|[ .. كرسي التعذيب .. ]| -- yukii --

[C O N A N]

اوه ! ,, جلال على الكرسي !

بطاقتك الشخصيه ؟ << انا اعرفك بس غيري ما يعرفك ^^
هوايتك ؟
اهتماماتك ؟
ايش تحب ؟
ايش تكره ؟
متى تعصب ؟
متى تحزن ؟
ايش امنيتك ؟
انت عندك PS3 صح ؟ << T~T
وش الالعاب اللي تحبها ؟
.
لو تبي تعيش في بلد غير السعوديه , وين رح تعيش ؟

[قلب الحياة]

السلاااااااااااااااااااااام
هلا بأحلى مراقب
لك وحشه والله
سؤال واحد
اريد تاريخ زفافك
بس
عشان
أقسم لك إني باحضر

[مـُـحـب العجمي]

عز الله أكلنا هوى
أنا وش جابني عندكم الله يهديكم
أنا لي خلق كراسي
الله يهديك ياكابيتانو كل ذا يطلع منك
وأني يا فيتو على طول ساعدتيه
لكن تدرون شلون
مانب رادكم أبد <<< ماصدق خبر
لكن الحمدلله إني جلست عالكرسي وفيه إمتحانات عشان لا تكثر الأسئلة
وبالله إرحموني ياجماعة الخير
بسم الله نبدأ

ايش صلتك بكاسح ؟

صديق تعشينا أنا وهو شاورما وشربنا كوكتيل ومالقينا مكان ناكل فيه فأكلنا بسيارتي جنب المسجد كانت اشكالنا خرافة

كم المسافة بين بيتك وبيته ؟

مسافة بعيدة
أنا شمال الرياض وهو جنوب الرياض وعندك طريق الملك فهد زحمة ترفع الضغط يعني يوم أروح له ضغطي يصير على كيفك
مع كذه انا قلبي طيب وا/رة دايم

من أنت بحق الجحيم ؟

أستغفر الله العظيم
ومن قال إن للجحيم حق يجاوب به
كلام الأفلام خلها عنك ( حتى ولو كنَّا نضحك )

* بايش قاعد تفكر ؟؟

أفكر أذبح الي رشحني

* ايش اخر كلمة بحث كتبتها في قوقل ؟؟

الشيخ سليمان الجييلان والعجمي يطبخون

* ايش اخر مقطع فديو شغلته بجهازك ؟؟

الشيخ احمد العجمي يطبخ XD

* ايش اخر شي شربته ؟؟

ميراندا برتقال

* ايش اخر شي اكلته ؟؟

ساندويش كبدة على الفطور

* ايش اخر هديه جاتك ؟؟

ـ___ـ"

تذكرت
عطر من أحد طلاب الحلقة <<< ياحظي

* ايش كنت قاعد تحوس قبل تشبك نت ؟؟

ألعب كورة <<< رياضي عالمي

* ايش اكثر شي يعجبك فيني واكثر شي يقهرك فيني ؟؟

فتاة مجرة خلوقة أخلاقها عالية
مراقبة رزينة فاهمة تديرين الأمور بحكمة
وأكثر شيء يقهر
هو ترشيحي للكرسي والضفادع تبعك الي مدري من وين جبتيهم

* ايش روتينك اليومي من تقعد لين تنام ؟؟

أصحى أصلي الفجر
أرجع انام شوي
أصحى أودي إخواني للمدارس أرجع أنام شوي
أصحى أودي أمي مشاويرها أرجع انام شوي
أصحى أشبك نت قبل الظهر أنام شوي
أصحى أرجع إخواني من المدرسة وبعدها اشبك نت والعصر اروح للحلقة وبعد اللحلقة اصرف نفسي إما مع الشباب او كورة أو نت
تقصدين لين تنام يعني نومة الليل وإلا أي نومة XD

وبس

كثر الله خيرك كفيت ووفيتي

مرحباا ..

هلا

غريبه مجنون العجمي عالكرسي !!

من جد غريبة
أنا مالي وماللحاجات ذي

اممممم
كم عمرك ..؟؟

قريباً بالأسواق سيكون عمري 25 سنة

شراايك بالترفيهي ..؟؟

قسم حلو وناسه طيبة وفيهم الخير
( نص الي عندي بالمسن من الترفيهي )

ليش ما تشاارك بالقسم الريااضي ..؟؟

أنا متابع بس

منو تشجع ؟؟

الي إنطحنوا البارح ( إيطاليا )

انديه اوروبيه ..؟؟

كل شيء إيطالي أتابعه

انديه عربيه ..؟؟

معليش ثقافتي عالمية

خخ بس ماعندي شي اقوله

ماقصرتي كذه كويس

اوه ! ,, جلال على الكرسي !

لا ياخالد حتى أنت
إما أرسلت لك مَصَارع الناس بالكيمياء ماأكون جلال
ياخي خلاص موب لازم تفضحني

بطاقتك الشخصيه ؟ << انا اعرفك بس غيري ما يعرفك ^^

الاسم / جلال ، جلجل ، أبوالجلاجل ، جلول ، مجلجل
كلها اسماء تمشي
العمر ذكرته فيما سبق
الحالة الإجتماعية /

هوايتك ؟

الكورة ياخي إدمان كورة

اهتماماتك ؟

أشرطة العجمي النادرة
و
قضايا الشباب وجديدهم <<< تعرف ليش ياخلودي
( لا أحد يقولي ليش )

ايش تحب ؟

أحب كل شيء محبوب <<< مسوي إجابة ذكية

ايش تكره ؟

أكره الفلاسفة

متى تعصب ؟

أنا مافي أمل اعصب أبداً أعصابي ثلج
لكن الي يقهر الصور النسائية الي ينشرونها الأعضاء ترفع ضغطي H

متى تحزن ؟

إذا شفت شباب ينتكسون T__T

ايش امنيتك ؟

أصير خطيب جامع وداعية إلى الله
وأن يهدي الله بي

انت عندك PS3 صح ؟ << T~T

بدينا فضايح قايلك لا تفضح
وبعدين قول ماشاء الله

وش الالعاب اللي تحبها ؟

ويننج إلفن ( الدوري الياباني )

لو تبي تعيش في بلد غير السعوديه , وين رح تعيش ؟

اليابان !!!

السلاااااااااااااااااااااام

وعليكم السلام ورحمة الله وبركاته

هلا بأحلى مراقب

هلا بأحلى قلب
حلوة أحلى مراقب لو تشوفني كان إقتنعت XD

لك وحشه والله

أنت أكثر ياغالي

سؤال واحد

الله يستر

اريد تاريخ زفافك
بس
عشان
أقسم لك إني باحضر

تاريخ زفافي لم يحدد بعد

لكن أوعدك إنك أول العارفين وبعدك اعضاء المنتدى الغالين فقط

[Fly_Batman]

سؤال...ماهو الأفضل...
الزواج قبل الدراسة الجامعية...أم خلالها ...أم بعدها..؟

[مـُـحـب العجمي]

سؤال...

يس
وات إز إت

ماهو الأفضل...
الزواج قبل الدراسة الجامعية...أم خلالها ...أم بعدها..؟

قبل الدراسة أفضل أكيد
وتسلم أخوي على هالسؤال اللطيف الخفيف

[->Hussen<-]

السلام عليكم

مو متعود اعذب الاعضاء بالأسئلة

بس عندي كم سؤال ثقيل

-ما رأيك بتواجدك هنا في المنتدى ؟ , وهل انت راضٍ عن نفسك ؟

- حسين شنو تعرف عنه , ورايك بيه ؟

لأنني والصراحة اعتبرك شخص غامض بعض الشيء , ويصعب علي بعض الاجابات , اللي انا كتبت الاسئلة عنها

وشكرا

[Fly_Batman]

يس
وات إز إت

قبل الدراسة أفضل أكيد
وتسلم أخوي على هالسؤال اللطيف الخفيف [/center]

طيب ولخلص الجامعة..ولا تزوج وش يسوي T-T

[مـُـحـب العجمي]

السلام عليكم

وعليكم السلام ورحمة الله وبركاته

مو متعود اعذب الاعضاء بالأسئلة

هذا من طيبك ^^"

بس عندي كم سؤال ثقيل

لا ماإتفقنا على كذه

-ما رأيك بتواجدك هنا في المنتدى ؟

مممممم
رأيي هو تواجد إيجابي إن شاء الله <<< مش كذه الجواب

, وهل انت راضٍ عن نفسك ؟

نعم إن شاء الله راض

- حسين شنو تعرف عنه , ورايك بيه ؟

أعرف عنه إنه أبوه سماه حسين XD
ويصير ولد عم عمر
وعنده راس وخشم
وإنه عضو طيب ونفر مية مية
ورايي بيه مثل اي شخص أحترمه واعتبره عند حسن الظن ^^

لأنني والصراحة اعتبرك شخص غامض بعض الشيء

خخخخخخ
تقدر تقول أحب الغموض أوقات وأوقات لا

, ويصعب علي بعض الاجابات , اللي انا كتبت الاسئلة عنها

أعد شرح الجملة الماضية XD

وشكرا

وعفواً
**

طيب ولخلص الجامعة..ولا تزوج وش يسوي T-T

يلحق عمره ويتزوج

[G Girl]

سلام جميعان

معجون أجل بتعرس هاه وانا اخر من يدري اجل منيب حآضره عرسك <<وش عنده ابو الشباب

مبروك لله يوفقك وانا اختك ويهنيك قل امين

اما سوعالي يقول وش رايك بالتفحيط ؟؟والمفحطين ؟؟وكلمه اخيره توجها لهم ??<<لقاء في القناه الاولى

وش رايك بالمفطح على طاري المفحطين ؟؟<<وش دخل خخخخ

هل انت من مؤيدين السواقه للحريم ؟؟

وش نوع سيآرتك ؟؟ وبس

[XD"]

هلااااااااا ابو الجلاجل ((الجيم تنطق الجيم المصرية))

إيـــش رأيــك أنــشر غــســيلك قــدام الأعضاء ولا مايصلح

المـــهـــم أنا معروووف ماارحم لكن هالمرة نازلة علي رحمة <<<والله أني خايف من الكفوف اللي بتجيني

راح أسألك عن الطحن <<<<أموووت في الطحن انا

الي إنطحنوا البارح

( إيطاليا )

ليش حزين انا قلت لك من البداية خليك مع أدوين تمشي الامور صح

الاسئلة :
إيش رايك بمستوى هولندا ولو مضت جميع المباريات بهذا الاسلوب راح تتأهل ولا لا؟؟؟
إيش رايك بمستوى الطليان هل تعتقد انهـ مستوى يليق بأبطال العالم؟؟؟
أدوين فان دير سار كيف تشوفهـ مباراة إيطاليا؟؟؟ الفاول هل توقعته هدف ؟؟؟
بوفون أبدع لــكن من من المدافعين كنت تبغى كانافارو مكانه؟؟؟؟
إيش شعورك وقت الههدف الـ1.2.3؟؟؟
المباراة النهـائية اللي تتوقعها ؟؟؟
المباراة النهـائية اللي تتمناها ؟؟؟
فرنسا×هولندا توقعاتك ((مالها دخل بالمباريات السابقة اعتبر اننا ماشفنا مستوها))
إيطاليا× فرنسا
تشجيعك للطليان أثر فيكـ لدرجة أنك صرت تلعب دفاع رغم أنك كنت تلعب وسط قبل أعتزال RB10
السبب لتحولك للدفاع؟؟؟
إذا انا وياك صرنا بفرق هل يمكن لأحد انهـ يتعدانا؟؟؟<<<عارف الاحابة بس ابغى استعرض قدام الاعضاء

+++
طيب أشوف إني طولت بهوايتي أجي عند هوايتك

أيش أخر شريط حملته للعجمي
اخر شريط شريته
اخر شريط رفعته
اخر شريط اهديته لواحد
أفضل شريط سمعته للعجمي
أفضل سورة تسمعها بصوت العجمي
افضل انشودة للعجمي
إيش هو سبب إيعجابك بالعجمي أو إيش هي الاية اللي سمعتها للعجمي وشدتك له


الشيخ اللي اذا سمعت محاضراته تحس انه لسانه ينقط ذهب
الشيخ اللي اذا سمعت محاضراته لازم تكون فاتح معجم
الشيخ اللي إذا سمعت محاضراته تحس أنك تعيش القصة
الشيخ اللي اذا سمعت محاضراته تحس أنك لازم تتوب الحين



أوقف هنا واصيييير رحيييييييييييم فيهـ أشياء واجد ببالي

المهم تعرف انهـ ماتقدر تصقع رأيك فيني بوجهي في البيت
أصقع رأيك فيني هنا

إيش رأيكـ بXD" أو Khwilled-89 <<<يعني أنا بالنت
إيش رأيك بخالد أو خالد خلودي <<بالطبيعة
وإيش الاشياء اللي تنصحني اتركها ((غير تشجيع مانشستر))

ويلا توصي شئ


نسيت شئ

لو تبي تعيش في بلد غير السعوديه , وين رح تعيش ؟

اليابان !!!

يااخي قول:
بلادي وإن جارت علي فـهي بلادي <<<طبعا اعرف البيت لكن هذه سالفة ثانية



يلا سلام


اووووه صح تذكرت

وش نوع سيآرتك ؟؟ وبس

وش كان نفسك تسوي فيني لما صدمت اللكزس بسيارتك



كل شوي اقول سلام وااتذكر اشياء الحين راح اقول
السلام عليكم ورحمة الله وبركاته

[MiSs.ChiPs]

هلااااع بمجنون العجمي هنا
مين منشدك المفضل؟ ... خخخخ وحدة تستهبل
لا قصدي غير العجمي..اقصد
ماشعورك علا كرسي التعذيب؟

ماامنياتك للترفيهي لمية سنه قادمه خخخ؟؟؟

[C O N A N]

عُدنا ..

إما أرسلت لك مَصَارع الناس بالكيمياء ماأكون جلال

بالله لا تذكرني بها ,, الماده الوحيده اللي ما دخلت براسي

قضايا الشباب وجديدهم <<< تعرف ليش ياخلودي

( لا أحد يقولي ليش )

لييييييييييييش ؟؟

ملاحظه : هل تعلم اني ما احب اسمع كلمة "خلودي"
إلا اذا كانت ..... <<
.
س/ لو خيروك بين الصديق و الحبيب من بتختار , مع ذكر السبب ؟

[مـُـحـب العجمي]

سلام جميعان

وعليكم السلام ورحمة الله وبركاته

معجون أجل بتعرس هاه وانا اخر من يدري اجل منيب حآضره عرسك

خخخخخخ
فيه نية
لكن صدقيني ماأحد داري إلا فئة قلييييييييلة جداً
وأنتي أول المدعوات من العضوات تم حجز إسمك

<<وش عنده ابو الشباب

لا عادي تمونين

مبروك لله يوفقك وانا اختك ويهنيك قل امين

الله يجزاس خير ويبارس فيس ياخيتي
آمين آمين

اما سوعالي يقول وش رايك بالتفحيط ؟؟والمفحطين ؟؟وكلمه اخيره توجها لهم ??<<لقاء في القناه الاولى

التفحيط هو كارثة شبابنا اليوم الله يهديهم
وطاحوا به البزران في الفترة الأخيرة
حتى طلاب الحلقة صاروا يفحطون بالسياكل
لكن الله يهدي الجميع
وأنصحهم إن يتركوا هذا الشر عنهم ومافيه فايدة لأان القشعه بالعواميد مضرة بالصحة

وش رايك بالمفطح على طاري المفحطين ؟؟<<وش دخل خخخخ

خخخخ
كيف ماله دخل له دخل ونص
وبالنسبة للمفاطيح
فأنا ارشحها الوجبة الأولى على مستوى العالم

هل انت من مؤيدين السواقه للحريم ؟؟

لأ لأ لأ لأ لأ
تخيلوا وحدة تقاومني عند الإشارة

وش نوع سيآرتك ؟؟ وبس

سيارة عائلية <<<< لأاني شايب
مشكور جوجو
**

هلااااااااا ابو الجلاجل ((الجيم تنطق الجيم المصرية))

إيـــش رأيــك أنــشر غــســيلك قــدام الأعضاء ولا مايصلح

المـــهـــم أنا معروووف ماارحم لكن هالمرة نازلة علي رحمة <<<والله أني خايف من الكفوف اللي بتجيني

راح أسألك عن الطحن <<<<أموووت في الطحن انا

خالد بتفاهم معك بالبيت

ليش حزين انا قلت لك من البداية خليك مع أدوين تمشي الامور صح

مامشت صح إلا الحكم أعمى

إيش رايك بمستوى هولندا ولو مضت جميع المباريات بهذا الاسلوب راح تتأهل ولا لا؟؟؟

راح تتأهل

إيش رايك بمستوى الطليان هل تعتقد انهـ مستوى يليق بأبطال العالم؟؟؟

إيه نعم يليق وبكل قوة
لكن لازم الحكم يكون لابس نظارات

أدوين فان دير سار كيف تشوفهـ مباراة إيطاليا؟؟؟ الفاول هل توقعته هدف ؟؟؟

توقعته عارضة

بوفون أبدع لــكن من من المدافعين كنت تبغى كانافارو مكانه؟؟؟؟

بانوتشي

إيش شعورك وقت الههدف الـ1.2.3؟؟؟

كان ودي أكفخك يوم إنك تصفق

المباراة النهـائية اللي تتوقعها ؟؟؟

إيطاليا وألمانيا

المباراة النهـائية اللي تتمناها ؟؟؟

إيطاليا و روسيا

فرنسا×هولندا توقعاتك ((مالها دخل بالمباريات السابقة اعتبر اننا ماشفنا مستوها))

5 ـ صفر لصالح هولندا

إيطاليا× فرنسا

3 - 0 لصالح الآزوري

تشجيعك للطليان أثر فيكـ لدرجة أنك صرت تلعب دفاع رغم أنك كنت تلعب وسط قبل أعتزال RB10
السبب لتحولك للدفاع؟؟؟

عشان طولي الفارع
و متابعتي للكثير من المتابعين
وطبعاً تعرف ألقابي ياخويلد صح

إذا انا وياك صرنا بفرق هل يمكن لأحد انهـ يتعدانا؟؟؟<<<عارف الاحابة بس ابغى استعرض قدام الاعضاء

مافي أمل مستحيل
مسكى

+++

طيب أشوف إني طولت بهوايتي أجي عند هوايتك

ياله نشوف

أيش أخر شريط حملته للعجمي

ماأحمل للعجمي ارفع بس << إحم إحم

اخر شريط شريته

اشرطة عام 1425 هـ

اخر شريط رفعته

تلاوة نادرة لعام 1411هـ

اخر شريط اهديته لواحد

العجمي عام 1415هـ

أفضل شريط سمعته للعجمي

كله تمام

أفضل سورة تسمعها بصوت العجمي

كله عسل

افضل انشودة للعجمي

ممممم
غالتيدا

إيش هو سبب إيعجابك بالعجمي أو إيش هي الاية اللي سمعتها للعجمي وشدتك له

خالد
هذه سالفة يبغالها صفحة كاملة

الشيخ اللي اذا سمعت محاضراته تحس انه لسانه ينقط ذهب

مسوي نفسك ماتعرف
تبيني أقول المغامسي صح

الشيخ اللي اذا سمعت محاضراته لازم تكون فاتح معجم

علي القرني ماشاء الله عليه

الشيخ اللي إذا سمعت محاضراته تحس أنك تعيش القصة

كثيرين

الشيخ اللي اذا سمعت محاضراته تحس أنك لازم تتوب الحين

خالد الراشد والمغامسي T__T

أوقف هنا واصيييير رحيييييييييييم فيهـ أشياء واجد ببالي

المهم تعرف انهـ ماتقدر تصقع رأيك فيني بوجهي في البيت
أصقع رأيك فيني هنا

خالد ترى بشيل عنك الـ PS3

إيش رأيكـ بXD" أو Khwilled-89 <<<يعني أنا بالنت
إيش رأيك بخالد أو خالد خلودي <<بالطبيعة

الله يجزاه خير مريحني واجد
وشايل البيت الله يوفقه
لكن مشكلته إنه مانشستراوي

وإيش الاشياء اللي تنصحني اتركها ((غير تشجيع مانشستر))

كل شيء موب زين

ويلا توصي شئ


نسيت شئ

سلامتك ياخي فكنا منك
كل شوي طالع نسيت شيء

يااخي قول:
بلادي وإن جارت علي فـهي بلادي <<<طبعا اعرف البيت لكن هذه سالفة ثانية

خخخخخخخخخخخ
تذكر السالفة
خخخخخخخخخخ

وش كان نفسك تسوي فيني لما صدمت اللكزس بسيارتك

كان ودي اذبحك على لقافتك

كل شوي اقول سلام وااتذكر اشياء الحين راح اقول
السلام عليكم ورحمة الله وبركاته

لا خلاص ماقصرت كذه بركة
وعليكم السلام ورحمة الله وبركاته
مشكور خالد
**

هلااااع بمجنون العجمي هنا

ايه من حظي

مين منشدك المفضل؟ ... خخخخ وحدة تستهبل

><"

لا قصدي غير العجمي..

أها كلهم ماعندي أ؛د محدد لكن أبوعبدالملك وابوعلي أكثر شيء أسمع لهم

اقصد
ماشعورك علا كرسي التعذيب؟

ثبتي على راي الله يسلمج وش تقصدين
وشعوري في الحقيقة شعور اي نفر جالس يجاوب على اسئلة ووده يذبح الي رشحوه

ماامنياتك للترفيهي لمية سنه قادمه خخخ؟؟؟

أن يتعاقدوا مع خطوط دفاع جيدة وهجوم مدمر <<< متأثر بالكورة
مشكور تشسبا يا
**

بالله لا تذكرني بها ,, الماده الوحيده اللي ما دخلت براسي

كيمياء كيمياء كيمياء كيمياء كيمياء

لييييييييييييش ؟؟

أقول شكلك تنسا الهرج بدقيقة

ملاحظه : هل تعلم اني ما احب اسمع كلمة "خلودي"
إلا اذا كانت ..... <<

ابشر ياخلودي
من قالك تكثر بالأسئلة ياخلودي
لا يكثر ياخلودي طيب ياخلودي
وياخلودي تراي شريت الي كلمتك عنه امس

س/ لو خيروك بين الصديق و الحبيب من بتختار , مع ذكر السبب ؟

@@
شنو
اختار في أي وقت
ولا شني المناسبة
جاوب عشان اجاوبك وانا مركز
السؤال ضرب مخي معليش
مشكور خلودي

[أحمد الأنصاري]

خخخخخخخخخخخ

-ماهو مصارعك المفضل

-عرضك المفضل

-مهرجانك المفضل

علل مايلي :-

لقد تم اكتشافك وانت تشاهد مباريات المصارعة

مرأيك فيني T.T

[مـُـحـب العجمي]

خخخخخخخخخخخ

وش الي يضحك
" هح "

-ماهو مصارعك المفضل

سابقاً أنت تعرفه

-عرضك المفضل

ماكو

-مهرجانك المفضل

ماكو

علل مايلي :-

علل لكم ياطلاب المدارس

لقد تم اكتشافك وانت تشاهد مباريات المصارعة

إشاعة كاذبة

مرأيك فيني T.T

نفر مية مية أحلى من الفول والطعمية
وانت تعرف قدرك زين يابووضحة