جالاري ‘نداء الخيال‘ رسومات من عوالم رواية.

**الخطاف** · 15-01-2003, 01:51 AM

رسومك فلته يا روايه...
يه يه يه...
بس....
كان شخصياتك كلهم حلوين
أرسم شخصيه تغرع واحد شرير ...
بس تدري شلي عاجبني فيهم... كلهم راسمهم بحركه حيويه..
عجيب عجيب..
خلك (هلون= شذي) أو كثر من رسماتك..
سي يو

**Madoka** · 15-01-2003, 04:20 AM

وااااااو ^.^ ... رسوماتك اليديده روعه

أول رسمتين في الصفحه 23 حلوييييييييييييييييييييييييييييييييييييييين وايد ...
الرسمه الأولى فيها بنت حلوه :-) ملامح ويهها كيوت ... و ريولها كوووول

.. اما الرسمه الثانيه عاجبني شكل الولد و نظرته @@ و تسريحه شعره

و الرسمات الجماعيه اللي آخر شي يونسون ... خصوصا انك راسمهم ورى بعض (مو يم بعض) و مسوي بعد في الرسمه ^______^

ماشالله عليك حطيت وايد رسومات يديده في فتره قصيره

... اتمنى اني اشوفهم ملونين

سي يوو

**Rewayah** · 15-01-2003, 04:19 PM

شكراً أورانجر رود, تويا, خطاف, مادوكا! ^^

الرسالة الأصلية كتبت بواسطة الخطاف
يه يه يه...
بس....
كان شخصياتك كلهم حلوين
أرسم شخصيه تغرع واحد شرير ...

ما طلبت يا خطاف والله إنك ما طلبت!! @@
شخصيات تخرع وشريرة!

متأكد إنت؟ ":"
أفا علييييييييييييييك!

إحم إحم, إن شاء الله بحاول وبحط لك جريب.

خلود, أقسم لج إني كل مرة أنسى بسبب بعض الزيارات المكثفة هاليومين عندي! @@

بس الرسمة مثل ما خبرتج جاهزة ومحبرة وكل شي, بس يبالها سكانينج!

وإذا ما حطيتها اليوم, خلاص طرديني من المنتدى! @@
وحذفي كل مشاركاتي! :"

يارب بس ما أنسى... @@
لأني الصراحة مصختها!

**orange road** · 15-01-2003, 06:01 PM

الرسالة الأصلية كتبت بواسطة Rewayah
وإذا ما حطيتها اليوم, خلاص طرديني من المنتدى! @@
وحذفي كل مشاركاتي! :"
لأني الصراحة مصختها!

^^ معليش بانطر شوي...

ما آنا نطرت سنة... يعني ما اقدر انطر اليوم...

وبعدين..

الطرد :غضب:

(تعرف ان مب من صجي)

**Rewayah** · 15-01-2003, 06:11 PM

هلا يا هلا بي سانشيـ... ! ^^
ـشيـ ... ؟؟ @@

أأأ قصدي, هلا وسهلا! ^^

أورانج رود بشري!

كاهي رسمتج كاهي!

سويت لها سكان وأنا أشرب شاهي! ":"
كاهوا لوسفر الراهي!

عجبتني شخصيته وائي!

قصّة: "وائي"؟؟ @@
رواية: أأأ... وايد!!

عجبتني شخصيته وايد!

أرجوا بس أنه يعجبج وما تكونين زعلتي مني لأني تأخرت وائي! :"
قصّة: ولا تنسين تعرفينا بالشلة الباقية!

رواية: إيه صج!

أبي أعرف الباقين! @@

**Rewayah** · 15-01-2003, 06:15 PM

عنبوه! @@
خلود رديتي قبل نشري! ^^
المنتدى علق, فطرشت مرة ثانية, وما وعيت إلا وإنتي رادة قبلي! ^^ ههههه

حياكِ!
وإن شاء الله يعجبكِ لوسيفر.

**shaheen** · 17-01-2003, 08:44 PM

اهلا حبيبي رواية

اخيرا شفنا لك رسومات مبهرة كالعادة

بالرغم انها غير ملونة لذا اخشى ان تنسى التلوين بعدين:6

الرسومات كلها على مستوى من الاتقان... وافكارها جميلة ومثل ماقال عمار فيها حيوية

شخصيات البحيرة المنسية رائعة... وكلها معضلة ^_^... يذكروني بجماعة تيري بوجارد في فاتال فيوري

- احذر الكوع!! يحتاج الى ضبط!>_<

اعجبتني شخصية الخليجية جدا جدا.... مع ان ملامحها ليست خليجية >_< لكن شعرها ولبسها روعة

كذلك اعجبتني رسمة البنت ام الجينز... خطوطك روعة والتظليل تمام يصلح لتلوين cell وثنيات الملابس رائعة

صورة الارستقراطية ممتازة لكن فعلا غريبة فكرة رفاقها

عليك افكار يا أخي

بالنسبة للصديقات... حلوين^_^... واظن انك لو رسمتهم باستقامة واحدة مقابلين للكاميرا يكون افضل

يعجبني تنوع اشكالهن.

رسمة الولد ابو مسدس... رسمة جميلة ومثل ماقالت اختي خلود قد يكمن السبب في عضلاته المفتولة ^_^ كم اصبع في يد الولد التي تحمل المسدس؟
:6

اعمال رائعة وافكار جهنمية ومرونة رهيبة في الرسم
هل يمكن ان نراها ملونة؟ (فكرة مادوكا)

... ونتمنى ان نرى المزيد وان نرى رسمة لوسيفر

(فكرة خلود).

اظنه الخلل

لم تنشر بعد!

**Rewayah** · 17-01-2003, 10:12 PM

هلا بحبيبي شاهين هلا! ^^

يسعدني ردك في موضوعي وايد! -_^

شكراً على الرد.

الرسالة الأصلية كتبت بواسطة shaheen
بالرغم انها غير ملونة لذا اخشى ان تنسى التلوين بعدين:6

هو أنا نسيته خلاص! @@
لا لا أمزح معاك!

طبعاً ما بنسى التلوين إن شاء الله!

الرسالة الأصلية كتبت بواسطة shaheen
شخصيات البحيرة المنسية رائعة... وكلها معضلة ^_^... يذكروني بجماعة تيري بوجارد في فاتال فيوري
- احذر الكوع!! يحتاج الى ضبط!>_<

... !!! @@
شاهين, أنا هنيه ما نشرت من شخصيات البحيرة المنسّية إلا البنت أخت البطل مع صديقاتها (أم رباط ذيل حصان).

الباقين مالهم خص!

هو بس فيه شخصية وحدة على شاكلة الثنينة اللي ذكرتهم.

وبالنسبة للكوع كلامك صح, مرات أرسمهم سَرُّوعي! >_<
قصّة: كلمة يديدة هاي! @@

الرسالة الأصلية كتبت بواسطة shaheen
بالنسبة للصديقات... حلوين^_^... واظن انك لو رسمتهم باستقامة واحدة مقابلين للكاميرا يكون افضل, يعجبني تنوع اشكالهن.

شكراً شاهين. ^^
بحاول أرسمهم على أستقامة وحدة في الرسمات الجاية.
وعلى فكرة, هذيلا هم اللي أتلكم عنهم في النقطة السابقة.

البنت الأولى (الأقرب للكاميرا) هي أخت البطل وهي الشخصية الوحيدة هنا من قصة البحيرة المنسيّة.

أسمها "هديل".

الرسالة الأصلية كتبت بواسطة shaheen
رسمة الولد ابو مسدس... رسمة جميلة ومثل ماقالت اختي خلود قد يكمن السبب في عضلاته المفتولة ^_^ كم اصبع في يد الولد التي تحمل المسدس؟

>_< ...
وا فضيحتاه! ":"
هذا عاد خطأ لا يغتفر!

راح أحاول ما أعيده!

الرسالة الأصلية كتبت بواسطة shaheen
اعمال رائعة وافكار جهنمية ومرونة رهيبة في الرسم
هل يمكن ان نراها ملونة؟ (فكرة مادوكا)
... ونتمنى ان نرى المزيد وان نرى رسمة لوسيفر (فكرة خلود).

اظنه الخلل لم تنشر بعد!

إن شاء الله شاهين.
راح تشوفون رسومات ملونة جديدة بأذن الله.

ونعم, لم تُنشر رسمة خلود "لوسيفر" بسبب الخلل.

لكن بحطها في أقرب فرصة.

حياك شاهين.
;-)

**shaheen** · 17-01-2003, 11:07 PM

لحظة لحظة... شلون جذي؟؟؟؟:!

انت قلت ان بعض الشخصيات في قصة البحيرة اللي ناسيينها... يعني انت مسوي شخصيات مترابطة ويطلعون في بعض القصص؟؟ كيف يعني.. مافهمت >_< (التروس ماتشتغل مثل ماتقول فطوم).

**fatoom** · 18-01-2003, 12:54 AM

الرسالة الأصلية كتبت بواسطة orange road
رسومك مبهرة يا رواية...
رووووووووعة...

وعندي كلمة اخيرة ^^
وين رسمة لوسيفر؟؟؟؟ :غضب:

فضحتييييينا !!:6

مايسوى عليه بيرسمه :6

هههههههههههههههههههههههههه

**Rewayah** · 18-01-2003, 06:20 AM

الرسالة الأصلية كتبت بواسطة shaheen
لحظة لحظة... شلون جذي؟؟؟؟:!

انت قلت ان بعض الشخصيات في قصة البحيرة اللي ناسيينها... يعني انت مسوي شخصيات مترابطة ويطلعون في بعض القصص؟؟ كيف يعني.. مافهمت >_< (التروس ماتشتغل مثل ماتقول فطوم).

لاااع لاااع شاهين! :"

شاهين حبيبي, شاهين بعد قلبي, شاهين يا نظر عيني إفهم عليه!!

أنا قاعد أقول إنه شخصية "وحدة بس" من قصّة ~البحيرة اللي إنّست~ موجودة هنيه ومعروضة! :"

وهي تظهر في صورة جماعية مع صديقاتها اللي بالمدرسة (البنت اللي رابطة شعرها ذيل حصان).

فقط! واللي كتبت عنها التالي:

"هاي الرسمة عبارة عن إحدى الشخصيات من قصة ~البحيرة المنسيّة~.
وهي أخت البطل وتدعى "هديل".
بس هاي كانت أحد الأشكال البروتوتايب واللي غيرتها لاحقاً (تغيير طفيف).
وهنا نراها مع شلّة صديقاتها في المدرسة".

فقط!!

أما بالنسبة لهالعبارة واللي ظهرت في الصفحة 23 في آخر رد لي بها:

"الصياد "رَجدي" من ~ البحيرة المنسيّة~ نسبياً على شاكلتهم! ^^".

وأعني على شاكلة الأثنان اللي واقفين يتصورون للكاميرا وواحد عامل حركة "فكتوري" بيده.
لكن "رَجدي" مش موجود معاهم بالصورة... >_<
ولا له علاقة فيهم!

أرجوا أنه تكون قد فهمت علي! :"

حياك شاهين! :0)

الرسالة الأصلية كتبت بواسطة fatoom
فضحتييييينا !!:6

مايسوى عليه بيرسمه :6

هههههههههههههههههههههههههه

فطوم عادي, هاذي خلود وسوالفها, جذيه هي!! @@
وبعدين أنا الصراحة مصختها وتأخرت وايد!

فااا سوووريييي! @@

حياج.

**هـداف** · 18-01-2003, 11:36 PM

لا تخاف, ما راح أفهمك غلط شاعر! ^^ ههههه

فهمتك

للحين تذكر...أكيد قريت ردي.....الحمدلله....

^__^

__________________

بالنسبة للرسمات.........ولا أحلى منها...ماشاءالله عليك رسام من د منازع.....>>>>تصدق:::اخواني كلهم لما فتحت الجاليري تجمعوا علي ... ماشوف شي .. كل واحد حاط صبعه على الشاشه(تكفخ):6

المهم:عنددي سؤال:هل هذه الرسومات بالقلم الضوئي ؟؟

المزيد ثم المزيد

**Dark Eyes** · 26-01-2003, 02:09 AM

great art Rewaya
your touches always excellent dude

by the way why dont u draw something DARKK!

**Rewayah** · 26-01-2003, 04:01 AM

هلا هلا دارك آيز!!

لونج تايم نو سي!!

What?!

If DRAK what you want...
Then DARK what you will get!! @@

HA HA HA HA HA HAAAAAA! ":"

حياك داركو! ;-)

**mai_arumashi** · 26-01-2003, 05:22 AM

هايل يا اخ روايه ، او زي ما يؤلو :" حاجه جنان" ياي
كله و لا رسمه البنات الى مع بعض

بسسسسسسسسس ( ردينا؟)

الرسالة الأصلية كتبت بواسطة orange road

وين رسمة لوسيفر؟؟؟؟ :غضب:

منو لوسيفر؟؟؟ صراحه عندى فضول اشوفه( تووووووو نوزي:6 )
( ما ابغى اذكرك بشي ما تبغي تذكره )

الموضوع: جالاري ‘نداء الخيال‘ رسومات من عوالم رواية.

أدوات الموضوع

!!

Re: !!

!!

!!

!!

^^

!!

ضوابط المشاركة