انطباعات ممتازه فارس .. هاللعبه في اللسته للألعاب اللي بشتريها هالشهر .. وآسف فارس لأني ماقدرت ارد عليك في اللايف ><"
Shadowrun Demo
الديمو ممتاز .. اللعبه تدمج لك عناصر السحر والمتعه مع عناصر الـFPS ... اهم شي في الديمو هو التدريب .. لولا التدريب جان ماعرفت شلون العبها عدل .. عندك انواع عديده من السحر تقدر تشتريه قبل ماتبدى بالمرحله .. مع بدايه الراوند في اللعبه راح يعطونك فلوس .. وبعدين راح تعتمد على عدد القتلات و مساعدتك للفريق وايصالك لعصاه تشبه العلم واللي راح تعطيك فلوس وفي بدايه كل راوند راح تنضاف لحسابك وتقدر تشتري منها اسلحه وسحر .
السحر في اللعبه مقسم لقسمين .. Tech و Magic
Tech هي ممتازه لك وبتفيدك كثير .. من امثلتها القدره على البقاء في الهواء لفتره اطول (( اذا شفتوا عروض للعبه اهي مثل الاجنحه اللي تطلع للاعبين )) .. او القدره على رؤيه اعدائك على بعد 50 متر .. وايضاً القدره على اضافه الزوم لسلاحك وغيرها من التقنيات المفيده لك في مباراتك في اللايف
Magic وهي ايضاً مفيده جداً وتساعدك للبقاء لفتره اطول في اللعبه .. من امثلتها الانتقال لمسافه 10 امتار للجهه التي تمشي فيها .. او استدعاء شجره الحياه واللي تزيد طاقتك وترجعها للمستوى الطبيعي .. او اعاده احياء صديقك المقتول .. او وضع حقل من الاشواك لسد الطريق امام عدوك .. وغيرها من السحر
التقنيات والسحر تنقص من الكرات الموجوده في الجزء السفلي في الجهه اليسرى .. وكل تقنيه او سحر تستنفذ عدد محدد من الكرات .. وهذي الكرات مع الوقت بترجع للمستوى الطبيعي .. وللعلم اذا قٌتلت في الراوند ولم يساعدك احد او تخلص العدو من جثتك ستفقد اسلحتك التي اشتريتها سابقاً .. ومع انتهاء المباراه الكامله سيذهب كل السحر والتقنيات اللاتي اشتريتهم خلال المباراه ..
في اربعه اجناس في اللعبه .. ولكن في الديمو مسموح لك فقط اللعب بجنسين وهما الانسان والـElf .. لكل منهما نقاط ضعف ونقاط قوه ..
اللعبه فيها الكثير من الاشياء واللي راح تحس بمتعه اكثر اذا اكتشفتها بنفسك ... اللعبه فعلاً نقلت العاب الـFPS لمستوى جديد .. ولكن من اهم سلبيات اللعبه هو قله الخرائط واطوار اللعب في الاونلاين وهي اساس اللعبه وايضاً التعقيد الكبير في اللعبه حيث على سبيل المثال اذا انقذت احد اصدقاء ستبقى الكرات التي احتجتها لفعل هذا السحر محجوزه باللون الابيض ولن يفك هذا الاحتجاز عنها الا اذا قٌتل هذا الصديق .. وايضاً اذا انقذك احد اصدقاءك وثم قٌتل بعد ذلك ستبدأ طاقتلك تدريجياً بالنقصان الى ان تموت .. احس اللعبه نزلت بشكل مبكر جداً ولم يتسنى للفريق المطور ان يضيف اطوار وخرائط عديده .. قد يرجع السبب الى الحاجه لأصدار العاب للـVista وايضاً لاصدار خدمه الـLive Anywhere مبكراً ..
احتمال انتظر محتويات قابله للتحميل قبل شراء هذي اللعبه .. بس ما اضمن نفسي لما اشوفها بالمحل واتذكر انتظاري الكبير لها لول
الحين ابي ابدأ تحميل ديمو اوفر لورد .. جهازي ما وقف من التحميل هالاسبوع ... الله يخلي الكميات الكبيره من الديموز اللي نزلتلنا اياه مايكروسوفت ^^"
