لعبة علق على توقيع الي قبلك

[** وهم **]

Evil Gaara: انت فاهم غلط

انا اضحك على توقيع X.X.Large ( اسمه يدل على توقيعة )

وانا قتلك اسفه على

زاد اليقين
والله يسامحج

[Evil Gaara]

Sander
لا تبوق لا تخاف , آ آ آ أقصد الصراحة راحة و الإختلاف بالرأي لا يفسد بالود قضيّة
توقيعك حلو , بس عندي ملاحظة بسيطة أتمنى إنّك تنتبه عليها ,
و هي إنّ إيميلك إللي بالصورة مو طالع عدل , يعني ظلّيت ساعة و نص أبي أعرف شنو مكتوب و ما عرفت .
و بعد في ملاحظة صغيرة ثانية , و هي إنت كاتب عطي وجه يا بو الشباب , و هذا خطأ , عطي للمؤنّث , المفروض تقول عط ويه يا بو الشباب
============
** وهم **
أها , ألحين فهمت
حدّي فهمتها غلط , بس الغلط كان منّج إنتي ما وضّحتي و لصقتي كل شي ببعضه
توقيعج صار أحلى , و خاصة إسمج إللي بالإنجليزي حدّه حلو

[** وهم **]

ههههه

شكراً ... ادري انه حلو

اقول حط كل تواقيعك ...

مو في التوقيع في الرد

كل واحد يحط تواقيعة لنشوف الابداع

[X.X.Large]

الصراحة ما أقدر أتكلم بعد ماشفت التوقيع
توقيعك تحفة

[Evil Gaara]

أمممم
الفكرة حلوة
لكن هذي فيها خطورة
يعني إذا لو حطّيت كل تواقيعي راح أحرقهم , أي بمعنى إنهم راح يصيرون تواقيع عادية و بسيطة جدا , يعني راح الأعضاء يشوفونهم و يدرون شنو أهما تواقيعي و بعدين راح أظطر إنّي أعمل تواقيع يديدة و أنا الصراحة ما عندي وقت , بس إن شالله بالمرّأت الياية
بس عندي فكرة
أنا بحط بكل رد أرد فيه , شي من تواقيعي الماضية
و هذي أوّل دفعة
, هذي يايبها خصوصا على شان **وهم** , حطّيها بتوقيعج فوق كلمة **Waham** إللي بالإنجليزي , على شان يشغل الحيّز ( الفراغ ) إللي بين الكلمة و صورة توقيعج .
راح يصير التوقيع روعة , بس مو أروع من توقيعي
=============
توقيعج يا **وهم** صار جدا ظريف و صبياني
و زين سوّيتي و سمعتي كلامي و زدّتي من هذي الشخصيّأت مالت FFX
عليج بالباجي
=============
توقيعك يا X X LARGE جدا حلو
بس تدري إذا تبيه يصير أحلى , ما عندك إلا عدّة خيارات
أوّل شي خل الصورة متحركّة بأي نوع من الحركات , على سبيل المثال خل يطلع من حلجه دخّأن أخضر أو إزواع ( قيئ ) .
و ثاني شي إكتب إسمك على الصورة على شان محّد يبوقها و على شان تكون الصورة ملك خاص لك >>>> ماصرات صورة هذي
ثالث شي و هو إلكلام إللي بتوقيعك جدا مناسب , و حاول إتكثّر من هذي الأمثال

[X.X.Large]

أقول ايفل
بالنسبة لجعل الصورة متحركة هذا لسه ماوصلت له
وش رايك تاخذ التوقيع وتسوي فيه الحركات اللي تبيها والقئ والدخان الأخضر
مو باقي غير أكتب اسمي على هذا الدب

بالنسبة لتوقيعك يا مستر فهو توقيع اطفال /////////// خخخخخخخخ خربها
وياليت ترجعنا للدم والصور اللي زي كذا وبالنسبة للأعضاء ما عليك منهم
لأنهم يحترمون وجهة نظري ////////////// أحلى ياقوة

[Evil Gaara]

أممممم
كلامك منطقي
لكن إذا تبي واحد صج محترف بهذي السوالف , ما عندك إلا King Of Hearts
دوره و قول له يعملّك كل إللي بخاطرك
لإن هو الصراحة إللي خلاني أحب تعلّم تصاميم التواقيع , إذا ما لقيته , دزلي بريد خاص و أنا أكلّمه لك >>>> واسطات
=========
توقيعي هذا صار توقيع أطفال
هه هه هه
تدري إنت إنّ أنا من قبل ما أحط صورة الدم و الأشياء الحلوة مالت أيّام قبل , إِشكانوا الأعضاء يقولون عن هذا التوقيع , كانوا يقولون إنّه مرعب لإنّ كلّه فيه كلام عن الموت و الذبح و الشر ....إلخ.
لكن صار هذا التوقيع ما يسوى شي أمام إللي فات , الله يسامح إللي كان السبب .

[Rave Master]

توقيعك فناااااااااااااااان بس لو مش العين اللي تشب هذه ..... انت خطيييييييير ....
_______________________________________________
شورايكم في توقيعي ......... خخخخخخخخخخخخخخخخخخخخخخخخخخخخخ

[X.X.Large]

اممممممممممممممم
بنتكلم بصراحة شوي
أحـــــس انـــــــــه الصورة الشخصية أحــــــلى من التوقيع
يعني لو تقلل اللون البرتقالي في الصورة يكون افضل

[Evil Gaara]

X.X.Large
توقيعك زين و مو زين بنفس الوقت
يعني لو تقول حق King Of Hearts يظبّطلك بالتوقيع , جان راح يصير وايد أحسن , ثق فيني و أنا أبوك
==============
DEATH DRAGON

ThE BeST MeMBeR iN THiS FoRuM iS Evil Gaara .. I NeVeR Met A MeMBeR LiKe HiM BeFoRe .. I LiKe HiS CHaReCTeR iN THiS FoRuM

شنو هذا
إنت إشكاتب
من وين يايب هذا الكلام
شمخربط شالحكي الفاظي :shock22:
الصراحة أخجلتني
ماني عارف شقول لك
ما أقول إلا : فظحتني >>>>> على بالي عنده سالفة
بخصوص هذه المناسبة الجميلة
راح أعملّك مفاجأة خاصة و راح أدزها لك على الخاص
أنا متاكد إنها راح تعجبك
يالله مع السلامة .

[Rave Master]

اممممممممممممممم
بنتكلم بصراحة شوي
أحـــــس انـــــــــه الصورة الشخصية أحــــــلى من التوقيع
يعني لو تقلل اللون البرتقالي في الصورة يكون افضل

مشكور على الراي الحلو ... بس الصراحة انت اهنتني ... أنا مش ولد ... OK>>> يعني استخدم صيغة المؤنث معاي .... شكرا مرة ثانية على الراي ... وانشاء الله راح اغير التوقيع في اقرب وقت...
اختكم الكتكوتة ... Rave Master

[Evil Gaara]

توقيعج لا بأس فيه , يمشّي الحال يا إخت Rave Master
صورة التوقيع حلوة لإنها تشبه صورة ناروتو لمّان يكون وراه حاطّين التماثيل المصنوعة من الجبل

[Rave Master]

مشكووووووووووور اخوي Evil Gaara
على الرد الحلو ... على فكرة رفعت من معنوياتي بس شو اسوي بدلت الصورة اشاء الله احط صورة ثانية بعد دقاااايق ..... مشكوووووووور مرة اخرى ...

[X.X.Large]

آسف عالاهانه :arabchatr
ما كنت اعرف انك بنت
توقيعك الجديد يا اختي يعتبر تحفة وخيالي بمعنى الكلمة
مبروك عليكي

[is me]

اما توقيعك انت يا لارج رهيب
وحقيقة يعبر عن شخصيتك بكل وضوح
يعجبني اللي يعبر عن نفسه بشفافية