عضوه مميزه في منتديات الأنمي
ما فكرت فيهاخرعتني أخوي إلحين لا يجو المراقبين يقفلوا الموضوع .. أمزح... لا أخوي إحنا قاعدين نكتب قصص
<< تحرير ما سبق كتابته
أنا بطير مثل ما علمتيني بمكنستكيا أخوات إنتوا طايرين بالمرة شوي شوي علي، بعيد بقول الأسباب
... ظلي أنتي و رينوا بنفس التوقيت
يا عمري المسكينبس إلحين راح أنتقم من فريدرك - يا قهرهم كلير و رنوا - عن طريق النمسيسة الجديدة
هلا يونا
رسمي معاهممافي غيركم رسم ؟
قاعده أكتب القصة و إذا خلصت أحطها اليوم أو باجر ^^
عضو متواصل النشاط
يونا
أكيد قريتي أجزائي صح؟
وأكيد حلوه
أقول يونا ليش ما ترسمين بلاك فليم علي طريقج الخاصة
كليروووووووووووووووووووووووه جزئج حلو مرررررررررررررررررررررررررررررره
أما تكملتي يمكن تتأخر شوي فاعذروني
The Golden Role For PS3
You Must Spend Money To Make Money
عضوه مميزه في منتديات الأنمي
مشى أحد الجنديين أمام كلير و الآخر خلفها في ممرات الجامعة ، ظهرت علامات عدم الإرتياح و القلق على وجهها
كلير : وين بنروح ؟- لا إجابة من أحدهم - ليش محد يعطيني ويه إهني
دخلوا بعد دقائق إلى مبنى كبير و يتجهان بكلير إلى باب كبير مزخرف بشكل جميل ، توقف الجنديين
الجندي : كلير ردفيلد
نظرت كلير إلى لوحة قريبة من الباب و قالت و هي تنظر بحقد إلى تلك اللوحة
كلير : ماري ... ما استبعدتها ...
و بنفس الوقت يفتح هذا الباب و يظهر خلفه الملازم الذي قال
الملازم : تقدرون تمشون - قام الجنديين بأداء التحية العسكرية و تركا المكان - كلير ردفيلد - تنظر له - تعالي معاي لوسمحتي
مشت كلير خلفه و كانت تحدث نفسها : شنو تبي هذي المرة ؟ - تتذكر الساعة التي بيدها فتخلعها بسرعة و تضعها بجيبها - أخاف تسألني عنها - وقف الملازم أمام باب آخر و اصطدمت كلير به من دون قصد ، فنظر لها بغضب - آسفه ما انتبهت
الملازم : تفضلي
كلير : -_- شنو تبي مني ...
فتح الباب أمامها و دخلت الغرفة و خلفها الملازم ، رأت القائد ماري جالسة على مكتبها و أمامها يجلس رجل كبير في السن له شعر رمادي ، يرتدي بذلة رسميه و كان ينظر لها
الملازم : سيدي القائد ، كلير ردفيلد
القائد ماري : شكراً يا ملازم ، تقدر تروح - خرج الملازم من الغرفة و ظلت كلير في مكانها واقفة تحاول ضبط أعصابها - آسفة إني يبتك <أحضرتك> إهني بهذي الطريقة
كلير : شكلي جني مجرمة على هذي الحركة
تبتسم ماري : يعني راح تعرفين الطريق لهني ؟
كلير : أممم ... لأ ، راح اسأل
القائد ماري : وفرت على نفسي وقت... سمعيني كلير ، كاي راذرفورد كايسكي ... - لا تظهر أي استجابة على وجه كلير بل تنتظر متابعة القائد ماري - ... أوكي ... ما تعرفينه ؟
تظهر علامات التفكير العميق على وجه كلير : كاي ؟!... كاي كاسكي ... راذفورد ... ؟؟ ... - تبتسم كلير عندما ذكرت الأسم الأخير - راذرفورد ^^ ... سمعت بالأسم ... بس وين ؟؟ ...
ظهرت علامات الراحة على وجه القائد ماري و ابتسمت : تذكري ، منو يطلع .. أحد يشتغل بشركات عمج ؟ ... أحد تبناه أو كفله ؟
كلير : :06: .... لأ ... مو هذا إلي حط نظرية تتلعق بالذرات ؟ ... شي يتعلق بالكيميا ^_^
نكست القائد ماري رأسها و شعرت بالإحباط ، ثم رفعت رأسها بسرعة و هي غاضبة
القائد ماري : كلير ، مو وقت نكت :vereymad: تكلمي عدل و لا راح تتعاقبين
قفزت كلير من مكانها من ردة فعل القائد ماري و رفعت كفها باتجاه شفتيها
كلير : و أنا شعرفني ؟! ... أذكر إن راذرفورد من أيام الثانوية أهو إلي أكتشف ال ...
القائد ماري : أنا ما أسئلج بخصوص الدراسة يا كلير ... منو تعرفين من الأشخاص إلي اشتغلو عند عمج أو يتعامل معاهم
كلير : إلي يشتغلون عنده أعرفهم واحد واحد ... لكن ما مر علي هذا الأسم أبداً ... و ما اعرف أحد يتعامل معاه
القائد ماري : أسماء اصدقائه ؟
كلير : ما أعرفهم ...
القائد ماري : و لا أحد ؟
كلير : ما أعرف غير عمي جين شيجوري ، غيره ما أعرف
ابتسم الرجل و قهقه بصوت منخفض ثم قال : ما فيه فائدة سيدي القائد ، البنت فعلاً ما تعرفه
عادت القائد ماري لهدوئها و صرامتها المعتادة
القائد ماري : أنت تشوف هذا يا بروفيسور ؟
نظر لها البروفيسور : ما توقعت أنج اتشكين بقدراتي
القائد ماري بابتسامة هادئة : ما قصدت هذا .. - نظرت لكلير - شكراً كلير تقدرين تروحين
كلير : بس هذا ؟!
القائد ماري :
لبروفيسور : أول ما دخلت كانت خائفة من شي ، لكن بعد سؤالج حسيت إنها ارتاحت إشوي
القائد ماري : يعني كانت تتوقع أقولها شي ثاني
البروفيسور : صحيح
القائد ماري : غريبة ... مثل شنو ؟ ...
البروفيسور : ما أقدر اقولج لأني للحين ما قعدت معاها ... ما أعتقد إني بواجه صعوبة كبيرة لو تكلمت معاها ، خليها علي يا ماري
القائد ماري : بعتمد عليك يا بروفيسور لأن غريبة جداً ... خلال يوم و ليلة تغيرت فجأة - تنظر لورقة امامها - هذا غريب ... المشكلة الثانية مع هذا ... منو يطلع ؟!!
البروفيسور : بيسبب لكم مشاكل ؟
القائد ماري : أكيد ... - تنظر إلى ورقة آخرى - ... كاي كايسكي ... بتصير مشاكل ... مكتوب إن كلارك ردفيلد كتب قبل أسبوع من وفاته وصية ، بأن كل ثروته تروح له ... بس منو يطلع حتى يكتب له هذا !!! ... أكيد هذي لعبة ... بس منو وراها
البروفيسور : أنتي تأكدتي إن ردفيلد مات ؟
القائد ماري : أكيد ... الجثة المحترقة مع بعض أغراضه تبين هذا
البوفيسور : ما أقدر اساعدج بشي ، أنا آسف
القائد ماري : أنا متأكده إن كلير تعرف شي ...التغير المفاجأ وراه شي
ابتسم البروفيسور : حتى أنت يا ماري ... تغيرتي بعد آخر رصاصة من مسدسج الذهبي
سكتت لفترة ثم تنهدت و قالت : بروفيسور ، متى ما فضيت <أصبح لديك وقت فراغ> أعطي كلير موعد حتى تروح لك
يقوم من على الكرسي : حاضر سيدي القائد ... أي شي ثاني ؟
القائد ماري : مشكور
يخرج البروفيسور من المكتب و ظلت ماري على وضعها ، نظرت إلى درج مكتبها الأخير و مدت يدها له لكنها توقفت و عادت لصرامتها من جديد
عضوه مميزه في منتديات الأنمي
في الخارج و كانت كلير تبحث عن طريق العودة للجامعة
كلير : طردتني !... طردتني!!!!! .... >< هذي إهانة ما راح أنساها طول حياتي - أثناء سيرها تلاحظ بوابة كبيرة ، فتكمل سيرها ثم تتوقف و عادت إلى البوابة مجدداً و ظلت تتأملها ثم ابتسمت - أعتقد إن الوقت حان للعودة لأوركاديا - تركض إلى البوابة لكنها تتوقف فجأة و تنظر لجيبها و تتفقد محفظة نقودها - أعتقد راح يكفي ... - تلمح الساعة - ساعة آيا ظلت معاي ، الثانية ما يحتاجها ^^ - تركض مجدداً إلى البوابة و تلاحظ جنوداً واقفين لحراستها ، شعرت بالقلق - أخاف ما يخلوني أطلع ... بجرب و إلي بيصير يصير - مشت إلى البوابة و بدأت دقات قلبها تتسارع مع تسارع مشيتها ، وصلت لها و كانت تنتظر أحد الجنود أن يوقفها لكن الأمر مر بسلام و أكملت طريقها و بعد أمتار قليلة ركضت بسرعة و جلست على أول كرسي رأته و أخذت تتنفس بسرعة - ما أصدق ... ما أصدّق ، طلعت بسرعة ... – ركضت باتجاه شخص ما واقفا بالقرب من عمود إنارة – ممكن تقولي وين المطار
الرجل: سفر داخلي ولا تبين سفر خارج الأرض ؟
كلير: أممم... بسافر برّه .
الرجل: لازم تاخذيلج تاكسي لأنه بعيد ... أهوه يوصلج
كلير : شكراً – بدأت تركض بحثا عن سيارة أجرة ، بعد وصولها إلى الشارع الرئيسي أوقفت سيارة أجره – لو سمحت أبيك تاخذني للمطار سفر خارجي- انطلقت بها السيارة ، تتفقد محفظتها – جم التوصيله
الرجل : 50 قطعة
تفاجأ كلير من المبلغ و هي تنظر للمحفظة
كلير: انزين تعرف شي عن أسعار التذاكر؟
الرجل : اذا بتاخذيلج مركبة ماراح يقل عن 500 قطعة و طبعاً على حسب الدرجة
كلير: و أكو وسيلة نقل غيرها يعني
الرجل : أكيد ... اذا تبين طيارة عادية بس انتي وين تبين اتروحين؟
كلير : انقول بلوتو !
الرجل : عيل ماراح توصلين إلاّ عقب شهرين و سعر التذكرة 100 قطعة
نظرت بوجه حزين و غاضب
كلير : ما عندي إلا 350 ... ما راح أقدر إلا على التوصيلة .... شنو أسوي ... يمكن إذا رحت اتكون أسعار التذاكر أقل ... متى نوصل ؟
ينظر الرجل لساعة السيارة : الساعة 12 ... قولي على الساعة 3 يمكن نوصل إن شاء الله
تتنهد كلير و بحزن : ثلاث ساعات !! ...مدة طويلة -_- ... - اسندت كلير رأسها على نافذة السيارة و هي تنظر للخارج ، تتثاءب - اليوم قعدت مبكر ... فيني النوم
أغلقت عينيها إلى حين موعد وصولها للمطار
مرت ساعتين منذ خروج كلير من الجامعه ، القائد ماري لاتزال في مكتبها تدرس تلك القضية
القائد ماري : ما اصدق ... كل شي يبين إن كلارك مات ... بس هذا ... ما أفهم ، يعني معقوله إنه حي للحين - تضع يدها على رأسها - بتصير مشكلة لو أهو حي .. - تبتسم فجأة ثم تعود لصرامتها بعد أن أستأذن جندي للدخول - أدخل - يدخل الجندي أرض الغرفة و يؤدي التحية العسكرية - شنو صار ؟
يرد عليها : جميع الكواكب ترفض الإرسال بعد ما وصلت لهم الوصية الأخيرة
القائد ماري : توقعتها ... - بغضب - لقيت شي عن المشاريع السرية ؟
أجابها : ما لقينا شي ، كلها صفقات تجارية ما عليها كلام و تمويل مشاريع سلمية
القائد ماري : و أوركاديا ؟
رد : رفضت التعاون من البداية
بغضب : أكيد ... كل شي نبيه <نريده> موجود هناك ... - شبكت أصابعها و وضعتها على الطاولة - أبي فريق يروح لأوركاديا
الجندي : أعتمدي علي
القائد ماري : و عطني تقرير قصر ردفيلد
الجندي بتعجب : قصدج المستشفى الجديد مكان القصر ؟
القائد ماري : لأ ، عملية الأحتراق
الجندي : حاضر ، لكن ... المشكلة إن هذا التقرير مو مكتمل سيدي القائد
القائد ماري بتعجب : مو مكتمل ؟! - أومأ براسه إيجاباً - من أي ناحية ؟
الجندي : المسئول عن تفجير القصر ما كتب تقريره
القائد ماري : غريبة ؟! ... على العموم ييبه <أحضره> لي
الجندي : حاضر
عضوه مميزه في منتديات الأنمي
في مكان آخر ، كان الكابتن فريدريك واقفاً ينادي أسماء الطلبة
الكابتن فريدريك : كاين ... - لا يرد أحد - حتى هذا مو حاضر !! ... - ينزل كشف الأسماء و ينظر إلى الطالبات المتواجدات - وين راحو كل الطلبة ؟!
أحداهن تجيبه : اليوم قلت إلي يسوي خمس مرات تمارين ضغط بسرعه ما تشوفه في المحاضرة
الكابتن : ما شاء الله عليهم خوش طلبه عندي ^^ ... يلا أنتو عندكم عطله بعد ، أشوفكم مرة ثانية
طلبة : لكن يا كابتن
يسمع صوتاً مألوفا
.... : كابتن فريدريك !
ينظر خلفه و إذ الملازم وقف ينظر له
الكابتن فريديك : أهلاً و سهلاً سيادة الملازم
الملازم : أشوفكم مستعجل يا كابتن ؟!
الكابتن فريدريك : أشوف ظلم إن أعطي نص الطلبة درس و النص الثاني عندهم عطله ... و أنا اليوم تعبان
الملازم يقترب منه : كان واضح جداً ، محد توقع تكون الثالث اليوم ، كنا مجهزين كل شي على أساس أنك قائد الفريق
الكابتن فريدريك : لا الكابتن سميث اكبر و عنده خبرة أكثر ، أنا اشوفه الأفضل ... على العموم أنا خسرت و طلعت من الفريق ^^
الملازم : لا يا كابتن أنتو الثلاثة بتكونون موجودين
الكابتن فريدريك : بس أنا الثالث
الملازم : شنو قصدك يا كابتن
الكابتن فريدريك: لا .. و لا شي ... بس فاجأني كلامك
الملازم : انتظر اتصال اليوم منا يا كابتن
الكابتن فريدريك : حاضر - يلاحظ إن الملازم يحدق بوجهه - فيه شي ؟
الملازم : أممم ... انت تعورت في الأختبار ؟
الكابتن فريدريك : لأ !!
الملازم يشير إلى باتجاه وجه الكابتن فريدريك : كأن أحد طاقك <ضربك> إهني
الكابتن بغضب : لا دعمت بطوفه <بحائط> ><
الملازم : شكلك فعلاً مريض ... يلا ما تشوف شر
يترك الملازم القاعة التدريبية
الكابتن فريدريك : حظي أبداً مو معاي
في الوقت الذي وصل السائق إلى المطار ، كانت كلير نائمة في المقعد الخلفي
السائق : يا آنسه ... وصلنا - تفتح كلير عينيها و تتثاءب - وصلنا المطار
ضحكت كلير و نزلت من السيارة و أخرجت من محفظتها النقود و وقفت أمام السائق
كلير : مشكور .. تفضل
يتسلم النقود منها : العفو .. هذي شغلتي
بعد تحرك السيارة تقف كلير امام بوابة المطار الكبيرة ، تبستم و تحدث نفسها
كلير : إن شاء الله ألقى تذكرة رخيصة و أرجع بسرعة ^^ ... - تتغير ملامح وجهها إلى القلق - و إن شاء الله يكون إلي فهمته صح ... - تدخل كلير المطار و تتجه إلى أحد الشركات لمكاتب الطيران الفضائي ، عندما وقفت أمام الموظف - لو سمحت ، أبي تذكرة لبلوتو
الموظف : على أي درجة بتسافرين ؟
تفكر كلير قليلاً : قول لي كل درجة و سعرها ... أول مرة ما أتكلم بثقة بهذي الأمور ~_~
الموظف : عندج الدرجة الأولى 2100 ..
تقاطعه كلير : أبي بدون رجوع للأرض
الموظف : حاضر ... الدرجة الأولى ألف ، رجال اعمال 600 ، الدرجة السياحية 350
كلير : لكن .. سمعت إنهم أرخص من جذي
الموظف : هذي أسعارنا يا آنسه ، تقريباً كل الشركات الشغالة حالياً هذي أسعارها
كلير : ما في أمكانيه اتكون أقل
الموظف : آسف يا آنسه ، الأسعار محدودة .... إذا تبين تذكرة سعرها أقل قسميها ، إذا رحتي لنبتون و من هناك تاخذين طيارة عادية تروحين لبلوتو
كلير : يمكن هذا العرض زين ... كم سعر التذاكر
الموظف : التذكرة من الأرض لنبتون 280 و الطيارة بتاخنيها من هناك لبلوتو ب 100 ... هذي مناسبة ؟
تظهر علامات الحزن على وجه كلير فتتنهد و تجيب
كلير : لأ ... أحتاج أقل بعد
الموظف : آسف يا آنسه ، هذا إلي أقدر عليه .. لكن جربي الشركات الثانية ، يمكن تلقين
كلير : مشكور - تترك كلير ذلك المكتب ، تنظر إلى الساعة - لازم أجرب مكتب ثاني بسرعة ، أخاف يكتشفون إني هربت
عضوه مميزه في منتديات الأنمي
في الساعة الرابعة تقريباً ، أمسكت القائد ماري أوراق التقارير المطلوبة و بدأت تقرأ تقرير أحتراق قصر ردفيلد أولاً
الجندي : سيدي القائد ، هذي التقارير إلي تبينها ؟
نظرت القائد ماري للتقارير : نعم ... تقدر تروح - عندما اراد الخروج - شنو اخبار الفريق ؟
الجندي : ننتظر أوارج سيدي القائد
القائد ماري : قول للكل ، عندنا اجتماع الساعة سبع
يؤدي التحية العسكرية و يخرج من المكتب ، تسمع من جهاز المناداة
.... : القائد ماري ، الرئيس يطلب مقابلتج حالاً
القائد ماري بتعجب : حاضر ... غريبة - تقوم من على كرسيها - أول مرة يستدعيني بهذا الوقت !
في هذا الوقت كانت كلير تمشي في المطار و تتجه إلى أحد الأعمدة و تستند عليها و تنزل تدريجياً و تجلس القرفصاء على الأرض ، بوجه حزين
كلير : ما لقيت ... أبي أول ما أوصل لبلوتو على طول أطلع منه و أروح لأوركاديا ... أخاف إني ما أقدر اتصل على عمي و ماري تلحقني و ترجعني مرة ثانية الجامعة - تنكس رأسها - شنو أسوي إلحين ...
في هذا الوقت يمر بالقرب منها عائلة صغيرة و تسمع صوت ولد صغير
الولد : الله يخليج ماما ... بشيك على الإيميل قبل ما نسافر
الأم : ما صدقت أبعدك عن الكمبيوتر إشوي ... يلا ما كو كومبيوتر أنت متعاقب
ترفع كلير رأسها و تقول
كلير : ليش ما فكرت فيها من قبل !! ... - تقوم من مكانها و تقف بوجه قلق - بس صح إني أروح أكلمه ؟ ... >< إذا كان أصلاً أون لاين ... لازم أتأكد ، و إلي بيصير يصير
بعد فترة زمنية تصل إلى المكان المطلوب ، نزلت من السيارة و أخذت تنظر إلى المحل
السائق : تمنياتي لك بوقت ممتع
كلير : شكراً .. - تتحرك السيارة و تدخل كلير المحل و تتفقد محفظتها - معاي إلحين 285 - بتفاؤل - يا رب ألقاه متصل ... اهو دايماً يكون أون لاين ... إذا ما طلع أون لاين ... يعني ... - تمشى إلى المحل - بلا أفكار تشاؤمية .. مو وقته ...
تدخل المحل و تلقى نظرة على المكان و تبحث عن المسئول ، تسمع خلفها صوت أنثوي يقول لها
... : أي خدمة يا آنسه ؟
تلتفت كلير بسرعة و تذهب لمحادثتها
كلير : أبي استخدم الشبكة .. الساعة بكم ؟
ترد عليها : بثلاثة
كلير : ما أعتقد إني بطول أكثر من ساعة - بنظرات جادة - لكن أقدر اتصل على أي مكان أبيه و لا فيه حظر ؟
تجيبها : في بعض الكواكب ممنوع الأتصال فيها و أي اتصال يتم اكتشافه بسهولة و تعريض صاحب الاتصال بمشكلة ...
كلير : أنا أبي أتصل يكون لأي مكان
فقالت : تشيلين الحظر ب 53 يا آنسة
كلير : و إذا ما أبي أحد يعرف إني دخلت و موجودة بهذا المكان ؟
تبتسم بخبث : راح يزيد المبلغ
كلير : ما يهمني المبلغ المهم إلي أبيه يصير
تضع ورقة أمامها : دفعي هذا ... - بعد أن دفعت كلير ، تضغط على زر فتسمع كلير صوت باب يفتح بعده مباشرة - كملي هذا الطريق و أخذي اي كمبيوتر و سوي إلي تبينه
تتركها كلير و تدخل ذلك الطريق و قلبها يخفق بشدة ، تصل إلى أول حاسوب و تجلس أمامه و تظل على وضعها ، تاخذ نفسياً عميقاً
كلير : ما أبي أضيع وقت ... - تبدأ باستخدام لوحة المفاتيح بسرعة و تنتظر قليلاً ثم تظهر لها صفحة المتصلين ممن تعرفهم - فتحرك المؤشر لترى المتصلين - شادو ... شادو ... - تظهر لها شاشات محادثة فتغلقها جميعها - و الله مشتاقة لكم كلكم بس ما أقدر أكلم أحد إلحين ... - تتسع عينيها - مو متصل !!! ... مو معقولة .. أهو دايماً يكون موجود ... - تنكس رأسها - شنو اسوي إلحين ؟! ... - شعرت برغبة بالبكاء لكن تسمع صوتاً من الحاسوب و ترى شخص يدعي "كاي كايسكي" يرغب بمحدثتها - منو هذا ؟ ...
عضوه مميزه في منتديات الأنمي
تفتح شاشة المحادثة و تتسع عينيها و هي ترى المتحدث
- المحادثة صوتيه -
.... : كليييييييير ... أخيراً ، أشلونج .. لا يكون صار لج شي ... كلير ؟! ... ردي علي اشفيج
أغرورقت عينيها بالدموع و قالت بصوت أقرب للبكاء
كلير : يعني شنو تتوقع ..
..... : هذا توني أشوفج و قاعدة تبكين !! يلا عاد المفروض تستانسين
تبكي كلير : كنت خايفة استانس ... و بعدها أنصدم طول حياتي ، تدري إن ماري قالت إن عمج مات ... و طلعت جدامي إلحين
يبتسم كلارك : ما راح يفتكون مني ... قاعد على قلبهم ، إشلونج ؟ إن شاء الله مرتاحه
كلير : أحلف بس
كلارك : أدري إن الدنيا ما تسوى بدوني
كلير : أكيييييد ، أحس إني ضايعة ... ماكنت أدري شنو أسوي
صوت قريب منه : بسرعه
ينظر كلارك له : إن شاء الله - ينظر لكلير - كلير أنتي بالجامعه ؟
تبتسم كلير : انحشت منها ^^
يتفاجأ كلارك : ليش ؟!! ... كلير ، واحد إسمه كابتن فريدريك ما شفتيه
تتعجب كلير : بلى ... شفته بس و لا مرة كلمته
كلارك : غريبة
صوت الرجل القريب منه : قال إنه ما لقاها و قدر يشوفها
كلارك : كلير سمعي ، الكابتن فريدريك أهو راح يرجعج لأوركاديا روحي له بسرعة
كلير بوجه قلق : لكن أخاف أرجع ... أنا بعيدة عن الجامعة ، ما يقدر أهو إيي <يأتي> لي للمكان إلي أنا فيه
ينظر كلارك للرجل الذي بجانبه : تقدر اتقوله ؟
.... : طلعته صعبة جداً و الأتصال عليه حالياً أصعب
كلارك : سمعيني كلير ... رجعي الجامعة بسرعة و روحي له على طول - تظهر على كلير علامات الخوف و القلق - فكري بشي ثاني غير ماري و الجامعه
كلير : ما كو شي في بالي
.... : سيد ردفيلد ، ما تقدر تطول أكثر
كلير : أنا دفعت حتى اتصل بأي مكان لا يخاف
.... : لوقت محدد بس ، بعدها يضعف الاتصال و يمكن يكتشفون خط الاتصال هذا
كلارك : المهم ... فكري ... بالمطعم إلي بتروحين له و شنو راح تطلبين ... الطلبات إلي ما تخلص
كلير : ما قمت أشتهي آكل
كلارك : تدرين كلير ... عندي خبر راح تعصبين منه
.... : سيد ردفيلد ><
كلير : شنو ؟
كلارك : آيا ... بتتزوج ^^
كلير : لاااااااأ >< ... اشلون ؟؟؟ مو كيفها
كلارك : عيل كيف منو ؟
كلير : >_______< ضيعت البنت من إيديك ...
... : سيد ردفيلد ><
كلارك : يلا كلير ... حطي بالج على عمرج أوكي ؟!يلا عشان نروح العرس ... مع السلامة
تغلق الشاشة
كلير : لحظظظظظة ... >_____________< بتموتني من القهر ... - تنهض من الكرسي و تخرج من المحل بسرعة و تستقل سيارة أجرة لتعود إلى الجامعة في السيارة ، تقضم ظفر أصبعها الإبهام - أخ ... هذا الريال <الرجل> دخل بالثلاثينات و هو للحين مو متزوج ><
عضوه مميزه في منتديات الأنمي
دخلت القائد ماري مكتبها و هي غاضبة ، اتجهت إلى كرسيها و جلست عليه
القائد ماري : مستحيل ... محد ياخذ مكاني أبداً ... - تلاحظ أوراق التقرير ، فتمسك به و تجلس على الكرسي ، تتنفس بعمق - راح أنسى الموضوع في الوقت الحاضر حتى أعرف شنو أسوي - بدأت تقرأ أوراق التقارير مرة أخرى قراءة سريعة ، حتى وصلت لآخر ، تفاجأت و عادت للصفحة الأولى - وقت التفجير ... - ترجع للصفحة الاخيرة - فيه فرق في التوقيت !!!! ... إشلون جذي ؟ ... التفجير سبق الوقت المحدد !! - وضعت الأوراق على المكتب - شنو يعني هذا ... إشلون احترق البيت قبل الموقت ؟؟؟ .... - تضع يدها على رأسها - مو بس هذا الحريق إلي يحيرني ... حتى حريق الشركة ... و حريق مركبتي ... و إلحين هذا ... شنو السبب ... - تغمض عينيها و تحاول أن تفكر بهدوء لأحداث الأيام الماضية ، بكل تفاصيلها كيف قتلت كلارك و كيف أمسكت بكلير و ما فعلته لتدخل كلير الجامعه ، الحديث مع كلير و إيصالها لأولى محاضراتها عند الكابتن فريدريك ، توقفت قليلاً و أخذت تفكر بما حدث ، تذكرت ما حدث للطالب و كيف أنقذه الكابتن فريدريك ، تذكرت النيران التي خرجت من سيفه الغريب حينها شهقت - مستحيل !!
في المساء ، كان سول في غرفته يضع كيس الثلج على وجهه
سول : لا بارك الله في الساعة و لا اليوم إلي عرفت فيها واتاري ... شاللقافه !! أنا شكو فيه مع هذي الدب ، الله يحط حيلهم بينهم >< ... - ينهض من مكانه - لازم أدور على كلير ... باقي كم يوم لي إهني ؟ ... - يمر بقرب مرآة و يرى وجهه وخده المتورم - الله لا يوفقج يا ماريا يا بنت ابوج، إلحين إلي يشوفني شيقول !! حرمة طقته >< ... أنا أستاهل و لا جان حرقتها بسيفي و ريحت الدنيا منها !! ... - يغير ملابسه و يهم بالخروج من غرفته لكن صوت الهاتف الداخلي يوقفه - منو بيتصل علي ؟! ...
يستمر الهاتف بالرنين لكن يتجاهله و يخرج و أنطلق إلى مبنى سكن الطالبات معتقداً إن كلير لاتزال هناك و أثناء سيره في الجامعة ، أوقفة شخص يناديه
.... : كابتن فريدريك
يتوقف الكابتن و ينظر للقادم بتعجب كان الكابتن سميث و هيرو
الكابتن هيرو : اشلونك يا كابتن بعد خسارة اليوم
الكابتن فريدريك : راح أردها لكم
الكابتن سميث : بتروح لمبنى القيادة
الكابتن فريدريك : مبنى القيادة ؟
الكابتن سميث : ما وصلك اتصال منهم ؟
الكابتن فريدريك : ليش ؟
الكابتن هيرو : أنت فعلاً ما تدري وين الله قاطك
الكابتن فريدريك : أعرف إن عندي مشوار مهم لازم أخلصه و افتك من هذا المكان
ابتسما معاً : و إحنا مثلك - وضع الكابتن سميث يده على كتف الكابتن فريدريك وأداره لإكمال سيرهم - بنروح معاك مرة وحده
الكابتن فريدريك : أنا بروح لأحد الطلبة متواعد معاهم ... أنتو عن شنو تتكلمون ؟
الكابتن هيرو : ببساطة يا اخي ، قبل اشوي .. يمكن ما كنت موجود في غرفتك ، وصل لنا كلنا اتصال من القيادة إن نروح نغير ملفنا و ناخذ المهمة الجديدة
يتذكر الكابتن فريدريك الاتصال الهاتفي لكن ينتابه شعور غريب
الكابتن فريديك : ما اتصل علي أحد ... أنا برجع لعرفتي نسيت شي ... ضروري - أبعد يد الكابتن سميث و عاد مجدداً إلى غرفته بسرعه و الكابتن سميث و هيرو يتبعونه بنظرات تعجب ، وصل غلى غرفته و اتجه إلى هاتفه الخاص الذي يتلقى منه المعلومات من صديقة ، وجد إن ثلاث مكالمات منه لم يرد عليها فتعجب من الأمر - توني طلعت متى اتصل !! - تصل له رسالة - رساله ؟ ...
كانت الرسالة قصيرة و معبرة
" أطلع من الجامعة حالاً "
عضوه مميزه في منتديات الأنمي
تذكرت شي نسيت أقوله
أنتو ليش تتخيلون الكابتن فريدريك شكل سول الأصلي ؟ ... سول على شكل سول الأصلي < أكيد
الكابتن فريدريك متنكر بالزي الرسمي و شعره أشقر و يلبس النظارة البرتقالية
سمارت
مشكور و ننتظر تكملتك
عضو مبدع
@@ ما شاء الله كلير كتى يمديني أقرأ كل هذ؟ بتكملين بعده و لا خلاص؟ يعني أبدأ أكتب و لا باقي شيء رئيسي؟
ليش سمارت بي سي ما تكمل؟
أحس القصه بدت تستوي حلوه الحين, و خصوصاً أنه فيه ثغرات كثيره يقدر الواحد يحط فيها موقاف حلوه!! بالمناسبه, باقي على القصه كثير, أعتقد... ولا تنسون أن موساشي لسه محبوسه في الجامعه يعني لازم يمسكون واحد فينا عشان نلحقه تحت و نطلع موساشي ^^ <== هذي فكرتي العامه, لو ما أحد يبي يسويها خلوها علي.
بافي حبيبتي تبين تكملين و لا نكمل عنك لين تفضين؟
وأخيراً سوسو الحلوه!! <== أكيد تبي شيء
حضرتك كملي. أدري أنك مشغوله بس هذا مو عذر. (شالعذر أجل؟ @@) هههه أمزح, نا باكمل بعد ما تخلصين, ناطرتك ^^ الحين فيرونيكا وينها؟ ما تمر تقرأ الي نكتبه عنها؟
شباب نداء أخير, إذا أحد يبغى ياخذ شخصيه دايسكي يتفضل و يقول لي, لأني باكتب عنه بعض الشيء قريباً. (بس ما أقدر أقول لكم, لأني ناويه أسويها مفاجأه) ^__^
سلام!
عضو متواصل النشاط
رينوا أنا ما قلت إني ما راح أكمل بس قلت إن تكملتي راح تتأخر شوي
بس ممكن خدمة يا رينوا أو كلير إن أي وحده فيكم تكتب عن جيمي لو شوي فجزئها الجاي علشان أطلع منها أفكار لجزئي
The Golden Role For PS3
You Must Spend Money To Make Money
الرسامة المتواضعة
بأشوف تكملة جديدة
نظارة برتقاليةالكابتن فريدريك متنكر بالزي الرسمي و شعره أشقر و يلبس النظارة البرتقالية
حاضر أبلة رينيحضرتك كملي. أدري أنك مشغوله بس هذا مو عذر. (شالعذر أجل؟ @@) هههه أمزح
هذيك ما أدري عنها من يوم ما بدت الأجازة ، بأدور عليها في المنتدى و أطلعلكم هيفيرونيكا وينها؟ ما تمر تقرأ الي نكتبه عنها؟
أجل خلاص طلعي المفاجأة أبغى أشوفها(بس ما أقدر أقول لكم, لأني ناويه أسويها مفاجأه
الحمد لله على كل شيء
عضوه مميزه في منتديات الأنمي
أعتقد جاء الوقت لأن أقول هذا
إحم إحم ...
أولاً ، سوري سوسو و ريني ما قدرت أرد على الرسايل الخاصة ... ما أدرري ليش مو راضية الصفحة تطلع
المهم ... -_- ....
بتفتكون مني و من ردودي و ثقل دمي ... اعتقد لمدة طوييييلة جداً
صراحة استمتعت معاكم و تشرفت بمعرفتكم ^^ ... فعلاً ضايق خلقي >< ...
-_- مو تحشون فيني ...
و يا ويلك يا سيون لو موتي كلارك
سلمو على بافي و موساشي و فيرونيكا ... صرحاة نسيت بعد منو -_- ... سلمو على الكل
يلا مع السلامة
عضو مبدع
المشاركة الأصلية كتبت بواسطة ^ claire ^
أعتقد جاء الوقت لأن أقول هذا
إحم إحم ...
أولاً ، سوري سوسو و ريني ما قدرت أرد على الرسايل الخاصة ... ما أدرري ليش مو راضية الصفحة تطلع
المهم ... -_- ....
بتفتكون مني و من ردودي و ثقل دمي ... اعتقد لمدة طوييييلة جداً
صراحة استمتعت معاكم و تشرفت بمعرفتكم ^^ ... فعلاً ضايق خلقي >< ...
-_- مو تحشون فيني ...
و يا ويلك يا سيون لو موتي كلارك
سلمو على بافي و موساشي و فيرونيكا ... صرحاة نسيت بعد منو -_- ... سلمو على الكل
يلا مع السلامة
بس صج باشتاق لك!كيف نصير CSR بدون الـ C ؟؟ :balwing:
رجعي كل أشوي و شيكي علينا. عشان تصيرين حمامة السلام كالعاده ^^ باشتاقلك صج حبيبتي, بالتوفيق ^^
ولا قلتي لي ليش كلارك كان ما يحب الأمبراطوريه! :vereymad:
ونسيتي سمارتي!
التعديل الأخير تم بواسطة Renoa Heartilly ; 19-07-2004 الساعة 12:59 PM سبب آخر: تعفست...
عضو مثالي
انا ابغى ادخل في القصة اذا ممكن
اسم الشخصية Snake Eyes
حرامي محترف لا يتكلم كثيرا عنده عصابة اسمها العين الحمرة Red Eye
المهم الشكل
الشعر بني غامق
العيون عسلي
احلى حشيييييييش
ضوابط المشاركة
رد مع اقتباس
