ميلس منتدى الألعاب العام -- اجازة صيفيه كشخه ووناسه

[.Atlas.]

على البركة ياماتو ..وبالتوفيق ان شاء الله ..
وبالتوفيق الكترو..ومو مبروك ..عشان ماتزعل:P

[نيو ايرفين]

تتوقعون بقدر ارقد اليوم ..؟
*وحده من البارحه مب راقده وبعدها ما فيها نوم*

خلصت سويكودت 5 اليوم =D
في عمري ما شفت ار بي جي هالكثر شخصيات ماتو فيها .. لا وكلهم احبهم T__T

المهم باجر بكمل على الـnew game + ويمكن ابدا جرانديا 3 ..

to asfooh:
I started playing Ro =D

سيوكودين 5 وصلت تقريبا للنهايه وما لعبتها لي شهرين

اليوم حصلت جرانديا 3 وشكلها ما يبشر

[Classic Evil]

جولدن سكاي :
عندك وصلة لتحميل فلم saw 2 ؟
انت كيف تتابع الأفلام؟ تشتريها و لا تروح البحرين و لا من النت ؟؟

[القــعـقـاع]

الكترو:

هع

موقفك و لا شي عندي

هذا طال عمرك بعد التمرين رحت عند خزائن الشنط عشان اشرب البروتين حقي...اول ما رفعت راسي و الا الشطا** قدامي...صار واحد لابس كلس و جاي يغير مع انه فيه اماكن مخصصة لتغيير الملابس ~____~

غير الفلبيني حق المساج ~___~

[ssaa]

ياماتو

الف الف مبروك ومنك المال ومنها العيال ان شاء الله بس اذا تزوجت لا تقطع ولا تصير ثقيل :>

الكترو

الف مبروك الوظيفه والى احسن ان شاء الله

[THUNDER EMPEROR]

بيت.. لاحقين على الطائف يا صاحبي >_>

جولدن.. والله كل ما أفكر فيك أتذكر مرحبا بحي الصفا ، لا تقولي منت هناك

سنيكر.. بديت اليوم مشواري مع ميتاليكا بـ One ، وبالفعل رائعه خاصة دقة البدايه والـ سولو اللي بالمنتصف
يامو-جي.. مبروك يا صاحبي ..

آسف.. بعد ما تخلص الخيميائي أنصحك تقرأ Veronika Decides To Die من نفس الكاتب

*ممكن تنصحوني بفيلم جديد يكون رائع ومتوفر ديفيدي ماليزي*

[yuta]

أوهـــاايوو .. ^^"

مبـرووووك منك المال ومنهاا العيااااال <-- ولا تدري مين هوا دا اللي بيعرس !

هـاا .. إحـم .. انا بس حبيت أدخل عرض بهالميلس (( قعدت ساعه على بال ما افهم كلمة ميلس))

وادردش معااكــوو ازا مافي مانع يعني

لأني إنسـانه طفشانه

وشكراً لحسن استماعكم .. !!!

[asf4ever]

To yama:
مبروك والله يوفقك في نصيبك إن شاء الله
بس الحين في عزومة ولا
وعن الجامعة ياخي أنا عاجبتني بس تدري سوالف وسائل التطفيش بدت تتسرب._.
وعن النسبة إن شاء الله حسب جريدة البيان بتطلع بكرة
وحسب الخليج يوم السبت
وحسب مصادر أخرى يوم الأثنين
وأنا ظنتي يوم الأحد
To smigle:
ياخي قصة ولد خالك قصة معبرة وماضني إني بكون أقل منه
لأني مرة إعتمرت ويا حملة المدرسة وحسيت بالهوم سيكنس هذا بعد أسبوع>.>
أنا أقول سالفة السفر نخليها للماجستير ...>>>عمره ما كان تفكيره على قريب
To Rory-chan:
تقييم قوي صراحة لسمر سنو
شكلي عيل بكمل إلي عندي لأنه أشوفج عاطتنهم تقييمات حلوة وبتبعهم بجوكوسن2
شفتي المسلسل الكوري سوبر روكي؟؟
To Ahoo-sama(Angel):
Awesome =D
To Thunder Whatever:
قالتني أنجل عنه وإن شاء الله بخذه عالمرة الياية إلي أطوف فيها على مكتبة Must wait
والخيميائي ترى خلصته في يومين..ما توقعته بهلقصر>.>بس بعد هالرواية تحفة

وأخيرا..حلمت إني أخذ شهادة وبعد النسبة ما فيها..قمة النحاسة

[! غــريــب !]

صباح الخير ياوطني ياما مش معئول .. يارجال تعال نروح البحرين نجلس اسبوع بس ترجع الإمارات ودك

تنسى العرس وتفتتح مشروع سكني عشان تقدر ترجع البحرين مره ثانيه

لا والله تستاهل ياشيخ .. وألف مبروك يابطل

اللحين ما أقدر أذبح التفخ المدير حقي ؟

يعني شايفني كمبيوتر صخر يقولي سعر البضاعه الفلانيه كم وأحفظه على طول ؟

خخخخخخخخخ لو سكارلوته تدري عني بس .. أشتغل في محل يبيع لوشن للجسم ومدري وش

تحرير : إهداء للمدير حقي http://www.6rbtop.com/downram.php?so...7&type=au&q=hi

[yuta]

شــوو ياجـماعه .. انا سمعت انكم تستقبلوا الضيوف إستقبال محترم ..

بس شكلها إشــاعه ! ياال خيبـة الأمل << خخخ

لا لا .. اناا رايحه للمكان اللي جيت منه ..... <--- بس للأسف خربان لوووووول !

أقــول إنتـا ياواد يا غريب ..

لو انا كنت مكان المدير أرفدك من العمل .. p: !

شو الاغنيـة هذي اللي تجيب الهم *_* <-- وانتي شو دخلك تفتحيها !

[Electro M]

ليتل اينجل
اخيرا واحد صاحي
تسلمين و الله يرزقك بابن الحلال اللي يخليك تهرجين بلهجة قصمنجية يحبها قلبك و بنفس الوقت يشبه بسام فتى احلامك

القعقاع
ايه هذه من المواقف السيئة لكن الحمدلله الحق عمري و لما اشوف واحد متحمس و جاي يتفصخ حطيت رجلي
ناقص كوابيس
هذولا تلقاهم من اللي لهم يومين مسجلين بالنادي و مصدقين ان عندهم اجسام و جالسين يستعرضون
المشكلة يستعرضون قدام مين !؟

ssaa
ياخي قلنا لكم ما هي وظيفة وظيفة
على العموم الله يبارك فيك و شاكر لك مشاعرك

يوتا
احس انك تحسين انه الاعضاء اللي هنا يحسون انه ما لك داعي
على العموم حياك
بس لازم تعطينا بطاقتك الشخصية و ملف علاقي و تراجعينا بكرا

[! غــريــب !]

يوتا اللي سمعتيه غلط كل اللي هنا ماعندهم سالفه << جاحدكم خخخخخخخخخ

وعشان تكونين منهم لازم تكونين قد توقفتي ثلاث أو أربع أيام

وعلى كثر ماتتوقفين كثر مايزيد إحترامك

بعدين ياواده الأغنيه ذي إسمها طرب أصيل إذا تبغين أغاني إنقلش

ترا إلكترو إم يحب ريكي مارتن ههههههههههههههه

وحياك بيننا أيتها العضوه الجديده << بعد أيش يا ابن اللذينا
تحرير

يوتا
احس انك تحسين انه الاعضاء اللي هنا يحسون انه ما لك داعي
على العموم حياك
بس لازم تعطينا بطاقتك الشخصية و ملف علاقي و تراجعينا بكرا

خخخخخخخخخخخخخخخخخخ جاته عقده .. أقولكم جيبوا واحد ربع ونآخذ صكة بلوت

[yuta]

يوتا
احس انك تحسين انه الاعضاء اللي هنا يحسون انه ما لك داعي
على العموم حياك
بس لازم تعطينا بطاقتك الشخصية و ملف علاقي و تراجعينا بكرا

على بالي في البداية انتا قاعد تقول ( أحس انك مالك داعي) ..

قلت انا ايش جابني هناااااااا ..

بـس أشـوا .. إتضح ان الأمر غيـر كدا !

بطاقتي الشخصية +_+" .. شو هاللقافـة .. ماني جاية أتوظـف في شركتك يا أخـي .. سوري ..

<---- محششة

,,,

ياواد ياغريــب ..

يعني شو اتوقفت يعني اصير عضوة موقوفه .. لا لا لاا ! .. <-- انا اصلاً متوقفه عن المشاركه لي سنة إلا شهر -__-"

بـس اليوم إفتكرت انو عندي عضوية هناا خخخخخخخخخ

شو يطـلع ريكي مارتن .. انا ماحبووش +_+ يك !<--- اعرفي مين يطلع بعدين حبيـه أو اكرهيه

احب الواده اللي اسمها هيلاري ! <-- XD ..

وحياك بيننا أيتها العضوه الجديده << بعد أيش يا ابن اللذينا

بـعد شـو يا ابن اللذينــا .. !

[! غــريــب !]

بـعد شـو يا ابن اللذينــا .. !

عادي .. ذي ألقاب يعني مثلاً لو لحقتيني على أيام كنت مشرف

عام كانوا يقولون لي يا .. حقير ..!

ومثلاً إليكترو إم يلقبونه عماد أبو ركبه لأنه يقولك

مره إنبرش واحد على ركبته في ملعب الملز وإنتفخت

ومن ذاك اليوم يوم يروح يفصل سراويل سنه يحط بباله 3 سم

زياده لركبته المنتفخه ..

ولو لحقتي القسم قبل سنتين أو أكثر كانت شبيهه بأيام الطفره

في السعوديه عندنا .. يعني كان أودين يجلس وسط القسم

ويحرَج على أكياس الرز أبو بنت وأنجل تعصب راسها وتبيع السمن البلدي

من جد ..أيام يتعب الواحد يقول ليتها ترجع

<< الله من الفقش الزايد .. ياشين الفضااااااااوه

[Electro M]

يوتا
اذا كنت ما تفهمين التلميح و المزح
فعندي لك واحد يصلح لك اسمه السماء الذهبية

المهم القصد يعني كم عمرك و وش جابك هنا و وش لون شعرك و هل تحبين القهوة بمكعب سكر ام مكعبين و اخيرا في اي مرحلة دراسية

يعني تعرفين عشان نعرف احنا نهرج مع مين بس





لا و الله رحتي فيها
طحتي علينا انا و غريب
ما اذهن من ذاك الا ذا