[ استفسارات كروت الشاشة هنا فقط ]

[عاشق الألعاب2]

بغيت توصية في كرت الشاشة ابغا تمام انا جهازي تمام السرعة 3200 هايبرثردنج ورامات 1 قيقا
انتل طبعا والشق PCI EXPRESS ابغاه يدعم الدايركت اكس الجديد او 9C

[Gentleman]

هلا والله عاشق ..

عطنا ميزانيتك .. وهل تبي الكرت للألعاب الثقيله ولي تتطلب كرت شاشه وقوي ..؟؟

وهل انت من النوع الي يستخدم جميع خيارات الجرافكس في اللعبه ..؟؟

وهل تستطيع الانتظار الى مطلع العام القادم .. حيث انه الكروت الداعمه لـ DirectX 10 راح تكون متوفره في العام القادم ..

وشكرا ..

[AAGun]

NVIDIA GeForce FX 5200

لا اعتقد انه اقوى كرت ضعيف
لانه إستطاع تشغيل لعبة باتل فيلد مع انه ينصحني بتغييرة

[Gentleman]

اذا تبون كرت كروت من الفئه المتدنيه عندك كرت 7300GS واذا لقيتو GT .. يكون افضل ..

وشكرا ..

[Q8iBoy]

السلام عليكم

شباب سؤال سريع لو سمحتوا ..

هل صحيح أنه كرت Geforce 7800 GS هو أقوى كرت موجود بشق AGP حتى الآن !؟

وشكرا ..

[Gentleman]

كويتي .. نعم صحيح ..

وشكرا ..

[dmx]

اشتريت قبل يومين لابتوب من شركة ديل و كرت الشاشة فيه 256 لكن شيرد و اتضح لي انه تعيس عن تشغيل الالعاب فسألت احد الشباب و قالي احسنلك تجيب كرت شاشة جديدة فهل هذا صحيح؟؟ يعني ممكن اركب كرت شاشة جديد على اللابتوب مثلا جي فورس او اي تي آي ؟؟؟؟ و بكم ممكن يكون سعره ؟؟؟


و مشكورين

[Gentleman]

اهلا dmx ..

مو كل اللابتوبات تقدر تغير كرت شاشتها .. يعني لو كان اللابتوب الي شريته نازل من مده بعيده قما اعتقد تقدر تغير ..

واذا تبي نصيحه لا تغير او تخلي احد يتعبث فيه ..

واذا تبي تعرف انه اللابتوب تقدر تغير كرت شاشته ولالا .. اتصل على شركة Dell في بلدكم .. او اتصل على محل مشهور وموثوق .. وقوله نوع اللابتوب ورقمه .. وترى التغيير ما تقوم فيه الا الشركة ..

ثاني شي ممكن اعرف اسم كرت الشاشه ..؟؟

وشكرا ..

[dmx]

اخوي اسمه Intel Media Accelerator 950 و انا لما اشتريت الابتوب قالي البياع اني اقدر اشتري كرت شاشة و اركبه لأني بدي اشغل لعة باتل فيلد 2 و ايج اوف ايمبيرس 3 يعني انا ناوي اشتريهم بكرة فيعني عادي اشغلهم على الشيرد و لا لازم اركب كرت جديد و كم بيكلف لو كان 256 لكن لو يكون سعر مقبول اخوي بحدود 200 درهم

[Gentleman]

اهلا dmx .. بصراحه انا ما ادري اذا كان يتركب له كرت شاشه اولا .. وما عليك من اغلب كلامك المحلات ..

وممكن تقولي شنو قصدك

فيعني عادي اشغلهم على الشيرد

..؟؟

واخيرا .. ترى 200 درهم نهائيا ما تسوي شي .. يعني لتركيب كرت شاشه للابتوب ولتشغيل لعبة باتل فيلد 2 .. اقل شي لازم تعطيني 500 درهم كميزانية اوليه .. حيث انه اسعار كروت الشاشه غاليه نوعا ما خاصة في البلدان العربيه ..

يعني الي ابيه منك .. انك تسأل عن اذا كان اللابتوب تقدر تغير كرت شاشته ولالا ..

وشكرا ..

[Gentleman]

نسيت اقولك ممكن تقولي مواصفات اللاتوب ..؟؟

وشكرا ..

[dmx]

اخوي هذي الوصلة بتشوف فيها كل المواصفات حق اللابتوب اللي شريته من مكتبة جرير بأبوظبي http://www.jarirbookstore.com/catalo...T-21015727.asp

[Gentleman]

مواصفات الجهاز جيده جدا ..

و من الواضح انك تقدر تشغل جميع الالعاب .. ولكن الجوده ستختلف ..

هل جربت الالعاب بنفسك ..؟؟

[dmx]

لا ما جربتها لكن اليوم باللليل انشالله بروح بجيب لي لعبة لكن خايف انها ما تشتغل و ارجوك اخوي جاوبني على سؤالي اقدر اركب كرت شاشة جديد مستقل و كم بيكون سعره؟؟

[Gentleman]

اخوي بصراحه هناك انواع كثيره لا تستطيع تغيير كرت شاشتها .. ولكن ربما جهازك يستطيع .. وانا لا اعلم ان كان ام لا .. فإذا .. اسأل الشركة المصنعه او اسأل المحل نفسه ..

اما عن الاسعار .. فمثل ما قلتلك هناك الرخيص .. والذي لن تحصل على فرق كبير بينه وبين كرتك .. وهناك غالي ( لا يقل عن 500 درهم تقريبا .. علما انه الكرت لن يشغل باتل فيلد على اعلى جوده ) .. فهل انت مستعد ..؟؟

اخيرا .. تبي نصيحتي .. اللابتوبات ليست معده للالعاب .. الا فئه صغيره .. وهي تحتوي على اقوى المواصفات واسعارها جدا جدا غاليه ..

فانت شنو رايك ..؟؟

ولا تنسى تسأل الشركة الي خذيت اللابتوب منها ..

وشكرا ..