الموضوع الرسمي | نقاش الالعاب العام

[Lonely Hunter]

اوله ..ليش حاط هالنسبه الكبيره صهيبي ..اخاف قصدك عن الجهاز الثاني P:

اجهزة البلي ستيشن فيها نسبة خطأ 2% فيمكن جهازك واحد منهم

و اما الـ10 سنين فهي مدة دعم سوني للجهاز و ليس عمره الافتراضي

[General BiG Boss]

مادري يمكن لأن جهازي ياباني مو امريكي ولا اوروبي ؟ ولا ماكو فرق
جهازي من الدفعات الاولى T_T <<<قلبنا الموضوع عزى لول

[الصهيبي]

ههههههههه كم عندنا بيج بوس الا واحد لازم نعزيك

عبدالعزيز؟ النسبة الكبيرة روح شوف المواقع الاجنبية والمنتديات العربية الثانية شوف مشكلة اللمبة الحمرا يمكن 40 بالمية كثير بس 2% قليل مرة انا ما في موقع دخلته الا يشتكو من هذي المشكلة

الى الشباب اللي ساكنين العين
اللي يبا لعبة اكس من مستعملة تراني بابيعها لكابول بعد شوي

[Yamato]

صهيبي..
مب مشكلة.. خذ وقتك عزيزي!

جنرال بيغ بوس..
ودع جهازك باللي فيه
انا شريت الـ60 غيغا اول مرة وصار فيه عطل انه ما يتعرف على سيديات الالعاب.. غير كذا كان شغال.. وديته وبدلولي الجهاز بالكامل لانه وقته كان عالضمان.. من شهرين استوتلي نفس المشكلة مع الجهاز الثاني.. بس الحمدلله قدرت انقل التسييفات.. بس الضمان كان منتهي فصلحته في محل بدبي لكن على حساب فرمتة الجهاز وضياع كل شي فيه!

مع اني اكون محافظ على جهازي واخليه نظيف دايما وشغال بجو بارد حتى!

ودع جهازك يا صاحبي

[General BiG Boss]

^^ لا تحبطني زياده عندي امل انه يرجع للحياه
الجهاز لحاله اخترب

[الصهيبي]

اوكي شباب توني راجع من جولة على عدد من المحلات اولا

yamato

اولا نور كان في المحكمة (مسكوه علشان الاشرطة الكوبي ههههههههه) ثانيا ما عندهم جهاز 160 جيجا الموجود بس 80 اوروبي مع ضمان سنة ب 1450 والالعاب يقلك على حسب اللعبة اللي بتختارها

شباب الالعاب اللي نزلت في المحل هي ufc2009 امريكي ب 210 وsacred2 امريكي ب 240 ولعبة الروك(الاغاني ) الجديدة طبعا ما شريت sacred لاني اشوفها غالية وكمان امريكية قالي صاحب المحل اصبر كمان اسبوع وبتنزل الاوروبية ب 190 قلت اصبر منها اجيب اوروبية علشان لو في اضافات ثانيا اوفر 50 خخخخ وان شاء الله تكون نزلت كروس ايدج وناخذهم الثنتين (الله يصبرنا بس ما عندي شي العبه الان )
شباب انا دوخت وانا ادور سماعة يو اس بي رخيصة ارخص شي حصلته ب 80 وشركة اي كلام شكل لسماعة ما بتعمر حتى يومين وش تنصحوني؟؟؟؟

[Lonely Hunter]

عبدالعزيز؟ النسبة الكبيرة روح شوف المواقع الاجنبية والمنتديات العربية الثانية شوف مشكلة اللمبة الحمرا يمكن 40 بالمية كثير بس 2% قليل مرة انا ما في موقع دخلته الا يشتكو من هذي المشكلة

قصدك الصفره ؟

[Sanadax]

General BiG Boss

أنا جهازي مثل جهازك من الدفعات الأولى والحمدلله شغال من دون مشاكل مع أني مرات أطفي التلفزيون والجهاز يكمل بالساعات مشتغل

ومب كل الأجهزة تخترب بعضها الي تصيبة مثل حالة جهازك ولاتفقد الأمل روح شوف المحلات يمكن يعرفون يصلحونه

[Lonely Hunter]

أنا جهازي مثل جهازك من الدفعات الأولى والحمدلله شغال من دون مشاكل مع أني مرات أطفي التلفزيون والجهاز يكمل بالساعات مشتغل

بالسيتنق في خيار تقدر اتخلي الجهاز ينطفي من نفسه بعد ساعات معينه اذا مافي احد يستخدمه

[Al-RaQmi]

تتطور الاجهزة وتكثر مشاكلها .. احسن الله عزاك بيج بوس
لا تفقد الامل روح للوكالة نفسها اذا بتصلحه .. استفسر من هنا وهناك + عندك youtube اكيد بتحصل حلول للمشكلة
الا اذا ناوي على جهاز جديد هذا شي راجع لك XD

[THE ROCK IS THE BEST EVER]

General BiG Boss

احسن الله عزاك

[General BiG Boss]

وديته المحلات .. واكثر عطل من الاجهزة البورد مشكله
يوصل 80 دينار تصليحه قطع غيار
باجر العصر يبين احتمال تتصلح أو احتمال كبير ماتتصلح

وعلى فكرة شباب InFamous انزلت عندنا نسخه اوروبي سعر 25 دينار

[rare games]

^^^^^^

80 دينار لا تفكر تصلحه تشتري جديد افضل بكثير

[الصهيبي]

ايه نزلت عندنا كمان لسة الان شايفها ب 245 درهم الاوروبية ولعبة بيونك ب 195 يعني بكذا يوصل عدد الالعاب اللي صدرت اليوم بس الى خمسة (باضافة ufc2009 والروك وsacred2) صبروا صبرو ا ونزلوهم كلهم مرة وحدة ؟؟؟؟؟؟؟؟؟

[Lonely Hunter]

وعلى فكرة شباب InFamous انزلت عندنا نسخه اوروبي سعر 25 دينار

جيم سنتر عندياها على 20 امريكيه

و اوله ليش 80 , اخذلك جهاز يديد احسن و خش اللي عندك, و بعد سنه او سنتين بتشوف قطع الغيار ارخصت فصلحه وقتها