للرايقين -مقارنة بسيطة في ألعاب الرعب

[sion001]

هلا ..

إلحين بأقرأ تكملة سنيفر .. شكلها مليئة بالأحداث مع البديعة نمسيسية
المهم .. كلير .. :6 مو أنتي إلي قاصدتك تغارين :6

إنشاء الله بأقعد أكمل بس ما أدري نقرأ تكملة سنيفر نشوف توافق الأفكار إلي عندي إنشاء الله

[Angel- lady]

اليوم بكمل ... وراح أموت لوثر (6) ودي إتقو لين لي شعورج يا سيون قبل ما تقرينها
-------------------------
بعد هروب الشخص الغريب من أمام كلير ، ركضت إلى إلين و النمسيسه و هي تلوح لهما
كلير : إلين ... إلين
إلين : كليييييييير ... لقيت ريو
النمسيسه : أنا لقيته
إلين : المهم لقيناه
كلير : الحمد لله ... وين بتروحون إلحين ؟
إلين : أكيد للمستشفى
كلير : ^_^صح - أثناء المشي - ما عرفتي منو طلعلنا يا إلين ؟
النمسيسه : ":" إحم ... إحم
كلير : صراحه خفت
النمسيسه : !!!!!!!!!!!!!!
إلين : كلير
كلير : كان الصوت مخيف
إلين : كلير
كلير : لا فعلاً ما خفتي ؟
النمسيسه : :غضب: هذا جزائي خليت حبيبي ينحاش ( يهرب مني ) و أنا شفته في ذاك المبنى و لحقتكم
كلير : شنو تقصدين ؟
إلين : :0) كلير ... الصوت الحلو إلي سمعناه كان صوت النمسيسه
كلير : صحيح ... ما كنت أدري
النمسيسه : :" ليش إتقولون عني جذي
إلين : هذا بدل ما تعتذرين لها يا كلير
كلير : ?: أدري ...آسفه يا النمسيسه
النمسيسه : تتوقعون إن صوتي أهو يخرب على جمالي ؟
إلين : في الحقيقه ...
كلير : الجمال مو جمال الشكل بل جمال الروح
تضرب النمسيسه ظهر كلير التي تسقط على الأرض بسبب قوة الضربه
النمسيسه : ^_^ كلامج حلو ... لو يسمعه سنيفر حتى يتعلم
كلير : :": هي هههه ... إذا شفته بقوله
تمد إلين يدها لكلير
إلين : يالله قومي ... تدرين إن سنيفر إنسان مثلنا ؟
تنهض كلير من على الأرض و هي تضع يدها على ظهرها
كلير : إنسان .... ههههه ... يحسب نفسه في فيلم الحسناء و الوحش
إلين : إتصدقين ... هههههه
النمسيسه :منو الحسناء ؟
كلير و إلين : :": إنتي
النمسيسه : و منو الوحش ؟
كلير و إلين : :": أهو
النمسيسه : ^_^ ... شكراً ، فعلاً القعده معاكم تونس (( ممتعه ))
كلير و إلين : حاضرين للناس الطيبين
يظهر مبنى المستشفى أمامهم
إلين : وصلنا ...
النمسيسه : أخيراً ، بعدين أروح و أدور على وحشي
كلير : لا ... أنا ما عندي سلاح ... قعدي معانا
النمسيسه : بروح أدور على سنيفر
كلير : أدوره معاج بعدين .... شلون شكله يمكن أكون شايفته (( رأيته ))
النمسيسه : ممممممممممم .... جوتيه (( حذاؤه )) أسود .... يكفي هذا ؟
كلير : لأ ... ما يكفي ، بعد ما نعالج ريو ، أندوره ... شنو قلتي ؟
النمسيسه : موافقه
وصلت جميعهن إلى المستشفى و قد دخلت النمسيسه أولاً و خلفها كلير و إلين و كان واضحاً خلو المستشفى من الموتى الأحياء أو الوحوش
إلين : توقعت راح نلقى الزومبيز و الوحوش
كلير : لا تستعجلين الأحداث توك دخلتي المستشفى
النمسيسه : وين إنروح إلحين ؟
إلين : أنا دخلت المستشفى مرتين ... لكن هذا ... مختلف ؟!!!
تتجه كلير إلى مكتب الإستعلامات و تنظر إلى خريطة المستشفى
كلير : يمكن هذا ثاني .....غرف العلاج في هذا لدور
تتجه إلين إلى الغرف القريبة منها
إلين :جميع غرف هذا الممر مغلقه
كلير : الطابق الثاني غرف المرضى
ثم تتجه جميعهن إلى المصعد
في الطابق الثاني ، خرجت النمسيسه أولاً تبعتها كلير و من ثم إلين ، وقفت النمسيسه أمام أحد الغرف بينما قامت كلير مع إلين بالبحث عن غرفة مفتوحه
كلير : هذي مسكره (( مغلقه )) ... و هاذي ... و بعد هذي .... و لا هذي ... إلين لقيتي غرفه مفتوحه ؟
إلين : لأ ... ما لقيت .... أحسن ندور على مفتاح
أنزلت النمسيسه ريو أرضاً : لا مفتاح و لا بطيخ ... كلير بعدي عن الباب - أبتعدت كلير عن الباب ، قامت النمسيسه و ضربت الباب بقبضتها فتحطم الباب - هذا هو الشغل
كلير و إلين : ^_^ تحيا النمسيسه - دخلت كلير الغرفه أولاً فأكملت - الغرفة لنا

[Angel- lady]

دخلت النمسيسه و وضعت ريو على السرير و اتجهت إلين إلى نافذة الغرفة و نظرت من خلالها
إلين : ظلمه ما يبين شي
كلير: أخاف يتأخرون
النمسيسه : يمكن ما يعرفون إن إنتو هنا
كلير: ممكن .... إلين نزلي تحت و شوفي ... إذا ما وصلو كتبي رساله على إن إحنا بالدور الثاني و إذا ما لقيتي قلم ... إنتظريهم تحت
إلين : و ليش ما تضحين إنتي و تروحين ؟
كلير : خادم القوم سيدهم
إلين : ^_^ ... و لو إدري إنك تقصين علي لكن بروح
خرجت إلين من الغرفه و مرت ربع ساعه و لم تعد إلين ، كانت كلير جالسة على النافذة بينما تدور النمسيسه في أرجاء الغرفة
النمسيسه : سنفير .. سنفير ...
كلير : لا تخافين ما راح ينحاش منج ... قعدي
النمسيسه : أنا مليت ليش ما نطلع ؟
كلير : لااا ظلي معاي ... لأني ما أقدر أطلع ، إلين ما رجعت و ريني و زيلي تأخرو .... إنتظري إشوي
...... : ما راح تفيدك النمسيسه يا كلير
كلير و النمسيسه : !!!!!
تظهر د.إلين مع إبتسامتها لساخرة و تدخل الغرفة
كلير : :! د.إلين
النمسيسه : :غضب: شنو قصدج ؟
د.إلين : راح تندمين لأنج خنتيني و رحتي لكيرك ، هذا المرة أخر يوم في حياتج
النمسيسه : وريني( دعيني أرى ) شنو راح تسوين ؟
د.إلين : إلين هذي المرة تختلف عن قبل
تحدث كلير نفسها : شنو تقصد ؟
تتقدم النمسيسه إليها و رفعت قبضتها كي تضربها لكن قبل أن تصل قبضت النمسيسه إلى د.إلين ، أمسكت د.إلين قبضتها بقوه ثم إبتسمت د.إلين إبتسامة خبيثة و ساخرة ثم ضربت النمسيسه التي تراجعت للخلف بفعل الضربة و اصطدمت بالحائط الذي بدأ يتحطم
كلير : :! م... مستجيل ... :واو: ... لا - ركضت د.إلين إلى النمسيسه و ركلتها فتحطم الحائط و سقطت النمسيسه ، نظرت كلير من النافذة كي ترى النمسيسه لكن السواد منعها من ذلك - :" لاااا حرام - تبدأ د.إلين بالضحك فتستدير كلير لها - أنا ما أفهم ... إشلون قدرتي عليها !!!
لم ترد عليها بل أخرجت من جيبها أنبوب صغير مغلق يحتوى على سائل أحمر اللون ، و ترفعه إلى جهة كلير
د.إلين : تعرفين شنو هذا يا كلير ؟
تنظر كلير إلى ذاك الأنبوب جيداً
كلير : :! مستحيل .... Anti RLN.V .... لوثر قال إن هذا مع سيون
تضحك د.إلين بشكل هستري مخيف ثم تتوقف
د.إلين : محد يعرف قدراتي ... و لا تعرفون عبقريتي الكل راح يشهد لي بالعبقريه - إلتمعت عينيها بشكل مخيف - بعد ما ألعب لعبتي معاكم
عادت كلير خطوة للخلف ، و قامت د.إلين بإلقاء الدواء إلى كلير التي التقطته بحذر
كلير : :! اليوم فيني شي ... أو العالم فيه شي ... مو قادرة أستوعب ... هذا ...
دإلين : إذا شرب هذا راح يشفى و يرد لوضعه الطبيعي ... ما أحتاجه ... ما أحتاج لأي أحد إلحين
و تعود للضحك من جديد ، أما كلير فقد وقفت و هي تنظر إلى الدواء ، فهل يكون الأمر مجرد خدعه أم ما تقوله هو الصحيح ، ترددت كثيراً و هي تفتح الدواء خوفاً من النتيجة ، أخرجت د.إلين مسدساً من جيبها و بدأت تلعب به
د.إلين : كلير ... يالله بسرعه أبي أبدى ألعب معاكم ... لعبه ما جربتوها قبل أبداً
كلير : عن شنو تتكلمين ؟! و أي لعبه تتكلمين عنها ؟ و إشلون أضمن إن هذا ما يموته ؟
د.إلين : الوقت يا كلير ... الوقت يمر ... فكري بسرعه - قررت كلير أن تسقي ريو الدواء و فعلت ذلك - ممتاز ... أحسنت يا كلير ، دقايق و يرجع لوضعه الطبيعي
كلير : ?: مو قادرة أفهمج
د.إلين : و ليش راح أفهمج .... سمعي ، إلحين كل شي بإيدي و تحت سيطرتي في هذا العالم ، لهذا راح أقتل كل شخص حي في هذا المكان ، عن طريق لعبه من تأليفي ... إنتو تنحاشون و أنا أقتلكم ، لعبه حلوه ، صح ؟ و بعدين راح أطلع من هذا العالم إلى العالم الحقيقي بعد ما أخليج تفتحين البوابه بالهرم إلي معاج لأنه ما راح يستجيب إلا لج ... لكن ما أدري عن المفتاح ... مع هذا راح أتصرف بعدين
كلير : إنتي مجنونه ... فعلاً مجنونه و لا أكو أحد يفكر بهذي الطريقة !!!!!
توجه د.إلين المسدس إلى كلير : المشكلة مو قادرة أصبر أكثر ... لازم أقتل أحد ... كل ما أحتاجه هو بصمة إيدج ... و هذي سهله
كلير : :": إنتي ما تتكلمين جد ...
د.إلين : لا أتكلم جد
و قبل أن تطلق د.إلين رصاصتها إلى كلير ، تنطلق رصاصة من جهة الباب إلى يدها فيسقط المسدس على الأرض
كلير : ^_^ .... - تنظر إلى الباب - إنت آخر واحد كنت أتوقعه إن يطلع بهذي اللحظه يا لوثر
لوثر : ?: .... إلين !!!!
د.إلين : :غضب: لوثر ... المفروض إنت أول واحد يموت
تركض د.إلين إليه بسرعة مدهشه ((( مثل ويسكر )) و تضربه ضربة قوية أخرجته من الغرفة
كلير : لوثر - اتجهت إلى الباب ، لكن سرعان ما أنزلت نفسها إلى للأرض بعد أن رأت د.إلين ترفعه و تلقي به إلى الغرفة مجدداً ، تدحرج على الأرض عدة مرات حتى وصل إلى الفتحة التي سقطت منها النمسيسه و كاد يسقط منها - إنتبهي وراك – لكنه سقط من تلك الفتحة و تمسك بأرضية الغرفة - لوثر
مرت د.إلين بجانبها بسرعة و أمسكت لوثر من رقبته و رفعته من مكانه
د.إلين : هذا الأول
قال لوثر بصعوبة : ما راح تقدرين ... يا إلين ..- بدى على لوثر أن نهايته قد إقتربت و هو يحاول أن يحرر نفسه من يد د.إلين - لااااااا

[Angel- lady]

إنطلقت ثلاث رصاصات من خلف د.إلين فألقت لوثر أرضاً و إستدارت للخلف ، فرأت كلير قد إستخدمت مسدسها و أطلقت الرصاص عليها و هي لا تزال على الوضع ذاته و تتنفس بسرعه
د.إلين : ما راح تتخلصون مني بسهولة
جلست على الأرض و بدأت تتنفس بصعوبة
لوثر : من الأفضل نطلع من هنا بسرعه
تنظر كلير إلى عجلات السرير فتفتح الكابح بسرعة
د.إلين : كلكم راح تموتون
لوثر : يالله يا كلير
تدفع كلير السرير لكن د.إلين أطلقت صرخة عالية ما لبثت أن تحولت إلى وحش مخيف ، وقفت كلير في مكانها من الدهشة
كلير : لهذا السبب كانت قوية
وقفت د.إلين و اتجهت إلى كلير و رفعت يدها و ألقت باتجاهها دماً اشتعلت فيه النيران فجأة (( المستوى الأول من ألكسيا )) ، و كادت أن تصيب كلير
كلير : :": لا تقرب مني
أطلق لوثر الرصاص عليها ليبعد انتباه د.إلين عنها
لوثر : طلعي يا كلير و أنا أتصرف معاها
دفعت كلير السرير إلى خارج الغرفة بسرعة و اتجهت إلى المصعد و منه إلى الدور الأول ثم إلى خارج المستشفى ، وقفت كلير تلتقط أنفاسها
كلير : أتوقع إن إلين طلعت من المستشفى - يحدث انفجار في الطابق الثاني ، فتنظر كلير إلى المستشفى - لوثر ... مسكين
ريو : كح ... كح
تنظر كلير إليه : ^_^ ريو ... أخيراً قعدت
نظر ريو لها : كلير !! ... هذا إنت ؟ ... شنو صار ... أحس طعم في حلقي - تحدث انفجارات جديده في المستشفى فينظران لها ، ينزل ريو من على السرير - أعتقد إن أمور كثيرة فاتتني
كلير : صح .... مسكين
ريو : منو هذا ؟
كلير : لوثر
ريو : شنو صار له ؟
كلير : مات
ريو:! : و شنو السبب ؟
كلير : بقى داخل في المستشفى يواجه د.إلين ... و إهو إلي ساعدنا من البدايه .... إشلون أقول لسيون إن لوثر مات
لوثر : ?: بَل ، على طول قالت إني مت
نظر الاثنان للخلف
كلير : لوثر ... هذا إنت ، خفت إنك مت
لوثر : ما توقعت إنك بتخافين علي
كلير : [COLOR= crimson]مو عشانك إنت عشان سيون [/COLOR]
لوثر : ?:
ريو : لوثر - نظر لوثر له و مد ريو يده للسلام - شكراً جزيلاً على المساعده إلي قدمتها
كلير : إي .. صح مشكور
سلم لوثر على ريو : العفو ... و ... إسمحي لي كلير أشكرج على المساعده بعد
كلير : إسمح لي أقول لا شكر على واجب .... لحظه ، وين إلين
لوثر : أتوقع إنها ماتت
ريو : ماتت ؟!!!
كلير : كنت أقصد بنت خالتي يا لوثر
لوثر : أهااا ممم ، ما أدري عنها ... يمكن راحت لقلعتي ، كما إني أتوقع إن الكل هناك
كلير : ليش ما نروح هناك ؟
لوثر : المفروض نروح .... لكن المكان بعيد ، و لازم نمشي
كلير : :" لا ما أقدر أحس إني تعبانه
مشى لوثر : ما كو حل غيره
و مشى ريو خلفه و كذلك كلير ثم
ريو : تعرف الطريق السريع لهذي المدينه وين يكون ؟
لوثر : مو بعيد من هنا ، ليش ؟
ريو : سيارتي هناك ، لكن هناك مشكله
بعد أن أقتربو و أصبحت السيارة قريبة

[Angel- lady]

كلير : شريت الفراري إنزو أخيراً
لوثر : و السيارة تتسع لشخصين
ريو : هذا إلي كنت بقوله
كلير : بسيطة ... أمامكم حلين فقط لا ثالث لهما ... إما أنا أركب السيارة بروحي و إنتوا تمشون للقلعه أو
لوثر : ?: أو إن إنت و ريو تركبون و أنا أرد مشي
كلير : ما شاء الله طلعت تفكر يا لوثر لكن كان إقتراحي هو إنك تقعد على السيارة
لوثر : :غضب:
ريو : أعتقد إن هذا حل مناسب
لوثر : لا ما له داعي ، كلير تدل القلعه و أنا أرد مشي مو مشكله معاي متعود على المشي .... سلاااام
ريو : مسكين
كلير : أركب السيارة ، الله يعافيك
و عندما وصلا إلى سايلنت هيل
كلير : أنا أذكر أن مدينة الملاهي مو بعيدة من إهني
ريو : صار لك نص ساعه على هذي الجملة
كلير : :": أصبر إشوي قاعده أحاول أذكر ... بروحي تعبانه و مالي خلق - تهتز الأرض فجأة - ريو ... شنو هذا ؟
ريو : الله يعلم ... - ظهرت حبال غريبة من الأرض و دارت أحدها حول السيارة - كلير نزلي بسرعه
فتحت كلير باب السيارة و كذلك ريو ، لكن ارتفعت السيارة عن الأرض فقفز ريو و هبط إلى الأرض بسلام بينما إندفعت كلير بسبب الحبال و سقطت إلى داخل أحد المحال بعد أن حطمت زجاج واجهة المحل ، ثم ألقت تلك الحبال الغريبة السيارة بالقرب من المحل فانفجرت السيارة و احترقت و عادت الحبال إلى الأرض من جديد ، ركض ريو إلى المحل
ريو : كلير ... كلير ... ردي علي
رفعت كلير رأسها عن الأرض بصعوبه و حاولت أن ترد عليه لكنها لم تتمكن ثم نظرت للأمام فوجدت ثلاث من الوحوش تقترب منها
كلير : ما أقدر
و أنزلت رأسها للأرض بسبب التعب

[Angel- lady]

الرسالة الأصلية كتبت بواسطة sion001
هلا ..

إلحين بأقرأ تكملة سنيفر .. شكلها مليئة بالأحداث مع البديعة نمسيسية
المهم .. كلير .. :6 مو أنتي إلي قاصدتك تغارين :6

إنشاء الله بأقعد أكمل بس ما أدري نقرأ تكملة سنيفر نشوف توافق الأفكار إلي عندي إنشاء الله

أحد عنده أعتراض على نمسيسه البديعه ... قمت أحبها ... تصدقون :6
ههههه سيون ، صدقتج ... و كملي بسرعه

[Renoa Heartilly]

:واو: اخيرا!! *دارت الايام...* حطيتوا القصص!

سيووون! :غضب: :غضب: كم مره قلت لك ما تتكلمي عن الحرب؟ *مره و حده :6 * لا تضايقينا من فضلك احنا هنا عشان ننسى!

سيون, جدول اختباراتكم نزل في الجريده اول يوم رياضيات كالعاده ":"

....على مااعتقد زواج سيون ولوثر

:واو: و لا يعزموني؟ بعدين لوثر عنده انفصام شخصيه, كلما يعوره صدره يتغير, رشوا عليه ماء حار, يمكن يطلع بنت!

بقول مغامرتي عن جنسية ريني

صارت مغامرات؟ اجل شخليتوا حق لارا كروفت؟

شنهي الكلمه اللي زلت من لساني و فضحتني؟ ;-)

إنتم خونه ... خونه

مو هذا علام اللي مع عدنان و لينا ?:

كلير, ما طلعت معك الصور؟ :" :" كيف احل المأساه؟ يمكن عندك خلل في خصائص المستكشف؟ Explorer :! اقول يمكن يعني..

باروح اقراّّ اتمني فيه نمسيسه بديعه هنا :0)

Renny~

[Angel- lady]

كتب بواسطة رينوا و التعليق بواسطة كلير :6

:واو: اخيرا!! *دارت الايام...* حطيتوا القصص!
سيووون!كم مره قلت لك ما تتكلمي عن الحرب؟ *مره و حده * لا تضايقينا من فضلك احنا هنا عشان ننسى!
سيون, جدول اختباراتكم نزل في الجريده اول يوم رياضيات كالعاده


هذا قصدي من أول ... مساكين عندهم إمتحانات ... إلى يسمعني يقول ما عندي إمتحانات :"

:واو: و لا يعزموني؟ بعدين لوثر عنده انفصام شخصيه, كلما يعوره صدره يتغير, رشوا عليه ماء حار, يمكن يطلع بنت!


عطينا رسمه توضح شكل لوثر و هو بنت :6 حتى تستانس ( تستمتع ) سيون



صارت مغامرات؟ اجل شخليتوا حق لارا كروفت؟

شنهي الكلمه اللي زلت من لساني و فضحتني؟

؟: ... أكره لارا لكن إسمها حلو :6....بس لا يكون عصبتي لأني قلت مغامره :": ... و على الكلمه ..ز ما أذكرها ، لاكن معناتها أضربه


مو هذا علام اللي مع عدنان و لينا

كلير, ما طلعت معك الصور؟ كيف احل المأساه؟ يمكن عندك خلل في خصائص المستكشف؟ Explorer اقول يمكن يعني..
باروح اقراّّ اتمني فيه نمسيسه بديعه هنا

أنا ما أعرف عدنان و لينا إلا من الأسم فقط ... و لا عمري شفته ... و الصور إلي قصدج عنها إطلعت معاي ، قصدت غيرهم ، المهم لا تعبين حالج ، كل الصور إلي تكون مثبته عن موقع d1d ما يطلعون معاي .... و شكلكم إستانستو على النمسيسه البديعه :6 خلاص على طول أطلعها في قصتي

[Zelly-San]

ول!!
كل مرة ألتفت وأرجع القاكم تحطون أكثر من مقطع:! :!
السالفة عناد?:


من طلع بيتزوج؟؟

أتوقع عرفتوا الصلة بيني وبي Renoa صح؟؟؟
إحنا قاعدين سنة و 13 شهر و 32 يوم و 25 ساعة و 61 دقيقة و...و...و إلخ
المهم إنا ننتظر الجزء الجديد:0)

[sion001]

يه .. !! نسينا نقول لك النهاية يا سنفور أشان تحطها مع نهايتك ... نحن متأسفين . أشان فترة ما أختفيت حطينا النهاية .. إذا تبي النهاية بأرسلك هي (( فكرة النهاية )) .. طيب .. و لا تا أخذنا يا الأخ سنفور

-----

بس أقول .. :غضب: :غضب: :غضب: وش قاعدين تقولوا على لوثر :غضب: :غضب: بنت !!!! هو أبو الرجاجيل كله رجولة

----

ريني شفت الجدول .. مشي حاله يالله .. إنشاء الله أجيب ممتاز . أدعولي ;-)

---

لو تبين االصور يا كلير أنا أرسلك هي ;-) بس قولي

[SINVER]

الرسالة الأصلية كتبت بواسطة sion001
يه .. !! نسينا نقول لك النهاية يا سنفور أشان تحطها مع نهايتك ... نحن متأسفين . أشان فترة ما أختفيت حطينا النهاية .. إذا تبي النهاية بأرسلك هي (( فكرة النهاية )) .. طيب .. و لا تا أخذنا يا الأخ سنفور

اها يعني انتم حطيتم فكره للنهاية وقت غيابي...خلاس مو لازم اصلي كتبت نهايتي انا في جزئي...
يصير أشوف فكرة النهايه حقكم في أجزائكم^_^يعني مو شرط تكون النهاية وحدة....

[Angel- lady]

الرسالة الأصلية كتبت بواسطة sion001
يه .. !! نسينا نقول لك النهاية يا سنفور أشان تحطها مع نهايتك ... نحن متأسفين . أشان فترة ما أختفيت حطينا النهاية .. إذا تبي النهاية بأرسلك هي (( فكرة النهاية )) .. طيب .. و لا تا أخذنا يا الأخ سنفور

-----

بس أقول .. :غضب: :غضب: :غضب: وش قاعدين تقولوا على لوثر :غضب: :غضب: بنت !!!! هو أبو الرجاجيل كله رجولة

----

ريني شفت الجدول .. مشي حاله يالله .. إنشاء الله أجيب ممتاز . أدعولي ;-)

---

لو تبين االصور يا كلير أنا أرسلك هي ;-) بس قولي

توقعت إنج قلتي له :" خرب علي ... مو مشكله ، مو تنسين إتقولين لي القصة إذا راح تكون وحده

تمنياتي لك بالتوفيق و للجميع إنشاء الله ... :" أدعو لي لازم أطلع من الفيزيا حتى أقدر أتخصص


مشكورة سيون ، دزي لي الصور إلي تكون من موقع d1d و إذا رسمت ريني صورة لوثر (( الوجه الأخر منه )) دزيها بعد :6

المهم إنا ننتظر الجزء الجديد

عندي مشكله في هذي ... ما أقدر أكمل لعدة أسباب و واحد منها ... :6 إني توهقت ( الأمر صعب علي ) و ما أعرف أكمل القصة أدري ممكن أكملها لكن ما أحب إتكون عادية أبي فكرة جديده حتى أكمل

[Renoa Heartilly]

بس انا رسمته و خلصت ?: اقط الصوره يعني؟

[Renoa Heartilly]

بس انا رسمته و خلصت ?: اقط الصوره يعني؟

[Angel- lady]

الرسالة الأصلية كتبت بواسطة Renoa Heartilly
بس انا رسمته و خلصت ?: اقط الصوره يعني؟

منو رسمه للوثر ؟ :!
لاااااااااااااااااااااااااااااااااااااااااااااااااااااا ما إتقطينها أبي أشوفها أول :" و بعدين سوي فيها إلي تبين

تذكرت شي ... على ما يبدو إن يا سيون ما قريتي قصتي .... أقترح تقرين آخر ردين (( من القصة ))@_@

بس معليش, اذا زيللي رضا اقول, باقول.. علماّ باني ساكته علشان ما يتاثر سير القصهّ

إلحين إستوعبت السالفه ... لا عادي ما كو شي راح يتأثر ... و لو إن السالفة وضحت لكن من أصحابها أفضل