شوف
بليزرد لازم تسوي جذي عشان تقدر تحط افكارها الجديده , انت يمكن على بالك بليزرد تجمع المبرمجين و اصحاب الافكار وتقولهم يلا طلعوا شي جديد نضيفه باللعبه
لا مو جذي السالفه , السالفه سلمك الله ان بليزرد عندها خارطه طريق , عندها سيناريو جاهز للتطبيق و كل فتره وفتره تنزل باتش فيه شي جديد و اذا خلصوا من الجزء المعين اضافوا جزء جديد و اضافوا قصه جديده مع اماكن جديده
يعني لفل 60 كان الكلاسيك , لما وصلوا لنهايه القصه و طلعوا ناكس وبعدين aq و في سناريو بليزرد ان لفل 60 ينتهي هني , نزلوا جزء جديد اللي اهو لفل 70 لكن مايقدرون يحطون مدن جديده في ازيروث عشان مايصير لاق , لأن اللعبه مفتوحه على بعض عكس الالعاب الثانيه اللي كل مدينه مفصوله عن الثانيه
مثل ستار وورز مثلا , اللي تطلع من مدينه الى مدينه لازم تنطر تحميل و هالسوالف وتقعد فتره وانت ناطر , ووركرافت لو تلاحظ ان ازيروث فيها جزيرتين كبار , كالمدور و كنغدون , كل وحده منهم مفتوحه على بعض , يعني تركب الطير وانت بأقصى الجنوب بأي قاره من القارتين و تطير توصل لأقصى الشمال بدون اي
مشكله او تدخل صفحه التحميل عشان تروح مدينه ثانيه
فوق هذا اخي الكريم لاعبين ووركرافت واجد مو شويه , حتى بمرور 10 سنوات من عمرها و طلعوا العاب غيرها مازالت تملك اعلى نسبه لاعبين , واللاعبين هم يشكلون ضغط على اللعبه , فوق هذا الوحوش بكل مكان , تخيل من الشمال الى الجنوب بالقاره كلها وحوش
انا ادري ان يختفون لما تبعد عنهم لكن لما يجي غيرك عندهم راح يشوفهم , يعني شغالين 24 ساعه , ويتحركون بعد , لو تدخل سيرفرات خاصه و تفتر فيهم راح تلاحظ ان اغلب السيرفرات لما تشوف وحوش او حيوانات تشوفهم واقفين مايتحركون الا لما تتحرش فيهم يجونك , هذا لأن اصحاب السيرفر ماعندهم امكانيه يخلون
كل شي باللعبه يتحرك , يخلون كل شي واقف بس وفوق هذا تحصل عندهم لاق مو طبيعي
لما حطوا outland قدروا يشيلون كل اللي لفلهم 58 وفوق من ازيروث عشان يقل اللاق بالجانبين , و حطوا صفحه تحميل عشان يفصلونك عن سيرفر ازيروث وتدخل سيرفر مال الاوتلاند , لاحظ ان اغلب ايامك في اللعبه اللاق عندك اخضر ان كان اشتراكك وجهازك زين , وتحس ان اللعبه اصلها بدولتك مو بأوربا او امريكا
ليش عشان بليزرد عندها باتل جراند و رايدات ودنجنات شغاله على مدار الساعه ولاعبين كثيرين يروحون الاماكن هذي غير سالفه المونتات النادره و التفريم و شغلات ثانيه مثل الحداق و الوظائف والانجانتات وهذا غير الوظيفه الجديده مالت الاثار
وعشان تفصل كل عالم عن الثاني راحت ونزلت اكسبانشن جديد و مكان جديد مفصول عن اللي قبله ولكن مفتوح بداخله بين كل المدن , عشان تقلل اللاق لأنها لو افتحت كل المناطق على بعض و خلتهم ملاصقين بعض مثل يعني كالمدور ملاصقه لها الاوتلاند و نورثرند و كينغدوم بعد ملاصقه كان صرت تحتاج تمشي
من باب غرفه قاروش الى باب المزاد يمكن يومين مشي
لذلك وعشان يتفادون هذا الامر حطوا كل اكسبانشن جديد لوحده ولكن المكان الجديد مو قريه صغيره , يكون عالم كامل فيه كل شي تحتاجه
اما بخصوص منو احسن او اي اكسبانشن احلى , انا شخصيا كنت افضل لفل 70 من غيره , لكن صدقني لو يرجعون لفل 70 الحين ويقولولي ارجع العب فيه ما اوافق , اهو صحيح حلو لكن لو كنت فيه الحين كان تركت اللعبه بسبب الملل وان كل شي عرفته وابي شي جديد
ثاني شي اقول الحين انا لعبت 80 و 85 و 90 و تبيني ارجع 70 عشان اروح رايد او دنجن كنت اروحله بلفل 90 بروحي ؟
ولاتنسى ان بعد الناس اذواق و لازم يحطون اشياء جديده ويتركون القديم للذكرى , غير ان في ناس تدخل اللعبه اول مره وتشوف الامور الجديده هذي وتحبها , يعني لو تسأل اي شخص تقوله احلى جزء عندك اي واحد ؟ يقول لفل 80 او 85 , ليش ؟ لأن بدأ اللعبه من الجزء هذا
ولما يصير لفل 100 وتكلم واحد عن احلى جزء يقولك 90 لأنه بدأ منه
وهكذا تمشي الامور باللعبه , لكن الحين افضل عندي بسبب الرايدات و الباتل جراند والدنجن , قبل ماكو شي اسمه LFR او LFG كنت تكتب بالشات وتنطر اللي يرد عليك واذا ردوا عليك ناس وانتوا في اورقريمار وتبون تروحون دنجن مثلا uldman لازم تطقونها ركض وتقعدون ساعه عشان بس توصلون المكان
الحين تعدلت الامور كثير وصار كل شي سهل , يااخي انا بدأت اللعبه لما ماكان في hearthstone اللي ترجع للمدينه , كنت اذا تبي تاخذ شي من البنك او تغير شي او تبيع شي لازم ترجع على رجولك
الحين كل شي سهل وصدقني الناس الجديده باللعبه مستانسه عليها , احنا نبي القديم لأن الشوق يجبرنا وله الجديد احلى وافضل ب100 مره
سامحوني عالاطاله ياجماعه
شكرا
