زوبعة العبط!! من دون أكل الزلط!!

[S7]

ممكن ادغدش معاكم ...
لأني احب الدغدشه والكلام الي ماله آخر

[wildkitty]

حياك الله

[BUBLE]

هااااااااي هلووووووو اهلييين هلا والله السلام عليكم ....الخ

احم.......
ولكم باك رانما ....وينك طولت علينا الغيبة

وشاعر سلامات وسلامة ويهك ....انشالله ترد لنا بالسوالف السنعة اللي مالها اخر>>>>>ماعندها سالفة

جلنار
اوعدج مرة ثانية اني راح اتصل عليج اذا ودي اطلع


ترررررن ترررن>>>>ردي على التلفون

يللا ابي اطلع.....باروح حديقة الشعب.....يللا بسرعة لبسي وتعالي لي انا ناطرتج ........بس لا تطيحين علينا نفس ذيك المرة نتوهق فيج .....انا تعقدت ترا باطلع اجازة مبكرة الموعد للطوارئ علشان اذا طحتي عليي انا اسوق واوديج البيت .....لاني انا مو بايعة عمري معاج.....مرة ثانية اخذي دواج قبل لا تطلعين
_________________________

اوه ماي من زمان ما شفناج ....
ههههههههههه......اذكر بعد مرة صارت لي سالفة جذي تشبه سالفتج
مرة بنت عمي اتصلت علي الفجر علشان اخوها كان متاخر وللحين ما رد
وتلفونه ما فيه رصيد.....فقالت لي ارسل له رسالة اقول ان اختك تبيك تدق عليها وكتبت اسمها.........اهو لما شاف الرسالة اخترع ...لان ما يعرف الرقم.....فاخذ تلفون رفيحه واتصل على تلفون امي ...وانا هنيه تصروعت(ماخذة التلفون من لا امي تدري?: ) اول مرة اتصل ما رديت عليه
ثاني مرة صرت شجاعة ورديت .....المحادثة:

اهو : انتي دازه الرسالة
انا:": :احم...ايه
اهو:منو انتي؟
انا:": :انا.....بنت عمك
اهو:......يا هلا ...الخ
انا:": :هلا شلونك......الخ
........هاذي اختك اللي قالت لي ادز الرسالة ....اسفة انس خرعتك:": :":
اهو :لا عادي حصل خير
انا :اوكي يللا باااي
اهو :بااااي
احم ............وبعدين سديت الخط وويهي متفشلة احس اني من الفشلة باختفي:":
____________________

منو نسيت اها كمبارو .......وايد تصير عندنا هالسوالف البنات اذا شافوا واحد مو عاجبهم ما ياخذون الرقم واذا عجبهم ياخذونه..(حلاو)
ما اقول الا الله يكملهم بعقلهم

اوووه شكثر قرقرت عليكم .....ما عليه تحملوني ما كو احد احاجيه كلهم نايمين

[هـداف]

ألله يسلمكم .............تسلمون والله

الحين الحمدلله أحسن من قبل .....وأقدر أتكلم وأسولف.....

___________

هههااااااااااااااااههههههههههههههههههههههاااااوالله سوالفكم الظاهر ماتخلص .............وناسه ........:0)

.......

اسمعوا هاذي السالفه

مره أنا واخوي الكبير رحنا لعيادة الأسنان إلي بالرميله إلا بعد مادخلنا وسوينا كل شي كنا قاعدين ننتظر المريض لين مايطلع من عند الدكتور اشوي إلا ثلاث بنات اكبار وامتان يمشون من قدامنا وهم يستلمون اخوي الكبير بصوت عالي (مافي لاإحترام ولاشي)يقولون يشبه شارلي شابلن .....بس عاد إحنا ماسكتنا ورينا الصاع صاعين......اخوي الكبير قال بصوت عالي نفسهم علشان يسمعون :جت عصابة آكلات اللحوم....وأنا قلت :إنتوا يعني جايين طقم ولا كل واحد بروحه........

بعدين اسكتوا مره وحده وراحوا بسلام .......الصراحه اخوي وسيم جدا وأنا أتمنى أكون نفسه........خخخخخخخخخخ....بس أنا ترى بعد وسيييم":"

والي مايطول العنب حامض عنه يقول

[كبمارو]

الرسالة الأصلية كتبت بواسطة BUBLE

واذا عجبهم ياخذونه..(حلاو)

احم....هههه..ياما استوت..ربعي يقولولي عط هاي الرقم وهي فاكرة انه الرقم لي....خخخ فتاخذه..ويم تتصل صاحبنا يقردن ويقرقر وياها وهي على بالهاانه هو انا وانا هو.....خخخخ(اصلا في حديرفض من ايدي شيء)

وخاصه في المدرسه....مخلوطه...خخخخ...جالعيني من مدرسه البدو وجايبيني مدرسه الدلع و...الخ مدرسه خاصه...ليش حتى اكون مع اخو روايه الصغير....قبل مستوي كتكوت ..الكل يتمسخر عليه والحين..بعد اربع سنوات...يجلس على كرسي واحد مع زعامه المدرسه ..وربعه الي كانوا يتمسخروون عليه..روايتهم الشغل ..والحين يرتقلون منه...كله بفضلي

الرسالة الأصلية كتبت بواسطة BUBLE


اوووه شكثر قرقرت عليكم .....ما عليه تحملوني ما كو احد احاجيه كلهم نايمين

افا ....لا تخافين معاج على الخط

هههههه على طاري الخوف ذكرتوني بسالفه واحد.....

الحبيب هذا بستغربون اذا قلتلكم انه صديقي اي انه ربيعي ....يشتغل في الحرس الاميري في الجيش ومزوج وعنده بنت صغيرونه...مع انه عمري صغير...تتسائلون ليش يلحقني ويتصلي وانا نفس الشيء...مدري اسئلوه

الحين روايه..يبطل عينه هل الكبر:! وايقول ..ولد اخوي ماطلع زعطوط مثل ماكنت اتصوره ‍‍‍‍‍‍‍‍‍‍‍‍‍‍‍‍!!!!!!خخخخخخ

المهم هذا ساعات يخلونه يناوب على بوابه من بوابات الجيش المخزنه فيها الاسلحه والاشيء هاذي مدري عنها.....البوابه كبيرة والجدار من يمينها ويسارها بعااااد يعني يمشي ربع يوم لين ما يوصل لاخر الجدار....ابالغ...بس صدق هي كبيرة...المهم...واسطورة تقول انه كان في واحد من قبل يحرسها من زمان ودخلت فيه جنيه واستوى بقوة ثلاث رجال وفصلوه من شغله ويقولون انه سرق قنبله(انتحر) وفجرها عند راسه في سنه 92 ..يعني كان عمري ((؟؟))...المهم وقدام البوابه ترااب يعني شبيه بالبر..الحبيب يخاف ..يتصلي من الساعه وحده فالليل لين الساعه ثلاث يقولي تم معايه كلمني عشان احس بالامان .وانا اسوي عمري نايم وانا في الحقيقه اطالع فيديو او العب ببلاستيشن ..وهاكم الحوار:--

صاحبنا: الو شحالك كبمارو شو مسوي؟؟؟؟؟

انا: الو ...هلاااا شخبارك والله كنت راقد

صاحبنا: افا....الله يخليك خلك معايه على الخط وسولف ..هني زياغ يا ريال كاني اشوف شيء مثل جنيه او شيء جذيه؟؟؟

انا: لا ياريال انته تتوهم..انته متعقد من سالفه هذاك الي انتحر...خخخخ

صاحبنا: كبمارو...لا تتمسخر...والله زياغ تعال انته وشف اذا انته ريال

انا:لا يا ريال انا مجنون حتى آآي مكانك شو تعتقد في راسي ((جوتي))؟؟


الى اخره


يالله تحياتي

[wildkitty]

على فكره كبمارو انته باي صف

[Ranma Saotome]

الرسالة الأصلية كتبت بواسطة wildkitty
على فكره كبمارو انته باي صف

هاي وايلد كيتي... المهم مو العمر.. اهم شي العقل.. العقل.. العقل

السلام عليكم اجمعين.. شخباركم وشخبار العبط والغباء معاكم..
بغيت اقول لكم ان مجموعة الطقانه والاغبياء قررت ان تصير.... امبراطوريه بقيادة الامبراطور الاكبر عيسوز الطقن الكبييييير نياهاهاهاها باركولنا":"
وفي آخر تقرير تبيّن ان عدد الاغبياء في ازدياد مستمر ولكن.... ولكن.. لايوجد في العالم الا 3 يحملون رتبة "طقن"... عيسوز وأنا وواحد من الربع هعهعهعهعهع.. الله يبارك ويزيد انشالله

اول امس رحت السعوديه (بالسياره) اسجل المواد للفصل الجاي خلصت تسجيل في دقيقه وحده.. رحت حجزت تذكرة بحرين-دوحة-بحرين عالساعه 4إلا ربع تطير..
المهم وأنا عالجسر للبحرين تذكرت ان لازم ادفع 15ريال تأمين قبل مادخل البحرين وأنا ماعندي الا 5 بس لكن لما وصلت هناك قلت للي على البوابه يعني لااازم تأمين... ياخي سيارتيب وكيفي مابي أأمنها.. قال لازم لازم لازم.. بس انا ماعندي فلوس لكن شفت ATM قلت بسحب منها.. لكن طلعت ماتقبل بطاقتي مع انها الكترون?: غريبه.. رجعت للريال وقلت له ياخي المكينه ماتقبل الفلوس.. يعني افهم مابي أأمن.. قال لازم.. بعدين قال شي قهررررررررررررررررررني ذبحححني لما قاله.. تدرون شقال..

قال والله انت مسافر وماعندك فلوس ليش تسافر.. قلت له المكينه مالتكم خايسه ماتقبل الكرت مالي خص:غضب: بعدين قااااال...... والله انا ماعندي دينار ونص في جيبي عشان اصرف على الناس والعالم امثالك...
:غضب: :غضب: :غضب: :غضب: :غضب: :غضب: انا هنيه اول مره اعصب على واحد كبر ابوي جذيه... والله لو احترمني جان احترمته.. ولا جان اصرخ في ويهه وسبيته سسسسسسب وشرشحته وماخليت كلمه اعرفها ماقلتها له وهو ساكت ويتتأتأ مايعرف شيقول.. يقول مساع روح للمسؤول.. قلت لا مسؤول ولا امير اروح له انا بدخل بدون تأمين ولا شي يلا الله لايحفظك.. ركبت سيارتي ودخلت.. وتصدقون للحين معصب عليه ولو اشوفه بعد بسبه.. مالت عليه

[كبمارو]

الرسالة الأصلية كتبت بواسطة wildkitty
على فكره كبمارو انته باي صف

اسف كيتي...مدري المنتدى ما طرش على الايميل تنبيه يديد على الموضوع بس مال رانما ......ههههه....الصف

:": حاليا انا ...احم احم....مادرس يوم بدرس بقولج انا في اي صف ---->الهرم يقدر يطلع من اي مشكله باحتيال ممتاز

[كبمارو]

هههههههههههه

رانما..شوي شوي عليه..

بس انته غلطان تعرف في شو؟؟؟

انك ما سويتلي miss call... ...هذيج الساعه

[BUBLE]

هااااااااااااي
رانما

والله يستاهل زين سويت فيه .......عيل اكو واحد شطوله وشعرضه يكلم الناس جذي........لو انا منك جان دست ببطنه

عاد انا اكرهه الناس اللي جذي ....ما يعرفك ولا تعرفه ....يقعد يصارخ عليك

صج طلعت كفو;-)

[ANNY]

هاااي

صج عاد ":"

بس اهو الغلطان ليش يصارخ ويكلم العالم بهالطريقة و المكينه هاذي تبط الجبد ليش ما قبلت كرتك بس لو انا مكانك اييبلة شي اخنقه في

بس انت كنت شوي عصبي معاه واهو مال نفس كملتو واحد عصبي وواحد يصارخ

بس عجبني تصرفك لما دخلت بدون تامين ;-)

صج ريال



بااي

[Ranma Saotome]

هعهعهع شكرا على تشجيعكم كانت مباراه حاميه لكن زين اخرتها انتصرت...
اوووه لحظه.. كأن اشوف عضوه انضمت لمنظمة زوبعة العبط..... يامرحبا يامرحبا بمن حبى ودبى وركب القلّيلبى....(يعني شنو قليلبى!!!!) مو مهم

عاد اول امس مادري شفيني كنت كله معصب.. عاد شفتو محل اغاني شكبره شعرضه ماعنده ولا شريط ولا سي دي حق ميتاليكا METALLICA.. لما قالوا لي ماعندنا شي لهم هههههه قلت الحين انتوا تعتبرون هذي محل اغاني?: محل ماعنده ولا شي حق ميتاليكا!! ولا بعد محل كبيير..لو تسكرون المحل يكون احسن... ماعندهم الا اكثر شي اغاني بوب وراب ودانس ميوسيك وع وع وع... اذواق غريبه.. مومهم

عاد لما ركبت الطياره اول امس، طبعا كالعاده طيران الخليج لازم يتأخر ربع ساعه سواء بسسب او بدون لكن هالمره تأخرت الطياره عن الاقلاع نص ساعه واحنا ننطر داخل الطياره طبعا.. اخرتها يقولون لنا في عطل في الطياره بسيط بس نص ساعه وبيتصلح *بس نص ساعه* يعني شوي عاد اللي احذاي عائلة الام تقول لعيالها لا لا مافي شي بس الطياره خربانه :! ياختي قولي لهم اي شي مثلا الطيار تأخر ولا يحملون الشنط ولا يعبون بترول... والاغرب ان اليهال ولا افتكروا في السالفه ههههههه... وأنا اقرا مجلتي واقول... ممممم عادي انا مب اول واحد يموت في طيران الخليج..

[كبمارو]

الرسالة الأصلية كتبت بواسطة Ranma Saotome
وأنا اقرا مجلتي واقول... ممممم عادي انا مب اول واحد يموت في طيران الخليج..

هههههههههههههههههههههههههههههه....

[كبمارو]

انزي اسمعوا هاي السالفه..

في يوم الجمعه الي طاف..مب مب هذا الي قبله ..كنت مع الشباب في مجلس بيت جدي(مب بيت روايه لا بيت الوالدة) ..


آآآآآالمهم ....واحد من الشباب عطاني سويG موتره وقالي افتح ...الخ وجيب المالبورو والولاعه (بحكم اني كنت اصغر واحد ما بينهم:": ف اصغرهم خادمهم القانون المطبق)

آآآآالمهم....قفلت السيارة وجبت الاغراض ودخلت وعطيته اغراضه ..هو كل مره يبغي يولع السيجارة حد يقاطعه وينقز وياه في موضوع ويتلهى ..وعلى هذا المنوال واحد من الشباب من اهلي قال تعال بعلمك حركه..خذ الولاعه الي كان بيولع فيها هذاك صاحبنا وطول على الغاز ..هههههههه

آآآآالمهم هذاك صاحبنا حط السيجارة في فمه وولع الولاعه هههههههههه..انا مدري كل الي اذكره انه جفناه النار تنتشر على وجهه بالكامل وحط يده بالكامل على وجهه وماستوى شيء الحمدالله بس بعض الاحمرار...ونحنا طايحين على بطنا من كثر الضحك ....خخخخخخخخخخخخخخخخخخخ.....وحصلت هزبه خفيفه من خالي الكبير مع انه كل الي كانوا موجودين ضحكوا وحتى صاحب الحراق..ههههه..ماقال شيء ..بالعكس ضحك..انزي هذا خالي ليش محتر..

سوالف

[(المزدوج)]

بس بغيت آجرب الصورة !!!!!!!!!!! :6