لا
في اشياء كثيره تستفاد مني افا عليج بس
وقفت على اللعبه اهي
انا مواهبي متعدده و متنوعه
عضو مميز
لا
في اشياء كثيره تستفاد مني افا عليج بس
وقفت على اللعبه اهي
انا مواهبي متعدده و متنوعه
عضو مميز
كأنج مخفيه بالمنتدى
ليش تقلدين ؟ يعني صرت مرجع خلاص تقلديني بكل شي
عضو مميز
تذكرين قبل سنتين كلمتج عن الايباد ميني ؟
لما الحين قاعد افكر اشتري او مااشتري
شرايج فيه للتصفح والامور هذي ؟
زين او مو زين
عضو متواصل النشاط
الصراحه عني انا حبيت الجالاكسي تاب اكثر من الميني ايباد
الميموري انت تقدر تتحكم فيه انت تشتريه 16 جي بي وتقدر تزيده بميموري ثاني وانت وكيفك كم السعه
وباقي الاستعمالات مافي فرق عن الايباد وحتى في برامج في الايباد بفلوس وفي السامسونج ببلاش
والسعر الجالاكسي تاب ارخص من الميني ايباد (وهذا عوقك انت الفلوس)
عضو متواصل النشاط
وبالمناسبه انا ما احط مخفي لان بالاساس ما اعرف كيف يغيرونه وزين مني اعرف كيف اغير الخط
لاني ما ادخل منتديات الا هذا وواحد ثاني بس اقرا منه حتى اني مب مشتركه فيه
عضو مميز
انا عندي جلسكي نوت و ايفون 5
بس قبل لما نزل الايباد العادي قلت هذا ممتاز لو انه اصغر شوي , وبعدين نزلوا الميني , بالقياس اللي كنت ابيه
الحين انا متوهق . النوت هذا اللي عندي شاشته صغيره وانا ابي اكبر عشان اتصفح النت و اليوتيوب وغيرهم
انا ماتهمني البرامج ان كانت بفلوس او لأ , البرنامج اللي يعجبني اشتريه ماعندي مشكله
لكن كأستعمال شلونه من جهاز
يسوى او مايسوى
مثل ماقلت تصفح و يوتيوب
انا دخلت من الايباد العادي الى المنتدى قبل فتره , شفت انه من ناحيه المنتديات حلو , لأن يطلع شريط الادوات بحجم معقول و اقدر اغير الخط و اللون و احط صور
عكس الجلكسي النوت , اصبعي مو مال اجهزه باللمس مال فك براغي تاير او منجره , وكل ما اضغط بغير اللون او اسوي شي ماتضبط الا لما اكبر الشاشه واقرب الشريط
بعدين لما اكتب الكتابه تصير مكان اخر كلمه كتبتها و باقي الكلام مااشوفه واضطر اني اصغر الشاشه عشان اشوف شنو كاتب او وين وصلت
بالايباد شفت ان الشاشه كلها تبين واشوف من البدايه الى النهايه بالكلام
الحين ماادري شسوي ؟ الطم
عضو مميز
بخصوص البرامج , انا اشوف ان برامج ابل اكثر من سامسونج واحسن
في برنامج اسمه igo my way برنامج ملاحه للخليج والشرق الاوسط , شريته من ابل ستور ب60 دولار . رحت بشتريه حق الجلكسي و ماحصلته مع ان البرنامج تابع لشركه عالميه و كان النفجيتر هذا للسيارات اللي فيهم شاشه
حصلت برامج بالسامسونج لكن مو نفسه من ناحيه الجوده و الدقه والسهوله . وغيره برامج كثيره ماحصلتها , طبعا مااظلم السامسونج حتى ابل ماعندهم برامج متوفره للسامسونج لكن السوق اشوف ان ابل افضل
عضو متواصل النشاط
والله انا مب مثلك انا شو يخصني بالملاحه وخرابيطها ، انا بس يعجبني الالعاب وفي هذا عجبنيوعندي جالاكسي تاب واستعمله تلفون بعد
عضو مميز
انتوا جيل ماكو فايده
شنو العاب , مو كافي كمبيوتر و سوني و اكس بوسك و ويي مادري شسمها
يعني بالبيت وبره البيت تبون تلعبون ؟
شو هذا يا ريال
اعطوا نفسكم فتره نقاهه شوي , عيونك لا تروح عليكم , انا طحت بالسوني سنه 94 يمكن و عمري ما ادمنت عليها الا بالبدايه . يعني اول سنه او سنتين بعدين تركتها و صرت العب بالمعقول
انتوا 24 ساعه لعب , تروحون الدوام وتقزرون الوقت لعب والمراجعين مساكين ناطرينكم بالحر , احنا بلادنا مو كندا او المانيا , حسو بالناس اللي ميتين حر
انتوا شنو ماكو قلب
اتمنى الحكومات تطبق قانون اتلاف كل الاجهزه هذي مالت الالعاب و تخلي بس نوكيا ابو ليت عشان الاتصال فقط , ماكو تويتر و واستاب وغيره
و اي شخص تكتشف الحكومه ان عنده جهاز سوني او اكس بوكس يحاكم محاكمه عادله و يكون جزاءه الاعدام شنقا حتى الموت
عشان غيره يخافون ويسلمون اجهزتهم
بشوف اليوتيوب
galaxy tab vs ipad mini
عضو متواصل النشاط
اقول يبونك في قسم الاستفسارات يا بو شنب
عضو مميز
هلا والله دوديت
شلونج وشلون الدوام
امس رحت الغانم و رحت يوريكا و رحت اليوسفي حق الايبادي ميني
بالغانم 170 دينار
اليوسفي 179 دينار
يوريكا 179 دينار
طبعا ال32 جيجا فور جي
الغانم ارخصهم لكن اللي بحولي قالي مو عندنا , راح يشوف بالكمبيوتر و قالي متوفر بالسالميه و مادري وين ومادري وين
قلت السالميه توني راد منها عاد , كنت هناك عشان يوريكا
قال لو انك مار الغانم جان حصلته
على فكره
منو كان معاي بالسياره و فرفرنا عالشركات
نعم نعم هو بعينه
رفيجي ولد بطنها اللي عروقه بالماي
ملك اللعبه و ملك اشياء اخرى كثيره , ويعرف بالجلكسي
حسب كلامه يقولي امس واحنا نتمشى بالسياره نفرفر عالمحلات
يقولي شوف انا "الملك يعني يتكلم عن نفسه" شريت 4 ايبادات , كلهم العاديين مو الميني , وشريت جلكسي تاب و نكسس
شوف حبيبي "الملك يوجه كلامه لي" غير الايباد و اجهزه ابل لا تتعب عمرك وتبحث ولا نخسر فلوسك
كل الشركات يحاولون يوصلون للايباد بس مايقدرون
والدليل , ان الايباد مواصفاته عاديه لكن جبار بالاستخدام والسهوله
يعني المعالج a5 و ابل عندهم 6 لكن حاطين الجب 5 و الرام 500 والسرعه 1600 والذاكره داخليه فقط
^^^^^
الارقام اللي فوق مادري اذا صحيحه او لأ , اذا فيها غلط فهو مني انا , لأن الملك مايغلط بس يمكن انا اللي غلطت وماحفظت عدل
المهم يقولي شفت المواصفات هذي ؟ قلت اي مولانا
قال هذي مواصفات عاديه و في اجهزه مثل نكسس و جلكسي اقوى من هالمواصفات
لكن ليش الايباد ماسك سعره واغلى واحد فيهم ؟
قلت ليش مولانا ؟
قال لأن الشركه ما تخيب عملائها , تقدم البسيط لكن جبار , وسهوله الاستخدام و التحديثات على طول
و اذا تبي نصيحه واحد مجربهم كلهم اخذ ايباد
عاد انتي عارفه بعد نصيحه الملك و ثناءه على جهاز مانقدر نخالفه وناخذ غيره
اليوم بروح اخذه من السالميه ان شاء الله
عضو متواصل النشاط
روح وخل الملك ينفعك
خخخخخخ لا اسولف بعد مافينا يزعل علينا مللك ترام كلكك انت مب انا كل واحد ملك على عمره
المهم سلم عليه وتبريكاته
عضو مميز
للأسف انتي ماتعرفين قيمه الملك الحقيقيه
لازم تروحين نادي وتشتركين باليوجا و تتأملين الملك دام ظله
اهو الظل اللي يقينا من اشعه الشمس , كلنا تحت ظله الوافر يحمينا من شرور الدنيا و يثقفنا و ينورنا
انتي على بالج بس باللعبه اهو ملك ؟ اهو بكل شي ملك
معلومات غزيره يملكها رفيجي ولد بطنها ادام الله عزه اللي مغطينا ومغطي كل الدنيا
للأسف
ما انصفتي الملك ولا اعطيتيه حقه
على يوم راح تندمين على كل كلمه قلتيها مجحفه بحق الملك
شوفي هالصوره واهو قاعد عالكرسي مال الدوانيه امس
فوق ما ان اصبعه مكسور هم راح معاي نفتر عالشركات ويكلمهم ويتفاهم معاهم وبالانجليزي بعد
لأن الموظفين كانوا فلبن ويتكلمون انجليزي وانا بس اهز راسي . لو مو الملك كان مافهمت شي
هذي الصوره صورها اخوي الزغير , اهو واقف عند باب البيت و شاف المنظر قال بصوره , من الايفون طبعا و المناره مالت المسجد خلفها الغيوم واشعه الشمس متغلغله بينهم
عضو متواصل النشاط
من صجك هذا الملك مالك
يا معود امس الصوره عن يحسدونه
ويموت علينا هذا ريله والقبر وا عليه
قول الصج من هذا
عضو مميز
لا يغرج الطير بصفه الريش
اهو صج جيكر لكن عقله مليان علم و معرفه
بس شسوي هذا اهو , لو يصير احط هاني شاكر بداله احسن لكن اهو شكله جذي
يسلم عليج ويقولج
ظلما اقول جنى الهوى ,, لم تجني الا مقلتاه
ولبثت بين جوانحي ,, والقلب من دمه سقاه
