Nintendo Fan's Club 2

[THE-LEGEND]

شباب كيف Death Note حلو ؟

هههههههههه مااظن اني ابالغ لو قلت عليه اروع من الرائع

وقصته عن شو ..؟

واحد يلقى كتاب يكتب فيه الأسم اللي يبيه ويصير يعرف شكل الشخصيه اللي كتب اسمها

ويموت هالشخص طبعا مع طريقة موته اللي يكتبها ويحاول احد المحققين اكتشافه

طبعا ماراح اخرب عليك بس مااقدر اقول إلا الأنيمي لايفوتك ابدا ابدا ولازم تلحق عليه من بدايته

حاليا نزل 9 حلقات فقط^_^

ان شاءالله اقدر اشوفك في الماسنجر في يوم من الأيام

ههههههههههههه احلم اذا دخل الماسن^_^

[The Fridge]

ماتريكس، ديث نوت انمي خرافي.. لا تفوته!

شباب باركولي.. اليوم شريت الوي مع وي سبورتس ووي بلاي (مع الويموت الاضافي) وسوبر مونكي بول وزيلدا!!

طاير من الفرحه

[Freaky Angel]

ولكم باك ليجند

ماتريكس يمدحون ديث نوت شكلي بحمله انا بعد

نرو الشات سوليدايد<< ذكرتني باغنية وست لايف ..

[PeaceDevil]

شباب باركولي.. اليوم شريت الوي مع وي سبورتس ووي بلاي (مع الويموت الاضافي) وسوبر مونكي بول وزيلدا!!

طاير من الفرحه

مبرووووووووووووووووووووووووووووووووووووووووووووووووووووووووووك
عطنا إنطبعاتك عن ويي بلاي و سوبر منكي بول


على فكرة
من وين اخذته و بكم؟

[AslanQ8]

ماتريكس، ديث نوت انمي خرافي.. لا تفوته!

شباب باركولي.. اليوم شريت الوي مع وي سبورتس ووي بلاي (مع الويموت الاضافي) وسوبر مونكي بول وزيلدا!!

طاير من الفرحه

مبرووووك اهم شي العب وي سبورتس رهيبة
----------------------------
off topic >_>
phoenix wright اجمل لعبة في تاريخ كابكوم رهيبة اللعبة

[Freaky Angel]

هلا اخواني احب ابارك لــ



PeaceDevil
shinji mikami j
THE-LEGEND

على التميز تستاهلون والله كنت انشط الاعضاء
(( على افكرة اللقب مانكتب للحين في حدود يوم يومين بتكون موجودة لا تستعجلوا خخخ ))

^_^

[Gentleman]

مبروك لهم جميعا .. وجهودهم رائعه في المنتدى .. ونسأل الله ان نراهم بأحسن حال لنا ولهم ..

وشكرا ..

[KSA_BOY]

ألف مبروك , نتمنى نشوف المزيد من النشاط .. ^^

(( على افكرة اللقب مانكتب للحين في حدود يوم يومين بتكون موجودة لا تستعجلوا خخخ ))

الأخ سنيك 8005004 اللقب عنده , بس الباقي يتهيألي ماعندهم , ولا ؟

على فكرة شباب في أحد أخذ لعبة يوشي آيلند << كح كح

[Freaky Angel]

الأخ سنيك 8005004 اللقب عنده , بس الباقي يتهيألي ماعندهم , ولا ؟

اعضاء البلاي ستيشن اخذوا خلاص

حق النينتيندو لسى ماعطوهم .. قريب قريب ^_^"

على فكرة شباب في أحد أخذ لعبة يوشي آيلند << كح كح

لا

[Super-Unit]

مين لاحظ تتدهور المنتدى بعد دخول كريس فيه ؟ - - - > هاهاهاها امزح

المهم مبرووووووووووووووووووووووووووووووووووووووووووووووووووك للجميع وتابعوا نشاطكم .. وخاصة في الفترة القادمة المنتدى محتاج لكم بالفعل ..

سو .. مين هنا اشترى لعبة FF III ? ?
انا وصيت عليها قبل اسبوع مع مجموعة Manga لكن للان ما وصلوني ..

:.:.:.:.:.:.:
شحباركم ؟ ؟

يلا سلام ...

[Snake-87]

ها شتبي كريس ?
-----

الله يبارك فيكم تباركون لي ؟XD ?

[The Fridge]

مبرووووووووووووووووووووووووووووووووووووووووووووووووووووووووووك
عطنا إنطبعاتك عن ويي بلاي و سوبر منكي بول


على فكرة
من وين اخذته و بكم؟

الله يبارك بحياتك..

أخذته من محل اسمه Currys Digital هنا ببريطانيا. هو الوي سعره 180 جنيه استرليني يعني بحدود 1292 درهم اماراتي بس انا اخذته مع ثلاث العاب وهم زيلدا ومونكي بول ووي بلاي بسعر 280 جنيه استرليني بحدود 2009 درهم اماراتي. بالطبع ما تتصور فرحتي لأني الشخص (((الوحيد))) في المحل اللي حصل على الجهاز لأن المحل بكبره ما حصل الا على جهاز واحد وانا كنت اول واحد يسوي [re-order فعطوني اياه. وسبحان الله بالمصادفة البحته نينتيندو ارسلت لهم طلباتي بالضبط بدون ما الشركة تخبرهم او اي شي. كنت اتمنى لو تشوفون منظر الناس اللي كانت واقفة تنتظر من امس بالليل يوم خبروهم انه ماشي اجهزة.. priceless!!

بخصوص انطباعاتي عن الوي بلاي فأنا مالعبتها لا هي ولا زيلدا لأني مسيفهم لليوم ولكن لعبت مونكي بول ووي سبورتس. بالنسبة لمونكي بول فاللعبة إجراااااااااااااام بشكل مو طبيعي ابدا. في طورين للعب اول واحد هو الطور الاصلي والثاني هو الميني جيمز. طور اللعبه الاصلي جميل جدا، اللعبة نفسها من ناحية الجرافيكس حلوه (بالطبع مو لدرجة الاكس بوكس ولكن فاهم قصدي انت) الالوان براقه ومشرقة والشخصيات رسمهم طفولي بعض الشئ ولكن جميل .. حتى الموسيقى حقتها تدخلك في جو المرح. طور اللعبة الاصلي التحكم فيه دقيق لدرجة ما تتصورها، انا ما لعبت العاب المونكي بول السابقة على الكيوب ولذلك ما اقدر اقارن بينهم ولكن بالنسبة لي فمرة مرة التحكم الجديد بالويموت مضبوط. يمكن عيونك تتعور شوي قبل لا تتعود على التحكم لأن الكامرا بتتم تلف وتلف وتلف ولكن يوم تتعود على حساسية الويموت كل شي بيكون تمام. بصراحة ما اقدر اخبرك اكثر من كذا عن اللعبة الاصليه لأني بيني وبينك مالعبتها بذاك الزود. اللي لعبناهم بجنون هم الميني جيمز. ووصفي لهم باختصار انهم: روووووعة.. WMD إبادة شاملة! فيه كثييييير منهم لدرجة انك بتحتار وين تبدا وبعضهم يمكن ما يكون حلو كثير ولكن الاغلبية تماام التمام خصوصا يوم تلعب مع ناس كثير. انا كنت في البيت العب مع عائلتي كلها (حتى الوالدة!!) والكل تعود عليهم بسرعة وتمينا نلعب ونضحك طول الليل. من الالعاب اللي عجبتني حيل لعبة نفس لعبة سبايس انفايدرز القديمة ولكن ثري دي وكل شي. بعد كان فيه لعبة سباق نفس كراش تيم ريسينج وماريو كارت ولكن بدون سيارات.. كل مونكي في الكره حقته.. مع اسلحة وسرعات وكل شي. وغيرهم كثير ولكني ماذكر لاني توني ناش من رقاد

نصيحة لو تقدر تحصل اللعبة ما تفوتها لأنها من جد روعة!

لو عندك اي اسئلة ثانية او اي شي مايردك غير كيبوردك

احين بسير العب زيلدا ()

وصباحكم حليب

[cantona222]

وسبحان الله بالمصادفة البحته نينتيندو ارسلت لهم طلباتي بالضبط بدون ما الشركة تخبرهم او اي شي. كنت اتمنى لو تشوفون منظر الناس اللي كانت واقفة تنتظر من امس بالليل يوم خبروهم انه ماشي اجهزة.. priceless!!

Wo0o0o0o0oW


صج شعور جميع............ عيل تنفست الصعداء

Lo0o0oL

مثل ما قلت...... Priceless. هذي القصة تقولها حق أحفادك ان شاء الله لما يلعبون الـPlay Station 6 و الـNintndo sphere و الـXbox 1080 <......... الفت لي اسامي عالسريع

[PeaceDevil]

هلا اخواني احب ابارك لــ

PeaceDevil

على التميز تستاهل والله كنت انشط الاعضاء

الله يبارك فيك
و إن شاء الله المزيد من التقدم
D:

مبروك لهم جميعا .. وجهودهم رائعه في المنتدى .. ونسأل الله ان نراهم بأحسن حال لنا ولهم ..

وشكرا ..

الله يبارك فيك و نحن نطمح لنكون الأفضل

ألف مبروك , نتمنى نشوف المزيد من النشاط .. ^^

الله يبارك فيك و إن شاء الله سترى ما سيعجبك في الأيام القادمة D:

المهم مبرووووووووووووووووووووووووووووووووووووووووووووووووووك للجميع وتابعوا نشاطكم .. وخاصة في الفترة القادمة المنتدى محتاج لكم بالفعل ..

الله يبارك فيك زيزو ! وينك ما صرنا نشوفك؟ ؛_؛
عقبالك D:


*اهم شي ما يغيروا اللقب حقي

[Freaky Angel]