعرف شوه الانستول في اللعبه
اوه يا عزيزي ^_^ و بعدين شو يصير ؟
... الحين شاشات لاق و السوني بدون انستول اباك اتفهمني كيف ما بيكون فيه حتى و لو نوع من التأخير في اللعب او عدم قدرة السوني على الاستجابه و التقطيع في بعض الاحيان!؟ ... بتقولي هذي غلطة تنظيميه و ان شا لله ما بتتكرر... يوم
و اقدر اقول لك شيء ثاني يا عزيزي ؟ اقدر اقول بعود بالزمن للوراء و اصلح الخطأ ؟
ما حصل قد حصل و نحن بنستفيد من اخطائنا ^_^
الله اعلم لعل لديك آلة الزمن لحل امثل من الاستفادة من الخطأ ^__^
كانت مباراة اخوي A-A-N و Souleliminator و ييت و هم يلعبون آخر راوند طفيت التلفزيون بالغلط و عقب ما قلت شوه اللي لازم يصير فه الحاله بالعكس سرت و خليتهم يتضاربون و يقررون بروحهم... وين النظم و اللوائح فهذيك اللحظه!؟ مباراه مهمه و ما تعرف شوه تسوي!؟ لا و سرت و خليتهم يقررون بأنفسهم...
يا عزيزي .. انا اذكر اللحظة تماماً ، يوم انطفت الشاشة للحظة .. انا ييت و كلمتك و شفت اللاعبين .. ما شفت اي حد يختلق او يقول يبغي اعادة و محد كلمني .. يا عزيزي ما عندي اذان تسمع كل شخص .. على الشخص الا يبغي حقه انه يكلمني و يخبرني .. انا شفتهم خلصوا و محد كلمني قلت كل الامور طيبة و ما فيه داعي انعقد السالفة
دك فليد اللي هو لاعب تشان لي قال ان التلفزيونات LagXLag قال انه ماعرف يركب اي اكس و الترا على بعضها...
عجيب ^_^
انا يوم ارد عليك الحين عسب انك قلت تان حججه مبالغ فيها و مادري شوه... يوم طفيت التلفزيون و قلت لك شوف شوه لازم يصير الحين قلت لي قضاء و قدر انزين اعرف انه قضاء و قدر لكن فه اللحظه لازم اتسوي شي و تعطي قرار انه يا تنعاد المباراه او يكملون مب مني و الدرب العب و خلاص هذي في النهايه بطوله اتحدد بطل الامارات و حامل اللقب...
للدقة اكثر .. اذكر حواري معاك و قلت " ما شي شيء كامل " و رديت علي " صح "
.. و اكررها مجدداً اذا تبغي تدور على شيء كامل فأنا من الاشخاص الذين يؤمنون ان الله وحده الكامل ^_^
و بالنسبة للمشكلة .. شفتك قلت " شو ها ياخي مطفي الشاشة " لكن اللاعبين ما تكلموا .. لهذا اتأسفت و كملت طريقي ^_^ لأنه اللاعبين ما قالوا اي شيء ..
المهم انا ما اجامل شرات الشباب و اذا تباني اقولك البطوله نجحت... دام هالكلمه بترضيك و لا تزعل البطوله نجحت بس اهم شي مابا اشوف كلام عني و ماله داعي تتكلم المره اليايه من ورا ظهر حد...
يا عزيزي تان ^^ انا مب زعلان علشان تراضيني .. يا رجل كلنا اخوان ^^ شو بلاك ؟
البطولة سواء نجحت او فشلت يكفي اني استفدت شخصياً من هذه التجربة و حصلت على لقب اكبر بطولة و اول بطولة رسمية معتمدة لنيل لقب البطل ^_^
و هل الكلام بالمنتدى ورا الظهر ؟ اعتقد المنتدى مفتوح للجميع و الكل يقدر يشوف .. لا اعلم يا عزيزي ، هل تراه كلام من ورا الظهر ؟ اذا اتشوفه كذا سامحني ياخوي و حقك علي
أنا بقولك، الجمهور كانت أصواتهم عالية وايد وصدقني هالشي يؤثر في اللعب. أنا عن نفسي، بيني وبين الشباب قلت هالكلام ! قلت انه المفروض ما يكون فيه كلام خاصة في الأدوار النهائية (مثل اللي صار في بطولة حمد-فهد-جمال).
ابغيك تتخيل البطولة بدون تشجيع .. ولا حل افضل .. ابغيك تشوف المباراة النهائية على اليوتيوب بدون صوت التعليق و الجمهور .. شوف مدى برودتها ^_^
آسف يا أخوي، الكل اشتكى من التلفزيونات ومب تان بس !! ومثل ما يقول تان، كين من الشخصيات اللي محتاجه كومبوات بالهبل وأي غلطة تاكل وراها كومبو، وهذا اللي صار. فيه تأخير يأثر في اللعب، من جي تشوف منظمين البطولات الكبيرة ما اييبون شاشات عادية. في اليابان مثل ما تعرف يلعبون على جهاز الأركيد. أما في أمريكا (EVO) عندهم شاشات 22 إنش مجربينهم انه ما فيهم لاج (فيه لاج بسيييييييييييييييييييط على حسب علمي، النوع اللي 99% من الناس ما يلاحظه). لو تدخل على أشهر منتديات ستريت فايتر(shoryuken.com) .. بتحصل موضوع كامل بس يتكلم عن اللاج والتلفزيونات اللي ناس جربوها عشان يشوفون لو فيها لاج أو لأ.
هذا ما اتحدث عنه ايضاً ، الشاشات فيها لاق بسيييط ما يلاحظه شخص و اعتقد من 170 شخص ادعى عدد يقارب 5 او 7 انه هنالك لاق .. لا اعلم لعل معهم حق .. لكن اعتقد ما راح يأثر على تحديد الافضل ..
و اذكر الاخ معن من الكويت قال انه مثل هالشاشات يكون فيها لاق بسيط و يعد بالملي سكند ، يعني شيء العقول البشرية صعب عليها تلاحظه .. و انا مستغرب .. ابي افهم .. كيف للاعب روفس ما لاحظ اي لاق و هو يسوي كومبو ؟ كيف للاعب ساجات ما لاحظ اي مشكلة ؟ كيف للاعب زانجيف ما لاحظ اي مشكلة ؟ كيف للاعب آبل ما لاحظ الفرق ؟ هؤلاء كلهم من الذين لاحظ عليهم استخدم الكومبوز بكثافة و قالوا انهم ما حسوا بشيء
و لو كان فيه لاق بسيط .. مثل ما قلت لأحد الاخوان .. شاشات سوني و سامسونج و ال جي مكلفة جداً و ان شاء الله لو حصلنا متطوع يستطيع مساعدتنا في المرة القادمة سنقوم بتوفيرها
، و على فكرة هذه الشاشات لم نحصل عليها مجاناً بالعكس كلفتنا الكثير ..
وبيني وبينك، أنا والشباب صراحة نلعب على تلفزيونات فيها لاج وهذا شي أكيد، لكن في نظري على الأقل التأخير اللي كان يصير في تلفزيوناتهم يعتبر بسيط بالنسبة للي شفناه في البطولة.
انا عندي شاشة سوني في البيت .. و العب بشكل يومي .. التأخير الا في البطولة ما لاحظته ابداً و نفس الامر مع 95% من اللاعبين
ياخي هو قصده شي وانت رديت بشي ثاني ههههه. هو يقولك انه الكومبوهات ما تطلع بسبب التلفزيونات، مب الكنترولر. لانه كل واحد ياب الريموت اللي يريحه (أنا وحمد يبنا طاولاتنا حتى !!
)
على العموم حصل خير. البطولة كانت حلوة وقدرنا نشوف الشباب اللي نلعب وياهم أقل شي. أنا حاولت إني أستمتع وأضحك وكذا، أكثر من ما إني ماخذ الأمور جد.. فشكراً على البطولة !! نشوفكم على وقت السوبر ستريت فايتر 4
اوه فهمته غلط ^_^
شرفتنا دوق فليد
و اعذروني جميعاً و ارجوا انكم ما تاخذون الموضوع بحساسية
بالعكس انا استفيد من تعليقاتكم هذه و ان شاء الله بتساعدنا لتنظيم بطولة افضل ^_^
في امان الله
المشاركة الأصلية كتبت بواسطة master shion
