اعضاء World war craft المتميزين .. الرجاء الجميع الدخول !

[MR.HM]

بداية يسرني ان اتقدم بالشكر للأخ العزيز
Yoshimetsu
على الجهد القائم به من بعد توليه الرقابة
وأبارك للأخوه الحاصلين على الأوسمه واتمنى التوفيق للجميع

[Y0ZE]

^^^

أيه والله Yoshimetsu غير المنتدى الى الاحسن ما شاء الله عليه
كذا الاشراف ولا بلاش ههههه

[D3la]

الف مبروك يستاهلووووووووووون

[Karazhan]

مبروك الف الف الف مبروك للأعضاء اللي حصلوا على الاوسمه وانشاءالله يحصلون على ارفع الاوسمه في القريب العاجل

وانا اشكر الاخوه الاعضاء اللي استنكروا و استغربوا ان اسمي مو من بين الاعضاء ولو اني المفروض احصل على الاوسمه ال3 دفعه وحده

اقولهم انا ماتهمني الاوسمه كثر ما تهمني محبتهم , صراحه انا استغربت حالي من حالكم ولكن لما شفتكم كاتبين اسمي ومستغربين من الظلم اللي حصل بصراحه ارتحت وقلت الحمدلله ان بالقسم ناس عندها عيون ومايقولون الا الحق

عموما انا شاكر لكم مساعيكم و محبتكم لي و ابارك للأخوه اللي حصلوا على الاوسمه

[Yoshi]

مبروك لكل الأخوان ,, اللى فازوا

وجزا الله خير اللى شكروني ..

بالنسبه لك ياخي ولد بطونها ,, والله على عيني وعلى رـاسي ويمكن انت ماقريت الموضوع زين او يمكن ماكملته مو مشكله انا بجيب لك اللى كتبته

وإذا اننا ننوهـ إنها ليست إلا فقط البدايه في القسم للنهوض للأفضل والأعلى ,,
وسوف يكون هناك تكريم لأعضاء اخرين قريبا كما هي حال المسابقه الأولى

يمكن انك ماقريت الجمله هذي ...

النقطه الثانيه كيف نعطي عضو وسام وهو عضو موقوف ؟

ثالث نقطه لو فرضت اني طلبت من الإداره ان تعطيك وسام لن تعطيك اخي الكريم وذالك لأن لديك نقاط كثيرهـ وإنذرارات وتم توقيفك اكثر من مرهـ .. ومسبب إزعاج لأعضاء اخرين والحق ينقال انا ماراح اتكلم بظهرك
لاكن راح ارد مثل ردك .. انت تستاهل الأوسمه وفيك الخير والبركه وانا نبهتك لأكثر من مره انك ماتتحرش في الأأعضاء وتبعد عن الأشياء هذي لاكن لامجيب .. احبك ولا اكرهك .. ياخي مو غصب ان الواحد يكلمك


سلام

[Karazhan]

انا مابي وسام من قال ابي اوسمه ؟

انا شاركت هني لما كان القسم هامشي بالنسبه للأداره وكان مافي اي نشاط او اوسمه , ومازال القسم بدون اوسمه الى ان كتبت هذا الموضوع وان شاء الله راح يكون هناك اوسمه

انا شاركت قبل هذا ليس حبا للأوسمه والتميز عن باقي الاخوان , كلكم عارفين اني انا والملك سخرنا انفسنا لخدمه الاعضاء

وقلتها من قبل اني اتواجد للخدمه فقط , تعطوني اوسمه ماتعطوني اوسمه هذا بالنسبه لي شي عادي , ولكن انا استغربت لأني لابد اسايس الناس اللي استغربوا , مو معقوله يتكلمون عني وانا اسكت

فقلت اني استغربت اسمي مو موجود ولو اني اخذ الاوسمه كلها لولا نقاط التحذير والتوقيفات اللي ماادري متى راح توقف

واخر توقيف لأني ارسلت كلمه احبك لعضو توقفت بسببها اسبوعين , وانت مشرف تقدر تشوف او تطلب سبب التوقيف على اي اساس وقفوني وراح تشوف اني ماقلت الا كلمه احبك لشخص بالمنتدى

يعني بذمتك تقولي احبك الاداره توقفك اسبوعين ؟ يعني خلصوا الاعذار مالقوا عذر الا هذا ؟

اما موضوعنا والاوسمه كان المفروض تقول للناس اللي قالت ليش ولد بطنها مو معاهم كان قلتلهم ان موقوف و نقاط التحذير كثيره ماتسمح نعطيه وسام , والناس تعذرك

مو تقولهم مااحب اتكلم من ورى الناس , لا تكلم واخذ راحتك بالكلام و وضح الاسباب , ليش ولد بطنها مو معاهم لأن انت المشرف وانت المطلع على قرارات الاداره

عموما انا انسان شاركت ومازلت اشارك لخدمه الاعضاء اللي ماشاء الله اخذوا اوسمه الحين بنشاطهم باللعبه وصاروا من فطاحلت اللعبه

ومازلت راح اساعد الناس المبتدأه باللعبه الى ان يكبرون بعلمهم عن اللعبه ويكونون اعضاء فعالين بالقسم ويساعدون الناس وياخذون اوسمه بالتميز والنشاط والتواجد

و اساعد الاعضاء اللي يسألون 100 سؤال باليوم وبالاخير ياخذون وسام النشاط لكثره الأسأله اللي يسألونها الى ان يفهمون اللعبه عدل وبعدين ياخذون وسام التميز لمساعدتهم لباقي الاعضاء

والاساس اللي اهو ساعدهم في بداياتهم و نورهم على كل الخفايا ياخذ توقيف

زين ذكرتوا بوحا بوسام , الرجال وصلت مشاركاته 3 الاف وماحصل شي , واشوف في باقي الاقسام ناس مشاركاتهم ما تتعدى ال200 وعندهم كم وسام

سو خير وقطه بحر , وهذي مو مجامله مني او تواضع , والله اني صاج بكلامي مابي وسام ولا ابي من الاداره شي

اللي كلمه احبك توقيفها اسبوعين عندهم , انا مابي الا احترام الناس اللي وقفوا ضد الظلم اللي شافوه

ودي اقولهم احبكم بس اخاف اتوقف شهرين على عددهم كل واحد اسبوعين

[Yoshi]

على راسي والله ولد بطونها ,,

بس معليش واحد يقول كلمه احبك وشنبه مارتبه ولا حلقه ولاشي .. قسن بالله اللى يشوف شنبك يقول كروسان محروقه ههههههههههه

للأمانه ولنكن واقعيين ياخي الكريم .. لو ترسل رساله مثلا لأختي او قريبتي بالمنتدى وتقول لها احبك ؟ سلامات
صحيح منتدى وكله كلام بس فيه شي اسمه إحترام الذات وتقدير الشخص الأخر الواحد قبل يقط كلمه يفكر وش هو جالس يقول ياخي اذيت خلق الله ناس كل يوم جاي شخص يشتكي منك .. انا من شفت هالشنب وانا غاسل يدي ..

لاكن صدقني مصيره يجي يوم وينحلق بالموس قسم بالله ماتمشي في الشوارع الا وانت متلطم

انا ماراح اكرر واعيد لك انا قلها من قبل واللبيب بالإشاره يفهموا .. أرسلت لك رسايل كلمتك بالملف الشخصي كتبت لك بالمنتدى .. بس مصر انك تسوي اللى براسك

شي راجع لك لا تروح تلوم الإدارهـ وانت غلطان راجع نفسك ولا قسمن بالله بالرشاش الحين < يؤ !

[Karazhan]

انت مو فاهم

خلني اقولها بطريقه مبسطه

دزيتلك رساله كتبت فيها


احبك



ثاني يوم توقيف اسبوعين

انت تصدق ؟ راح تقول مستحيل توقيف اسبوعين عشان دزيتلي رساله فيها بس كلمه احبك , انت اكيد كاتب كلام بس ماتبي تقوله عشان مانقول انك الغلطان

ولكن اقسم بالله اني ارسلت رساله ماكتبت فيها الا كلمه وحده فقط , كاتب

احبك



بسسسسسسسسسسسسسس


ماكتبت غير هالكلمه والله , انت يمكن مااستوعبت , اقرأ سبب التوقيف اكثر من مره لغايه ماتعرف اني توقفت عشان كلمه احبك

وانا علاقتي زينه مع الناس والكل يحترمني وبينا الاحترام متبادل , خصوصا قسم الاخبار ويامه تشاركنا في مواضيع الدفاع عن اهل السنه ضد الروافض

وكسبت محبه الناس اللي مو بالقسم هذي , لكن شنو ذنبي لما ارسل رساله اقول فيها لشخص احبك و اتوقف اسبوعين

مو هذا ظلم , يااخي استوعب , انت تقول اني اتهاوش مع الناس , اترك كل هذا عنك وانساه , انا توقفت عشان كلمه احبك

فهمت الحين , سبب التوقيف هذا , مو هوشه او غلطت على احد او سويت شي ثاني , توقفت عشان احبك


انا لازم اعتزل المنتدى واريح نفسي اذا وصلت للمستوى هذا

تقول احبك تتوقف

والله قهر , انا الملك اتوقف , اشهر من نار على علم اتوقف

وبالاخير يوزعون اوسمه واسمي مو معاهم

الحمدلله ان المنحه الاميريه مو انتوا توزعونها يامعود , وله جان ماحصلت شي

سو خير وقطه بحر

وتذكر ان المحبه عن مليون وسام , ماتدري شكثر فرحت لما شفت الناس تذكرني وتقول وين ولد بطنها

والله ان يسوى الدنيا ومافيها
عن جد والله ان يسوى الدنيا ومافيها

[Yoshi]

أرجع واقول على راسي والله ياولد بطونها ,, وانا اشهد اني ماشفت منك الا خير واشهد لك انك عضو فعال وفيك الخير والبركه ومشفنا منك اي شي بالقسم تبعنا ..

راح كلمك عن طريق الرسائل افضل

[Warchif]

ولد بطنها
يقولونك ما تشوف وسام وراسهم يشم هوا
بس تستاهل كل خير

بعدين معقوله مع كل هالشنب والطله البهيه تطلع منك كلمه رقيقه زي
أحبك
ولمين لراعي الكرسي صاحب الأمجاد يوشيميتسو ولد التكن

[Yoshi]

هههههههههههه

يا وارشيف كلمه احبك مو راسلها لي .. ابو الشباب مرسلها لوحدهـ الله يستر عليها عضوهـ
فهي انزعجت وكلمت الإدارهـ انا مادريت ان ابو الشباب

جاهـ توقيف الا بعد كم يوم

عموما الرجاء يتوقف إلى هنا النقاش فقط إذا احد عندهـ شي ياليت يراجع قهوهـ واو ويكتب هونيكـ

شكرا

[BoOoOo7a]

بس ارسلت لها "احبك" وتوقفت؟

هههههههههههههههههههههههههههههه

والله ياخوي مدري كيف جوك ..

ولكن اي احد بالعالم سواء رجل او حرمة .. عربي او اجنبي او مسلم وغير مسلم -- لو تجيه من الباب للطاقة تقوله "أحبك" او "i love u" -- ذي تصير فيها قبايل هههههههههههههههههههههههههههههههههه

[Karazhan]

ياجماعه انا احبكم في الله

لما اقولكم احبكم مافيها شي , والاخ العضو اللي قلتله احبك كان قصدي شريف , لأن كانت بيننا مشاكل و سوالف وبالنهايه انا نبذت كل الخلافات وتذكرت اننا اخوان وخليجيين وقلتله احبك

يعني ماكان الهدف حب اللي اهو عشق , انا وين شايفه عشان اقوله احبك ومااقدر استغني عنك وابيك يابعد عمري , مو معقوله

انا قلت احبك لتلطيف الجو و المحبه من الله

انا مو مراهق اقول هذي السوالف , انا رجل عندي زوجتين وعندي 4 اولاد 3 صبيان و بنت وعايش مرتاح "مااظن"

يعني مو زغير على الامور هذي , لكن اللي وقفني الله يهداه ويغفرله ويغفر لوالدينه وجميع المسلمين ماعرف يفرق بين الحب العذري والحب مال هالايام , ماعرف يفرق بين حب في الله و حب العشاق

على طول توقيف مايغشمر

عموما انا اعتذر منكم واعتذر من العضو اللي قلتله احبك واعتذر من المراقب اللي طردني او المراقبه بمعنى اصح واعتذر من الكل بسبب تصرفي

وانا قليل ادب ومااستحي على وجهي اللي اقول هالكلام لوحده او واحد يقال ان عمره 15 سنه

ومن هذي اللحظه انا اعلن اعتزالي المتندى و اكتفي بهذا القدر من التوقيفات ومثل ماقال الاخ فوق نسيت اسمه , يخاطبني ويقول ولد بطنها اغسل ايدك تاخذ اوسمه

ابشرك مابي اوسمه واذا كان لي وسام اتمنى تعطونه للي قال هالكلمه عشان يعرف فضلي عليه شكثر

عموما جزاكم الله خير على كل اللي سويتوه معاي وصدقوني اني استمتعت معاكم كثير و ضحكنا اكثر وساعدنا بعض و تهاوشنا مع بعض

5 سنوات قضيناها مع بعض , و سبحان الله الوقت يركض وكأني امس اول مره ادخل واشارك

عموما موفقين جميعا و اتمنى يزدهر القسم بأعضائه ومشرفينه , وسامحوني اذا غلطت او تعديت على احد , واعلموا اني مو شايل بقلبي على احد و 99% من مشاركاتي ضحك و فله ولا اقصد شي من وراها , حتى لما اقول "اطالب بتوقيف فلان 15 سنه" ترى اضحك ولا اقصد اني ابي فلان يتوقف

ومن اليوم راح تنتهي المعارك بينا والهواش والملك والسرداب وهالسوالف , واتمنى ماانذكر الا بالخير

موفقين جميعا وماتشوفون شر

[Cry Me A River]

^
^


يامعود تعوذ من شوشو واذكر الله

كلنا اخوان ,,,,,,, وترى جلستك وجلست الشباب كلهم هنا ماتنمل
المنتدى بكم كلكم جميل مانبي ينقص احد فينا

هوشاتنا مزحنا جدنا تفكيرنا ,,,, كله له نكهه بهالقسم

فلاتخلوا شي يأثر عليكم ,,,, يارجال كبر راسك واساسا ماجينا هالقسم نبي اوسمه او خطابات شكر

نبي نفيد الناس ونستفيد ,,,, اعتقد هذا يكفي

وترى الي مايحب ماينحب ,, ولا فيه حياة بدون حب

فماعليك

لاتحرمنا شوفة الشنب الي بتوقيعك بس

(:

0

[بسكوت البحر]

ولد بطنها اقول ترا ماعليك من احد
صف
واللي مو عاجبه بكيفه
ولك احلى توقيع مني
بكره يكون جاهز ان شاء الرحمن