موضوع كامل للطلبات والاستفسارات .. تمارين .. مكملات .. تغذية !!

[AI_BARCA]

الاخ kmazaky

هذا واجبنا وان شاء الله نقدم كل ما يفيد الشباب

----------------------------

الاخ مذووب

بخصوص الضخامة يقولك اكل اكثر عضلات اكثر

زيد في نظامك الغذائي من عدد السعرات الحرارية .. اكل كل ساعتين لو تقدر تزيد الوجبات لـ 7 وجبات في اليوم يكون ممتاز والنسب مثل ما قلنا 50-30-20

بخصوص المكمل ماهو المكمل اللي تستخدمه

اهم المكملات اللي بتحتاجها الكريتين + البروتين + الجلوتامين + الملتي فيتامين

زائد المكمل الاهم وهو الصبر والمثابرة

بخصوص السؤال نعم يكفي تمرين الباي والتراي مرة في الاسبوع

-------------------------

الاخ وحش العالم

البروتينات هي مكملات غذائية غير مضرة ولكن لا يُنصح باستخدامها لمن هم تحت الـ 18 سنة لانها ممكن تسبب لهم مشاكل سواء في النمو او في الصحة او في غيرها لذلك من هم فوق الـ 18 سنة فهو آمن لهم

---------------------------------

الاخ maroc4ever

نعم الكريتين يساعد في التضخيم ومهم وقت التضخيم

بخصوص النتائج تحتاج صبر ستلاحظ نتائج ولكن ليست بشكل رهيب لانه كل شيء يأتي حبة حبة

بخصوص زيادتك 8.5 كيلو في ثلاث شهور تبقى تحمد ربنا وانت ماشي في السليم غيرك بيتمنى نصف هالزيادة في تلك الثلاث شهور ^_^

بخصوص الكريتين هناك اكثر من نوع واشهرها وافضلها المونيهادرت وفي انواع وهية

Creatine Phosphate, Creatine Citrate and Creatine Ethyl Ester.

بعض المنتجات تجد فيها نوعين من الكريتين او اكثر من نوع ولكن بخصوص الصافي او البيور افضل شيء المونيهادرت

------------------------------

maroc4ever

بخصوص الكريتين هو يساعد في ضخامة العضلة والحفاظ عليها ويعطيك الطاقة في اللعب وما إلى ذلك

متى ما أنت حافظت على نسبة البروتين اللي تحتاجها وعلى تمرينك حتى لو تركت الكريتين ستحافظ على عضلك فهو عامل مساعد مثل باقي المكملات

اعطيك مثال لكرة القدم اذا انت نفخت الكرة بالهواء ولعبت فيها فلن تتغير تقريباً ولكن اذا ركنتها بدون لعب وفي زاوية ربما تجدها يبدأ الهواء اللي بداخلها يقل شيء فشيء

---------------------------------------

الاخ احمد 66767

بخصوص الاكل راجع ردودي اللي فوق للشباب وستجد ما يفيدك

بخصوص انك تتعب في التمرين اكيد بتتعب لأنك ما تمد جسمك بكمية الكاربوهيدرات اللازمة يومياً فأكيد جسمك ما بيكون فيه طاقة

بخصوص الحرق احسن شي اقل شي 30 دقيقة ويكون بعد التمرين لانه الجسم يكون استنفذ الطاقة من الكاربز ويبدأ يحرق الدهن ولكن حتى قبل التمرين يجيب نتايج بس المهم 30 دقيقة اقل شي علشان تحرق الدهون

بخصوص البروتين ومن وين تستمده تقدر تستمده من الاكل مثل الدجاج واللحوم والشوفان والحليب والبيض فقط اطلع على الموضوع اللي وضعته لاحد الاخوان في ردي السابق .. بالاضافة لانك تقدر تشتري وي بروتين علشان يساعدك في مد الجسم بالبروتين اللازم يومياً

فحرق الدهون تساوي نظام غذائي ذو سعرات منخفضة يعني مابين 2000-2500 سعرة حرارية .. تقسم وجباتك على 5-6 وجبات + الكارديو اللي هو تمارين حرق الدهون مثل الدراجة او المشي السريع او الجري او اي رياضة تحرق دهون لفترة لا تقل عن 30 دقيقة في المرة الواحدة 5 مرات اسبوعياً على الاقل

----------------------------------

الاخ OnlineGmaes

اذا كنت فوق الـ 18 تقدر تستخدم المكملات الغذائية + الجدول نعم تقدر تستخدمه دامك سخنت العضل

--------------------------

الاخ maroc4ever

بخصوص البيور كريتين دائماً ما يكون بنفس المقادير اللي هو 5 غرام في الحصة ويكون في طريقة تحميل وهكذا فقط اتبع التعليمات المكتوبة في الخلف وشوف المقدار واكرر غالباً البيور كريتين يكون مثل الشيء لجميع الشركات

------------------------------

الاخ خالد الكثيري

بخصوص السؤال الاول عادي تقدر تستخدمه مافي اني بروبلمز

السؤوال الثاني اولاً كلنا مب لاعبين حديد محترفين .. هي تسلة وهواية وتضبيط جسم لا اكثر ولا اقل

بخصوص الامينو يختلف من نوع لآخر بخصوص الوي بروتين افضل ثلاث فترات اول ماتصحى + بعد التمرين مباشرة + قبل النوم وممكن لو تحب بعد قبل التمرين بنصف ساعة او 45 دقيقة

والبقية تأتي في الاسفل

تحياتي

[AI_BARCA]

الاخ Homoud

بخصوص الابس دايت عيزت وانا بح صوتي هذا اللي انادي فيه من زمان وهذا اللي اضع لنكه اكثر من مرة ونوعية الاكل هم الـ 12 طعام من الاطعمة المحفزة او ما يسمى 12 باور فوود ونظامك تمام التمام

بخصوص الليبو 6 لاتستخدمه انت حالياً خاصة وزنك مناسب لطولك بس يمكن الفات عندك شوي زايد بالكارديو والأكل السليم بيروح لو حسيت مافي تقدم او ما نفع معاك ممكن تضيف الليبو 6 بعدين وياهم

وبالمحصلة اللي تسويه زين وفوق الزين ^_^

--------------------

الاخ CitySon

بخصوص التمرين فهو ممتاز بخصوص التغذية فراجع المواضيع اللي فوق

بخصوص العمل تقدر تفطر فطور كويس وانت رايح العمل وبعدين على الساعة 12 كذا تاخذلك وي بروتين مع موزة تقدر تاخذلك علبة تخليها في الشغل مثلاً من الوي بروتين وتاخذ معاك فواكه على الشغل

ترجع تتغدى غداء كويس وفيه كل العناصر والأمور المطلوبة .. الساعة 5 تاكلك وجبة حلوة متوسطة بمعنى اصح قبل ما تروح للشغل وعلى الـ 6.30 تاخذلك كوفي علشان يبقي جسمك في حالة تنبه وهكذا ترجع من الشغل تقدر تتمرن وتاخذ بروتين دايركت بعدها بساعة تاخذ وجبة خفيفة وتنام عقب الوجبة بساعة ونص او ساعتين وقبل ماتنام مباشرة تاخذلك وي بروتين

يمكن هذا انسب شيء لحالتك .. وبخصوص تمارين الحرق تكون 30 دقيقة اقل شيء علشان تستفيد

وبخصوص الفيتامين تقدر تاخذلك ملتي فيتامين تاخذه بعد وجبة الفطور

---------------------------

الاخ دارين العربي

بخصوص الوي بروتين اوكي ممتاز

بخصوص الامينو حسب ما مكتوب عليه كبسولتين انا اتكلم عن السوفيت جيل طباً كبسولتين مع الوجبات الثالث بمعنى 6 كبسولات مع الوجبات جميعا مقسمة على 2 في كل وجبة

بالاضافة لانك تقدر تستخدم كبسولتين قبل التمرين بنصف ساعة وكبسولتين بعد التمرين مباشرة

بمعنى المجموع عشر كبسولات كحد اقصى في اليوم

بخصوص البروكومبلكس فهو بروتين قوي جداً ومميز في كل شيء ولكن عيبه انه يخلص بسرعة او غير اقتصادي ولكن اللي عنده الامكانية المادية بيفيده كثير لاضافة عضل صافي لانه قليل السعرات معدوم الدهون تقريباً فيه 60 غرام بروتين في الحصة الواحدة يعني استخدامه مرتين إلى ثلاث يومياً يضمن لك 120-180 غرام بروتين في اليوم غير اكلك طبعاً

--------------------------

الاخ مــهــنــد

اولاً بخصوص الكريتين لازم يكون على شكل كورس او دورة ما يزيد عن الشهرين وتوقفه شهر على الاقل

بخصوص النو اكسبلود فيه كريتين لذلك يعتمد على المقدار اللي تاخذه من الكريتين في اليوم من البيور كريتين ونفس الشيء يجب ايقافه بعد دورة

بخصوص الباور ممكن تعملك خلطات مثل البروتين + الموز والعسل والشوفان والحليب وزبدة الفول السوداني وتاخذهم قبل التمرين بساعة او 45 دقيقة وادعيلي

بخصوص النو اكسبلود هو ينأخذ قبل التمرين بـ 30-45 دقيقة ولازم تكون معدتك خالية يعني لو تمرينك المغرب وانت متغذي الساعة 2 ولو كان تمرينك 5 مثلاً تاخذ النو اكسبلود 4.15 كذا او 4.30 لذلك لا دخل له بالبروتين لانك اصلاً راح تاخذه قبل التمرين بنصف ساعة او 45 دقيقة يعني ما بيدخل بطنك شي عقبه الا الماء في التمرين وبعد التمرين البروتين عادي

-------------------------------

الاخ الطيف الأسود

بخصوص البروتينات لو عمرك عدى الـ 18 عادي مافيها خطورة وانا اتكلم عن البروتينات مثل الوي بروتين او الجنر العلب يعني ما اتكلم عن البروتينات اللي تنأخذ على شكل ابر والبلاوي الزرقة هذي اللي تتسبب في انهيار صحة الشخص فهذي هي اللي فيها خطورة على صحة الانسان

بالاخير اتمنى اني ما نسيت احد وجاوبت على الكل

واكرر اعتذاري فالظروف اقوى من اي شخص فكانت عندي امتحانات وفي الايام القادمة برجع للدوام الصبح والعصر الجامعة يعني من 7 صباحاً لي 9 مساءاً اكون مشغول ودايخ مع الدوام والدراسة لذلك لا اجد الا الويكند اني اجاوب الشباب على استفساراتهم لذلك اعذرونا على التأخير والقصور

واحب ان اشكر الاخ العنيد على مساعدته للشباب وتقديم النصح لهم

تحياتي

[عيناوي حبوب]

كابتن البارسا

شو رأيك في الماس تك
والامينو BCCC 1000
كبسولات صغيره
علماً باني مبتدأ وأول مره اخذ المكملات

علماً اني في ثلاث اسابيع تدريب زاد وزني 3 كيلو بدون مكملات غذائي
تغذيه طبيعيه وعصائر وتونه وعسل ومكسرات وبيض ودجاج ولحم
ورز ومكرونه
اربع وجبات رئيسيه فاليوم بينها عصائر وفواكه

وزني حالياً 63 وطولي 172

محتاج اوصل 72 كيلو واوقف مكملات واكمل طبيعي
شو تنصحني

[CitySon]

هلا اخووي ... اولاً وقبل التمرين .. التغذية عندك صعبة .. وو تعتبر قليلة يعني .. فحاول تغير نظام اكلك وتلتزم فيه قدر المستطاع .. يعني الفطور 6 بياض بيض وكوب شوفان .. بعدها تاخذلك سناك قطع اناناس وشوية جبن حلوم خالي الدسم .. وشوية قطع بسكويت fat free .. او بدالهم سكوب بروتين .. .. الغدا معروف معكرونة او ارز وسلطة وصدور دجاج او سمك .. قبل التمرين عاد انت وخلطاتك .. .. تخلط فواكه او موز مع سكوب وي بروتين .. ومع حليب خالي الدسم .. يكون حلو .. بعد التمرين سكوبين وي بروتين مع كاربوهيدرات سريعة الهضم .. مثلاً مشروب Gatorade .. والعشا .. بطاطا حلوة او بطاطا متوسطة ومرتديلا وفواكة او سلطة .. نوع في اكلك اهم شي ..
عن الجدول .. حلو تلعب كاريدو بس مو كل يوم .. يعني 4-5 ايام .. والباي والتراي خلهم بعد الاكتاف .. لان الباي تدخل في تمرين الظهر .. .. اما عن البطن فـ الأفضل تلعبهم 3 ايام منفصلة بالاسبوع تاخذ جميع الأجزاء في جلسه واحدة وكل جزء ب 20 تكرار بـ 3 جلسات ..

تسلم اخوي al3neeed على ردك ونصائحك
بخصوص النظام الغذائي باحاول احسن فيه قدر المستطاع وان شاء الله الجدول الجديد حاغير في نظام التمرين! بس في شغلة بسيطة بخصوص البروتين انا مثل ما قلت اني ماعمري استخدمت بروتين في حياتي فمش عارف ايش الأفضل لمثل وضعي؟ ايش نوع البروتين اللي يفضل اني آخذه؟
الله يعطيك العافية!

[CitySon]

[/COLOR]الاخ CitySon

بخصوص التمرين فهو ممتاز بخصوص التغذية فراجع المواضيع اللي فوق

بخصوص العمل تقدر تفطر فطور كويس وانت رايح العمل وبعدين على الساعة 12 كذا تاخذلك وي بروتين مع موزة تقدر تاخذلك علبة تخليها في الشغل مثلاً من الوي بروتين وتاخذ معاك فواكه على الشغل

ترجع تتغدى غداء كويس وفيه كل العناصر والأمور المطلوبة .. الساعة 5 تاكلك وجبة حلوة متوسطة بمعنى اصح قبل ما تروح للشغل وعلى الـ 6.30 تاخذلك كوفي علشان يبقي جسمك في حالة تنبه وهكذا ترجع من الشغل تقدر تتمرن وتاخذ بروتين دايركت بعدها بساعة تاخذ وجبة خفيفة وتنام عقب الوجبة بساعة ونص او ساعتين وقبل ماتنام مباشرة تاخذلك وي بروتين

يمكن هذا انسب شيء لحالتك .. وبخصوص تمارين الحرق تكون 30 دقيقة اقل شيء علشان تستفيد

وبخصوص الفيتامين تقدر تاخذلك ملتي فيتامين تاخذه بعد وجبة الفطور

---------------------------[COLOR=Navy]

الله يعطيك العافية اخوي ومثل ما رديت على الأخ al3neeed ان شاء الله اني احسن في النظام الغذائي واغير شوي في الجدول والاسلوب!
الله يجزاك خير! سلام!

[al3neeed]

تسلم اخوي al3neeed على ردك ونصائحك
بخصوص النظام الغذائي باحاول احسن فيه قدر المستطاع وان شاء الله الجدول الجديد حاغير في نظام التمرين! بس في شغلة بسيطة بخصوص البروتين انا مثل ما قلت اني ماعمري استخدمت بروتين في حياتي فمش عارف ايش الأفضل لمثل وضعي؟ ايش نوع البروتين اللي يفضل اني آخذه؟
الله يعطيك العافية!

خذلك الاوبتمم وي بروتين ,, chocolate.. حلو ومايه فات كثير ..

[هيركيول بوارو]

قمت بشراء هذين المنتجين , بخصوص الاول واي بروتين في العلبه كتب استخدام مرتين قبل التدريب وبعد التدريب لانه الافضل , ولكن التي اشتريت منها قالت انه بعد التدريب وقبل النوم وقمت بالشراء من محل gnc .


أيهم أتبع حيث بلشت الان في استخدمه ....

بخصوص الثاني اريد معرفة كيف استعمله هل قبل او بعد التدريب او يمكني عمل مكس مع الواي بروتين , ولكن في محل gnc اشارت الى انه استعمله كل واحد على حده .

هنا اريد معرفة كيفة الاستعمال ؟؟؟؟

وشكرا جزيلا

[بوعرفة]

سلام عليكم

انا لقد دخلت مند شهر لتمرينات الحديد

وعمري 16سنة

وانا لس في طور النمو

هل سيؤثر في نمو وانا بدي ازيد في طول وشكرا

[CitySon]

خذلك الاوبتمم وي بروتين ,, chocolate.. حلو ومايه فات كثير ..

تسلم اخوي al3neeed ان شاء الله اليوم باشتريه
الله يعطيك العافية!

[kmazaky]

بسم الله الرحمن الرحيم
الي الاخ برسا شكرا كثيرا لمعلوماتك القيمه والافادة
انا عمري 28 عام
ووزني 95 كليو جرام
وطولي 183 سنتيميتر
وبشكل عام فأن جسمي ضخم وذلك لان لي بهذه اللعبه اكثر من سنتين في هذه الفترة لم اتناول اي مكملات او بروتينات اللهم الا كبسوله فيتامين من الصيدليه في بعض الفترات
بعد هذه المقدمه الطويله اليك الاستفسار بعد أن قرأت منك عن المكملات استرحت للفكرة وبدأت في أخذ الاتي
كرياتين منوهيدرات من شركه برولاب ( جرعه واحده 5 جرام قبل التمرين )
واي بروتين جولد من شركه ابتميم ( جرعه واحده بعد التمرين ) + حبيه ملتي فيتامين من الصيدليه
انا اريد تقسيم العضله واظهرها اكثر مع العلم اني امارس الكارديو باستمرار لمده نصف ساعه لمده سته ايام في الاسبوع وتمرينتي كالاتي :
يوم صدر وامارس حوالي تسع تمارين كل تمرين ثلاث جلسات كل جلسه 10 عدات
يوم ضهر وامارس حوالي ثماني تمارين كل تمرين ثلاث جلسات كل جلسه 10 عدات
يوم كتف وامارس حوالي عشر تمارين كل تمرين ثلاث جلسات كل جلسه 10 عدات
يوم زراع وامارس حوالي عشر تمارين كل تمرين ثلاث جلسات كل جلسه 10 عدات وذلك باي وتراي سيبس
ولا العب ارجل حيث اني اعتمد علي الكارديو تماما في تمارت الارجل وهي متناسقه تماما مع باقي جسمي
هل هذا الجدول وهذا الاسلوب في التمارين يعطيني المطلوب ام هناك الافضل مع العلم ان هذا الاسلوب هو افضل اسلوب تحقق معه الذي اريده من جسمي في الفتره الماضيه ولكني ابحث عن التغيير بمناسبه اني بدأت في اخذ المكملات واسف جدا للأطاله. وشكرا للاخ برسا مقدما

[Code Zero]

السلام عليكـم ..

مشكـور أخوي علـى مسـاعدتك ^^" ..

عندي سؤال زيـادة إذا ماعندك مـانع ^^" ..

إيـش هو بروتيـن مصل اللبن ؟ , و ويـن ألقاه ؟

و أسفيـن اذا تعبنـاك معنـا ^^" ..

في أمـان الله ..

[generoso]

ممكن معلومات عن cell-tech hardcore and nitrix 180 labs وشكرا

[rEdDeViL]

يعطيك العافية ابوي
حبيبي انا بقيت اخذ Glutamine
بس مو عارف شنو احسن شي
وشاكر لك عزيزي

[هيركيول بوارو]

اريد اجابه وبسرعه الجلوتامين متى استخدمه ؟؟؟ وكم الجرعه ؟؟؟؟؟

[a_hinai]

السلام عليكم شباب

طبعا انا دخل الجيم قبل شهرين تقريبا يمكن اكثر بشوي

المهم انه وزني كان 57 من ايام الثانوية لا زاد ولا نقص واخذت السريس ماس والكرياتين من نفس الشركه من 3 ايام التدريب وبعد اسبوع بالضبط صار وزني 61 وكتب هذا الشي في الموضوع ((( بس الظاهر انه الميزان داير راسه من كثر ما توزن الناس عليه)))
والحين بعد شهرين صار وزني 64 والحمد لله يعني 7 كيلو حلوات ولا لا؟؟؟


الحين اخبركم عن النظام الغذائي

انا دايما متاخر عن الدوام الي يبدء الساعه 8 فيا اني اخذ سندويشتين على الطاير وبعدها بروتين واروح الدوام او اني اورح من دون فطور بس مخلي في الدوام بسكويت بالنخاله واخذه مع شاي من المكينه الي جنبي ههههههههههه
وبعدين الساعه 10 اشرب شاي واخذ حبة موز


وبعدين الساعه 1 اتغداء صحن رز مع سمك او لحم او دجاج يعني ابداع الوالده الله يخلييها
شباب اخبركم حاجه بعد ترا انا انتقلت من الفخذ الى الصدر (لا حد يفهم غلط ترا اقصد الدجاجه هههههههه)
واذا كنت ما ماخذ البروتين الصبح اخذه بعد الغداء

وبعدين ارجع الدوام الساعه 2 والساعه4 اشرب شاي واخذ موزه وحده وفواكه (الشركه ما مقصره) وطبعا انا ما اشرب كوفي ابدا

واخلص الشغل الساعه 6 وارجع البيت وافتح الثلاجه واعبي بطني وبعدين اخذ بروتين واروح الجيم الساعه 8 او 9 واتدرب وبعد التدريب اخذ بروتين على طول وبعدين اتعشي الساعه 11 ونفس الي تسويه الوالده اقضي عليه وبدين انام وبعدها اصح وافطر........... (يا حبكم للسوالف خلاص خلص اليوم وهذا اليوم الثاني عاد)
شو نصيحتكم
اليوم بسوي الخلطه السرية حقة اليارسا الشوفان والعسل وزبدة الفول السوداني واجرب


ما شاء الله انا كتبت كل هذا اكيد طولت عليكم بس ترا ما عندي شغل اليوم وعلى فكره الكيبورد ما فيه عربي يعني اذا شي اغلاط حاولوا تفهموا هههههههههههههههههههه