اتمنى توقيف هذا المجرم
عضو مميز
اتمنى توقيف هذا المجرم
عضو جديد
هل ردك بالأعلى له دخل في انفصام الشخصية لديك .
......................................
عضو متواصل النشاط
صباح الخير
كيف الحال قزووووم كسرت مجاديف بو شنب
بو شنب ترا الريال الي يبييع العطور 9 ب 10 دنانير ترا نصاب
لاني اشتري عطر توم فورد الغرشة الوسط ب 75 دينار يعني 850 درهم هذا الواحد وانت تقول 9 او حتى لو 1 ب 10 دينار مستحيل ويقول اصلي
والشي الثاني تبي العطر يتم في ملابسك مده اطول رش على الفانيله اول بعدين رش من برع ، وللعلم ترا الريحه اتم بس انت يوم تتعود على الريحه خلاص ما تشمها
وانا اعرف ناس الله يستر عليهم يوم يتسبحون يحطون عطر وكم نقطه من دهن العود في البانيووو عشان الريحه تثبت
بس للنساء لا ما يجوز تطلع ريحتها بس لكم عادي سووها وان شاء الله عرفت الطريقه
..........................................................
عضو مميز
انا اقولك ابي عطر قوي و فواح تقولي بول ذيب
انا مالي شغل القوي للنساء و الارسرقاطي للرجل انا ابي شي قوي
ابي لما احطه الكل يمشي وراي , يلحقوني من المجمع الى بيتنا بس يبون يتعرفون علي و احضنهم
ابي لما ادخل على المدير بمعامله ممنوعه و غير قانونيه يشم ريحتي يعطيني ابتسامه و يوقع المعامله واهو يضحك ويقولي اي معامله عندك بعد جيبها امشيها لك
ابي جذي , انت فاهمني او لأ
ابي اللي يقعد عندي ما وده اقوم او اهو يقوم , وده يقعد عندي طول عمره
ابي عطر يخلي ال.......... يتمنون اني ................... وكل ما امر صوب ............ يشوفوني .................... ويبون ........................ حتى مطلع الفجر
ابي شي قوي يااخي , ابي شي يخلي لما اروح البر و بوسط الرمال والصحراء القاحله احط العطر تنبت الورود و الازهار و تطير الفراشات والنحل و تنشق الارض ويطلع نهر جاري و تدب الحياه بالصحراء من حلاوه العطر
ابي شي خيالي , ابي لما يشم العطر شخص يعيش بالوهم ويبدأ يتخيل تخيلات جميله
بس شنو اقولك اكثر ؟
ابي اللي يشمع العطر يحلف ان هالعطر مو من الارض , هذا من الجنه
عضو متواصل النشاط
اقول انت يبالك بـــــــــف من دروود يطلعلك ورووود او بــــــــف مال الهيربليزم بعد يطلع ورووود سوري مال الدروور يطلع فقع
انت ترا وايد تحلم ونحن اييونا ناس قسم بالله من الريحه تصدع وادوخ من ريحتها
ويييييييييييييييع هذا نحن نسميه هلاقه يعني هيلق
وما يحتاي اكمل
..........................................................
عضو متواصل النشاط
عمي بو شنب
تعرف كيف اغير هذا
قسم يناقش لعبة World of Warcraft و جميع حزماته الإضافية
The Burning Crusade · Wrath of the Lich King · Cataclysm
يبالنا نسويه ابديت
..........................................................
عضو مميز
دوديت العطورات اللي قالي عنهم اصليين و غاليين
بس هذوله الناس مايبيعون العطورات الاصليه بالعلبه الاصليه مثل اللي انتي تشترينه , هذوله لهم طريقه يسوون العطر ويحطون خلاصه العطر الاصلي اللي انتي تشترينه
يعني مثلا لما تروح البقاله وتشترين بطاط شبس يقولج بطعم الحبن , هل لما تفتحين الكيس مال الشيبس تسوفين قرشه جبن قلاص او مالح ؟ ماتشوفين لكن هم يحطون النكهه مع البطاط
هذا جذي , يقولج عطر جفنشي ياسمين صح ؟ انتي تقولين صح , يقولج تعرفين ريحتها صح ؟ تقولين اي , يقولج جربي الريحه هذي . انتي تجربينها تشوفينها نفسها بالضبط
اهو ياخذها و ياخذ منها قطعه ويحطها بالخلاط وياخذ كحول سائل ويخلطهم يقولج شمي , مو نفسها ؟ انتي تقولين اي والله نفسها , انت ساحر
يقولج لا احنا لنا طريقه نسوي هالعطورات و نخليها مركزه لأننا نتحكم بالكحول
المصنع يحط 30% كحول , احنا نحط 100% كحول وجذي نصير اقوى
انتي يمكن ضايعه على الناس اللي يبيعون عطورات بالكرتون و مغلفين بالنايلون ويقولج اصلي واهو تقليد
هذوله مايبيعون جذي , هذوله يبيعون غراش هم يعبونها بنفسهم بعد ما يخلطون المركبات ببعض
وله تقولين عطرج ب75 دينار
وتقولين فقيره بعد
انا 6 عطور ب10 و مستخصر فيهم بعد
الله يزيدج اكثر واكثر , عندك دريول بالبيت ؟ ماتبون دريول خليجي يعرف عربي وعنده ليسن دول الخليج ؟
عضو مميز
المشاركة الأصلية كتبت بواسطة Dudette
هذي مو عندج
هذي خارج صلاحياتج , صلاحيات المدير دارك تب , لأنها واجهه المنتدى تعتبر مو من القسم
ترى انتي ماعندج صلاحيات مطلقه بالقسم
اذا تبين صلاحيات مطلقه كلمي دارك يخليج مراقبه رسميه باللون الازرق
عضو جديد
اهلا اختي دي ديكيف الحال قزووووم
الأخ الكرزان انت في حالة هسترية هدي شوية , يعني تحتاج عطر قوي يأتي من ورائه نتيجة اعجاب بك من الناس غصب عنهم , طيب منذ متى كان العطر القوي والذي تشمه من على بعد ميل هو سر محبة الناس بك واعجابهم , خذلك دش لتكون بك ريحة نظافة وصابون وشامبو احسن من العطر ,وإلبس لباس جميل وانيق مع اخد حلاقة للوجه وترك شارب مثل شنب الحب , وسوف ترى النتيجة الرائعة .
......................................
عضو مميز
انتوا حبطتوني
ليش يعني عشان فقير ماتبون اكشخ
زين شنو اقوى 3 عطورات بالعالم للرجل , يعني عطر يقعد فواح مو ارشه بالبيت و اوصل السياره يطير
ابي عطر يقعد فواح بس بشكل ارسرقراطي يعني مو قوي ولا خفيف نفس مايقول القزم ولكن حلو و يطول
قالولي عطر شيخ و عطر مليونير و عطر توم فورد
بس توم فورد لما شفت بالنت طلع انواع كثيره , ناس قالوا توم فورد ليذر و ناس قالوا توم فورد واسم ثاني و عطوني كم اسم كلهم توم فورد
انتوا شنو تشوفون
وراس الملك تقولولي بصراحه و ماتقصون علي و تعطوني اسم عطر فاشل ولما اشتريه واحط منه يمشون الجهال وراي ويقولون المجنون اهو
عضو متواصل النشاط
لوووووووووووول
ذكرتني مره كنت طالعه مع رفيجتي ورحنا نتسوق فدخلنا محل عطورات
المهم عجبني عطر ريحته حلوه وكان بروحه في كورنر وغرشته بعد حلوه وعليها كريستالات
المهم ربيعتي كانت توها متوظفة وانا قلت باخذ هالعطر وهي عجبها وخذيته ورحنا عند الحساب وهي عاد قالت علي العطر ونحن ما شالنا عن السعر
وسعره 1600 وخردهيوم شفنا السعر انصدمنا شان ربيعتي تقول لا سوري دفعي روحج وايد غالي الميزانية هههههههههههههههههه
قلتلها محد قالج تعزمين شان تقول خلاص بعزمج على العشا انتي واهلج بيطلعلي ارخص من العطر هذا
وقالت لو دهن عووود معتق ما بقول شي بس عطر فرنسي وهذا سعره
المهم هذا قصتنا من هالعطر الغالي
لو انت مكانا بو شنب شو بتسويي بتاخذه لانه عجبك او بتهده لانه غالي؟
..........................................................
عضو متواصل النشاط
tom ford tuscan leather هذا وايد وايد قوي
..........................................................
عضو مميز
اغلب الناس قالولي عن هالعطورات
عضو مميز
بهده طبعا و اسأل ابو 6 عطورات ب10 اذا عنده مثله
قزم
ربيعتي يعني رفيجتي
برع يعني بره
دريول يعني سايق
و راح اترجملك اي كلمه غريبه تقولها دوديت , واذا انت مافهمت كلمه قولي وانا اترجملك
عضو مميز
اي اي توم فورد ليذر قالولي عنه وانتي الحين تقولين بعد
يعني بالكويت والامارات مشهور
خلاص هذا بحطه بالقائمه , وغيره شنو بعد
اعصروا عقولكم و طلعولي عطورات يله
