الي يبغى اي مساعده في تعديل سيارته يدخل

[MR.أستبنه]

اكيد اخوي تقدر


بس اذا تذكر لي انت وين ساكن
يعني بالسعوديه او برا
واذا بالسعوديه
باي مدينه

[cubelover]

السلام عليكم..


أخوي لو تعرف أي شي عن الألتيما و أيهم أحسن هي ولا الأكورد

[MR.أستبنه]

والله بالنسبه لي اخوي cubelover
افضل الالتيما على الاكورد
اول شي اقوى عزم
واقل صرفيه
وقطع متوفره ورخيصه
وشكل جديد وروعه
وما ننسى فرق السعر
وووووو.....

[فهد الرياض]

اهنيك يا مستر استبنه على موضوعك,,,,

ان شاء الله تبقى دوم

حبيت استفسر عن البي ام 2001 (الشكل القديم)

شرايك شيصلح له من الترهيم والعبث؟؟وبالنسبه للعزم كيف اقويه؟؟؟

السياره قصير ,, 740

الله لايهينك

على فكره عندك صور بي ام معبث؟؟؟؟؟؟؟طبعا الفئة السابعه بس الموديل من 2001 وتحت

شاكر لك

[MR.أستبنه]

هلا بك فهد الرياض
بالنسبه للبي ام
هو اخر موديل نزل الشكل القديم 2001
فهو احسن شي
انا انصحك تركبله طقم جنوط
بس يكون غير حق الوكاله
والتعديلات عندك شركات متخصصه بالبي ام
تحصلها عند العربه
وتعديلاتها تشمل المضهر الخارجي والداخلي والمكينه
رح اسأل عند الوكاله
او معرض العربه

[فهد الرياض]

شاكر لك ومقدر اخوي

بس لو تكرمت القا عندك صور بي ام 2001 معبث؟؟؟


الله لايهينك,,,واسف لو ثقلت عليك

[MR.أستبنه]

والله اخوي للاسف
الجهاز جديد ولا فيه اي صور
بس احاول ادورلك

[سي دي2]

السلام عليكم تسلم استبنه على الموضوع الحلو هذا

انا عندي عدة اسئله
سيارتي يا طويل العمر كراسيدا مود يل 96 xl نظيفة بمعنى الكلمه الون ابيض
بغيت اعدله تعديل رايق يعني ابغاها تطلع رايقه ورسميه في نفس الوقت ابغا انجدها وانت انصحني وابي اعدلها من كل النواحي الخارجيه والداخليه


كل الي معي 3000 ريال فقط لاغير وشكرا

مع تحيات سي دي2

[MR.أستبنه]

هلا اخوي سي دي 2
الكرسيدا تتعدل بسرعه وببساطه
يعني طقم جنوط 17
زوايد عاديه (ما يحتاج تفصلها تبقاها جاهزه)
وتضليله
وتنزيله
ومن داخل تقلبها جلد
واذا زادت فلوسك
تعال وقلي
ومايكون خالطرك الا طيب

[سي دي2]

هلا اخوي سي دي 2
الكرسيدا تتعدل بسرعه وببساطه
يعني طقم جنوط 17
زوايد عاديه (ما يحتاج تفصلها تبقاها جاهزه)
وتضليله
وتنزيله
ومن داخل تقلبها جلد
واذا زادت فلوسك
تعال وقلي
ومايكون خالطرك الا طيب

شكرا اخوي استبنه انا ادري بس ابغا لون الجلد الي اركبه عليه وابغا شكل الجنط كيف
والفلوس لاتشيل هم راح ازيدهم بس قولي كيف اعدلها زي لون التنجيد التضليل خفيف ولا كتم زي التنزيل من ورا ولا من قدام ولا مسطره وش هي الزوايد الي تقول عليها وشكرا ارجو الاجابه

[MR.أستبنه]

هلا اخوي سي دي 2
بالنسبه للجنوط والتنجيده (جنوط اللكزس 400 موديل 99 حلوه )
هذي ترجع على حسب ذوقك
اما التنزيل فكله نفس المستوى
والتضليله خفيفه
والزوايد لك الحريه بالاختيار
اما انك تفصلها على ذوقك او صوره شفتها
او انك تدورها في الغرابي جاهزه

وعندك حاجات ثانيه
مثل انوار الزينون بس على العالي
الاسطبات تسويلها رشه سوده
الشبك الامامي تغيره
جناح ثل حق الكابرس اس اس
حاجات زي كذا

[فهد الرياض]

هلا حبيبي صاحب الكرسيدا

شلونك؟؟؟

مع احترامي لكل كلمه قالها اخوي استبنه بس حبيت اعقب على موضوع الكرسيدا بالذات لان خويي عنده كرسيدا هبال بصراحه ولا قد تركناها واقفه بالتحليه(اذا كنا نفر على سياره ثانيه)مانرجع الا والكرسيدا عليها اوراق اذا كنت ترغب في بيع السياره الرجاء الاتصال على الرقم..............


قولو ماشاء الله

عموما حبيبي الرجال معه قراندي (كحلي) للمعلوميه انت ماوضحت وش لون سيارتك!!!!!
اعذرني بافصل لك تفصيل ممل عشان تكون الصوره واضحه قدامك
ركب لها انوار زينون من محل بالغرابي(700 ريال) ملاحظه:ترا فكينا جرم الشمعات السعوديه عشانها خط واحد وركبنا جرم شمعات امريكيه عشانه فيه تعزيز زي الكامري وصار الزينون واطي والعالي يعتمد على التعزيز بس فهمت؟
واشترينا لها جنوط لكزس 400 موديل 97-2000 شريناها بــ 800
ركبنا لها كفرات مارشال (لااااااااااااااااااااااتستهين بالدعسه حقت الكفرات تراها مهمممممممممممه) ولاتشتري كفرات رفيعه خل مقاسها من 225 وحولها وترا قيمتها بحدود 760 يابانيه (الا اذا كانك بتشتري انواع غاليه)
ركبنا لها لحيه جاهزه بــ150 من الغرابي ورشها نفس اللون
من داخل تركناها على حالها مخمل كحلي(حلو بصراحه)
ركبنا لها سيدي حق جيب اماراتي 550 ريال
نزل السياره من ورا وقدام(طبعا قصها قص) عند ميزان العضيب بالصناعيه القديمه تقريبا 350 وانت عارف شكل الكرسيدا مايصلح يصير من ورا وقدام نفس المستوى!!!!لازم من قدام تكون أنزل شووووي
مممممممممممممممممممممممم
انحش عن حركة الجناح والحركات الي مالها داعي خل السياره رسميه كذا احسن
ضللها من ورا نفس البدي بالغرابي(الخلفيه لحالها بــ80ريال)الا اذا كانت سيارتك بيضاء ظللها اسود كاتم وباقي القزاز زيرو ون
على فكره ترا كل الي قلته لك فوق ينفع على اللون الابيض


هذا رأيي وأتمنى يعجبك

[فهد الرياض]

نسيت اقولك ياصاحب الكرسيدا لاتنسى ترصص الجنوط ترصيص لزق

انحش عن الترصيص العادي

ترصيص لزق اربع كفرات 100 ريال بالغرابي

وانتبه ترش الاصطبات باللون الاسود

حلاتها تركب لمبات فرامل خطين اصليه وقويه وتنظف الاصطبات

باي حبيبي

[سي دي2]

تسلم اخوي على كل شئ بس اللمبات بو خطين ماعرف شكلها ممكن توريني صوره لها والجنوط هل يصلح لها الكفرات الكراسيد
العاديه
والشبك ها تنصحني اغيره واي شكل احط وشكرا

[سي دي2]

اللون ابيض نست اقولك والسياره اكس ال xl والدامات سود