قضية الاسبوع ҉ಢ ೋ المولود الجديد ೋ ಢ

[Arashi]

فقط حسيت أن الكل منافق و ما يستاهل التظاهر أو حتى المجامله .. ! ..

بل! ليش ماستر عالريال مسكين؟ >_>

من البديهي لازم أعمل زيه ولو أني أتمنى تكون native مع الالعاب و خبيره XC

خلها جديده عشان تعلمها على ذوقك ولا يكون لها ذوقها الخاص اللي ممكن يكون 180 درجه غير عن اللي يعبجك

يفتكون منها هذا اللي ببالهم P:

هههه لالا مب ام البنت ام الولد اللي اذاعت الخبر

وعليكم السلام ورحمه الله وبركاته ,, بدايه اشكر اختي اراشي ع الطرح الموفق والجميل .. وإن شاء الله نخرج من هنا بفإدهـ : ))

العفو تسلم على المشاركه

والسبب ارتفاع المهور انا اعرف واحد تزوج وحالته حاله الحين ههههههههه الله يكون بعونه

ايه والله..تخيل المهر عندنا ممكن يوصل ربع مليون O.o
اوكي انا مب ضد ان البنت تاخذ هالكثر من الريال لأن والله للي مهورهم رخيصه يتزوجون عليهم
لكن البنت العاقله تستخدم هالفلوس عشان تنبي بيت او تساعد زوجها مب تخسرها كلها على ليله وحده

يقول الزواج كلو على بعضوا كلفه حدود ال 150 الف وعليه ديون الحين مع العلم توهـ متزوج مو حرام هالشي ؟ (

والله لو 150 ألف يحمدون ربهم شبابنا...المشكله عشان تأجر قاعه فاضيه بأرف أطوف لازم تدفع في حدود 70-120 ألف طبعا حسب الفندق + تكاليف الكوشه والزينه والابراج اللي عالطاولات وفستان العروس = 250 ألف - مليون

طبعا مب الكل عندنا جذي لكن في ناس ماتخاف ربها

إذا الله اعطانا عمر ووفقنا تزوجنا يعني بحدود ال 30 XD

30 بالنسبه لكم مب متأخر XD

متابع للنقاش

حياك الله بوراشد ونتمتى انك تشارك معانا ^_______^

[THE-HELL]

السلام عليكم
في البداية شكرا لك اراشي على الموضوع الممتع و اعتذر متأخر شوي بس عظم الله اجركم
وبالنسبة لي الزواج كله على بعضه مش من الاشياء التي افكر فيها في الوقت الحالي لأني مطول شوي عليه XD
ولاكن من وجهة نظري ارى ان السن المناسب للزواج بين 23 و 26
وجوابا على سوال AEAKING شخصيا افضل ان تكون بعمري او اصغر مني بسنة على الاكثر
وطبعا الاخلاق و الدين اهم شيء وطبعا ان تكون محبة للgames
و ايضا ان تكون ماهرة في الطبخ
و ان تكون جميلة
المهم هذا الي عندي في الوقت الحالي ولي رجعة للنقاش بشكل اوسع

[المقاتل ليون]

شكرا لك على الموضوع

ان للزواج عدة شرووط مهمه لكي يكونوا عائله سعده
1:ان يكون الزوج اكبر اكبرمن الزوجه بثلاث سنين على الاقل.
2:ان يكون كلا الزوجين متعلمان لكي يستطيعون مناقشة مشاكلهم في المستقبل.
3:ان يوافق كلا الطرفين على هذا الزواج.
وعادها اشياء كثيره

[Arashi]

العفو واجرنا واجرك THELL ^_^

و هههههه

تعالوا شباب بسألكم

ليش كلكم تبونها محبه للجيمز؟ XD

الوحيد اللي ماشترط هالشرط هو المقاتل ليون


طيب ايش رايكم بالخطابات؟

انا عن نفسي اخاف منهم

[blood roses]

يسلموووووووووو حياتي على الموضوع

انا اعتقد انو السن المناسب لزواج 25 زي ما قلتي حبوبتي

طيب ايش رايكم بالخطابات؟

ههههههه والله وانا كمان اخاف كثير منهم ......
في موقف حصل مع احد قريباتي .....في احد الحفلات
واتت خطابه تريد ان تخطبها ويا حرام كان شكلها قريبتي خايفه كثير
وكانت اتقوللها قريبتي لا انا ما افكر والخطابه تحكي .......وتحاول تقنعها
وقريبتي تقول لا يا خالة انا ما افكر ....ههههههههههههههه
والحمد الله تركتها بمساعدة امها واختها
........هههههههههههههههه

[yami vergil]

الشباب يقدرون يحطون مواصفات معينه لفتاة الاحلام
ويقدر خلي امه تدور له وتختار له XD
بس تخيلوا الام تسأل .. انتوا بنتكم تلعب بلايستيشن ؟ XD
ههههههههههههههههههههههههههههه
البنت طبعا تقعد في البيت وتحط يدها على خدها لين حد يتقدم خخخخخخخخخ

متابعه لنقاشكم XD

[blood roses]

الشباب يقدرون يحطون مواصفات معينه لفتاة الاحلام
ويقدر خلي امه تدور له وتختار له XD
بس تخيلوا الام تسأل .. انتوا بنتكم تلعب بلايستيشن ؟ XD
ههههههههههههههههههههههههههههه
البنت طبعا تقعد في البيت وتحط يدها على خدها لين حد يتقدم خخخخخخخخخ

ههههههههههههههههههههههههههههههههههههههههههههههههههههههه
ههههههههههه صح كلامك حبوبتي ههههههه

[King36o]

طبعاً يفضل ان تكون زوجتي تحب او على الاقل مهتمة بالقيمز

و انا اقرا الردود الي فوق دش في بالي سؤال جديد لكن هالمرة للشباب و البنات

بالنسبة حق حفل الزفاف ,, هل تفضل ان يكون الحفل ذو تكاليف عالية ( بحكم انها احد اهم لحظات حياتك و تريد ان تتذكرها بأجمل حلة ) ,, أو تفضل حفل بتكاليف عادية ( يعني اهم شي نتزوج و نخلص )

من ناحيتي افضل حفل بتكاليف عادية لكن لا مانع من صرف المزيد ليكون الحفل مميز اكثر ,, و طبعاً يعتمد على رأي المخطوبة يمكن تقنعني اصرف وايد

[رعبه]

كانت تمشي بحالها لكن
همممم ماهذع نقاش حامي ويستدعي الانتباه
ترفع كمومها
تبعد شعرها للخف
تطقطق اصابعا
تعدل الجلسه
بسم الله نبدي النقاش
شد انتباهي عده اشياء وبعلق عليها ^^
اول شي نجي للعمر
اايد ان يكون الولد اكبر من البنت بحد ما يزيد عن 5 سنين بالكثير لو يبيها صغيره مره 10 سنين
لان بطبيعه الفتاة تفقد قواها قبل الشاب لذلك يفضل ان تكون اصغير
اما الناس اللى تاخذ بفارق اكثر من 10 سنين كثير صراحه 10 بالقوه بلعتها كيف اكثر <_<"
حتي الافكار تختلف ناضج جدن الا مستوي ياخذ الطرف الاخر ببدايه نضوجه وتكوين افكاره !
وافضل عمر للزواج للشباب من 25 وفوق اما البنات من 22او23وفوق طبعن

بالنسبه للمهور
صح فيه ناس تبااالغ فيها لكن مو الكل وما اعتبره غذر مقبول للشباب
يعني لو هو فكر بسفره او سياره او اي شي اخر قدر كيف يجمع له
لكن لو بغي يتزوج ما يقدر يجمع لزواجه
هذع مع احترامي الشديد له فشل بالتخطيط
يعني ما يعرف انه راح يتزوج عاجلا او اجلا ؟
"طبعن انا ما اقصد اي شخص هنا شخصيا لكن مجرد راي بحت"<< لاتقلبون حرب
وعروسك ما تبيها باحلى حله هي ماراح تقطه بالبحر المهر اللى تحسبونه عليها
كله بالزينه واللبس وتجهيزات منزليه << لك ولها XD
وهذع لو مازادت عليه

يوم حفل الزفاف (العرس)
لوووول بالعكس اايد ان يكون فيه عرس
وكل ناس على قدهم
واكره الاعراس اللى يكون فيها بذخ بشكل فضيع واصحابه محملين نفسهم ماله طاقه له <_<"
احسها تمحي بركه العرس
يوم العرس اتوقع انه يوم مميز وكل زوجين يعرفون كيف يخلوه متميز
لان التميز مو باغلى الاشياء انما بتميز الافكار و قد المقام
ما اقول خلوه مش حالك ولااقول بذخ وترف زايد
الا اذا كنت ولد نعمه ومليان ليش لاء

اما الخطابات
اكرهم كره العمااااء يعطون شعور بالمشعوذات الخبيثات

بس تخيلوا الام تسأل .. انتوا بنتكم تلعب بلايستيشن ؟ XD

هههههههههه لاتستبعدين يسئلون هل السؤال
لانه بصراحه فيه ناس باعت عقولهم وصارو يسئلون عن اشياء سخيفه
اجل فيه وحده تسئل عن مقاس الجزمه للبنت <_<" << وانتم بكرامه

هههههههههه والله انى رايقه وفيني مزاج نقاش ماتوقعت يطلع كل هذع الهرج
اكتفي بهذع القدر للان

[ام ابـراهيم]

السلام عليكم ورحمة الله وبركاته .
القفص الذهبي.. ذلك الحلم الجميل الذي يفكر فيه كل شاب وفتاة، حلم الأسرة والإستقرار، حلم السكن والراحة النفسية، حلم المودة والرحمة والألفة
يقول تعالى {وَمِن آيَاتِهِ أَن خَلَقَ لَكم مِّن أَنفسِكم أَزوَاجًا لِّتَسكنوا إِلَيهَا وَجَعَلَ بَينَكم مَّوَدَّةً وَرَحمَةً إِنَّ فِي ذَلِكَ لَآيَاتٍ لِّقَومٍ يَتَفَكَّرونَ } [الروم: 21

الزواج ذلك الرباط الوثيق بين طرفين , يساعد على تكوين أسرة متماسكه , لكن كثيرا منا ينصدم بالواقع بعد الزفاف.

صدقوني يا أخوتي قبل الزواج حب و شوق , و بعد زواج تصبح عشرة أقوى بكثير من الحب.

سأبدأ حديثي بالعمر , أثبتت دراسات أن الحمل و العلاقات الحميميه لها تأثير مباشر على الهرمونات بمعنى تتزوج المرأة تكون جميلة و رشيقه و بعد الحمل الأول تلاحظ أن هناك شيئا ما إنطفأ بها .
إذن أفضل أن يكون فارق العمر بين 5 و 10 سنوات.

المهور هذا أمر بين الزوجين يتفقون عليه من الأول و لا داعي لتدخلات الأهل و خاصة أم البنت. أشعر في بعض الأحيان أنها تبيع بنتها .
أتذكر عندما تزوجت أختى الكبرى , حتى جدتي تدخلت تصوروا ,و لكن هيهات أختي تحب زوجها و وقفت في وجوههم و قالت أنا أتفاهم معه و لا تصعبون عليه أي شيء.والأن دائما يتذكر موقفها و يحبها بجنون .و لهم 3 أطفال .
و تعيش مع أمه في نفس المنزل.و لا توجد مشاكل .
تصوروا كلمتها الأن لا تنزل الأرض أبدا .{خذوا العبره يا بنات}.

مواقف الزفاف .

لديا الكثير والكثير أذكر لي صديقه تزوجت عادي لكن كان هنالك شخص يحبها كثيرا
و تقدم لها لكنها رفضته,
يوم الزفاف حصل ما لم يكن في الحسبان , جاء ذلك الشخص و أفسد الزواج.
و تشاجر مع العريس, و العروس تبكي .
و قضى العريس ليلة في مركز الشرطه.
لكن للأسف الزوج تأثر بذلك إلى الأن .
فهولا يتركها تذهب لبيت أبيها إلا بشروط و بصحبته.
لي الكثير سأعود بإذن الله.

[Akihiko]

فارس او فتاة أحلامك - قصة الخطوبه
امممم ليش مو هي الفارسة وانا الفتى XD امزح طبعاً XP
انا اتخيل ان زوجتي المستقبلية .. اممم شلون اوصف , يعني بتجمعنا صدف , مثلاً وانا اتمشى في الشارع اشوفها بالصدفة وتكرر هالصدف
في البداية احسها عادية وبعدين اكتشف إني كنت غلطان , والصدفة الأكبر يوم تشوف لي زوجة امي تطلع امي تعرف امها ههههه وبس ما ابي احرق عليكم باقي المفاجئات لأن الي اقوله يمكن يتحقق من يدري

مواقف مضحكه في فترة الخطوبه او حفل الزفاف
اتخيل وانا اشرب ماي تخطر على بالي فكرة سخيفة واضحك وهي تطالعني وتضحك بدون ما تدري بالسبب , هالموقف يذكرني بأحد الأعضاء

المهور وتكاليف الزفاف
الزوجة واهلها متواضعين وما بيطلبون واجد <= يحلم

شعورك وانت معرس
في العرس حر , عاد انا ما احب الزحمة والفوضى وبسرعة ابي الحفلة تخلص عشان نرجع البيت ونعيش بسلام XD

ثاني شي بالنسبة لمواصفات الزوجة, انا من الناس الي تفضل الزواج من نفس الديرة ما احب اخذ من برا مع احترامي للجميع

اتفق وياك في هذي ، مافيه شي احسن من اهل البلد D:

برأيي يفترض الواحد ما يتأخر عن الزواج بأي شكل من الأشكال أو ظرف من الظروف 3:
لكي لا يسلك طرق مهلكه Right !

يس , قبل يتزوجون الولاد واعمارهم 15 او 16 والبنات في حدود الـ9 او 10 , بس الحين حتى لو تبي تتزوج بهالعمر لا تحلم
مثل ما تدري لازم تدرس لين ما تطلع عيونك عشان تحصل شهادة ومن بعدها شغلة محترمة والخ..
فـ الحين تعودنا ان الشاب يتزوج وعمره 24 تقريباً

بس مب كأن 23 بالنسبه للولد صغير؟ @@
انا اجوف 25 سن مناسب يكون متخرج وصاير له كم سنه مشتغل ومجمع فلوس تكفي يعيش مرته

امم يصير حتى اصغر إلا إذا بيتزوج وحدة كله تبي وتبي , عاد فيه ناس بطبعهم كله يبون يشفطون فلوس

انا بعد صد الاعراس والخساير اللي مالها داعي..تروح البركه من تدخل العروس >_>

هذي مشكلتنا إحنا العرب , شوفي الأجانب قمة التواضع حتى اكل ما يحطون

ولد عمتي خطب وحده من عيله غريبه علينا
البنت عاديه لاتعرف انيمي ولا جيمز ولا شي
اللهم من الجامعه لين البيت وعالنت وتشات ومنتديات واشياء ممله
قال لنا انه محمل لها كل حلقات one piece اللي نازله عشان يتابعه وياها بعد الزواج
ومجهز خطط يعلمها عالجيمز
بعد الزواج قام واشترا wii وشرا لها ألعاب مثل mario party والسباق والمغامرات وهالسوالف
والله متصدق..مع ان ولد عمتي معروف عنه انه top player هي صارت تغلبه

واو عاد انا اتمنى اتزوج وحدة تحب الـ RPG عشان اخليها تلعب بيرسونا , انا الي اشوفه ان قليل عندنا نشوف بنات يهتمون بالجيمز.. كله يهذرون على المسن

سمعوا هالسالفه...وحده من ربعي تقدم لها واحد اكبر منها ب9 سنين عالاقل
وامه مزاجيييييييييه عالاخر وغريبة الاطوار
البنت سمعت عنه كلام..ما اقول شين..بس خلاها تتخوف شوي
فقالت لهم "اوكي بفكر"
طبعا الام خذت كلمة "اوكي" بعين الاعتبار وحذفت كلمة "بفكر"
وعلى طول انشرت ان البنت وافقت
اشدعوه! ماصار لكم اسبوع متقدمين لها ليش مستعيلين؟ والبنت ما وافقت
المسكينه وانا أكلمها في التليفون مرتبكه تقول "شاسوي لو قلت لا؟ فشله والناس تدري"
قلت لها "استخيري بس وما عليج من حد"
بس الحمدلله وافقت ومرتاحه معاه

هههههههههه عاد النسوان مافيه نفسهم في نشر الأخبار

اضيف سؤال للشباب تحديداً ,, هل تقبل ان تكون زوجتك اكبر منك ؟ اذا كان جوابك لا, كم سنة يفضل ان يكون الفرق بينكم؟

احتمال ضيعف , انا تخيلت مرة اني تزوجت وحدة اكبر مني بـ 4 سنوات ههههه XD
بس الأفضل اتزوج وحدة اصغر مني لا تغربلني وتسويني مسخرة

يمكن عشان يتحكمون فيهم؟ O.o

ايه عجل هم يتحكمون فينا

ليش كلكم تبونها محبه للجيمز؟ XD

اممم احب الزوجة تشابهني في بعض الأشياء عشان تقدر تفهمني بسرعة وتتعود علي بسرعة

طيب ايش رايكم بالخطابات؟
انا عن نفسي اخاف منهم

ما اعرفهم ولا يعرفوني .. انا بس اذا قررت اتزوج بقول لـ امي وهي بتتصرف

بس تخيلوا الام تسأل .. انتوا بنتكم تلعب بلايستيشن ؟ XD

ههههههههه مو مضطر بسألها بروحي بروحي في المقابلة XD

بالنسبة حق حفل الزفاف ,, هل تفضل ان يكون الحفل ذو تكاليف عالية ( بحكم انها احد اهم لحظات حياتك و تريد ان تتذكرها بأجمل حلة ) ,, أو تفضل حفل بتكاليف عادية ( يعني اهم شي نتزوج و نخلص )

الخيار الثاني , ما اهتم بالحفلات والمصرف الزايد
ايه انا ابي حفلة وخلها تستانس بس يعني بمصرف معقول ..

هههههههههه لاتستبعدين يسئلون هل السؤال
لانه بصراحه فيه ناس باعت عقولهم وصارو يسئلون عن اشياء سخيفه
اجل فيه وحده تسئل عن مقاس الجزمه للبنت <_<" << وانتم بكرامه

حشى .. فيه ناس معقدين >_> , الي يشوفهم يقول يسألون عن جازورا مو بنت XD

المهور هذا أمر بين الزوجين يتفقون عليه من الأول و لا داعي لتدخلات الأهل و خاصة أم البنت. أشعر في بعض الأحيان أنها تبيع بنتها .

كلام سليم , اتفق معاكِ

لكن للأسف الزوج تأثر بذلك إلى الأن .
فهولا يتركها تذهب لبيت أبيها إلا بشروط و بصحبته.
لي الكثير سأعود بإذن الله.

اوف , الله يعينها ويهديهم

هذا الي عندي الحين.

[ام ابـراهيم]

بالنسبة حق حفل الزفاف ,, هل تفضل ان يكون الحفل ذو تكاليف عالية ( بحكم انها احد اهم لحظات حياتك و تريد ان تتذكرها بأجمل حلة ) ,, أو تفضل حفل بتكاليف عادية ( يعني اهم شي نتزوج و نخلص

عوضا يصرفون أموال طائله في حفلة العرس , يستغلوا تلك الموال لكي يقوموا بسفرة طويله نوعا ما {شهرين مثلا}
في دولة أوروبيه. حسب روايات أصديقائي أكثر شيء يتذكرونه و يعتبرونه أجمل الذكريات, الأيام الأولى بعد الزفاف.

[yami vergil]

فارس او فتاة أحلامك

الشكل: اطول مني واسمر وكتافه عريضه واكبر مني ..
عادي لو بسنه
ماحب وايد فرق يعني 10 سنين مثلا لان لاحظت ان الزوجين الي فرق بينهم سنه او سنتين تحسهم مثل اصدقاء
نايس ^^

الاخلاق: برالوالدين - المداومه على الصلاة في المسجد - دمه خفيف - يلعب جيمز
ويتابع انيمي - غييييير رومانسي ماحب الرومانسيه لكن لو نسبتها 10% ماعندنا مانع
ابيه صديق

وبعد لو يكون من الاهل او المعارف افضل عشان العائلتين يكونون عارفين
بعض وعارفين تربيت وطبايع بعض ولو بعيد الشر صارت مشاكل تنحل بالولد
لكن عيال خال وعيال عم لا وألف لا ... تجنبا للامراض الوراثيه >_>

احد اصدقائك متوزج\ه ورايهم في الزواج وقصص ومواقف
وايد بنات الله يهديهم من كثر مامنتشره العنوسه بشكل ملحوظ
يوافقون على واحد هم مب وايد مقتنعين فيه ولما نسألهم ليش
يقولون نخاف بعدين محد يتقدم لنا !! وعقب يندمون ولا يرتاحون في حياتهم وشكاويهم ماتخلص
مب زين هالكلام ليش عيل احنا نستخير ؟
لو الله كتب حق وحده انها تتم عانس معناته اخير لها
وغيرهم يسوون علاقات في الانترنت .. استغفر الله ... بس لان مقتنعين
بفكرة الزواج عن حب وانها تبي تتزوج واحد تعرفه عدل ومن هالكلام ... انا في رأيي الحب يصير بعد الزواج
اذا اثنينهم استخاروا والله سهل امورهم وتزوجوا معناته خيره لهم هالزواج

المهور وتكاليف الزفاف
نخاف نقول له الي تقدر عليه وعقب يحوش عشان يتزوج الثانيه
هههههههههههه مالكم امان يالرياييل .. امزح مب كلهم جي طبعا
"اقلهم مهرا اكثرهن بركه^^"
بس ملاحظه .. الي مايقدر يقول مب يستدين
الاااااااا الديون انا مابي واحد ينفخ لي عضلاته ويقول بسوي وبسوي
وبنسافر المكان الفلاني واخر شي الاقيه غرقان بالديون >_> بدل مايستانس
في عرسه وشهر العسل الاقيه جايب معاه اله حاسبه ودفتر ويحسب بالديون XD

لو انخطبتي هل بتسوين عرس وشلون بكون؟
مابي عرس .. ابي بيت XD

بس هاي الي في بالي هع
اذا لقيت لكم سوالف تضحك بحطها لكم

[Fantasy Legend]

موضوع خطير جدا O_O وقهر راح عليا النقاش السابق لاكن مشي الحال ,,
ماعندي تعليق فقط متابع لاني لو علقت بجيب مو العيد بس العيد و ذو القعده وذو الحجه ,,

لاكن بقول كم شي بس :

العمر تكون اصغر مني او حتى لو اكبر بسنه او اثنين بالكثير مافي مشكله ,,
العرس على قد الفلوس ( مد لحافك على قد رجليك )
المواصفات تكون اهم شي جيمزريه ^_^ وتكون خلوقه ومحترمه ومؤديه واجباتها الدينيه اما الجمال طبعا اتمنى جميله لاكن لو ماهي جميله مرا وفيها الصفات السابقه عادي راح اوافق مو كل شي الجمال ,,
اما من نفس البلد ماعندي مشكله لو كانت مو من نفس البلد اهم شي عربيه يعني مسلمه ,,

بسسس

وشكرا اراشي للتنبيه ^_^ ,,

[Look up]

السـلام عليكـــم و رحمـة الله و بركاتـــه

فارس او فتاة أحلامك

يعتمـــد على الشخـص نفســه
و إلـي أتمنـاه
" يحبنـي + مثقـف + ما يجذّب ولا يجامـل + أنا البنــت الوحيـده إلـي بقلبـه بعـد أهلـه "
و الله كريـــم

قصة الخطوبه -
مواقف مضحكه في فترة الخطوبه او حفل الزفاف

الله كريـــم
ليحينـــي عزوبيـــه

احد اصدقائك متوزج\ه ورايهم في الزواج وقصص ومواقف

و الله عنـدي رفيجات متزوجات
و نصهـم ما يأيدون فكـرة الزواج .. ديمـاً يقولـون لي " استانسـي عيشي حياتـج ولا الحكـره وعوار راس "
و نصهـم يأيدون فكـرة الزواج .. و دايمـاً يقولون لـي " تزوجـي تره الزواج حلـو .. و الزوج جنـه رفيجج يساعدج يعلمـج إذا ما تعرفيـن .. حتـى يدرسـج لو تبيـن .. يخاف عليـج .. تحسيـن إنـج مو وحيـده "

انت مضرب\ه عن الزواج وليش؟

بالعكــــس
أبـي دائمـاً يقول لي : ابقـي معـي ولا تتزوجــي .. لأن مشاكـل الطلاق بدأت تكـثر .. و المشاكـل بين الزوجيـن تصير على أبسـط شيء .. فلا تطلعيـن من البيت و تروحيـن .. إلا إذا ربج كاتـب لج النصيـب .. خلاص ما نقدر نسـوي شيء .

المهور وتكاليف الزفاف

أنـا من رايي
المهـر و التكاليـف تكـون بنسـب معقولـــه ... يعنـي الزوج يقدر يسددهـا مو فوق طاقتـه
ما يصر جذي

أنـا بتزوجـه عشـان أعيش بحيـاة كلهـا ديـون ولا حيـاة كلهـا راحـه ؟
صح كلامـي ولا لا ..؟

شعورج وانتي عروس - شعورك وانت معرس

الله كريــــم

لو انخطبتي هل بتسوين عرس وشلون بكون؟

أنـا ما أحـــب العروس

فبس ودي ملجـــه من غيـر عرس
يكفــــي

و أحـب يكـون بسيـط مو Over و ناعـم بعـد

...............................

و مشكـوره على فكـرة الموضـوع عزيزتــــي


تحياتــــــــــــي